„ეროვნულ ბანკს ლარისადმი ძალიან გაუბრალოებული დამოკიდებულება აქვს“

„ეროვნულ ბანკს ლარისადმი ძალიან გაუბრალოებული დამოკიდებულება აქვს“

access_time2020-05-14 17:30:19

ლარმა გაუფასურება შეწყვიტა და ბოლო რამდენიმე კვირაა ერთი დოლარი 3.20 ლარის ფარგლებში ივაჭრება. საგულისხმოა ისიც, რომ ბოლო რამდენიმეთვიან მონაკვეთში ეს ლარის ყველაზე სტაბილური პერიოდია. არის თუ არა ეს ლარის ახალი წონასწორობის ნიშნული, ამის შესახებ „კომერსანტი“ ეკონომიკის ყოფილ მინისტრს, აკადემიკოსს ლადო პაპავა ესაუბრა.


აკადემიკოსი ლარის გაუფასურების ერთ-ერთ მთავარ მიზეზად რეფინანსირების სესხების გაზრდილ მოცულობას მიიჩნევს. როგორც პაპავა განმარტავს, ეროვნულ ბანკს ლარისადმი ძალიან გაუბრალოებული დამოკიდებულება აქვს.


„ლარის კურსი ძირითადად ორ რამეზეა დამოკიდებული. პირველი, როგორია ქვეყნის ეკონომიკური მდგომარეობა და მეორე, რამდენად ეფექტიანია ის ზომები, რომელსაც ატარებს ლარის ემიტენტი, ანუ ეროვნული ბანკი.


მინდა გითხრათ სრული პასუხისმგებლობით, რომ ლარი ჩვენ ეკონომიკურ სივრცეში არის ყველაზე ჯანსაღი ინსტრუმენტი, რამდენადაც ის ამ ორ ფუნქციას წარმატებით ასრულებს. კარგად რომ იყოს გასაგები - ის რომ ადამიანს სიცხე აქვს, არ არის თერმომეტრის ბრალი და მით უმეტეს არ არის თერმომეტრში ვერცხლისწყლის ბრალი. ეს იმის ნიშანია, რომ ორგანიზმია ავად.



ჩვენი ეკონომიკა ჯერ კიდევ ამ კრიზისამდე იყო საკმაოდ ცუდ მდგომარეობაში. იქიდან გამომდინარე, რომ იმპორტი თითქმის სამჯერ მეტი იყო, ვიდრე ექსპორტი. სავალუტო დანაკარგი გვქონდა საგარეო ვაჭრობაში. ექსპორტიდან მიღებულ ერთ დოლარზე, ვკარგავდით იმპორტზე დახარჯულ თითქმის სამ დოლარს. ბუნებრივია, ეს სიტუაცია კიდევ უფრო გართულდა დღევანდელ კრიზისულ ვითარებაში.
ცალკე პრობლემაა მეორე კომპონენტი, - ეროვნული ბანკის ქმედება, რომელიც სამწუხაროდ ვერანაირ კრიტიკას ვერ უძლებს, რადგანაც მისი დამოკიდებულება ლარის გაცვლით კურსთან მიმართებაში იყო ძალიან გაუბრალოებული. ის თვლიდა, რომ მისთვის მთავარი სამიზნე მაჩვენებელი არის ინფლაცია. გამომდინარე აქედან, ის საერთოდ არ ზრუნავდა ლარის გაცვლითი კურსის სტაბილურობაზე. მხოლოდ კრიზისულ ვითარებაში, როდესაც ლარმა დაიწყო ნახტომისებური გაუფასურება, გადაწყვიტა ჩარევა და შესაბამისი ზომების მიღება. ამას ემატება რეფინანსირების სესხები, რომლებიც ლიკვიდობისთვის გაიცემა ბანკების მიმართ, მაგრამ ამავდროულად ეს არის ფულის მასის ზრდა, რომელიც გვინდა თუ არ გვინდა, ინფლაციაზე აისახება“,
 განმარტავს ლადო პაპავა.


