ერთ წელში ფქვილი 30%-ით გაიაფდა, პურპროდუქტებზე ფასის დაწევას კი არავინ ჩქარობს

ერთ წელში ფქვილი 30%-ით გაიაფდა, პურპროდუქტებზე ფასის დაწევას კი არავინ ჩქარობს

person access_time2016-10-02 12:00:03

ბოლო 1 წელიწადში ფქვილი 30%-ით გაიაფდა, მაგრამ პურპროდუქტებზე ფასის დაწევას არავინ ჩქარობს. პურის ქარხნებში გაიაფება თავში აზრადაც არავის მოსვლია.

 


მიუხედავად იმისა, რომ ერთი ტომარა პირველი ხარისხის ფქვილის ღირებულებამ, შარშანდელთან შედარებით, 13 ლარით იკლო, პურპროდუქტების ბაზარზე სრული უძრაობაა. როგორც გაზეთი „რეზონანსი" წერს, ამ ეტაპზე 1 ტომარა ფქვილის საბითუმო ფასი 32 ლარია.

 


საერთაშორისო ბაზრის დინამიკას თუ მივყვებით, უდავოა, რომ დაბალი ფასი დიდხანს შენარჩუნდება. ჩიკაგოს ბაზარზე ორიოდე დღის წინ 1 ბუშელი ხორბლის ფასი 3,96 დოლარს შეადგენდა და უკვე კარგა ხანია, რაც 4 დოლარის ფარგლებში ტრიალებს. საქართველოს მთავარ მომწოდებელ რუსეთშიც მარცვლეულის ფასი მინიმუმამდე დაეცა.

აქედან გამომდინარე, საქართველოში ყველა პირობაა პურპროდუქტების გასაიაფებლად, მაგრამ ქართველ მეწარმეებს ამის აღიარება არ უნდათ. რატომღაც ყველა ფიქრობს, რომ "პურს ისედაც იაფად ყიდის".

 


"თემქის პურის ქარხნის" წარმომადგენელმა "რეზონანსს" განუცხადა, რომ 400-გრამიან პურს მომხმარებელს 50 თეთრად სთავაზობს, რაც ბაზარზე ყველაზე დაბალი ღირებულებაა და ფასს ვეღარ შეცვლის.

 


"რა ტენდენციაც არ უნდა ჩამოყალიბდეს, ჩვენი ქარხნის საქმიანობაზე ჯერჯერობით ვერ მოახდენს გავლენას. პურს 50 თეთრად ვყიდით და ამაზე მეტი შეღავათი წარმოუდგენელია. შეიძლება ფქვილი იაფია, მაგრამ სხვა ხარჯის გაწევაც გვიხდება. ისედაც მიზერული ფასი გვაქვს", - ამბობს ქარხნის დირექტორი.

ავჭალაში მდებარე პურის ქარხნის წარმომადგენელმა ლევან კლდეისელმა "რეზონანსთან" საუბრისას აღნიშნა, რომ საფასო ცვლილება არ იგეგმება და ამ პოზიციაზეა დღეს პურის ქარხნების აბსოლუტური უმრავლესობა. კლდეისელის თქმით, ფქვილი ძირითადი კომპონენტია პურის წარმოებაში, თუმცა საბოლოო ღირებულებაზე ბევრი სხვა ფაქტორიც მოქმედებს.


 


"კარგია, რომ ფქვილი იაფდება, მაგრამ პურის ფასის ფორმირებისთვის ეს არგუმენტი საკმარისი არ არის. ქარხნიდან პურის გასაცემი ფასი 50 თეთრია, სარეალიზაციო კი - 60 თეთრი, რაც მინიმალური ფასია. გასათვალისწინებელია ისიც, რომ დოლარის კურსი გაიზარდა, ბუნებრივი აირი ძვირია, შესაფუთი მასალები და დანადგარებიც ასევე ძვირი ღირს. სამწუხაროდ, არ გვაქვს რეალური შესაძლებლობა, პურპროდუქტების გაიაფებაზე ვიფიქროთ", - ამბობს კლდეისელი.

