ეს არის გამაცამტვერებელი მდგომარეობა ჩვენი ბიზნესისთვის - სხვიტარიძე „ოქროს სიის“ გაუქმებაზე

ეს არის გამაცამტვერებელი მდგომარეობა ჩვენი ბიზნესისთვის - სხვიტარიძე „ოქროს სიის“ გაუქმებაზე

access_time2019-06-06 10:51:30

„ეს არის აბსოლუტურად გამაცამტვერებელი მდგომარეობა ჩვენი ბიზნესისთვის და აბსოლუტურად კრიზისული მდგომარეობა“, - ასე აფასებს „ბრითიშ ამერიკან ტობაკოს“ კორპორატიული და იურიდიული დირექტორი ზვიად სხვიტარიძე ფინანსთა მინისტრის იმ ბრძანებას, რომლის თანახმად, ე.წ. ოქროს სია გაუქმდა და ბიზნესს იმპორტის გადასახდელების გადახდის ვადა 30-დღის ნაცვლად 5 დღეში მოუწევს.


“სამწუხარო ფაქტს ჰქონდა ადგილი, მხოლოდ 2-3 საათის წინ შევიტყვეთ მინისტრის იმ ბრძანების შესახებ, რომელიც თითქმის ყველა იმპორტიორს ეხება, ვინც იხდის აქციზს, საბაჟო გადასახადს, დღგ-ს... სერიოზულ საგადასახადო ტვირთზეა საუბარი; თუ აქამდე 30-დღიანი ვადა გვქონდა, ახლა 5 დღეში მოგვიწევს ამ გადასახადების გადახდა; ეს განსაკუთრებით ჩვენთვის, თამბაქოს ბიზნესისთვისაა რთული.


ეს არის აბსოლუტურად გამაცამტვერებელი მდგომარეობა ჩვენი ბიზნესისთვის და აბსოლუტურად კრიზისული მდგომარეობა, რადგან ჯერ აქციზი გაზარდეს ისე, რომ არაფერი ვიცოდით და ახლა - ეს. გაყიდვები ისედაც 50%-ით შემცირდა, ხალხი ე.წ. თუთუნის მოხმარებაზე გადავიდა, სადაც აქციზს არავინ იხდის. შემცირებული გაყიდვების პირობებში, როცა იმ 30 დღის ვადაში ვერ ვახერხებთ პროდუქციის რეალიზაციას, ესენი გვეუბნებიან, რომ 5 დღეში გადაგვიხადეთ გადასახადიო - როგორ მოვახდინოთ ეს? სესხით? BAT ფიქრობს სესხის აღებას, ივნისში ხელფასებს ვერ გავცემთ, ამ მდგომარეობამდე კი, რეგულაციების გამო მივედით. ახლა კი, რომელი სესხით დაიფარება თუნდაც ერთი კონკრეტული განბაჟება, რომელიც მინიმუმ 15 მილიონი ლარია? საიდან უნდა მოვიტანოთ 15 მილიონი? ამ რეალობის წინაშე დააყენეს დღეს ბიზნესი. საუბარია, მინერალურ წყლების კომპანიებზე, ნავთობის კომპანიებზე... 50 ათასი ადამიანი მარტო ჩვენს ინდუსტრიაშია დასაქმებული... პირდაპირ გიბიძგებენ იმისკენ, რომ შეამცირო თანამშრომლები, ამოყიდო პროდუქცია და დახურო ბიზნესი“, - აცხადებს bm.ge-ისთან ზვიად სხვიტარიძე.



ცნობისთვის: ვანო მაჭავარიანის უწყებაში აცხადებენ, რომ ცვლილება შეეხება ე.წ. „ოქროს სიის“ წევრ 217 კომპანიას და ამ გადაწყვეტილების შემდეგ, ყველა კომპანია თანაბარ, კონკურენტუნარიან პირობებში აღმოჩნდება, განსაკუთრებით კი - მცირე და საშუალო ბიზნესი.


ამასთან, სამინისტროში ამტკიცებენ, რომ ცვლილებების თაობაზე ბიზნესს შეტყობინებები დაეგზავნა და კერძო სექტორს გონივრული ვადაც მიეცა, თუმცა bm.ge-ისთან საუბარში მსხვილი ბიზნეს კომპანიების წარმომადგენლები აცხადებენ, რომ მათთვის ვანო მაჭავარიანის ბრძანება „მოულოდნელი საჩუქარია“ და ზოგიერთმა ამის შესახებ რამდენიმე საათის წინ გაიგო.


