ესპანეთის მთავრობამ ელექტროენერგიის ფასების სასწრაფოდ შემცირება დაიწყო

ესპანეთის მთავრობამ ელექტროენერგიის ფასების სასწრაფოდ შემცირება დაიწყო

access_time2021-09-14 23:30:00

ესპანეთის მთავრობამ ელექტროენერგიის გადასახადის სასწრაფოდ შემცირება დაიწყო, რათა ელექტროენერგიის ფასებით გამოწვეულ პოლიტიკურ კრიზისს წერტილი დაუსვას. The Times-ის ცნობით, ესპანეთში ელექტროენერგიაზე ევროპის მასშტაბით ყველაზე მაღალი გადასახადი არის დაწესებული.


პრემიერ-მინისტრ პედრო სანჩესმა, ასევე, გაზის ფასების შემცირება დააანონსა და პირობა დადო, რომ ელექტროენერგიის ფასებს ენერგეტიკული კომპანიების მოგების გადარიცხვებით შეამცირებს. პრემიერი სანჩესი, რომელიც ესპანელი სოციალისტების ლიდერია, აცხადებს, რომ მიუღებელია, ენერგეტიკული კომპანიები მოგებას ელექტროენერგიის საბაზროზე უფრო მაღალი ფასებით იღებდნენ.


„ჩვენ ვაპირებთ, ენერგეტიკულ კომპანიებს ის ექსტრაორდინალური მოგება ჩამოვართვათ, რომელსაც უსამართლო ფასებით იღებენ და ის მომხმარებლებს გადავცეთ”, - აცხადებს პრემიერი.


მისი თქმით, შემცირდება, ასევე, ელექტროენერგიის სპეციალური გადასახადი 5.1%-დან 0.5%-მდე. პრემიერი აცხადებს, რომ, ეს ღონისძიებები მთავრობის შემოსავალს წელს, დაახლოებით, 1,4 მლრდ ევროთი შეამცირებს, ხოლო 650 მლნ ევრო ენერგეტიკული კომპანიების მოგებიდან გამოიქვითება და მომხმარებლებზე გადამისამართდება.



„ენერგეტიკული კომპანიები უზარმაზარ მოგებას იღებენ, რაც ჩემთვის მიუღებელია, რადგან ეს ენერგომატარებლების გაბერილი ფასებიდან მიღებული მოგებაა. ჩვენს თავზე ვიღებთ პასუხისმგებლობას, რომ ყველა მოქალაქე წელს ელექტროენერგიის იმავე გადასახადს გადაიხდის, რასაც 2018 წელს იხდიდა“, - აცხადებს პედრო სანჩესი.


გასულ თვეს ესპანეთში ელექტროენერგიის ფასი ივლისის ფასს 7.8%-ით აღემატებოდა, ხოლო 2020 წლის აგვისტოსთან შედარებით, 34.9%-ით მეტი იყო. მთავრობა ამტკიცებდა, რომ ფასების მატება იმპორტირებულ გაზზე გაზრდილმა მოთხოვნამ და ფასმა განაპირობა. გაზის იმპორტი ესპანეთის ენერგეტიკული მოთხოვნილების დასაკმაყოფილებლად აუცილებელია. ელექტროენერგიის გაძვირება ნახშირბადის სერტიფიკატების ღირებულების ზრდამაც განაპირობა, რაც კომპანიებს ნახშირორჟანგის გამოყოფის უფლებას აძლევს.


ამ საკითხზე მთავრობაში უთანხმოება სულ უფრო იზრდებოდა. სოციალისტების კოალიციურმა პარტნიორებმა, მემარცხენე Podemos-ის ლიდერებმა ფასების შემცირება მოითხოვეს.


ესპანეთში ელექტროენერგიის საცალო ფასი მჭიდროდ არის დაკავშირებული ელექტროენერგიის საბითუმო ბაზართან და იმპორტზე არის დამოკიდებული, ამიტომ ბევრი მომხმარებელი ფიქსირებულ კი არა, ცვალებად ტარიფს იხდის. ბაზრის ოპერატორ OMIE-ის მონაცემებით, ელექტროენერგიის ფასმა რამდენიმე კვირაში რეკორდი მოხსნა და ორშაბათს უმაღლეს მაჩვენებელს, მეგავატ საათში 154.16 ევროს მიაღწია.



bpn.ge






ჩაანაცვლებს თუ არა ხელოვნური ინტელექტი მენეჯერებს

ჩაანაცვლებს თუ არა ხელოვნური ინტელექტი მენეჯერებს
access_time2021-09-25 16:00:47
ყველა იმ ინსტრუმენტს შორის, რომელსაც მენეჯერები ბიზნესის საწარმოებლად იყენებენ, აზროვნება ყველაზე მნიშვნელოვანია. იგი ინფორმაციის დამუშავების ორ...

