“საქართველოს ხელისუფლებამ მაქსიმალურად უნდა გაითვალისწინოს საერთაშორისო სავალუტო ფონდის რჩევები“ - დარგის სპეციალისტები კრისტინ ლაგარდის ვიზიტს “კომერსანტთან“ აფასებენ

“საქართველოს ხელისუფლებამ მაქსიმალურად უნდა გაითვალისწინოს საერთაშორისო სავალუტო ფონდის რჩევები“ - დარგის სპეციალისტები კრისტინ ლაგარდის ვიზიტს “კომერსანტთან“ აფასებენ

access_time2019-05-20 19:00:52


“საქართველოს უნდა ჰქონდეს ძალა იმისა, რომ არ იყოს დამოკიდებული უცხოურ ვალუტებზე“;


“მთავარი მიზანია, საქართველოში შეიქმნას მაღალი ხარისხის სამუშაო ადგილები“;


„საქართველოს ეკონომიკის ზრდა შეიძლება იყოს და უნდა იყოს უფრო მაღალი“;


“საქართველოს ეკონომიკა გარე შოკების მიმართ სუსტია“;


“საქართველოსთვის მნიშვნელოვანია დაბალ შემოსავლიან ოჯახებისთვის ვალების შემცირება“;


“ინვესტორებს არ უყვართ სიურპრიზები, მათ პროგნოზირებადი გარემო სურთ“; “ძლიერი და დამოუკიდებელი მართლმსაჯულების სისტემა მნიშვნელოვანია“  ეს საერთაშორისო სავალუტო ფონდის მმართველი დირექტორის კრისტინ ლაგარდის მესიჯების მცირე ჩამონათვალია, რომელიც საქართველოში ვიზიტისას მან სტუდენტებთან შეხვედრის დროს და პრემიერ მინისტრთან ერთად გამართულ სპეციალურ პრესკონფერენციაზე გააჟღერა. 



როგორ აფასებენ დარგის სპეციალისტების საერთაშორისო სავალუტო ფონდის უმაღლესი პირის გზავნილებს  და რას ურჩევენ საქართველოს ხელისუფლებას, ამ თემაზე “კომერსანტი“ ეკონომისტებს ესაუბრა.


ეკონომისტ ვაჟა ბერიძის შეფასებით საქართველოს ხელისუფლებამ მაქსიმალურად უნდა გაითვალისწინოს საერთაშორისო სავალუტო ფონდის რჩევები, საინვესტიციო გარემოსთან მიმართებაში ხელისუფლების ქმედებები მკაფიო უნდა იყოს, ხოლო ქართული ეკონომიკა ბევრად უფრო მდგრადი გარე ფაქტორებისა და შოკების მიმართ, როგორც ეს კრისტინ ლაგარდმაც განაცხადა


„ჩვენ მხედველობის არიდან ყოველთვის გვრჩება მთავარი  -  რას ველით საერთაშორისო სავალუტო ფონდისგან - ზედამხედველობას,  დახმარებას თუ ყველაფერს ერთად?  


რაც შეეხება მის შეფასებას ინვესტიციებთან დაკავშირებით სადაც ამბობს, რომ ინვესტორებს სიურპრიზები და ქვეყანაში მიმდინარე ცვლილებები არ უყვართ, ეს, რა თქმა უნდა, მართალია. ბიზნესსა და ინვესტიციებს აბრკოლებთ ნებისმიერი არაპროგნოზირებადი გარემო. მიუხედავად წინსვლებისა, ბუნებრივია,  მაინც ფერხდება ინვესტიციები საქართველოში და კიდევ უფრო მკაფიო და მყარი უნდა იყოს თამაშის წესები, რომელსაც ხელისუფლება ქვეყანაში აწესებს . ლაგარდის მოწოდება არის მისაღები, უნდა გავუწიოთ ანგარიში და ხელისუფლებას უფრო მეტად მართებს, რომ ზედმიწევნით.  გაითვალისწინინოს მისი რჩევები,.ჩვენი ეკონომიკის ხასიათიდან გამომდინარე გვაქვს საკმაოდ არასახარბიელო ექსპორტ-იმპორტის სალდო, ჩვენი სავაჭრო პარტნიორების ეკონომიკების მდგომარეობაზე ზედმეტად ვართ დამოკიდებული. თურქეთში მიმდინარე პროცესები და ლირას დევალვაცია ქართული ეკონომიკის სტაბილურობას საფრთხეს უქმნის ,  იგივე პროცესები მიდის რუსეთში და არცთუ მდგრადია სომხეთის ვითარებაც. ამიტომ ჩვენ უნდა ვიფიქროთ ექსპორტის გაზრდაზე, წარმოების განვითარებაზე, ეკონომიკის მოდელის შეცვლაზე და როგორც ლაგარდი აღნიშნავს, სოფლის მეურნეობაზე ნაკლებად უნდა იყოს დამოკიდებული ჩვენი ქვეყნის ეკონომიკა.  მე ვფიქრობ, რომ ემთხვევა მისი რჩევები მთავრობის ეკონომიკურ კურსს და  არსებითად ახალი ქალბატონ ლაგარდს არ უთქვამს. ეს მთავრობა ცდილობს აბსოლუტურად ზედმიწევნით შეასრულოს სავალუტო ფონდის მითითებები. ერთადერთი პრობლემაა ის, რომ სავალუტო ფონდის რჩევები იმ ქვეყნების სტაბილურობას უფრო ითვალისწინებს, ვისთანაც ისინი თანამშორმლობენ, ვიდრე მათ განვითრებას.  თუმცა მე მაინც მხარს ვუჭერ მათთან ორმხრივ და სასარგებლო თანამშრომლობას.“ - განაცხადა ვაჟა ბერიძემ „კომერსანტთან“ ინტერვიუში.


