„ეს არის იმ დიდი კამპანიის ნაწილი, რაც სებ-ის უფლებების განუსაზღვრელად ზრდას და ფინანსური ინსტიტუტების მკაცრად რეგულირებას მოიცავს“

„ეს არის იმ დიდი კამპანიის ნაწილი, რაც სებ-ის უფლებების განუსაზღვრელად ზრდას და ფინანსური ინსტიტუტების მკაცრად რეგულირებას მოიცავს“

access_time2020-01-24 10:45:27

საქართველოს პარლამენტმა ფინანსური გირავნობის, ურთიერთგაქვითვისა და დერივატივების შესახებ საკანონმდებლო პაკეტი დაამტკიცა. ეროვნული ბანკის ცნობით, ამ კანონის მიღებით ქართული კაპიტალის ბაზრის განვითარების ახალი ეტაპი იწყება, დერივატივები კომპლექსური ფინანსური ინსტრუმენტია და მისი გამოყენებით შესაძლებელია ფინანსური რესურსებისა და მასთან დაკავშირებული რისკების უკეთ მართვა.


ახალი კანონის შესახებ განსხვავებული მოსაზრებები აქვთ სფეროს ექსპერტებს და კომერციული ბანკების წარმომადგენლებს. „საზოგადოება და ბანკების“ დამფუძნებელი გიორგი კეპულაძე კანონპროექტს დადებითად აფასებს, თუმცა მიაჩნია, რომ საჭიროა ბიზნესთან სათანადო კომუნიკაცია.


„ამ კანონს დადებითად შევაფასებდი, რადგან ეს არის ერთ-ერთი გზა იქითკენ, რომ კომპანიები სავალუტო რისკებისგან უფრო მეტად იყვნენ დაზღვეულები და ეს საკანონმდებლო ცვლილება მათ ამაში ხელს შეუწყობს. თუმცა, სამწუხაროდ დღეს ბაზარზე არსებობს ჰეჯირების ინსტრუმენტები, რასაც სამწუხაროდ აქტიურად არ იყენებენ, შესაბამისად, მხოლოდ საკანონმდებლო ცვლილება საქმეს არ უშველის, ამას სჭირდება კარგად დანერგვა და კომუნიკაცია ბიზნესთან იმასთან დაკავშირებით, რომ  ჰეჯირების სხვადასხვა ინსტრუმენტები გამოიყენონ და ეს ცვლილება უნდა მივიდეს კონკრეტულ ბიზნესამდე.  მათ შორის, მცირე მეწარმეებამდე. ჩვენ გვახსოვს ძალიან ბევრი რეფორმა და რეგულაცია, რომლის შესახებაც სამწუხაროდ ინფორმაცია სათანადოდ არ იყო მიწოდებული, ან არასწორად მიაწოდეს და სიფრთხილით ეკიდებოდნენ, თორემ ცვლილება საერთო ჯამში ცუდი არ არის, უბრალოდ სათანადო კომუნიკაცია და ბიზნესისთვის ახსნა  სჭირდება“, - აცხადებს გიორგი კეპულაძე.


ეროვნული ბანკის ინფორმაციით, დერივატივების გამოყენება ხელს უწყობს შემოსავლის ზრდას და რისკების მართვას, თუმცა, არასწორი გამოყენების შემთხვევაში, თავად დერივატივებსაც აქვს ფინანსური რისკები, რის გამოც აუცილებელია შესაბამისი ცოდნის და რისკების მართვის სისტემების არსებობა. ეკონომიკის ექსპერტი ზვიად ხორგუაშვილი მიიჩნევს, რომ ახალი კანონპროექტი ბევრ რისკს შეიცავს, თუმცა, მთავარი პრობლემა იმაშია, რომ ამით სებ-ის უფლებების განუსაზღვრელი ხდება.


„ეს კანონპროექტი ცალკე აღებული არ წარმოადგენს რაიმე კონკრეტულ მნიშვნელოვან დოკუმენტს, მაგრამ ეს არის ნაწილი იმ ბრმად მიღებული რეგულაციების, რომელიც დირექტივების პირდაპირ გადმოღებას უკავშირდება. როგორც ყოველთვის, კვლავ არ არის გათვალისწინებული საქართველოს ეკონომიკური და ფინანსური ბაზრების ინტერესები. პირდაპირ ხდება კონკრეტული დირექტივების შემოღება. ეს კანონი უნდა დაუქვემდებარონ საქართველოს სამართლებრივ სისტემას, მაგრამ მთავარი პრობლემა ისაა, რომ კანონში ისეთი რაღაცეები ჩაწერეს, რაც გარკვეულ სუბიექტებს აზიანებს. მაგალითად, საკმაოდ სახიფათო შეზღუდვები აქვთ, როდესაც საქმე ეხებათ უზრუნველყოფის ღონისძიებებს ანუ რიგ ფინანსურ ინსტიტუტებს, რომელსაც დერივატირების შეათანხმება აქვს მეორე მხარესთან გაფორმებული, გაკოტრების დროს, შეუძლია ცალმხრივად გაწყვიტოს კონტრაქტი, ეს ზღუდავს თავისუფალ ურთიერთობას ეკონომიკურ და ფინანსურ სუბიექტებს შორის. გარდა ამისა, ეროვნული ბანკის ფუნქციები საგრძნობლად იზრდება, მას არა მარტო  ზედამხდველობა შეუძლია, არამედ უფლება ეძლევა მთლიანად ჩაერიოს გარკვეული შეთანხმებების დროს. ეს არის იმ დიდი კამპანიის ნაწილი, რაც სებ-ის უფლებების განუსაზღვრელად ზრდას და ფინანსური ინსტიტუტების მკაცრად რეგულირებას მოიცავს“, - განმარტავს ზვიად ხორგუაშვილი.