 


პურის ფასი უცვლელია "იფქლშიც". კომპანიაში განმარტავენ, რომ ამ ეტაპზე ფასის გადახედვა ნაკლებად სავარაუდოა. "ეს თემა ყოველთვის აქტუალურია შემოდგომის დასაწყისში, როცა მოსავალი ახალი აღებულია. მინიმუმ ერთწლიანი სტაბილურობაა საჭირო იმისთვის, რომ მეწარმეებმა გადახედონ პურის ფასს", - აცხადებენ კომპანიაში.

 


მეხორბლეთა ასოციაციის თავმჯდომარე ლევან სილაგავას ინფორმაციით, ფქვილის ფასის ვარდნა 2015 წლის ოქტომბრიდან დაიწყო.

 


"დღეს 1 ტომარა ფქვილი 32 ლარი ღირს, როცა შარშან ამ დროს 45 ლარი ღირდა. ფქვილის ფასის კლება ხორბლის დიდმა მოსავალმა გამოიწვია. შარშანდელთან შედარებით, წელს ხორბლის მოსავალი 25 მილიონი ტონით მეტია. ფქვილის გაიაფების კიდევ ერთი მიზეზი იყო ეგვიპტეში ხორბლის ექსპორტის მხრივ შექმნილი პრობლემა. ეგვიპტე ყოველწლიურად 10 მილიონ ტონა ხორბალს ყიდულობს, თუმცა წელს ხელისუფლებამ მიიღო გადაწყვეტილება და ხორბალს, რომელსაც სოკოს დაავადება სჭირს, თუნდაც ნორმის ფარგლებში (ნორმა 0,05%-ია), ქვეყანაში არ უშვებს. სარისკო ქვეყნებში მან რუსეთიც შეიყვანა. ამან კი მსოფლიოში 10 მილიონი ჭარბი ხორბლის მოლოდინი გააჩინა", - აღნიშნა სილაგავამ.

 


მისი ვარაუდით, უახლოეს პერიოდში ფქვილის ფასი 32 ლარზე დაბლა აღარ დაიწევს. მეხორბლეთა ასოციაციის თავმჯდომარეს უჭირს იმაზე საუბარი, იქონიებს თუ არა ეს გავლენას პურის ფასის შემცირებაზე.

 


"შარშანდელთან შედარებით, საქართველოში იმპორტირებული ხორბლის ფასიც შემცირდა. კერძოდ, დღეისთვის ფოთის პორტში შემოტანილი 1 ტონა ხორბალი 183 დოლარი ღირს, წინა წლის სექტემბერში კი მისი ღირებულება 240 დოლარი იყო", - აცხადებს სილაგავა "ბიპიენთან" საუბრისას.

 


საქართველოში ხორბლის შემოტანა ბოლო 4 წელია, ძირითადად, რუსეთიდან ხდება, რისთვისაც ქართული მხარე ყოველწლიურად 120-130 მილიონ დოლარს იხდის.

 


რაც შეეხება ადგილობრივ მარცვლეულს, მართალია, წელს საქართველოშიც გაიზარდა მოსავლის რაოდენობა, თუმცა, როგორც სპეციალისტები ამბობენ, აქედან სასურსათოდ ცოტა გამოიყენება და ბაზრის 10%-ზე მეტს ვერ აკმაყოფილებს.

 




დღის Top 10 საინტერესო ამბავი

დღის Top 10 საინტერესო ამბავი
access_time2021-06-18 21:00:37
დღის Top 10 საინტერესო ამბავი:     1. ბოლო 10 წელიწადში აშენებული ჰესების წილი გენერაციაში 19%-ს აჭარბებს     ენგურჰესის გამომუშავება რეაბილიტაციის შემდეგ, მაისში, გასული წლის ანალოგიურ პერიოდთან შედარებით, 98%-ით გაიზარდა და 404 მლნ კვტ/სთ-ს მიაღწია. ძირითადად მის ხარჯზე, 24%-ით 1.221...