ეკონომიკის ექსპერტი სოსო არჩვაძე: ქრისტინ ლაგარდის ვიზიტი  საქართველოში არა იმდენად გაცნობითი ხასიათისაა, რამდენადაც საერთაშორისო სავალუტო ფონდის მხრიდან იმ რეფორმებისადმი მხარდაჭერის გამოხატულება, რომლებიც ბოლო წლებში საქართველოში ხორციელდება - ინკლუზიური ეკონომიკით დაწყებული საპენსიო რეფორმით დამთავრებული. 


მან მაღალი შეფასება მისცა საქართველოში ეკონომიკასა და საბანკო სფეროში გატარებულ რეფორმებს, იმ პრობლემებსა და გამოწვევებს, რომელთა გადალახვა მოუხდა და ახლაც უწევს საქართველოს ღია, გახსნილი ეკონომიკის პირობებში.
სწორედ თანმიმდევრული რეფორმების საფუძველზე მოხერხდა საქართველოში ბიზნესისათვის გლობალური მასშტაბით ერთ-ერთი ყველაზე ხელსაყრელი გარემოს ფორმირება.


აფბას პრეზიდენტი შოთა გულბანი: ქრისტინ ლაგარდის აქ ყოფნა ნიშნავს, რომ საერთაშორისო სავალუტო ფონდი მხარს უჭერს ბოლო პერიოდში საქართველოს საფინანსო სექტორში განხორციელებულ რეფორმებს.



დღეს მქონდა ძალიან მნიშვნელოვანი შეხვედრა საერთაშორისო სავალუტო ფონდის ხელმძღვანელ მადამ კრისტინა ლაგარდთან, რომელიც პირველად იმყოფება საქართველოში პრეზიდენტი. ეს არის უმაღლესი დონის და მნიშვნელობის ვიზიტი. მისი აქ ყოფნა ნიშნავს, რომ საერთაშორისო სავალუტო ფონდი მხარს უჭერს ბოლო პერიოდში საქართველოს საფინანსო სექტორში განხორციელებულ რეფორმებს, რომელიც ერთი მხრივ სამართლიანი თამაშის წესების დამკვიდრებას გულისხმობს, ხოლო მეორე მხრივ სესხების შემოსავლებთან მიმართებით კოეფიციენტების დაწესებას. ეს რეფორმები საფინანსო სექტორში მომწიფებული სისტემური რისკების მნიშნელოვანი პრევენციაა და სავალუტო ფონდი ამ მოსაზრებას სრულად იზიარებს. საბედნიეროდ, დღეს მქონდა შესაძლებლობა, რომ ქალბატონ ლაგარდისთვის პირადად ამეხსნა ეს პროცესები, მათ შორის ვალების განულების პროგრამის ეკონომიკური ეფექტი. მან სრულად გაიზიარა ჩემი პოზიცია - წერს სოციალურ ქსელში ახალგაზრდა ფინანსისტთა და ბიზნესმენთა ასოციაციის (აფბა) პრეზიდენტი.



მარიამ მორგოშია







ხაზარაძე-ჯაფარიძე თანხის დაყადაღების განჩინებას სააპელაციო სასამართლოში გაასაჩივრებს, მომავალში კი საქმე სტრასბურგის სასამართლოში გაიგზავნება

ხაზარაძე-ჯაფარიძე თანხის დაყადაღების განჩინებას სააპელაციო სასამართლოში გაასაჩივრებს, მომავალში კი საქმე სტრასბურგის სასამართლოში გაიგზავნება
access_time2019-08-21 15:00:48
„ძალიან მშრალი განჩინებაა, რომელსაც გავასაჩივრებთ, მაგრამ  ისეთი უცნაურობები ხდება ამ საქმეზე, სიმართლე გითხრათ,  დიდი იმედი არ მაქვს, რომ აპელაცია რამეს შეცვლის.  მაგრამ ჩვენ ეს საფეხური უნდა გავიაროთ, რადგან როგორც ვატყობ, ეს საქმე და მისი არცერთ შუალედური განჩინება აქ არ დამთავრდება და მოგვიწევს ამ ყველაფრის სტრასბურგში ეტაპობრივად გასაჩივრება,“ - ასე აფასებს თიბისი ბანკის დამფუნძებლების  მამუკა ხაზარაძისა და ბადრი ჯაფარიძის ადვოკატი ზვიად...

