ეროვნული ბანკი მოსახლეობას მოუწოდებს, თანხების სხვადასხვა კომპანიაში დაბანდებისას სიფრთხილე გამოიჩინონ

ეროვნული ბანკი მოსახლეობას მოუწოდებს, თანხების სხვადასხვა კომპანიაში დაბანდებისას სიფრთხილე გამოიჩინონ

person access_time2016-04-06 18:00:18

„მიკროსაფინანსო ორგანიზაციების ასოციაცია“ საფინანსო ორგანიზაციებში მოსახლეობის მიერ დაბანდებული კაპიტალის უსაფრთხოებისთვის გარკვეული რეგულაციების შემოღების მომხრეა. ასე გამოეხმაურა ასოციაციის გამგეობის თავმჯდომარე ბესო შენგელია ეროვნული ბანკის მიერ გუშინ გავრცელებულ გამაფრთხილებელ განცხადებას, რომელშიც ქვეყნის მთავარი ბანკი მოსახლეობას მოუწოდებდა, მეტი სიფრთხილე გამოიჩინონ საკუთარი თანხების სხვადასხვა კომპანიაში დაბანდებისას.


ბოლო პერიოდში გახშირდა სხვადასხვა იურიდიული პირების მხრიდან მაღალი საპროცენტო სარგებლის დაპირების სანაცვლოდ თანხების სესხის ან თამასუქის სახით მოზიდვის რეკლამირება.   ნებისმიერი პირის უფლებაა, მიიღოს გადაწყვეტილება საკუთარი სახსრების განკარგვის შესახებ. თუმცა, სამომავლოდ, დაბანდებული თანხების დაკარგვის რისკის თავიდან აცილების მიზნით, მოვუწოდებთ მოსახლეობას, რომ მიიღონ გონივრული და ინფორმირებული გადაწყვეტილება. თანხის დაბანდებამდე აუცილებლად გაითვალისწინონ, რომ მაღალი საპროცენტო სარგებელი, სხვა თანაბარ პირობებში, გულისხმობს ასევე მაღალ რისკს“,- ნათქვამი იყო ეროვნული ბანკის განცხადებაში.


უწყება ასევე მოუწოდებდა მოსახლეობას, თანხების ჩადებამდე შეამოწმონ - ექვემდებარება თუ არა კონკრეტული იურიდიული პირი სახელმწიფოს რეგულირებას.  

 

„მიკროსაფინანსო ორგანიზაციების ასოციაციის“ გამგეობის თავმჯდომარე „კომერსანტთან“ აცხადებს, რომ  თუ მსგავსი განცხადება ეროვნულმა ბანკმა გააკეთა, ე.ი. მათ ამის საჭიროება დაინახეს.

 

„მე ხელი არ მიმიწვდება იმ ინფორმაციაზე, რა დოზით აქვთ ამ კომპანიებს მოზიდული სახსრები მოსახლეობისგან. შესაძლოა, ეროვნულ ბანკს აქვს ინფორმაცია, რომ რაღაც დოზით გაიზარდა მსგავსი შემთხვევები, შეიძლება, სარისკოდ ჩათვალა“,- აღნიშნავს ბესო შენგელია.


 

მისივე თქმით, ეროვნულ ბანკს გარდა იმისა, რომ შეუძლია გააკეთოს განცხადებები, ასევე, აქვს საკმაოდ ქმედითი ბერკეტები მსგავსი პრობლემის გადასაჭრელად.

 

„თუ ხედავს ეროვნული ბანკი, რომ კრიტიკულ ზღვარს აღწევს ლარში თამასუქების მოცულობა, შემოიღოს დამატებითი რეგულაციები. შემიძლია გავიხსენო რამდენიმე წლის წინანდელი შემთხვევა, როდესაც  გარკვეული მიკროსაფინანსო ორგანიზაციების მხრიდან მსგავსი შეთავაზებების გაკეთება დაიწყო, ეროვნულმა ბანკმა რამდენიმე მიკროსაფინანსო ორგანიზაციას დაუწესა გარკვეული რეგულირება, შეიტანა კანონში შესაბამისი ცვლილებები და ჩამოაყალიბა ე.წ. საფინანსო ინსტიტუტის განსაკუთრებული სტატუსი, რაც ითვალისწინებდა უფრო მკაცრ რეგულირებას“,- განაცხადა ბესო შენგელიამ.