18 ივნისი - რეგიონში ქართული ლარი და თურქული ლირა გაუფასურდა

18 ივნისი - რეგიონში ქართული ლარი და თურქული ლირა გაუფასურდა
access_time2021-06-18 18:00:43
18 ივნისის ვაჭრობის შედეგად სებ–ის მიერ დაფიქსირებული ოფიციალური კურსის თანახმად, წლის დასაწყისიდან ქართული ლარი აშშ დოლართან მიმართებაში დაახლოებით 9 პუნქტით გამყარდა. შედარებისთვის, დაახლოებით 110 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი, პრაქტიკულად, უცვლელია. 18 ივნისის ვაჭრობის შედეგად ეროვნული ვალუტა აშშ დოლართან მიმართებაში გაუფასურდა და 3.1681 ლარი გახდა (ეს კურსი 19 ივნისს შევა ძალაში). 18 ივნისს მოქმედი...

გარემოს დაცვის მინისტრის და საპარლამენტო სამუშაო ჯგუფის წევრების ვიზიტი „არემჯიში“

გარემოს დაცვის მინისტრის და საპარლამენტო სამუშაო ჯგუფის წევრების ვიზიტი „არემჯიში“
access_time2021-06-18 15:55:24
გარემოს დაცვისა და სოფლის მეურნეობის მინისტრი ლევან დავითაშვილი, საქართველოს პარლამენტის გარემოს დაცვის კომიტეტთან არსებული ქვემო ქართლის რეგიონში დაბინძურების შემსწავლელი სამუშაო ჯგუფის წევრებთან ერთად, („საყდრისის კომიტეტი “, „მწვანე პოლიტიკის საზოგადოებრივი და სამეცნიერო - კვლევითი პლატფორმები “) დაბა კაზრეთში „არემჯის “გარემოსდაცვითი პროგრამის ფარგლებში მიმდინარე სამუშაოებს გაეცნო. მინისტრმა რეგულარული მონიტორინგის ფარგლებში „არემჯი კოპერის“ #4 ფუჭი ქანების სანაყაროს...

საქართველოს რკინიგზა $500–მილიონიანი მწვანე ბონდების განთავსებით $140 მილიონს დაზოგავს

საქართველოს რკინიგზა $500–მილიონიანი მწვანე ბონდების განთავსებით $140 მილიონს დაზოგავს
access_time2021-06-18 15:18:53
საქართველოს რკინიგზამ ლონდონის საფონდო ბირჟაზე პარტნიორი საინვესტიციო ბანკების დახმარებით, 500 მილიონი დოლარის ნომინალური ღირებულების  მწვანე ობლიგაციები წარმატებით განათავსა. ამის შესახებ ინფორმაციას საქართველოს რკინიგზა ავრცელებს. კომპნიის ცნობით, საპროცენტო განაკვეთი 7 წლის ვადით 4%-ით განისაზღვრა.  „ახალი ობლიგაციებით...

Forbes: Google-ის თანადამფუძნებლის ყოფილი მეუღლე მილიარდერი გახდა

Forbes: Google-ის თანადამფუძნებლის ყოფილი მეუღლე მილიარდერი გახდა
access_time2021-06-18 20:00:07
Google-ის თანადამფუძნებლის სერგეი ბრინის მეუღლე ანა ვოიჟიტოვსკი მილიარდერი გახდა მას შემდეგ, რაც მისი კომპანია 23andMe, რომლის პროფილიცაა გენეტიკური ტესტირება, ბირჟაზე გავიდა.   ამ დროისთვის ის უკვე იყო მულტიმილიონერი - 2020 წელს მან ამერიკის ყველაზე მდიდარ self-made ქალ-მეწარმეებს შორის 49–ე ადგილი დაიკავა - ამ კატეგორიაში შედიან ქალები, რომლებიც თავისით და არა მეუღლეებთან გაშორებით ან მემკვიდრეობის მიღებით გამდიდრდნენ.   23andMe ბირჟაზე...


მსგავსი სიახლეები

up