„ამ დოკუმენტს მე ვერ დავარქმევდი ანტიკრიზისულ გეგმას, ეს იყო კრიზისის პერიოდში განსახორციელებელი ღონისძიებების ნუსხა როგორც სოციალური, ისე ეკონომიკური მიმართულებით.“ - ამის შესახებ „ კომერსანტთან“ ბიზნესმენა ირაკლი იაშვილმა განაცხადა.
„კრიზისული მენეჯმენტისთვის ჯამში და არა პოსტკრიზისულ ეკონომიკურ აღდგენაზე, ქვეყანა დახარჯავს 3 მლრდ 500 მლნ ლარს. აღნიშნულიდან მოქალაქეზე ზრუნვასა და მათ სოციალურ დახმარებაზე დაიხარჯება 1 მლრდ 35 მლნ ლარი, ეკონომიკაზე ზრუნვასა და მეწარმეობის მხარდაჭერაზე 2 მლრდ 110 მლნ ლარი, ხოლო ჯანდაცვის სისტემის გაძლიერებასა და პანდემიასთან ბრძოლაში 350 მლნ ლარი“, - ამის შესახებ საქართველოს პრემიერ-მინისტრმა გიორგი გახარიამ ანტიკრიზისული ეკონომიკური გეგმის წარდგენისას, უწყებათაშორის საკოორდინაციო საბჭოსთან არსებული ანტიკრიზისული ეკონომიკური ჯგუფის სხდომაზე განაცხადა.
პრემიერის მიერ წარდგენილი გეგმის შეფასებისას ირაკლი იაშვილმა აღნიშნა, რომ მთავრობის მიერ დღეს წარმოდგენილი გეგმა მიმდინარე პრობლემების შემსუბუქებას ისახავს მიზნად, ხოლო საბოლოო ეკონომიკის მასტიმულირებელი გეგმა სერიოზულ მაკროეკონომიკურ ანალიზზე უნდა იყოს დაფუძნებული.
პრემიერმაც ხაზგასმით თქვა, რომ ანტიკრიზისული გეგმის ეტაპამდე ჯერ არ მივსულვართ, რადგან ჯერ არ ვიცით სად ვართ ეკონომიკურად. ეს არის სოციალური ღონისძიებების პაკეტი ე.წ. აკრძალვების მნენეჯმენტის პირობებში. მთავრობა დახმარების პაკეტს სთავაზობს როგორც სოციალურად დაუცველ ფენებს, ასევე უმუშევრად დარჩენილ მოსახლეობას. მეორე საკითხი შეეხება 3,5 მილიარდიან პაკეტს. გასაგებია, რომ რაღაც ფულს ვსესხულობთ, მაგრამ გასათვალისწინებელია ნასესხები თანხები იხარჯება თუ არა ბიუჯეტში დეფიციტის შესავსებად, სოციალური ხარჯებისთვის. თუ ეს ასეა, მაშინ არასწორია. არ შეიძლება ნასესხები ფულით გაისტუმრო მიმდინარე ხარჯები. ნასესხები ფულით მხოლოდ გრძელვადიანი ან საშუალო ინვესტიცია უნდა გააკეთო ეკონომიკაში, რომელიც მერე მოგებას მოგვცემს.
ეს ის დოუმენტი არ არის სადაც ეკონომიკის დიაგნოზი უნდა დავინახოთ, ამ პრეზენტაციის ამოცანა არ იყო ეკონომიკის აღდგენის გეგმა, საბოლოო გეგმა უნდა დაეყრდნოს მაკროეკონომიკურ ანალიზს.
ეს არის ნუგეში მიმდინარე პრობლემებისთვის, როგორც სოციალური ისე ბიზნესებისთვის რომლებიც განსაკუთრებით დაზარალდა.“ - აცხადებს იაშვილი.
როგორც „ისთ გეით გრუპის“ სამეთვალყურეო საბჭოს თავმჯდომარე განმარტავს დღევანდელი პრეზენტაციის ამოცანა ეკონომიკის აღდგენის გეგმა არ ყოფილა. მოსახლეობისთვის 200 ლარის ოდენობის დახმარება კი უბრალოდ ზრუნვის მაჩვენებელია, მიუხედავად იმისა, რომ მცირე თანხაა.
„ორი ფრონტია. ჯანმრთელობა და ეკონომიკის გადარჩენა. ყველას გვესმის, რომ რომელიმე ცალკე აღებულ ფრონტზე გამარჯვებას არანაირი აზრი არ აქვს ქვეყნის გრძლევადიანი განვითარებისთვის. ჩვენ ვართ იმ მდგომაროებაში, როცა უნდა გავიაზროთ, რომ უნდა გავიმარჯვოთ ერთი მიმართულებითაც და მეორე მიმართულებითაც“ - ამის შესახებ პრემიერმინისტრმა დღევანდელ პრეზენცაციაზე განაცხადა.
მარიამ მორგოშია