Eurasianet: ექსპერტები რუსეთში რეცესიას პროგნოზირებენ

Eurasianet: ექსპერტები რუსეთში რეცესიას პროგნოზირებენ

access_time2019-09-10 20:00:07


აგვისტოში, რუსეთის ეკონომიკის სამინისტრომ გამოაქვეყნა დასკვნა საქმიანი აქტიურობის თაობაზე, სადაც ნათქვამია, რომ ქვეყანაში განახლდა ეკონომიკური ზრდა  - ივლისში ამ მაჩვენებელმა შეადგინა 1,7%, მაშინ როდესად ივნისში ზრდა თითქმის არ რეგისტრირდებოდა   - 0,8%.


უწყების შეფასებით, მშპ-ს ზრდაში ყველაზე დიდი წვლილი შეიტანეს სოფლის მეურნეობამ (5.9%) და მრეწველობამ (2,8%).


ამავე დროს ვაჭრობის ზრდა შემცირდა 1,4%-დან 1%-მდე, ხოლო მშენებლობაში და ტრანსპორტში დაფიქსირდა ვარდნა  - 0,2%  და 1,2%.


თუმცა, ამ ოპტიმისტური ციფრების მიუხედავად, სამინისტრომ გააუარესა რუსეთის ეკონომიკის განვითარების პროგნოზები 2019-2021 წლებზე და აღიარა, რომ პრეზიდენტ პუტინის მიერ დაყენებული ამოცანების ნაწილის შესრულება შეუძლებელია.


განახლებული პროგნოზის მიხედვით, მოსახლეობის შემოსავლები გაიზრდება მხოლოდ 0,1%-ით, მაშინ, როდესაც წინა ვარიანტში გათვალისწინებული იყო 1%. 


სიღარიბის დონე შეადგენს 12,5%-ს (12%-ს ნაცვლად), ინვესტიციების ზრდა შეადგენს 2%-ს (3,1%-ის ნაცვლად).


უწყებამ დატოვა უცვლელი 2019 წლის ეკონომიკური ზრდის პროგნოზი  - 1,3%, თუმცა, შეამცირა 2020 წლის მაჩვენებელი  - 2%-დან 1,7%-მდე.


შემდგომი წლების მოლოდინები შედარებით ოპტიმისტურია  - 2021 წლიდან ეკონომიკა გაიზრდება 3%-ით, ძირითადად უცხოური ინვესტიციების ხარჯზე.


საერთაშორისო სარეიტინგო სააგენტო Moody's Investors Service-მა აგვისტოში შეამცირა რუსეთის ეკონომიკის ზრდის პროგნოზი 1,6%-დან 1,2%-მდე და უცვლელი დატოვა 2020 წლის მაჩვენებელი  - 1,5%.


სააგენტოს ანალიტიკოსების ვარაუდებით, 2019 წელს რუსეთში ინფლაციის დონე იქნება 4,6%, ხოლო 2020-ში   - 4%.


 ექსპერტები ელიან ვარდნას



თუმცა, ნაკლებად ოპტიმისტურად არიან განწყობილები ექსპერტები. ეკონომიკის უმაღლესი სკოლის დასკვნით, 2019 წელს რუსეთის ეკონომიკაში დაფიქსირდება ვარდნა, რაც დაკავშირებულია სამრეწველო პროდუქციაზე შეკვეთების  და ნავთობის ფასების შემცირებასთან.


სკოლის მიერ დადგენილი რეგიონალური ეკონომიკური აქტივობის ინდექსი უკვე დიდი ხანია უჩვენებს სტაგნაციას ქვეყნის ტერიტორიის დიდ ნაწილზე   - რუსეთის 82 რეგიონიდან მხოლოდ 38-შია დაფიქსირებული ეკონომიკური აქტივობის ზრდა და მხოლოდ 12-ში ის არის შედარებით ძლიერი და მყარი.


მცირე ბიზნესი მცირდება



რუსეთის ეკონომიკის ინსტიტუტის ექსპერტები მიიჩნევენ, რომ ტექნიკური რეცესიის მიზეზად უკვე მიმდინარე წელს შეიძლება გახდეს მცირე და საშუალო ბიზნესის შემცირება.
2019 წელს ამ დარგებში სამუშაო ადგილების რაოდენობა შემცირდა 1,6%-ით (257 000 ადამიანით), თავად მცირე და საშუალო კომპანიების რაოდენობა კი შემცირდა 8%-ით (18 200-ით მცირე და 1 500 საშუალო).