კომერციული ბანკების ხელმძღვანელები უფრო ოპტიმისტურად უყურებენ ახალ კანონპროექტს და მიიჩნევენ, რომ კანონი ხელს შეუწყობს დერივატივებით ვაჭრობის სტანდარტიზაციას და შეამცირებს კონტრაგენტის რისკებს.


„დერივატივების კანონი არის ძალიან მნიშვნელოვანი წინ გადადგმული ნაბიჯი ქართული საბანკო სისტემისთვის. კანონი ხელს შეუწყობს დერივატივებით ვაჭრობის სტანდარტიზაციას, შეამცირებს კონტრაგენტის რისკებს და ქართულ ბანკებს შესაძლებლობას მისცემს დაიმკვიდრონ ადგილი გლობალურ ბაზრებზე. თიბისი ბანკი კმაყოფილებას გამოთქვამს, რომ ადგილობრივი სამართლებრივი გარემო შესაბამისობაში იქნება საერთაშორისო საუკეთესო პრაქტიკასთან,“ - განაცხადა თიბისი ბანკის გენერალური დირექტორის მოადგილემ გიორგი შაგიძემ.


საქართველოს ბანკის გენერალური დირექტორის მოადგილე სულხან გვალია კი მიიჩნევს, რომ კანონის ამოქმედება ბანკს საშუალებას მისცემს გააფორმოს დერივატივების ჩარჩო ხელშეკრულება და საკრედიტო უზრუნველყოფის დანართი უფრო მეტ საერთაშორისო ბანკთან.


„ფინანსური გირავნობის, ურთიერთგაქვითვისა და დერივატივების შესახებ კანონის შემუშავების პროცესში აქტიურად იყო ჩართული საქართველოს ბანკის სამუშაო ჯგუფი. კანონის ამოქმედება ბანკს საშუალებას მისცემს გააფორმოს დერივატივების ჩარჩო ხელშეკრულება (ISDA) და საკრედიტო უზრუნველყოფის დანართი (CSA) უფრო მეტ საერთაშორისო ბანკთან, რაც საბაზრო რისკების მართვისთვის საჭირო ოპერაციებს უფრო მოქნილს გახდის. ამასთან, ბანკს საშუალება ექნება დერივატივების ოპერაციები გაუმჯობესებული პირობებით შესთავაზოს მის მომხმარებლებს. ახალი კანონი ხელს შეუწყობს საქართველოში კაპიტალის ბაზრის განვითარებასა და ბაზრის მონაწილეთა ცნობადობის ამაღლებას საბაზრო რისკების მართვის კუთხით“, - ამბობს სულხან გვალია.


კანონის პროექტზე მუშაობა 2016 წელს დაიწყო. მის მომზადებაში ჩართულები იყვნენ როგორც საერთაშორისო ექსპერტები, ისე ადგილობრივი ფინანსური ბაზრის და იურიდიული კომპანიების წარმომადგენლები. ეროვნულ ბანკს მხარდაჭერას უწევდა EBRD. ასევე სამუშაო პროცესში მნიშვნელოვანი წვლილი შეიტანა ISDA-მ.


ნინო თამაზაშვილი






დამოუკიდებელი საქართველოს ისტორიაში სტრატეგიული პარტნიორისგან პირველი სანქცია მივიღეთ - ბათუ ქუთელია

დამოუკიდებელი საქართველოს ისტორიაში სტრატეგიული პარტნიორისგან პირველი სანქცია მივიღეთ - ბათუ ქუთელია
access_time2020-07-07 16:00:47
„ღიად და პირდაპირ,  „ქართული ოცნების“ მთავრობამ მიიღო პირველი სანქცია, რომელიც თავისი მასშტაბით არ არის დიდი, მაგრამ მნიშვნელობით არის კატასტროფული, — ასე აფასებს საერთაშორისო ურთიერთობების ექსპერტი ბათუ ქუთელია აშშ-ს კონგრესის კანონპროექტს საქართველოსთვის განკუთვნილი დახმარების 15 პროცენტის გაყინვის შესახებ.  ცოტა ხნის წინ ცნობილი გახდა, რომ აშშ-ის წარმომადგენელთა პალატამ ასიგნებების კომიტეტის მიერ წარდგენილი კანონპროექტი გამოაქვეყნა,...