მისი თქმით, თუ ეროვნული ბანკი უფრო კომპლექსური იქნება თავის ქმედებებში და არა მარტო ინფლაციას შეხედავს, არამედ გაცვლით კურსსაც, მაშინ ინფლაციასაც ეშველება.


„საქმე ის არის, რომ ვერც ინფლაციას ართმევს ეროვნული ბანკი თავს იმ მარტივი მიზეზის გამო, რომ ინფლაცია ორი სახეობის არსებობს. მოთხოვნის ზრდით წარმოქმნილი ინფლაცია და მეორეა - მიწოდების შემცირებით. მიწოდების შემცირებით წარმოქნილ ინფლაციაზე ზემოქმედების ინსტრუმენტი ეროვნულ ბანკს არ გააჩნია. ეს არა მხოლოდ საქართველოში, არამედ მთელს მსოფლიოში ასეა.
ამიტომ, დღეს, განსაკუთრებით ამ კრიზისის პირობებში, ნათელი გახდა, რომ ინფლაციის თარგეთირების მექანიზმმა უკვე თავისი დრო მოჭამა. ამიტომ, თუ ეროვნული ბანკი უფრო კომპლექსური იქნება თავის ქმედებებში და არა მარტო ინფლაციას შეხედავს, არამედ გაცვლით კურსსაც, მაშინ ინფლაციასაც ეშველება.


და კიდევ ერთი რამ, - როდესაც მოხდა ანტიკრიზისული პროგრამის წარდგენა, სამწუხაროდ ჩვენ იქ ვერ მოვისმინეთ სავალუტო ბაზრის რეგულირების შესახებ ვერაფერი. პრემიერ-მინისტრს ჰქონდა საკმაოდ ვრცელი, საინტერესო პრეზენტაცია, მაგრამ არ ვიცი გამორჩა, რომ ესაუბრა სავალუტო ბაზრის რეგულირებაზე, თუ შეგნებულად არ ისაუბრა, მე ეს არ ვიცი. ფაქტია, რომ კომისიაში მთავრობას ჰყავს ეროვნული ბანკის ხელმძღვანელობა. მაშინ მისი ფუნქცია რა არის, თუ ანტიკრიზისულ გეგმაში სავალუტო ბაზრის რეგულირებაზე არაფერია ნათქვამი“, - აღნიშნავს ლადო პაპავა.  



ნინო თამაზაშვილი




პანდემიის დადებითი მხარე: ფრენებისგან ნახშირორჟანგის ემისია საქართველოში 59.4%-ით შემცირდა

პანდემიის დადებითი მხარე: ფრენებისგან ნახშირორჟანგის ემისია საქართველოში 59.4%-ით შემცირდა
access_time2021-01-27 17:30:19
EUROCONTROL-ის ცნობით, 2020 წელს, წინა წელთან შედარებით, ფრენებისგან ნახშირორჟანგის ემისია საქართველოში 59.4%-ით შემცირდა. ამასთან, ევროპაში აღნიშნული მაჩვენებლის საშუალოდ -57%-იანი კლება დაფიქსირდა. ყველაზე მეტად პანდემიამ ამ კუთხით მონტენეგროზე იმოქმედა, სადაც CO2-ს გამოყოფა 74.9%-ით შემცირდა, ყველაზე ნაკლებად კი ლუქსემბურგზე (-12.8%). EUROCONTROL მიუთითებს, რომ მაჩვენებლის ცვალებადობა სახელმწიფოების მიხედვით სხვადასხვა ფაქტორს უკავშირდება, მათ...

დღის TOP 10 საინტერესო ამბავი

დღის TOP 10 საინტერესო ამბავი
access_time2021-01-27 21:00:43
დღის TOP 10 საინტერესო ამბავი:   1. სავაჭრო ცენტრებში დასაშვები იქნება გასახდელები და ნივთების გადაცვლა - რა პირობებით იხსნება მოლები 1 თებერვლიდან ინფრასტრუქტურის მინისტრის მაია ცქიტიშვილის განცხადებით, მთავრობის ადმინისტრაციაში მოლებისა და სავაჭრო ცენტრების წარმომადგენლებთან გამართულ შეხვედრაზე...

