ეს არის ბოდვა, ცილისწამება, უპასუხისმგებლობა - ღარიბაშვილი ერმაკის განცხადებაზე

ეს არის ბოდვა, ცილისწამება, უპასუხისმგებლობა - ღარიბაშვილი ერმაკის განცხადებაზე

access_time2022-05-21 19:56:43

ეს არის მორიგი სრული ბოდვა, ცილისწამება, უპასუხისმგებლობა და ბინძური პროპაგანდაა. ჩვენ არ დავუშვებთ არცერთი სანქცირებული კომპანიის და ინდივიდის ოპერირებას საქართველოში იმისთვის, რომ მათ ჩვენი ტერიტორია სანქციების გვერდის ავლისთვის გამოიყენონ. ეს ჩვენი გაცხადებული პოლიტიკაა, - ასე უპასუხა საქართველოს პრემიერ-მინისტრმა ირაკლი ღარიბაშვილმა უკრაინის პრეზიდენტის აპარატის უფროსის, ანდრეი ერმაკის მიერ ატლანტიკურ საბჭოში სიტყვით გამოსვლისას გაკეთებულ განცხადებას, რომლის თანახმადაც, საქართველო იმ „შავ სიაში“ მყოფი ქვეყნების რიგებშია, რომლებიც რუსეთისთვის სანქციების გვერდის ავლას ხელს უწყობენ.

როგორც ღარიბაშვილმა აღნიშნა, უკრაინა გაწბილებულია, რადგან საქართველოში მეორე ფრონტი ვერ მიიღეს.

„მორიგი სრული ბოდვა, ცილისწამება, უპასუხისმგებლობა და ბინძური პროპაგანდაა. სხვა რა შეიძლება ითქვას? ჩვენ არაერთხელ გვითქვამს, რომ სრულ კოორდინაციაში ვართ ჩვენს პარტნიორებთან. ჩვენ არ დავუშვებთ არცერთი სანქცირებული კომპანიის და ინდივიდის ოპერირებას საქართველოში იმისთვის, რომ მათ ჩვენი ტერიტორია სანქციების გვერდის ავლისთვის გამოიყენონ. ეს ჩვენი გაცხადებული პოლიტიკაა. ჩვენ მუდმივ რეჟიმში ვცვლით ინფორმაციას პარტნიორებთან და ამაზე კითხვები არ უნდა არსებობდეს. მით უმეტეს, როდესაც არცერთი მტკიცებულება, არცერთი ფაქტი არ წარმოუდგენია უკრაინულ მხარეს. ეს რაზე მიუთითებს?- მესმის, რომ გაწბილებულები არიან, რომ ვერ მიიღეს მეორე ფრონტი და ვერც მიიღებენ, რადგან ჩვენ ჯერ ჩვენი ქვეყნის ინტერესებზე ვფიქრობთ. ყველაზე დიდი ტრაგედიაა, რომ პოლიტიკოსები არა საკუთარი ქვეყნის ინტერესებზე, არამედ, სხვის ინტერესებზე ფიქრობენ. ჩვენ უკრაინულ მხარეს მოვთხოვეთ მტკიცებულებების წარმოდგენა. თუმცა, მივიღეთ ჩვენი წყაროებით ინფორმაცია, რომ ეს იყო პოლიტიკური განცხადება, რომელსაც არავითარი საერთო სიმართლესთან არ ჰქონდა. ეს კატეგორიულად მიუღებელია. მე კიდევ ერთხელ მინდა სოლიდარობა გამოვხატო უკრაინის მიმართ, საქართველომ აქაც აჩვენა ყველაზე ძლიერი ხასიათი და 190 ერს შორის ყველაზე მეტი ტვირთი გავაგზავნეთ უკრაინაში“, - განაცხადა ღარიბაშვილმა.

ამასთან ღარიბაშვილმა აღნიშნა, რომ უკრაინა ვერ მიიღებს ვერასოდეს მეორე ფრონტს საქართველოში, რადგან ხელისუფლებაში ამას არ დაუშვებს.


„სამწუხაროდ, უკრაინის ხელისუფლების გაცხადებული მიზანი იყო, რომ მეორე ფრონტი გახსნილიყო საქართველოში. ეს თქვა უკრაინის უშიშროების საბჭოს მდივანმა საჯაროდ. ასევე, ბატონი არესტოვიჩი გამოვიდა და თქვა, რომ სააკაშვილი რომ ყოფილიყო ხელისუფლებაში, წავიდოდა ომზე რუსეთთან და ქვეყანას შესწირავდა მათ ამ სურვილს და მიზანს. რა თქმა უნდა, ეს ვერ მიიღეს და ვერ მიღებენ ვერასოდეს იმიტომ, რომ დღეს ჩვენ ვართ ხელისუფლებაში და ჩვენა მას არ დავუშვებთ. ჩვენმა ხალხმა ყველაზე მეტად იცის ომის ფასი. ჩვენ სამჯერ ვიომეთ უკვე 30 წლის განმავლობაში და ათასი უბედურება დაემართა ქვეყანას, ოკუპირებულია ჩვენი ტერიტორიები, რუსის ჯარი დგას ჩვენ ტერიტორიაზე. ეს ყველაფერი არის ის რეალობა, რომელიც შექმნილია სააკაშვილის ხელისუფლების დროს“, - განაცხადა ღარიბაშვილმა.

ცნობისთვის, უკრაინის პრეზიდენტის აპარატის უფროსმა, ანდრეი ერმაკმა ატლანტიკურ საბჭოში სიტყვით გამოსვლის შემდეგ, ე.წ. მეორად სანქციებთან დაკავშირებით კითხვის საპასუხოდ განაცხადა, რომ საქართველო იმ „შავ სიაში“ მყოფი ქვეყნების რიგებშია, რომლებიც რუსეთისთვის სანქციების გვერდის ავლას ხელს უწყობენ. ერმაკს კითხვა დაუსვეს, ითხოვს თუ არა უკრაინა სანქციების დაწესებას მათთვის, ვინც რუსეთს სანქციებისთვის თავის არიდებაში ეხმარება.

მისი თქმით, საქართველოში ზოგიერთი გავლენიანი ბიზნესმენი "გაზპრომის” აქციონერია და სწორედ ისინი არიან რუსეთის მიერ სანქციების თავის არიდებაში ჩართული. ამასთან, ერმაკი ამბობს, რომ საკითხთან დაკავშირებით ძალიან ფრთხილობენ და ყველაფერი უნდა იყოს დადასტურებული.

წყარო: "ინტერპრესნიუსი"




„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up