ირაკლი ღარიბაშვილი - ყველა ჩვენ წინსვლას ერთი მარტივი მიზანი აქვს: ევროპული და ევრო-ატლანტიკური ინტეგრაცია

ირაკლი ღარიბაშვილი - ყველა ჩვენ წინსვლას ერთი მარტივი მიზანი აქვს: ევროპული და ევრო-ატლანტიკური ინტეგრაცია
access_time2021-09-25 03:00:00
ყველა ჩვენ წინსვლას ერთი მარტივი მიზანი აქვს: ევროპული და ევრო-ატლანტიკური ინტეგრაცია. ვერ დავისვენებთ, სანამ ევროკავშირისა და ჩრდილოატლანტიკური ალიანსის წევრობას მივაღწევთ, - ამის შესახებ საქართველოს პრემიერ-მინისტრმა ირაკლი ღარიბაშვილმა გაეროს 76-ე სესიის გენერალურ დებატებზე სიტყვით გამოსვლისას განაცხადა. პრემიერ-მინისტრმა ხაზი გაუსვა, რომ ევროპული და ევროატლანტიკური სტრუქტურებისკენ მიმავალი გზა სახლში დაბრუნებას ნიშნავს. ...

ირაკლი ღარიბაშვილი - დღეს ყველას მოგმართავთ თხოვნით - დავასრულოთ რუსეთის მიერ საქართველოს სუვერენული მიწების უკანონო ოკუპაცია

ირაკლი ღარიბაშვილი - დღეს ყველას მოგმართავთ  თხოვნით - დავასრულოთ რუსეთის მიერ საქართველოს სუვერენული მიწების უკანონო ოკუპაცია
access_time2021-09-25 02:53:18
დღეს ყველას მოგმართავთ თხოვნით - დავასრულოთ რუსეთის მიერ საქართველოს სუვერენული მიწების უკანონო ოკუპაცია, - ამის შესახებ საქართველოს პრემიერ-მინისტრმა ირაკლი ღარიბაშვილმა, გაერო-ს 76 სესიის გენერალურ დებატებზე სიტყვით გამოსვლისას განაცხადა. როგორც მთავრობის მეთაურმა აღნიშნა, რუსეთს არა მხოლოდ საქართველოს ტერიტორიის 20% აქვს ოკუპირებული, არამედ ის აქტიურად ცდილობს ძირი გამოუთხაროს ევროპულ და ევროატლანტიკურ ოჯახში ქვეყნის გაწევრიანების ეროვნულ მისწრაფებებს. ...

სრულყოფილება სიმარტივეში - ახალი Rolls-Royce Ghost-ის დებიუტი საქართველოში

სრულყოფილება სიმარტივეში - ახალი Rolls-Royce Ghost-ის დებიუტი საქართველოში
access_time2021-09-24 17:55:02
საქართველოში ახალ როლს-როის ,,გოსთის“ ოფიციალური დებიუტი შედგა. თბილისში მედიისა და საზოგადოების ცნობილმა წარმომადგენლებმა უკვე გაუზიარეს ერთმანეთს თავიანთი პირველი შთაბეჭდილებები ექსკლუზიური საღამოს განმავლობაში. „ახალი „გოსთი“დიდ ბრიტანეთში შეიქმნა და ის არის ინჟინერიის, ტრადიციებისა და დიზაინის ნამდვილი შედევრი. მე ვარ ამაყი იმის გამო, რომ მაქვს შესაძლებლობა ვაჩვენო ჩვენს ქართველ მეგობრებს საუკეთესო ბრიტანული...

ნავთობის ფასი სამწლიან მაქსიმუმზეა

ნავთობის ფასი სამწლიან მაქსიმუმზეა
access_time2021-09-25 11:00:22
მსოფლიო ბაზარზე ნავთობის ფასები გაიზარდა, ხოლო Brent-ის ტიპის ღირებულებამ სამწლიან მაქსიმუმს მიაღწია. Brent-ის ტიპის ნავთობის ნოემბრის ფიუჩერსების ფასი 0,13%-ით გაიზარდა და ბარელზე 77,35 აშშ დოლარს შეადგენს. ამავდროულად, WTI-ის ნოემბრის ფიუჩერსების ღირებულება 0,04%-ით გაიზარდა და ბარელზე 73,33 აშშ დოლარად ბარდება. OPEC+-ის 1-ელ სექტემბერს გამართულ შეხვედრაზე მხარეებმა 2022 წლის 3.28 მილიონი ბარელის დღიური მოპოვების პროგნოზი 4.2 მილიონ ბარელამდე...


მსგავსი სიახლეები

up