„მინიმალური ხელფასის განსაზღვრა ჩრდილოვან ეკონომიკას გააქტიურებს“

„მინიმალური ხელფასის განსაზღვრა ჩრდილოვან ეკონომიკას გააქტიურებს“

access_time2019-11-08 10:00:42

„მისწრაფება იმისკენ, რომ მინიმალური ხელფასი გაიზარდოს და რაღაც ზღვარი დაწესდეს დადებითია დასაქმებულისთვის და ბიზნესსაც აქვს სურვილი მეტი გადაუხადოს თავის კადრს, მაგრამ სურვილი და რეალობა განსხვავდება. ეს ურთიერთობა რაც არის დასაქმებულსა და დამსაქმებელს შორის, არის ბაზრის პრინციპებიდან გამომდინარე. პრობლემა ისაა, რომ დასაქმებულსა და დამსაქმებელს შორის ურთიერთობა შეიძლება გადავიდეს სხვა ჩარჩოში. მეორე პრობლემა შეიძლება აღმოჩნდეს ის, რომ შემცირდება სამუშაო ადგილები. როდესაც ერთი ადამიანი 200 ლარიანს და მეორე 120 ლარიან სამუშაოს ასრულებს, შეიძლება რომელიმე დამსაქმებელმა ერთ ადამიანს შეუთავსოს ეს ორივე საქმე, რათა მინიმალური ხელფასის ზღვარზე ავიდეს. გასაგებია, რომ მისწრაფება კარგია, კომპანიებსაც უნდათ, რომ გადაუხადონ მეტი, თუმცა ვერ უხდიან იმის გამო, რომ არათანაბარ პირობებში იქნებიან კონკურენტებთან მიმართებაში.“ - ასე აფასებს მწარმოებელთა ასოციაციის თავმჯდომარე ლევან სილაგავა პარლამენტში მინიმალური ხელფასის თაობაზე კანონპროექტის დარეგისტრირებას. 


დეპუტატ ბექა ნაცვლიშვილის მიერ მომზადებული კანონპროექტის მიხედვით, საქართველოში მინიმალურ ხელფასად 520 ლარი და 91 თეთრი უნდა განისაზღვროს. კანონპროექტის მეხუთე მუხლის მესამე პუნქტის მიხედვით, სრულ განაკვეთზე დასაქმებული პირისთვის არ შეიძლება დადგინდეს საქართველოს სტატისტიკის ეროვნული სამსახურის მიერ მიმდინარე წლის მე-2 კვარტალში დადგენილ საქართველოში დასაქმებულთა ყოველთვიური საშუალო ხელფასის 45% -ზე ნაკლები.


კანონპროექტის თანახმად, ცვლილება 2020 წლის 1-ლი იანვრიდან უნდა ამოქმედდეს.


საქართველოს ბიზნეს ასოციაციაში მიიჩნევენ, რომ აღნიშნული ზღვარის დადგენით მინიმალურ ხელფასზე ბიუჯეტს საშემოსავლო გადასახადის კუთხით თანხები დააკლდება.



„ეს პირველ რიგში, ბიუჯეტის ტვირთი იქნება. ლაპარაკი იმაზე, რომ სისხლისმსმელი ბიზნესი ვიღაცას ხელფასებს არა აძლევს, არ იქნება მართებული. მცირე საწარმოებში, რომელთაც შეიძლება მაღალი ხელფასი აქვთ, მაგრამ იმისათვის, რომ თავი აარიდონ გადასახადს, აფორმებენ დაბალ ხელფასებს თანამშრომლებზე. 200 ლარს ხელზე აძლევენ და ამით ახდენენ იმის კომპენსირებას, რომ გადასახადები არ იხადონ. მათთვის, როგორც ჩანს ის ორი და 3 პროცენტი მნიშვნელოვანი ფულია. თუკი ჩვენ მინიმალურ ხელფასს დავაწესებთ, ამას ეფექტი ექნება ის, რომ ბიუჯეტში ხარჯები გაიზრდება და და მეორე ეფექტი რაც შეიძლება ჰქონდეს კერძო სექტორში - ადრე თუ 10 ლარს ათეთრებდა, ახლა ვერაფერს ვერ გაათეთრებს. ხელზე გადაუხდის ფულს, რომ გადასახადები არ იხადოს. ბიუჯეტში საშემოსავლო გადასახადის კუთხით რაღაც თანხები დაგვაკლდება.“ - აცხადებს ბიზნესასოციაციის თავმჯდომარე ლევან ვეფხვაძე „კომერსანტთან“ ინტერვიუში საკითხის შეფასებისას.