პირველად 12 წლის შემდეგ ვლადიმერ პუტინი დავოსის ფორუმში მონაწილეობს - რატომ ახლა?!

პირველად 12 წლის შემდეგ ვლადიმერ პუტინი დავოსის ფორუმში მონაწილეობს - რატომ ახლა?!
access_time2021-01-27 18:30:55
რუსეთის ფედერაციის პრეზიდენტი ვლადიმერ პუტინი 27 იანვარს დავოსის მსოფლიო ეკონომიკურ ფორუმზე სიტყვით გამოვიდა. ეს მოხდა პირველად 2009 წლის შემდეგ. რატომ მიიღო რუსეთის პრეზიდენტმა ეს გადაწყვეტილება სწორედ ახლა? რუსეთის პრეზიდენტმა ისაუბრა, თუ როგორ შეიცვალა  მსოფლიო კორონავირუსის პანდემიის გავლენით. მისი თქმით, შეუძლებელია იმის არ შემჩნევა, თუ როგორ შეიცვალა ეკონომიკური პოლიტიკა და სოციალური სფერო. მოხდა საზოგადოებრივი აზრის რადიკალური პოლარიზაცია და პოპულიზმის...

სავაჭრო ცენტრებში დასაშვები იქნება გასახდელები და ნივთების გადაცვლა - რა პირობებით იხსნება მოლები 1 თებერვლიდან

სავაჭრო ცენტრებში დასაშვები იქნება გასახდელები და ნივთების გადაცვლა - რა პირობებით იხსნება მოლები 1 თებერვლიდან
access_time2021-01-27 16:00:25
ინფრასტრუქტურის მინისტრის მაია ცქიტიშვილის განცხადებით, მთავრობის ადმინისტრაციაში მოლებისა და სავაჭრო ცენტრების წარმომადგენლებთან გამართულ შეხვედრაზე შეთანხმდნენ, რომ 1-ელი თებერვლიდან შესაძლებელი იქნება გაყიდული საქონლის გადაცვლა, რაც საახალწლო პერიოდში დაშვებული არ იყო.   მისივე თქმით, მიღწეული შეთანხმებით ასევე შესაძლებელი იქნება გასახდელების ფუნქციონირება.   „დღევანდელი შეხვედრა შედგა სავაჭრო ცენტრების, მაღაზიების და ძირითადი სავაჭრო ქსელების...

კორონავირუსის ეფექტი - ესპანეთში საცხოვრებელი სახლები 70 პროცენტიანი ფასდაკლებით იყიდება

კორონავირუსის ეფექტი - ესპანეთში საცხოვრებელი სახლები 70 პროცენტიანი ფასდაკლებით იყიდება
access_time2021-01-27 20:00:49
მაშინ, როდესაც ესპანეთში სახლის შეძენა ბევრს აუხდენელ ოცნებად ეჩვენება, კორონავირუსის ეპოქამ უძრავი ქონების ბაზარი აიძულა დედამიწაზე დაშვებულიყო. ესპანეთი ნამდვილ კრიზისს ებრძვის. ბაზარზე არსებული ქონების 70 პროცენტი იპოთეკით იყიდება. ლოქდაუნებმა მოსახლეობის შემოსავლებს დიდი დარტყმა მიაყენა, განსაკუთრებით მათ ვინც მომსახურების სფეროშია დასაქმებული. ადამიანები ვერ იხდიან სესხებს და იძულებულები ხდებიან საკუთარ საცხოვრებლებს დაემშვიდობონ. პრობლემამ ისეთ მასშტაბებს მიაღწია, რომ ბანკებმა...


მსგავსი სიახლეები

up