„სავარაუდოდ, მეწარმეებს გასულ წელს გაუჭირდათ და ვეღარ გადაიხადეს სესხები“-დასაკუთრებული ქონება  70 462 819 ლარით არის გაზრდილი

„სავარაუდოდ, მეწარმეებს გასულ წელს გაუჭირდათ და ვეღარ გადაიხადეს სესხები“-დასაკუთრებული ქონება 70 462 819 ლარით არის გაზრდილი

access_time2020-02-12 15:30:00

2019 წლის მეოთხე კვარტლის მონაცემების მიხედვით, საქართველოში მოქმედი კომერციული ბანკების ანგარიშზე ჯამში 220 049 010 ლარის ღირებულების უძრავი და მოძრავი ქონებაა დასაკუთრებული. 2018 წელთან შედარებით ეს მაჩვენებელი 70 462 819 ლარით არის გაზრდილი.


საბანკო ასოციაციის პრეზიდენტი ალექსანდრე ძნელაძე ამ მაჩვენებელს საგანგაშოდ არ მიიჩნევს და ამბობს, რომ საბანკო სექტორის საკრედიტო პორტფელის ზრდის პარალელურად ამ საფინანსო ინსტიტუტის მიერ დასაკუთრებული ქონების ზრდა ჩვეულებრივი მოვლენაა.


„პროპორციის მიხედვით თუ შევხედავთ, ბანკების მიერ დასაკუთრებული ქონების მაჩვენებელი შემცირებულია ანუ რაც უფრო გაიზრდება ბანკის საკრედიტო პორტფელი, მით უფრო მოიმატებს აღნიშნული მაჩვენებელიც, თუმცა, ერთმანეთთან თანაფარდობის მხრივ, ეს რიცხვი მაინც შემცირებულია. თუ აბსოლუტურ მაჩვენებელს შევხედავთ მართალია გაზრდილია, მაგრამ ეს საკრედიტო პორტფელთან შესაბამისობაში საგანგაშო არ არის. საკრედიტო პორტფელის საკმაოდ მნიშვნელოვანი ზრდა იყო 2018 წელს და 2019 წელსაც, აქ იგულისხმება წლის განმავლობაში  პორტფელის საშუალო მოცულობა და არა საბოლოო პორტფელის მონაცემები. მომავალშიც რაც უფრო გაიზრდება პორტფელები ეს მაჩვენებლებიც იმედი გვაქვს მნიშვნელოვნად არა, მაგრამ ალბათ მაინც გაიზრდება. გარდა ამისა აღსანიშნავია, რომ ვადაგადაცილებების პროპორცია ოდნავ გაიზარდა, მაგრამ ეს მოსალოდნელიც იყო, თუმცა იმდენად უმნიშვნელო ზრდა არის და ზოგადად იმდენად კარგი მაჩვენებლები გვაქვს რეგიონში, რომ ამ დეტალებზე საუბარიც არ ღირს. ამ ციფრებში საგანგაშოს და გასაკვირს ვერაფერს ვხედავ“, - აცხადებს ალექსანდრე ძნელაძე.


2019 წლის მეოთხე კვარტლის მონაცემებით,საქართველოში ბანკების მიერ დასაკუთრებული ქონება 70 462 819 ლარით გაიზარდა.საბანკო ასოციაციის პრეზიდენტისგან განსხვავებით, ეკონომიკური ანალიტიკოსი მერაბ ჯანიაშვილი ერთ წელიწადში ბანკების მიერ დასაკუთრებული ქონების ასეთი ტემპით ზრდას სერიოზულ მოვლენას უწოდებს და მიიჩნევს, რომ თუ ბანკს პორტფელი ეზრდება ეს არ ნიშნავს იმას, რომ დასაკუთრებული ქონებაც აუცილებლად უნდა გაეზარდოთ.


