თვის მიმოხილვაში ეროვნული ბანკი ორნიშნა ინფლაციის მიზებს განმარტავს და მთავარ ფაქტორად საწვავის ფასის ზრდას ასახელებს, რომელიც ბოლო 1 წელიწადში 57%-ით გაძვირდა. ბენზინის გაძვირებამ საერთო ინფლაცია 2.1%-ით გაზარდა.

კომუნალური გადასახადების გავლენა ინფლაციაზე 1.7 პროცენტით აისახა. ამის მიზეზი, მეტწილად, კომუნალურ გადასახადების სუბსიდირების დასრულება და ასევე გარკვეული კომუნალური გადასახადის ზრდაა. ინფლაციაში გაძვირებული წყლისა და ბუნებრივი გაზის გადასახადი აისახა, ელექტოენერგიის კი არა. იანვრიდან 1 კვტ/სთ 3.5 თეთრით გაძვირდა, მაგრამ იმ ოჯახებს, რომლებიც თვეში 300 კვტ/სთ-ზე ნაკლებს მოიხმარენ, ასეთი კი აბონენტთა 95%-ა, სხვაობას მთავრობა ბიუჯეტიდან უსიბსიდირებს.

სურსათის წლიურმა ინფლაციამ 14.1 პროცენტამდე, ხოლო წვლილმა მთლიან ინფლაციაში 4.1 პპ-მდე მოიმატა, რაც დიდწილად სურსათის გაძვირებას უკავშირდება და აღნიშნული ტენდენცია გლობალურად ფიქსირდება. აქედან გამოსარჩევია მსოფლიო ბაზარზე ფასის მატების გამო მზესუმზირის ზეთის 91.8 პროცენტით გაძვირება, რამაც მთლიანი ინფლაცია 0.7 პპ-ით გაზარდა. ხორბლის გაძვირებამ პურის ფასის 12.5 პროცენტით და, შესაბამისად, ინფლაციის 0.5 პპ-ით მატება გამოიწვია. კარტოფილის, ყველის, კვერცხის, შაქრის და შოკოლადის გაძვირებამ ჯამში ინფლაცია 1.6 პპ-ით გაზარდა. ჯანმრთელობის დაცვა წლიურად 11.4 პროცენტით გაძვირდა (0.9 პპ წვლილი ინფლაციაში), ხოლო სიგარეტის წვლილმა ინფლაციაში 0.2 პპ შეადგინა.

ივლისში წლიურმა ინფლაციამ იმპორტირებულ საქონელზე 18.4 პროცენტამდე მოიმატა, ხოლო ადგილობრივად წარმოებულ საქონელზე 7.2 პროცენტი შეადგინა. შერეული საქონელი 15.4 პროცენტით გაძვირდა.

11.9%-იანი ინფლაცია თავდაპირველ სამიზნე 3%-იან მაჩვენებლს თითქმის 4-ჯერ, აპრილში კორექტიებულ 6.5%-იან მაჩვენებელს კი 1.87-ჯერ აღემატება. ეროვნული ბანკის ფუნქცია კურსის შენარჩუნება არ არის, მაგრამ ფასების სტაბილურობა მისი ერთ-ერთი ამოცანაა. ორნიშნა ინფლაციაზე უწყებიდან პასუხისმგებლობა არავის აუღია.

აგვისტოს ინფლაციის მაჩვენებელს საქსტატი 3 სექტემბერს გამოაქვეყნებს.