„ეროვნული ბანკის მოლოდინები არარეალურია“ - ექსპრეტები 2020 წელს უმუშევრობის 4 პროცენტული პუნქტით ზრდის პროგნოზს ოპტიმისტურს უწოდებენ

„ეროვნული ბანკის მოლოდინები არარეალურია“ - ექსპრეტები 2020 წელს უმუშევრობის 4 პროცენტული პუნქტით ზრდის პროგნოზს ოპტიმისტურს უწოდებენ

access_time2020-11-19 12:25:45

2020 წლის განმავლობაში საქართველოში უმუშევრობის დონე 4 პროცენტული პუნქტით გაიზრდება, ასეთია საქართველოს ეროვნული ბანკის განახლებული პროგნოზი. ამ პროგნოზის თანახმად, უმუშევრობის დონე წელს 16.3%-ს მიაღწევს, ხოლო 2021-ში 0.5 პროცენტული პუნქტით, 2022-ში კი დამატებით 2 პროცენტული პუნქტით შემცირდება. საქართველოს მთავრობის შეფასებით, მიმდინარე პანდემიის დროს, დაახლოებით, 100 000-მდე ადამიანმა დაკარგა სამსახური.

 

თავისუფლებისა და დემოკრატიის ფონდის დირექტორი ანა გოგოლაძე „კომერსანტთან“ ამბობს, რომ იმ პირობებში, როდესაც მომსახურების და ტურიზმის სექტორებს ყველანაირი ეკონომიკური აქტიურობა თვეების განმავლობაში შეჩერებული აქვთ და ამ სექტორში დასაქმებულთა უმრავლესობა უმუშევრადაა დარჩენილი, ასეთ დაბალ ზრდაზე საუბარი არარეალურია.

 

„ეროვნული ბანკის პროგნოზი არარეალურია, თუნდაც მხოლოდ მომსახურების და ტურიზმის სექტორები რომ განვიხილოთ, მათ ყველანაირი ეკონომიკური აქტიურობა თვეების განმავლობაში შეჩერებული აქვთ და ამ სექტორში უმრავლესობა უმუშევრადაა დარჩენილი. ამიტომ რეალურად, უმუშევრობა არა მხოლოდ 4%-ით არამედ შეიძლება 10%-ით და მეტითაც კი არის გაზრდილი. თუმცა გააჩნია როგორ ითვლიან უმუშევრობას, მაგალითად „საქსტატს“ თუ დავუჯერებთ საარსებო მინიმუმი 187 ლარით განისაზღვრა, რაც უბრალოდ სასაცილო და არარეალურია, ეს მაჩვენებელი გასული წლის ზაფხულში იყო. გაუფასურებული ლარის და ინფლაციის პირობებში საარსებო მინიმუმის ასეთი მაჩვენებელი მოსახლეობისთვის თვალებში ნაცრის შეყრაა, ამიტომ თუ იმავე მეთოდოლოგიით ითვლიან უმუშევრობას, ალბათ მართლაც ასეთი საოცარი რიცხვები გამოდის. თუმცა, აღსანიშნავია ისიც, რომ საუბარი მიმდინარეობს ეკონომიკის კიდევ ერთხელ ჩაკეტვაზე, თუ ეს ასე მოხდება, ერთ კვირიანი „ლოქდაუნიც“ კი საკმარისია, რომ უმუშევრობა გაორმაგდეს“, -განმარტავს ანა გოგოლაძე. 

 


კავკასიის უნივერსიტეტის ეკონომიკის სკოლის დეკანმა, სოსო ბერიკაშვილმა „კომერსანტთან“ საუბრისას აღნიშნა, რომ ასეთი რთული ვითარების პირობებში მხოლოდ 4 პროცენტული პუნქტით უმუშევრობის ზრდა სებ-ის ოპტიმისტური პროგნოზია.

 

„ეროვნულ ბანკს ცოტა ოპტიმისტური მოლოდინები აქვთ ან ცდილობენ, რომ ასე იფიქრონ, 4 პროცენტული პუნქტით ზრდა ძალიან ცოტა არის, თუმცა გააჩნია კონკრეტულად რა იგულისხმება. ანგარიშის დეტალები არ მინახავს, მაგრამ აშკარაა, რომ მნიშვნელოვანი ზრდა იქნება რადგან ბევრმა მოქალაქემ სამსახური დაკარგა. ტურიზმის სექტორი, რომელიც სექტორულად ერთ-ერთი ყველაზე დიდი დამსაქმებელი არის  პრაქტიკულად გაჩერებულია. ალბათ ეროვნული ბანკის პროგნოზში იგულისხმება ის, რომ მალევე მოხდება ამ სექტორის აღდგენა და მომავალ წელს ის ისევე დაასაქმებს ხალხს, ამიტომ გასაშუალოებულ ოპტიმისტურ პროგნოზს ეყრდნობა, რომ ვაქცინა იქნება, ვირუსი დამარცხდება და ა.შ. თუმცა დღევანდელი გადასახედიდან რთულია ასეთი ოპტიმისტები ვიყოთ“, - განაცხადა სოსო ბერეკაშვილმა. 

 

აღსანიშნავია, რომ მსოფლიო ბანკის შეფასებით, 2020 წელს საქართველოს 160 000-მდე მოქალაქე, შესაძლოა, სიღარიბეში აღმოჩნდეს. მსოფლიო ბანკის მეთოდოლოგიით კი უკიდურესი სიღარიბის საერთაშორისო ზღვრად მიჩნეულია მდგომარეობა, როდესაც ადამიანი დღის განმავლობაში $1.90-ზე ნაკლები შემოსავლის პირობებში ცხოვრობს.