„სავარაუდოდ მეწარმეებს გასულ წელს გაუჭირდათ და ვეღარ გადაიხადეს სესხები, ეს ქვეყანაში შექმნილი ეკონომიკური მდგომარეობიდან გამომდინარე იყო, იმიტომ  რომ ლარის გაუფასურებამ სერიოზული ზეგავლენა მოახდინა ინფლაციაზე, რამაც ფასები გაზარდა და ბიზნესმენებს სესხების გადახდა გაუძნელდათ. ვადაგადაცილებული სესხების რაოდენობა შემცირდა, მაგრამ დასაკუთრებული ქონების რაოდენობა გაიზარდა, გამოდის ან ამოიღეს ეს სესხები ან წლის ბოლოს ჩამოწერეს, შესაბამისად, ვინც ვერ იხდიდა ქონება წაართვეს და დასაკუთრებული ქონებაც გაიზარდა.


გარდა ამისა, გასული წელს მონეტარული პოლიტიკა  9%-ზე იყო, ასეთი მაღალი კი არასდროს გვქონია. თუ მეწარმეებს ბანკში ქონება ჩადებული ჰქონდათ და თუ ადრე რეინვესტირების შანსი უფრო დიდი იყო, გასულ წელს რეგულაციების გამო ეს შანსები სერიოზულად შეეზღუდათ და გაუძვირდათ, მონეტარული პოლიტიკის და მაღალი ინფლაციის გამო. შესაბამისად, მივიღეთ ის შედეგი, რომ ერთ წელიწადში ორ მსხვილ ბანკს თითქმის გაუორმაგდა დასაკუთრებული ქონება, რაც საფინანსო ბაზარზე ნორმალური მოვლენა არ არის და საგანგაშო ფაქტია. მიუხედავად იმისა, რომ მათი საკრედიტო პორტფელი იზრდება, ისიც დაახლოებით 15-20%-ით, ეს არ ნიშნავს, იმას, რომ დასაკუთრებული ქონებაც უნდა გაიზარდოს. თუ ასე შევხედავთ, დასაკუთრებული ქონებაც მცირედით უნდა გაზრდილიყო და არა თითქმის 5-ჯერ უფრო მეტად, ეს ნიშნავს, რომ სესხების გადახდა ხალხს 5-ჯერ უფრო გაუჭირდათ, ვიდრე საკრედიტო პორტფელის ზრდა იყო“,  - განმარტავს მერაბ ჯანიაშვილი.



დასაკუთრებული ქონების მოცულობის მიხედვით, საქართველოს კომერციული ბანკების რეიტინგი ასე გამოიყურება:

„საქართველოს ბანკი“ – 99 065 797 ლარი;

„თიბისი ბანკი“ – 78 384 425 ლარი;

„ქართუ ბანკი“ – 14 339 254 ლარი;

„ბაზისბანკი“ – 13 825 651 ლარი;

„ვითიბი ბანკი ჯორჯია“ – 10 067 967 ლარი;

„სილქ როუდ ბანკი“ – 423 245 ლარი;

„კრედო ბანკი“ – 813 532 ლარი;

„ფინკა ბანკი საქართველო“ – 225 548 ლარი;

„ხალიკ ბანკი საქართველო“ – 477 491 ლარი;

„ტერაბანკი“ – 2 226 546 ლარი;

„ლიბერთი ბანკი“ – 47 775 ლარი;

„ზირაათბანკი საქართველო“ – 82 225 ლარი;

„პროკრედიტ ბანკი“ – 69 554 ლარი.


აღსანიშნავია, რომ 2019 წლის მეოთხე კვარტლის მონაცემებით, „იშ ბანკი საქართველოს“ და „პაშა ბანკი საქართველოს“ დასაკუთრებული ქონება არ აქვთ.


ნინო თამაზაშვილი






20 ოქტომბერი - რეგიონში ქართული ლარი და სომხური დრამი გაუფასურდა

20 ოქტომბერი - რეგიონში ქართული ლარი და სომხური დრამი გაუფასურდა
access_time2020-10-20 18:15:11
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ გამოქვეყნებული 20 ოქტომბრის ვაჭრობის შედეგად, ქართული ლარის კურსი გაუფასურდა და ერთი აშშ დოლარის ღირებულებამ 3.2222 ლარი შეადგინა. ქართული ლარის...