 

მისი თქმით, ამ ორგანიზაციებისთვის ეროვნულმა ბანკმა შემოიღო კვალიფიციური საფინანსო ინსტიტუტის სტატუსი, დეტალები კი ბესო შენგელიასთვის უცნობია, რადგანაც მისი თქმით, ეს რეგულაციები ინდივიდუალურად დაუწესდათ ორგანიზაციებს.

 

„ეს არ არის განზოგადებული რეგულაციები, ინდივიდუალურად იღებს ეროვნული ბანკი გადაწყვეტილებას იმ მოზიდული თამასუქების პროპორციის და ამ კომპანიების კაპიტალის მოცულობიდან გამომდინარე“,- აღნიშნავს ბესო შენგელია.

 

მეორე მხრივ, მისი თქმით, ამ დრომდე ჯერჯერობით მიუღია ინფორმაცია, რომ რომელიმე ორგანიზაციას, იქნება ეს მიკროსაფინანსო თუ სტატუსის გარეშე კომპანია, ვინმე მოეტყუებინოს ან ნაკისრი ვალდებულებები არ შეესრულებინოს მომხმარებლების წინაშე.


ამასთან, „მიკროსაფინანსო ორგანიზაციების ასოციაციის“ გამგეობის თავმჯდომარე „კომერსანტთან“ ამბობს, რომ ზოგადად მომხმარებლებს დოკუმენტაციის გაფორმების დროს ყველანაირი ინფორმაცია მიეწოდებათ, უბრალოდ ისინი დაკვირვებით უნდა გაეცნონ ხელშეკრულების პირობებს.




მამუკა ხაზარაძე: „პროკურატურამ ჩემი და ბადრი ჯაფარიძის ყველა საბანკო ანგარიში დააყადაღა“

მამუკა ხაზარაძე: „პროკურატურამ ჩემი და ბადრი ჯაფარიძის ყველა საბანკო ანგარიში დააყადაღა“
access_time2019-08-20 20:34:59
თიბისი ბანკის დამფუძნებელი მამუკა ხაზარაძე სოციალურ ქსელში პოსტს აქვეყნებს, რომელსაც „კომერსანტი“  უცვლელად გთავაზობთ: „დღეს პროკურატურის მოთხოვნით და სასამართლოს განჩინებით მოხდა ჩემი და ბადრი ჯაფარიძის ყველა საბანკო ანგარიშის დაყადაღება. ეს ქმედება ემსახურება მხოლოდ ერთ მიზანს, რომ მოხდეს ჩვენს მიერ დაანონსებული საზოგადოებრივი მოძრაობის და ყველა მიმდინარე დასაფინანსებელი საქველმოქმედო და ბიზნეს...

“ესტონეთი არის ყველაზე მდიდარი პოსტსაბჭოთა ქვეყანა“ - რა შეიცვლა ესტონეთში დამოუკიდებლობის აღდგენიდან 28 წლის შემდეგ - გიორგი ქადაგიძის პოსტი

“ესტონეთი არის ყველაზე მდიდარი პოსტსაბჭოთა ქვეყანა“  -  რა შეიცვლა ესტონეთში დამოუკიდებლობის აღდგენიდან 28 წლის შემდეგ - გიორგი ქადაგიძის პოსტი
access_time2019-08-20 19:30:07
1991 წლის 20 აგვისტოს, საღამოს 11 საათზე ესტონეთმა საბჭოთა კავშირისგან დამოუკიდებლობის აღდგენა გამოაცხადა — რა შეიცვალა 28 წლის შემდეგ —  ეროვნული ბანკის ყოფილი პრეზიდენტის გიორგი ქადაგიძის facebook  პოსტს უცვლელად გთავაზობთ: ესტონეთი არის ყველაზე მდიდარი პოსტსაბჭოთა ქვეყანა (საქართველოზე 3-ჯერ მდიდარი). 2. ესტონეთი არის...