თეგები:
უმუშევრობა



ყველაფერი დაკეტილია, ტურისტი არ შემოდის ქვეყანაში, ეკონომიკის მეტი ვარდნა რომ არ გვაქვს, მიკვირს- გიორგი ქობულია

ყველაფერი დაკეტილია, ტურისტი არ შემოდის  ქვეყანაში, ეკონომიკის მეტი ვარდნა რომ არ გვაქვს, მიკვირს- გიორგი ქობულია
access_time2021-02-26 14:59:30
ეკონომიკის ყოფილი მინისტრი, გიორგი ქობულია „ბიზნესპარტნიორთან“ საქსტატის მიერ გამოქვეყნებულ მონაცემებს აფასებს, რომლის მიხედვითაც, 2021 წლის იანვარში, წინა წლის შესაბამის პერიოდთან შედარებით, ეკონომიკა 11.5%-ით შემცირდა.   მისი განცხადებით, ეკონომიკის შემცირება ბუნებრივი პროცესია იმ პირობებში, როდესაც ეკონომიკა გაჩერებულია. „როდესაც ტურისტი არ შემოსულა ქვეყანაში, რომლის ეკონომიკის უზარზარი წილი ტურიზმზე დგას, გასაკვირია? რესტორანი არ მუშაობს, მაღაზია დაკეტილია, ტურისტი არ...

როდესაც წელს -11%-იანი ეკონომიკური ვარდნით ვიწყებთ, არავის ჰქონდეს ილუზია, რომ კრიზისის შემდეგ 7-8%-იანი ტემპი გვექნება.“ - ზვიად ხორგუაშვილი

როდესაც წელს -11%-იანი  ეკონომიკური ვარდნით ვიწყებთ, არავის ჰქონდეს ილუზია, რომ კრიზისის შემდეგ 7-8%-იანი ტემპი გვექნება.“ -  ზვიად ხორგუაშვილი
access_time2021-02-26 14:00:08
„იქიდან გამომდინარე, რომ გაჩერებული ვიყავით, ასეთი ეკონომიკური ვარდნა მოსალოდნელიც იყო და დიდი ალბათობით ეს ტენდენცია თებერვალშიც გაგრძელდება. შესაძლოა როგორც იანვარში გვაქვს ეს არ იყოს ორნიშნა რიცხვი, მაგრამ კლების ტენდენცია გარდაუვალია – ასე გამოეხმაურა ფინანსისტი ზვიად ხორგუაშვილი იანვარში ეკონომიკის 11%-ით შემცირებას. მისი განცხადებით, როდესაც 2020 წელი  6%-იანი...

იანვარში საქართველოს ეკონომიკა 11.5%-ით შემცირდა

იანვარში საქართველოს ეკონომიკა 11.5%-ით შემცირდა
access_time2021-02-26 11:22:05
წინასწარი შეფასებით, 2021 წლის იანვარში საქართველოს ეკონომიკა 11.5%-ით შემცირდა,- ამის შესახებ საქართველოს სტატისტიკის ეროვნული სამსახურის აღმასრულებელმა დირექტორმა გოგიტა თოდრაძემ განაცხადა.   „დღგ-ს გადამხდელ საწარმოთა დეკლარირებული მონაცემების მიხედვით, 2021 წლის იანვარში წინა წლის შესაბამის პერიოდთან შედარებით, სახეზე გვაქვს საქართველოს ეკონომიკის 11.5%-იანი ვარდნა “, - აღნიშნა გოგიტა თოდრაძემ.   მისივე განცხადებით, 2021 წლის იანვარში, წინა წლის...

ინვესტიციებს არავინ ჩადებს არასტაბილურ გარემოში, სადაც ცალკეული ინსტიტუტების ჩამოშლის მუდმივი მდელობებია- თემურ ბასიალია

ინვესტიციებს არავინ ჩადებს არასტაბილურ გარემოში, სადაც ცალკეული ინსტიტუტების ჩამოშლის მუდმივი მდელობებია- თემურ ბასიალია
access_time2021-02-26 11:00:14
„ბუნებრივია, არასტაბილურ გარემოში ინვესტიციებს არავინ ჩადებს, ეს კი სერიოზულ დარტყმას აყენებს ქვეყნის ეკონომიკურ მდგომარეობას, რომელიც ისედაც რთულ ვითარებაშია კოვიდის გამო,“ - ამის შესახებ „კომერსანტთან“ ფინანსისტმა და ყოფილი პრეზიდენტის მრჩეველმა თემურ ბასილიამ ისაუბრა. პოლიტიკური დაძაბულობა საქართველოში ამერიკაში...

სადეზინფექციო საშუალებების გაყიდვები თითქმის 5-ჯერ შემცირდა - აქვს თუ არა ხალხს კორონავირუსის დამარცხების ილუზია?

სადეზინფექციო საშუალებების გაყიდვები თითქმის 5-ჯერ შემცირდა - აქვს თუ არა ხალხს კორონავირუსის დამარცხების ილუზია?
access_time2021-02-26 10:00:24
      ქვეყანა კორონავირუსის პანდემიის მეორე ტალღას ებრძვის, ამავდროულად საზოგადოება, ბიზნესები და სტრუქტურები შეზღუდვების ეტაპობრივი მოხსნისთვის მზადებას იწყებენ. „კომერსანტი“ დაინტერესდა რამდენად არის მოსახლეობაში შენარჩუნებული ინფორმაციულობა კოვიდ პანდემიის საშიშროებასთან დაკავშირებით და ხომ არ არის საფთხე, რომ ყველასთვის სასიხარულო შემსუბუქების ზომები ახალი ტალღის საწყისად იქცეს. რამდენიმე დღის წინ, ამირან გამყრელიძემ განაცხადა, რომ საქართველოში...


მსგავსი სიახლეები

up