„ბასტი ბუბუ“ დახურვის პირასაა - პანდემიის გამო, სტუდიას 120 000 ლარის დავალიანება დაუგროვდა

„ბასტი ბუბუ“ დახურვის პირასაა - პანდემიის გამო, სტუდიას 120 000 ლარის დავალიანება დაუგროვდა
access_time2020-10-20 17:25:36
„უკვე მერვე თვეა „ბასტი ბუბუს“ არც ერთი თანამშრომელი ხელფასს არ იღებს - „ბასტი ბუბუ“ დგას დახურვის პირას, სიკვდილ-სიცოცხლის ზღვარზეა“,- ამის შესახებ რადიო „პალიტრისა“ და „პალიტრანიუსის“ გადაცემაში „საქმე“ საბავშვო სტუდია „ბასტი ბუბუს“ დირექტორმა პაატა ამონაშვილმა განაცხადა.   მისი თქმით, პანდემიის გამო, სტუდიას დაგროვილი აქვს 120 000 ლარის დავალიანება, რომლის გადახდაც გაჩერებული მუშაობის პირობებში ვერ ხერხდება. ამას კი, ღონისძიებების გაურკვეველი დროით აკრძალვაც...

ბიზნესი პრემიერს ამხნევებს - კერძო სექტორმა გახარიას ორი მოთხოვნით მიმართა

ბიზნესი პრემიერს ამხნევებს - კერძო სექტორმა გახარიას ორი მოთხოვნით მიმართა
access_time2020-10-20 16:26:31
„ჩვენ შეხვედრის დასაწყისშივე გავამხნევეთ პრემიერი და მან თქვა, რომ საკმაოდ მხნედ იყო , ფორმაში იყო და ეს ძალიან ღირებულია ჩვენთვის იმიტომ, რომ არაორდინალურ გარემოში გვიწევს ცხოვრება და ეს ყველას კარგად უნდა გვესმოდეს,“- საქართველოს პრემიერ-მინისტრ გიორგი გახარიასა და ბიზნესის წარმომადგენლებს შორის შეხვედრა ცოტა ხნის წინ დასრულდა. ჟურნალისტებთან ბიზნეს ასოცაციის პრეზიდენტმა სოსო ფხაკაძემ ისაუბრა იმ ძირითად საკითხებზე, რაც ბიზნესმა დღის წესრიგში დააყენა. მისი...

„m2 ჯგუფი“ „ოლიმპიური ვარსკვლავის“ შეჩერებული ობიექტის მშენებლობას იწყებს

„m2 ჯგუფი“ „ოლიმპიური ვარსკვლავის“ შეჩერებული ობიექტის მშენებლობას იწყებს
access_time2020-10-20 14:50:23
„m2 ჯგუფი“ სამშენებლო კომპანია „ოლიმპიური ვარსკვლავის“ ობიექტზე სამშენებლო სამუშაოებს იწყებს.  ხელშეკრულების პირობების თანახმად, მშენებლობა სამი წლის ვადაში დასრულდება და, თორმეტწლიანი ლოდინის შემდეგ, 400-მდე დაზარალებული ოჯახი, კუთვნილ ბინებს მიიღებს. პროექტი თბილისის მერიასთან 23 ივნისს გაფორმებული მემორანდუმის ფარგლებში ხორციელდება. აღნიშნული დოკუმენტი, მხარეების კომპეტენციის ფარგლებში, „ოლიმპიური ვარსკვლავის“ მიერ დაუმთავრებელი...

თუ დაშვებულია 200 კაციანი კულტურული ღონისძიება, რატომ არ შეიძლება ქორწილების ჩატარება?!

თუ დაშვებულია 200 კაციანი კულტურული ღონისძიება, რატომ არ შეიძლება ქორწილების ჩატარება?!
access_time2020-10-20 15:00:08
სოციალური და სარიტუალო ღონისძიებების ჩატარება - ქორწილი, იუბილე, ქელეხი - კორონავირუსის მეორე ტალღის გამწვავებისას,  10 სექტემბრიდან ღია სივრცეშიც აიკრძალა. ღონისძიებები ესაა სფერო, რითაც  შემოსავალს 20-მდე სხვადასხვა პროფესიის ადამიანი იღებდა.  თითქოს ჩავარდნილი გაზაფხულისა და ზაფხულის სეზონების შემდეგ, სოციალური ივენთების მიმართულება გამოცოცხლებას იწყებდა და წყვილებმა ქორწილებისა და დაბადების დღეების აღნიშვნაც კი  შემოდგომაზე გადაწყვიტეს, მორიგი...


მსგავსი სიახლეები

up