პარალელურად 6,7%-ით და 460 500-თ გაიზრდა თანამშრომლების რაოდენობა მიკრობიზნესში, რაც ადასტურებს იმას, რომ საშუალო და მცირე ბიზნესიდან მოხვდა დასაქმებულთა გადადინება მიკრობიზნესში, რაც თავისთავად ითვლება ნეგატიურ პროცესად.


შესაბამისად, ინსტიტუტის ექსპერტები ელიან ტექნიკურ რეცესიას უკვე 2019 წელს და არა 2012-ში, როგორც პროგნოზირებს ეკონომიკის სამინისტრო.


რუსეთს ეკონომიკაზე ნეგატიურად მოქმედებს რამდენიმე ფაქტორი.


ახალი ამერიკული სანქციები


 2018 წლის ბოლოს ძალაში შევიდა რუსეთის წინააღმდეგ ამერიკული სანქციების მორიგი პაკეტი - კერძოდ, ამერიკულ ბანკებს აეკრძალათ რუსული სახელმწიფო ობლიგაციების ყიდვა და განთავსება და რუსეთის მთავრობის დაკრედიტება. ასევე შემოღებულია გარკვეული საქონლის და ტექნოლოგიების რუსეთში ექსპორტის აკრძალვა.


თუმცა, ეს სანქციები ატარებს უფრო დეკორატიულ ხასიათს, რადგანაც რუსეთის მთავრობას და სახელმწიფო კომპანიებს არ სჭირდებათ სესხები დოლარებში და თუ დასჭირდათ - მოიძებნება სხვა წყაროებიც.


ექსპერტის ანტონ ტაბახის აზრით, გაცილებით უფრო დიდ გავლენას ქვეყნის ეკონომიკაზე ახდენს ნავთობის გაიაფება და ამერიკულ-ჩინური სავაჭრო ომი.



რუბლი სუსტდება



აგვისტოს დასაწყისიდან რუბლმა განაგრძო დასუსტება  - დოლარი გაძვირდა 63,4-დან 66,5 რუბლამდე, ხოლო ევრო - 70,7-დან 74-მდე.



ექსპერტების აზრით ამის მიზეზია ჩინურ-ამერიკულ სავაჭრო ომთან დაკავშირებული რისკები მსოფლიო ეკონომიკისთვის და როგორც შედეგი - ნავთობის გაიაფება.


ექსპერტები არ ელიან რუბლის შემდგომ დევალვაციას და ვარაუდობენ, რომ ის დასტაბილურდება 65-66-ის დონეზე.


პარალელურად რუსეთში მცირდება ფიზიკური პირების დაკრედიტების მაჩვენებელი, რომელიც ივლისის ბოლოსთვის შემცირდა 2%-ით. ეს გახდა ქვეყნის ცენტრალური ბანკის მიერ სარისკო დაკრედიტების შეზღუდვის და რეგულაციების გამკაცრების შედეგი. ეს ასევე შეუწყობს ხელს ეკონომიკის ზრდის შენელებას.




თეგები:
რუსეთი



რატომ ვისვენებთ ევროპაში უფრო იაფად, ვიდრე საქართველოში - რა პრობლემები აქვს ჩვენთან სასტუმროებს

რატომ ვისვენებთ ევროპაში უფრო იაფად, ვიდრე საქართველოში - რა პრობლემები აქვს ჩვენთან სასტუმროებს
access_time2020-01-18 11:00:34
შვებულება ის პერიოდია, რომელიც ყველას გვინდა, რომ საუკეთესოდ გავატაროთ, დავისვენოთ და რაც მთავარია, ამ ყველაფერში მაქსიმალურად ნაკლები ფული დავხარჯოთ. მას შემდეგ, რაც უნგრული ავიაკომპანია Wizz Air ქართულ ბაზარზე “მარტო აღარაა” და ფრენები კიდევ ერთმა დაბალბიუჯეტიანმა ავიაკომპანია Raynair-მა დაიწყო, მხოლოდ გრძელვადიან შვებულებებს აღარ ველოდებით და თავს უფლებას ვაძლევთ, ევროპის ქვეყნებში უკვე უქმეებზეც კი ვიაროთ. ოღონდ, აქ მხოლოდ ავიაბილეთის ფასი კი არაა მთავარი, არამედ ის სასტუმროებიც, სადაც...

