2021 წელს ექსპორტი 2020 წელთან შედარებით 26.9%-ით. 2019 წელთან შედარებით კი 11.7%-ით გაიზარდა და დამოუკიდებელი საქართველოს ისტორიაში რეკორდულ მაჩვენებელს $4.243 მლრდ-ს მიაღწია. ექსპორტის 14.5% - $616 მლნ ჩინეთში განხორციელდა. 2021 წელს ჩინეთში უფრო მეტი პროდუქცია გაიყიდა, ვიდრე 1995-2016 წლებში ერთად, რასაც ხელი 2018 წლის იანვრიდან ამოქმედებულმა თავისუფალმა სავაჭრო ხელშეკრულებამ შეუწყო.
ჩინეთში გატანილ ექსპორტში $497 მლნ-ით სპილენძის მადნების წილი 81%-ს აღწევს, რაც რეალურად რეექსპორტია. საქართველო მადნებს სომხეთიდან ყიდულობს და მცირედი გადამუშავების შემდეგ ჩინეთში ყიდის. $44 მლნ-ით მეორე ადგილზე ძვირფასი ლითონებია, $21 მლნ-ით მესამე ადგილს სამედიცინო აპარატურა იკავებს, ღვინო კი მეოთხე ადგილს იკავებს და მისი წილი 2.7%-ს შეადგენს. 2021 წელს ჩინეთში $3 მლნ-ით გაიზარდა, მაგრამ მხოლოდ $16.3 მლნ-მდე.
საექსპორტო პარტნიორებში $610 მლნ-ით მეორე ადგილს რუსეთი იკავებს. $610 მლნ-დან $171 მლნ ფეროშენადნობია, $131 მლნ-ის ღვინო, $61 მლნ-ის მინერალური წყლები, $41 მლნ-ის სპირტიანი სასმელები, $27 მლნ-ის ხილი და $179 მლნ-ის დანარჩენი საქონელია.
ექსპორტის მოცულობამ $0.5 მლრდ-ს კიდევ ერთ ქვეყანაში აზერბაიჯანში გადააჭარბა და $531 მლნ-ს მიაღწია. ათეულში ასევე მოხვდნენ: თურქეთი - $322 მლნ, უკრაინა - $307 მლნ, სომხეთი - $257 მლნ, ბულგარეთი $254 მლნ, აშშ - $195 მლნ, ყაზახეთი - $96 მლნ და ესპანეთი $89 მლნ. ყველაზე მეტად 143%-ით ექსპორტი აშშ-ში გაიზარდა, 102%-ით კი ყაზახეთში. პირველი ათეულიდან 19%-იანი კლება მხოლოდ ბულგარეთში აღინიშნა.
რაც შეეხება საექსპორტო პროდუქციას, $815 მლნ-ით პირველ ადგილს სპილენძის მადნები იკავებს, $477 მლნ-ით მეორეზე ფეროშენადნობებია, $457 მლნ-ით სამეულს მსუბუქი ავტომობილები ასრულებს. ათეულში ასევე მოხვდნენ ღვინო - $240 მლნ, სპირტიანი სასმელები - $157 მლნ, მინერალური წყლები - $142 მლნ, აზოტოვანი სასუქები - $120 მლნ, თხილი და კაკალი - $118 მლნ, სამკურნალო საშუალებები - $99 მლნ და $64 მლნ. ყველაზე მეტად - 93%-ით ფეროშენადნობების ექსპორტი გაიზარდა, 65%-იანი მატება აღინიშნა სასუქების შემთხვევაში, ვარდნა კი მხოლოდ ოქროს შემთხვევაში ფაფიქსირდა და მისი ექსპორტი 34%-ით შემცირდა.