BMG






ლევან კობერიძის კითხვები ეროვნული ბანკის პრეზიდენტს, კობა გვენეტაძეს

ლევან კობერიძის კითხვები ეროვნული ბანკის პრეზიდენტს, კობა გვენეტაძეს
access_time2019-12-13 22:47:07
საპარლამენტო ფრაქცია დამოუკიდებელი დეპუტატების წევრმა ლევან კობერიძემ  ეროვნული ბანკის პრეზიდენტ კობა გვენეტაძეს პარლამენტში პლენარულ სესიაზე, სადაც სებ–ის ფულად-საკრედიტო პოლიტიკის დოკუმენტი განიხილეს, რამდენიმე კითხვით მიმართა:  -საპენსიო ფონდის ხელმძღვანელის, ლევან სურგულაძის თანამდებობიდან წასვლა ვადაზე ადრე (1 წელიწადში წავიდა ის...

სახელმწიფო ბიუჯეტი საპარლამენტო არჩევნების სამსახურში

სახელმწიფო ბიუჯეტი საპარლამენტო არჩევნების სამსახურში
access_time2019-12-13 19:45:25
2020 წლის სახელმწიფო ბიუჯეტი პოლიტიკურად მიზანშეწონილი გადაწყვეტილებებით არის დატვირთული. სახელისუფლებო პარტიისთვის 2020 წლის მთავარი პოლიტიკური მიზანშეწონილობა საპარლამენტო არჩევნების მოგებაა. პირველ რიგში, ბიუჯეტსაც ეს დაკვეთა აქვს.2020 წლის სახელმწიფო ბიუჯეტის პრიორიტეტი პენსიისა და საჯარო სექტორში დასაქმებულთა ხელფასების ზრდაა. 2019 წელთან შედარებით, 2020...

მარსზე გაფრენილ პირველ ადამიანს შესაძლოა, საქართველოში დამზადებული კოსტიუმი ეცვას

მარსზე გაფრენილ პირველ ადამიანს  შესაძლოა, საქართველოში დამზადებული კოსტიუმი ეცვას
access_time2019-12-13 18:30:11
ქართული სტარტაპი Elven Technologies მარსის მომავალი მისიისთვის და ამერიკული ბაზრის დაპყრობისთვის ემზადება, თუმცა ამ ეტაპზე პროდუქტის საბოლოო ვერსიის დასამზადებლად ინვესტიციის მოზიდვას ცდილობს. ქართული დამწყები მცირე ბიზნესის პროდუქტი, მეხანძრის ინოვაციური კოსტიუმია, რომელსაც ორი მთავარი ინოვაცია აქვს, სრულიად ცეცხლგაუმტარია და ტემპერატურისგან 8-ჯერ უფრო ხანგრძლივი დაცვა გააჩნია, ვიდრე არსებულ კოსტიუმებს. ამავდროულად, მას გაგრილების სისტემის ახალი ტექნოლოგია...

კობა გვენეტაძე - რუსეთის ავიასანქციების გამო ქვეყანამ 300 მილიონით ნაკლები ტურისტული შემოსავალი მიიღო

კობა გვენეტაძე - რუსეთის ავიასანქციების გამო ქვეყანამ 300 მილიონით ნაკლები ტურისტული შემოსავალი მიიღო
access_time2019-12-13 16:33:47
ჩვენი შეფასებით, ავიასანქციების გამო ქვეყანამ 300 მილიონით ნაკლები ტურისტული შემოსავალი მიიღო,- ამის შესახებ საქართველოს ეროვნული ბანკის პრეზიდენტმა, კობა გვენეტაძემ პარლამენტის პლენარული სხდომაზე 2020-2022 წლების ფულად–საკრედიტო და სავალუტო პოლიტიკის ძირითად მიმართულებებზე საუბრისას განაცხადა. კობა გვენეტაძემ მაღალი ინფლაციის მიზეზებზე საუბრისას აღნიშნა, რომ წლის დასაწყისში ინფლაციაზე ერთჯერადი ფაქტორების გავლენას ჰქონდა ადგილი, რაც ეროვნული ბანკის მონეტარულ პოლიტიკაზე...

„პროდუქციის გაიაფებისა და წარმოების ზრდისათვის საჭიროა მეფრინველეობის დარგის მინიმუმ 5-10 წლით გათავისუფლება დღგ-ს გადასახადისგან“

„პროდუქციის გაიაფებისა და წარმოების ზრდისათვის საჭიროა მეფრინველეობის დარგის მინიმუმ 5-10 წლით გათავისუფლება დღგ-ს გადასახადისგან“
access_time2019-12-13 17:30:57
მეფრინველეობის დარგის წარმომადგენლები დღგ-სგან გათავისუფლებას ითხოვენ. სექტორში კანონმდებლობის დახვეწის საჭიროების საკითხიც ნათელია. პარალელურად პრემიერ-მინისტრი გიორგი გახარია მთავრობის წარმომადგენლებს თვითკმარი სოფლის მეურნეობის შექმნის და...


მსგავსი სიახლეები

up