სუპერმარკეტებში რძის პროდუქტების დეფიციტია

სუპერმარკეტებში რძის პროდუქტების დეფიციტია
access_time2020-01-17 20:00:46
სუპერმარკეტების ქსელებში ახალი წლის პირველივე რიცხვებიდან რძის პროდუქტების დეფიციტი შეიმჩნევა, მომხმარებლები ამბობენ, რომ ბოლო პერიოდში დახლებზე იმაზე ბევრად ნაკლები მაწონი, ხაჭო და სხვა რძის პროდუქტებია, ვიდრე აქამდე.  „კომერსანტი“ თემასთან დაკავშირებით რძის პროდუქტების მწარმოებელთა ასოციაციას გაესაუბრა. კითხვაზე, თუ რატომ ვერ ხდება იმ მოთხოვნის დაკმაყოფილება, რაც ბაზარზეა ასოციაციის პრეზიდენტი პასუხობს, რომ საწარმოები არ აღმოჩნდნენ მზად ახალი წლის პერიოდში...

„კომერსანტის“ 17 იანვრის TOP 10 თემა

„კომერსანტის“ 17 იანვრის TOP 10 თემა
access_time2020-01-17 21:30:37
„კომერსანტის“ 17 იანვრის TOP 10 თემა 1.„ფინანსთა სამინისტროს საქმიანობაში ხარვეზები არის, მაგრამ ბევრი კარგიც კეთდება“ - ბიზნესი NDI-ს კვლევას...

საპრივატიზაციოდ გამოტანილი ქონებიდან 18 ფიზიკურმა პირმა შეიძინა - საყოველთაო პრივატიზაციის 7-კვირიანი შედეგი

საპრივატიზაციოდ გამოტანილი ქონებიდან  18 ფიზიკურმა პირმა შეიძინა - საყოველთაო პრივატიზაციის 7-კვირიანი შედეგი
access_time2020-01-17 19:00:02
ბიზნესისთვის შეთავაზებული 100 საინვესტიციო ობიექტიდან 38 უკვე გაიყიდა, საიდანაც 18 ფიზიკურმა პირმა შეიძინა. კერძოდ, ამ დროისთვის გაყიდული ქონების საერთო მოცულობამ 47 მლნ ლარს გადააჭარბა, საიდანაც 8 მლნ ლარზე მეტი (8 387 700 ლარი) კერძო პირებმა გადაიხადეს. ამასთან ერთად, ყველაზე ძვირად თბილისში ხოშარაულის ქუჩაზე მდებარე შენობა/მიწის ნაკვეთი და მესტიაში პრეზიდენტის ყოფილი რეზიდენცია გაიყიდა. შეგახსენებთ, რომ ეკონომიკისა და მდგრადი...

გარდაბანში უახლესი ტექნოლოგიებით აღჭურვილი თბოელექტროსადგური გაიხსნა

გარდაბანში უახლესი ტექნოლოგიებით აღჭურვილი თბოელექტროსადგური გაიხსნა
access_time2020-01-17 13:00:43
გარდაბანში უახლესი ტექნოლოგიებით აღჭურვილი, 230 მეგავატი დადგმული სიმძლავრის მქონე „გარდაბნის თბოელექტროსადგური 2“  გაიხსნა.  მაღალი ეფექტიანობითა და გარემოს დაცვითი ტექნოლოგიით გამორჩეული ობიექტი საქართველოს ნავთობისა და გაზის კორპორაციის  180 მილიონამდე აშშ დოლარის ინვესტიციით  აშენდა. თბოელექტროსადგურის სამშენებლო ფაზა 2018 წლის თებერვლიდან 2019 წლის დეკემბრამდე გრძელდებოდა და ელექტროენერგიის გენერაციას მიმდინარე წლის ზამთრის...


მსგავსი სიახლეები

up