„რაინეარი“ საქართველოდან ფრენებს 12 მიმართულებით შეასრულებს, სამი მიმართულებით ავიარესები წელსვე დაიწყება

„რაინეარი“ საქართველოდან ფრენებს 12 მიმართულებით შეასრულებს,  სამი მიმართულებით ავიარესები წელსვე დაიწყება
access_time2019-08-21 14:31:27
ქართულ მხარესა და ირლანდიურ დაბალბიუჯეტიან ავიაკომპანია „რაინეარს“ შორის ურთიერთთანამშრომლობის შესახებ ხელშეკრულება გაფორმდა. ხელშეკრულებას მთავრობის ადმინისტრაციაში ხელს მოაწერეს ეკონომიკისა და მდგრადი განვითარების სამინისტროს ,,საქართველოს აეროპორტების გაერთიანების“ დირექტოrმა, გიორგი ჩოგოვაძემ და „რაინეარის“ (Ryanair) კომერციულმა დირექტორმა, დევიდ ო’ ბრაიენმა. ღონისძიებას საქართველოს ეკონომიკისა და მდგრადი განვითარების მინისტრი ნათია თურნავა...

მეთიუ ბრაიზა - თუ ანაკლიის პორტის პროექტი ჩავარდა, ეს იქნება ნიშანი, რომ კვაზი სახელმწიფო ხართ, ეს კი ნამდვილი ტრაგედია იქნებოდა

მეთიუ ბრაიზა - თუ ანაკლიის პორტის პროექტი ჩავარდა, ეს იქნება ნიშანი, რომ კვაზი სახელმწიფო ხართ, ეს კი ნამდვილი ტრაგედია იქნებოდა
access_time2019-08-21 12:35:34
თუ ანაკლიის პორტის პროექტი ჩავარდა, ეს იქნება იმის ნიშანი, რომ საქართველოს ნამდვილი კი არა, ეფემერული დამოუკიდებლობა აქვს, რომ თქვენ კვაზი-სუვერენული სახელმწიფო ხართ. ეს კი ნამდვილი ტრაგედია იქნებოდა, - ამის შესახებ აშშ-ს ყოფილმა დიპლომატმა, სახელმწიფო დეპარტამენტის ყოფილმა მაღალჩინოსანმა მეთიუ ბრაიზამ IWPR- ს განუცხადა. მისი შეფასებით, ანაკლიის პორტს საქართველოსთვის გარდამტეხი მნიშვნელობა აქვს . „ანაკლიის პორტი სტრატეგიული თვალაზრისით საქართველოსთვის...

ფადი ასლი ბიძინა ივანიშვილს - “თქვენმა 7 წლიანმა მმართველობამ საქართველო დააბრუნა ძველ დროში, მოგვიტანა დიქტატურა, შიში, არასტაბილურობა, კრიმინალის მაღალი დონე და კორუფცია"

ფადი ასლი ბიძინა ივანიშვილს - “თქვენმა 7 წლიანმა მმართველობამ საქართველო დააბრუნა ძველ დროში, მოგვიტანა დიქტატურა, შიში, არასტაბილურობა, კრიმინალის მაღალი დონე და კორუფცია
access_time2019-08-21 12:00:50
ბიზნესმენი ფადი ასლი „ქართული ოცნების“ თავმჯდომარე ბიძინა ივანიშვილს ღია წერილით მიმართავს და მას მსოფლიოს ცნობილ დიქტატორებს ადარებს. ამასთან, ფადი ასლი ივანიშვილს ახსენებს, რომ ყველა დიქტატორის რეჟიმი ადრე თუ გვიან სრულდება. ბიზნესმენი ღია წერილში იმ ვითარებაზე საუბრობს, რომელიც „ქართული ოცნების“ ხელისუფლებაში მოსვლის შემდეგ შეიქმნა. ფადი ასლი მოახლოებულ 2020 წლის არჩევნებსაც ეხება და ბიძინა ივანიშვილის მდგომარეობას პანიკურს უწოდებს. „ინტერპრესნიუსი“ საერთაშორისო...

m2 უძრავი ქონებამ“ დეველოპმენტის სრულიად ინოვაციური კონცეფციის ახალი უბნის მშენებლობა დაიწყო

m2 უძრავი ქონებამ“ დეველოპმენტის სრულიად ინოვაციური კონცეფციის ახალი უბნის მშენებლობა დაიწყო
access_time2019-08-21 13:00:51
„m2 უძრავი ქონებამ“ დეველოპმენტის სრულიად ინოვაციური კონცეფციის ახალი უბნის მშენებლობა დაიწყო. როგორც კომპანიაში “კომერსანტს“ განუცხადეს, თანამედროვე უბნის მშენებლობა ოთხ ფაზადაა დაყოფილი. პირველი მოსახლეები გასაღებს 2021 წელს მიიღებენ, 2024 წელს კი უბანი ბოლომდე დასრულდება. “მალე ქალაქი არსებულისგან სრულიად განსხვავებულ, ორიგინალური იდეებით ხორცშესხმულ, ინოვაციურ და 21-ე საუკუნის ურბანულ...


მსგავსი სიახლეები

up