 დამსაქმებელთა ასოციაციაში აცხადებენ, რომ ყველა სექტორსა და რეგიონებში საერთო მინიმალური ხელფასის განსაზღვრა არასწორია.


„ არამგონია,  რომ სწორი მიმართულებით მივდიოდეთ, სწორი მიმართულება იქნება ქვეყანაში საარსებო მინიმუმის სწორად განსაზღვრა. დღეს შემოთავაზებულ კანონპროექტში უბრალოდ რაღაც ციფრს დაშვების სახით იღებენ და იმის ერთ მესამედს ადგენენ მინიმალურ ხელფასად.  ჩემი აზრით, ეს არ არის სწორი მიმართულება, იმიტომ რომ ეს იქნება უსამართლო ბევრი დასაქმებულისთვისაც.  ერთი ციფრის დაწესება მთელი საქართველოს მასშტაბით ყველა სექტორისთვის არამგონია სწორი იყოს. ამ კანონპროექტს არ ახლავს კონკრეტული კვლევა თუ რა გავლენა ექნება დასაქმებულებზე და კერძო სერქტორზე, ხომ არ გამოიწვევს ეს ბევრი დასაქმებულის სამუშაოს დაკარგვას, აუცილებელია ჩატარდეს ყოვლისმომცველი კვლევა რომელიც პასუხს მოგვცემს ყველა ამ შეკითხვაზე.“ - აცხადებს დამსაქმებელთა ასოციაციის თავმჯდომარე შალვა ცხაკაია.

 

როგორც ცნობილია,126 6654 დასაქმებული დაქირავებით დასაქმებულთა 14.7%-ს შეადგენს.მათი შემოსავალი ოჯახის საარსებო მინიმუმზე დაბალია, რაც ამ ადამიანების სიღარიბის ზღვარს მიღმა და საარსებო შემწეობის მიმღებთა შორის მოხვედრის შანსს ზრდის. მინიმალური ხელფასის არ არსებობის პირობებში ქვეყანას ჰყავს სიღარიბის ზღვარს მიღმა მყოფი დაქირავებით დასაქმებულები,“-აღნიშნულია კანონპროექტში.


„ქვეყანაში არსებულ სოციალურ პრობლემებს შორის ერთ-ერთი ყველაზე მწვავე პრობლემა სიღარიბეა. 2018 წლის ოფიციალური მონაცემებით ქვეყანაში სიღარიბის დონე 22,3%-ია, ხოლო სიღარიბის ზღვარს მიღმა იმყოფება და საარსებო შემწეობას იღებს მოსახლეობის 11,6%-ი. 2019 წლის აგვისტოს მონაცემებით, ქვეყანაში 100 ლარზე ნაკლები ხელფასი ჰქონდა - 23 526 ადამიანს; 200 ლარზე ნაკლები - 63 356-ს; 300 -ზე ნაკლები - 114 000 პირს, ხოლო 320 ლარზე ნაკლები ხელფასი 126 665 ადამიანს ჰქონდა.


 მარიამ მორგოშია





პროკრედიტ ბანკმა საკუთარი მზის ელექტროსადგური წარადგინა

პროკრედიტ ბანკმა  საკუთარი მზის ელექტროსადგური წარადგინა
access_time2020-07-02 10:40:14
პროკრედიტ ბანკმა მორიგი ინოვაციური მწვანე პროექტი დანერგა. თბილისის ცენტრში, ალექსანდრე ყაზბეგის #21, ბანკის სათაო ოფისის სახურავზე 500 კვ.მ ტერიტორიაზე განთავსებულმა მზის პანელებმა ელექტროენერგიის გამომუშავება უკვე დაიწყო.  განხორციელებული მწვანე ინვესტიციის შედეგად, დაგეგმილია წლიურად 130,000კვტ.სთ. სუფთა ენერგიის გამომუშავება, რითაც ბანკი მოხმარებული სრული ენერგიის 12%-ის ალერნატიულით  ჩანაცვლებას მოახდენს.   პროექტის ფარგლებში,...