“კომერსანტის“ ბიზნეს მიმომხილველი ჯაბა დიხამინჯია: კომპანია ROKU. Inc-ის აქციები ნებისმიერი ინვესტორის პორტფელში უნდა არსებობდეს

“კომერსანტის“ ბიზნეს მიმომხილველი ჯაბა დიხამინჯია: კომპანია ROKU. Inc-ის აქციები ნებისმიერი ინვესტორის პორტფელში უნდა არსებობდეს
access_time2019-08-20 20:00:21
მოგესალმებით. დღეს მინდა ვისაუბრო კომპანიაზე, რომლის აქციებიც შევიძინეთ 2017 წლის 21 ნოემბერს. აქციების შეძენა მოხდა $38 დოლარად. ამ დროისთვის კომპანიის აქციის ფასია $131 დოლარი. რაც ინვესტირებული თანხის 240%-იან ზრდას შეადგენს. მე JDinvestment-ის პორტფელში ამ დროსითვის რამოდენიმე კომპანიის აქცია მაქვს მფლობელობაში. მათ შორის არის კომპანია...

კომპანია China Railway 23rd Bureau Group Co-მ , რომელსაც ტენდერებში მონაწილეობა მსოფლიო ბანკმა აუკრძალა, 2017 წელს 129,843,076 ლარის შემოსავალი მიიღო

კომპანია China Railway 23rd Bureau Group Co-მ , რომელსაც ტენდერებში მონაწილეობა მსოფლიო ბანკმა აუკრძალა, 2017 წელს 129,843,076 ლარის შემოსავალი მიიღო
access_time2019-08-20 18:30:57
კომპანია China Railway 23rd Bureau Group Co, რომელსაც მსოფლიო ბანკმა ტენდერებში მონაწილეობა დროებით აუკრძალა, საქართველოში სხვადასხვა პროექტთან ერთად, ქვეშეთი-კობის საავტომობილო გზის 13 კმ-იან მონაკვეთს ააშენებს. გამარჯვებული კომპანია სწორედ ტენდერის შედეგად გამოვლინდა, თუმცა, როგორც საავტომობილო გზების დეპარტამენტის თავმჯდომარე აცხადებს, ეს იქამდე მოხდა, ვიდრე მას ტენდერებში მონაწილეობა აეკრძალებოდა. ცნობისათვის, მსოფლიო ბანკმა საქართველოს მთავრობის ერთ-ერთ უმსხვილეს...

სილქროუდ ჯგუფის განცხადება „ბათუმი რივიერასთან“ დაკავშირებით: ვაცხადებთ სრულ მზადყოფნას, ნებისმიერი დამატებითი ინფორმაციის გასაცემად

სილქროუდ ჯგუფის განცხადება „ბათუმი რივიერასთან“ დაკავშირებით:  ვაცხადებთ სრულ მზადყოფნას, ნებისმიერი დამატებითი ინფორმაციის გასაცემად
access_time2019-08-20 16:30:56
  პროექტ „ბათუმი რივიერასთან“ დაკავშირებით სილქროუდ ჯგუფი ავრცელებს საჯარო განცხადებას. “კომერსანტი გთავაზობთ ტექსტს უცვლელად: „რივიერას ტერიტორიაზე დაგეგმილ მშენებლობასთან დაკავშირებით უკვე ჩატარდა 8 საჯარო განხილვა, რაც უპრეცედენტო შემთხვევაა საქართველოში განხორციელებული თუ დაგეგმილი პროექტებისთვის. ჩვენ ყველა დაინტერესებულ მხარეს მივაწოდეთ ამომწურავი ინფორმაცია და მოვისმინეთ მათი პოზიცია. სამწუხაროდ, ბოლო რამდენიმე შეხვედრა...


მსგავსი სიახლეები

up