მსოფლიო ბანკის მიერ დაფინანსებული პროექტი გორის მუნიციპალიტეტში 4 წლის განმავლობაში ვერ დასრულდა

მსოფლიო ბანკის მიერ დაფინანსებული პროექტი გორის მუნიციპალიტეტში 4 წლის განმავლობაში ვერ დასრულდა
access_time2020-07-06 16:00:47
მსოფლიო ბანკის მიერ მხარდაჭერილი პროექტის დასრულება ხიდისთავი-ატენი-ბოშურის 10 კმ-იან მონაკვეთზე ისევ გადაიდო. ამჯერად მისი განმახორციელებელი უწყება ვარაუდობს, რომ პროექტი, რომელიც ტენდერში გამარჯვებულმა უცხოურმა კომპანიამ 2016 წელს დაიწყო შემოდგომამდე დასრულდება. ხელშეკრულებით გათვალისწინებული პირობების დარღვევისთვის კი სამუშაოების განმახორციელებელ კომპანიას ჯარიმა დაეკისრა. ეს გადაწყვეტილება დამკვეთმა უწყებამ 2019 წლის 31 ოქტომბრის შემდეგ...

ტურისტების გარეშე Hilton-ის გახსნას აზრი არ აქვს - ლაშა პაპაშვილი

ტურისტების გარეშე Hilton-ის გახსნას აზრი არ აქვს - ლაშა პაპაშვილი
access_time2020-07-07 13:30:27
თბილისში Hilton-ის ბრენდის პირველი სასტუმროს გახსნა კიდევ ერთხელ გადაიდო. პროექტი ბიზნესმენ ლაშა პაპაშვილის კომპანია „რედიქსს“ ეკუთვნის. ამის შესახებ ბიზნესმენმა „კომერსანტს“ თავად განუცხადა. მისი განმატებით, თბილისში, ჭავჭავაძის გამზირზე Hilton-ის ბრენდის პირველი სასტუმროს გახსნამ ტურისტების არარსებობის გამო, კიდევ ერთხელ გადაიწია. „Hilton-ის გახსნა გადადებულია. ფანჯარაში ვიხედებით, როდესაც მსოფლიოში კარგი სიტუაცია იქნება ანუ როცა ტურისტები შემოსვლას დაიწყებენ,...

ამერიკამ საქართველოს ხელისუფლებას ყვითელი შუქი აუნთო - გია ხუხაშვილი

ამერიკამ საქართველოს ხელისუფლებას ყვითელი შუქი აუნთო - გია ხუხაშვილი
access_time2020-07-07 12:30:56
„ამერიკის შეერთებული შტატები საქართველოს სტიმულირების პოლიტიკიდან იძულების პოლიტიკაზე გადადის“, - ასე აფასებს პოლიტოლოგი გია ხუხაშვილი აშშ-ის კონგრესის წარმომადგენელთა პალატის საბიუჯეტო კომიტეტის მიერ დარეგისტრირებულ კანონპროექტს, რომელიც 2021 წელს საქართველოსთვის დახმარების სახით მისაღები თანხის 15 პროცენტის გაყინვას გულისხმობს. დოკუმენტის მიხედვით, შესაძლოა დაახლოებით 20 მლნ დოლარის გაცემა შეჩერდეს იქამდე, სანამ სახელმწიფო დეპარტამენტი არ დაადგენს, რომ საქართველოში...

ამერიკის კონგრესი ითხოვს საქართველოს შეუჩერდეს დახმარების 15%, სანამ არ შემცირდება კორუფცია და არ იქნება დაცული უცხოური ინვესტიციები

ამერიკის კონგრესი ითხოვს საქართველოს შეუჩერდეს დახმარების 15%, სანამ არ შემცირდება კორუფცია და არ იქნება დაცული უცხოური ინვესტიციები
access_time2020-07-07 11:35:54
აშშ-ის წარმომადგენელთა პალატამ ასიგნებების კომიტეტის მიერ წარდგენილი კანონპროექტი გამოაქვეყნა, რომელშიც 2021 ფისკალური წლისთვის სახელმწიფო დეპარტამენტის, საგარეო ოპერაციებისა და მასთან დაკავშირებული პროგრამების დაფინანსების პრიორიტეტებზეა საუბარი. დოკუმენტში აღნიშნულია, რომ საქართველო 2021 წელს დახმარების სახით არანაკლებ 132 025 000 აშშ დოლარს მიიღებს, თუმცა აღნიშნულია, რომ აღნიშნული დახმარების 15 პროცენტის საქართველოსთვის გადაცემა შესაძლოა, შეჩერდეს იქამდე, ვიდრე აშშ-ის...


მსგავსი სიახლეები

up