წილების გარშემო 12 წლიანი დავა ჩემი ოჯახის გამარჯვებით დასრულდა - მაკა ასათიანი

წილების გარშემო 12 წლიანი დავა ჩემი ოჯახის გამარჯვებით დასრულდა - მაკა ასათიანი
access_time2020-07-02 10:25:38
„საქართველოში მერსედეს ბენცის წარმომადგენლობის“ წილების გარშემო მიმდინარე 12 წლიანი პროცესი უზენაეს სასამართლოში მაკა ასათიანის და მისი ოჯახის გამარჯვებით დასრულდა. ამასთან დაკავშირებით, მაკა ასათიანი განცხადებას ავრცელებს, რომელსაც „კომერსანტი“ უცვლელად გთავაზობთ: „საქართველოში მერსედეს ბენცის წარმომადგენლობის“ წილების გარშემო მიმდინარე 12 წლიანი პროცესი უზენაეს სასამართლოში ჩემი და ჩემი ოჯახის გამარჯვებით დასრულდა. ვფიქრობ, ეს მრავალწლიანი დავა...

Wizzair-ი ქუთაისის გარდა სხვა ბაზის გახსნისთვის მზადყოფნას გამოთქვამს

Wizzair-ი ქუთაისის გარდა სხვა ბაზის გახსნისთვის მზადყოფნას გამოთქვამს
access_time2020-07-01 16:45:56
უნგრული დაბალბიუჯეტური კომპანია Wizzair-ი ქუთაისის ბაზის მუშაობას დროებით აჩერებს - ამის შესახებ ინფორმაცია ცოტა ხნის წინ პრესკონფერენციაზე Wizz Air-ის კომუნიკაციების ხელმღვანელმა ანდრაშ რადომ დაადასტურა. მანვე აღნიშნა, რომ ბაზის აღდგენის თარიღი ჯერჯერობით უცნობია. „ჩვენ დროებით შევწყვიტეთ ქუთაისის ბაზის ფუნქციონირება, ჩვენ არ ვაუქმებთ ქუთაისის ბაზას. ამ დროისთვის სამომავლო გეგმების დაკონკრეტება რთული იქნება.  შევხედავთ გლობალურ სიტუაციას და ამის მერე მივიღებთ...

„თუ საპარტნიორო ფონდიდან გამოირიცხება რკინიგზის და ელექტროსისტემის ზარალი,ფონდის საქმიანობა მომგებიანია“ - ირაკლი იაშვილი

„თუ საპარტნიორო ფონდიდან გამოირიცხება რკინიგზის და ელექტროსისტემის ზარალი,ფონდის საქმიანობა მომგებიანია“ - ირაკლი იაშვილი
access_time2020-07-02 10:00:33
„საპარტნიორო ფონდთან დაკავშირებით საკითხი დგას ისე, რომ წამგებიანია და ბიუჯეტმა უნდა დააფინანსოს, რაც ასე არ არის, ბიუჯეტი არაფერს არ აძლევს, უნდა მოხდეს რეორგანიზება და სამართლებრივად სწორი ფორმა მიიღოს. დღეს არის არამოქნილი, რადგან სამეთვალყურეო საბჭოში მინისტრები არიან და გადაწყვეტილებებს ვერ იღებენ, ამიტომ გაუგებარი სიტუაციაა. ეს თუ არ გამოჯანსაღდა, ფონდი ვერც პროექტებს ვერ გააჯანსაღებს. ასე ხელაღებით იმის თქმა, როგორც სჩვევიათ ხოლმე, რომ უნდა გავაუქმოთ და არ არის საჭირო ორგანიზაცია,...

კომპანია „სოკარ ჯორჯია პეტროლეუმი“ დიზელის ფასის ცვლილებასთან დაკავშირებით განცხადებას ავრცელებს

კომპანია „სოკარ ჯორჯია პეტროლეუმი“ დიზელის ფასის ცვლილებასთან დაკავშირებით განცხადებას ავრცელებს
access_time2020-07-01 15:10:06
2020 წლის 1 ივლისიდან, კომპანიის „სოკარ ჯორჯია პეტროლეუმი“ ავტოგასამართი სადგურების ქსელში აგროდიზელის ფასმა 1,36 ლარი შეადგინა. აღნიშნული ფასი ქსელში, სავარაუდოდ, 10 ივლისამდე შენარჩუნდება. „სოკარ ჯორჯია პეტროლეუმი“ განმარტავს, რომ აგროდიზელის ფასის 20 თეთრით გაძვირების მიზეზი საერთაშორისო ბაზარზე ფასების მკვეთრი ზრდაა. კერძოდ, 2020 წლის ივნისის საშუალო საერთაშორისო ფასი ბაზარზე (პლაცი) არის 77%-ით მეტი 2020 წლის აპრილის საშუალო ფასთან შედარებით და 40% მეტი, ვიდრე 2020 წლის...


მსგავსი სიახლეები

up