ექსპორტის პოტენციალის მქონე ქართული ბრენდები სახელმწიფოსგან ინვესტიციებს ითხოვენ

ექსპორტის პოტენციალის მქონე ქართული ბრენდები სახელმწიფოსგან ინვესტიციებს ითხოვენ

access_time2020-01-16 09:00:00

ექსპორტის პოტენციალის მქონე ქართული ბრენდები სახელმწიფოსგან ინვესტიციებსა და ფინანსებზე ხელმისაწვდომობის გაზრდას ითხოვენ, – ამის შესახებ ჩანთების ბრენდის „გეფერინის“ დამფუძნებელმა, ილია გეფერიძემ და საბავშვო ტანსაცმლის მწარმოებელი კომპანია „სპილოუს“ დირექტორმა, სოფო ჩხაიძემ საქართველოს პირველი არხის გადაცემა „ბიზნესპარტნიორში“ განაცხადეს.



გადაცემაში ქართული მოდის ინდუსტრიის, ტანსაცმლისა და აქსესუარების საექსპორტო პოტენციალი, პერსპექტივები და გამოწვევები განიხილეს. დისკუსიის დროს აღინიშნა, რომ ქართული ბრენდული პროდუქცია მსოფლიო ბაზარზე ფეხს ნელ-ნელა იკიდებს და სულ უფრო მოთხოვნადი ხდება.



„გეფერინმაც“ და „სპილოუმაც“ უკვე ისარგებლეს ისეთი სახელმწიფო პროგრამის მხარდაჭერით, როგორიცაა დამწყები ბიზნესის წახალისებაზე ორიენტირებული პროგრამა „აწარმოე საქართველოში“. ამ პროგრამის თანადაფინანსებით ორივე კომპანიამ რამდენიმე საერთაშორისო გამოფენაში მიიღო მონაწილეობა და საექსპორტო არხებიც გაჭრა. თუმცა, როგორც სტუმრებმა განმარტეს, ბრენდის შექმნა და საექსპორტო პოტენციალის გაფართოება მნიშვნელოვან ფინანსურ რესურსს ითხოვს. მათი თქმით, კარგი იქნება, თუ სახელმწიფო საექსპორტო პოტენციალის მქონე ბრენდებში გარკვეულ ინვესტიციებსაც ჩადებს.



„ქართველი მომხმარებლის ქცევა შეცვლილია და მათ სურთ, ქართული პროდუქცია შეიძინონ, რაც ძალიან კარგია. რაც შეეხება სახელმწიფო დახმარებას, ნამდვილად ცდილობენ, დაგვეხმარონ. ოთხ გამოფენაზე ვიყავით „აწარმოე საქართველოს“ თანადაფინანსებით და უშედეგოდ არ დავბრუნებულვართ. ჰონგ კონგში გაიხსნა ჩვენი მაღაზია, მაგრამ არის ბევრი გამოწვევა, კერძოდ დაფინანსებასთან დაკავშირებით. ჩემი აზრით, უნდა შეიქმნას სახელმწიფოში ისეთი ორგანოები, რომლებიც საექსპორტო პოტენციალის მქონე ბრენდებს წაახალისებს. მაგალითად, „საპარტნიორო ფონდი“ ინოვაციურ ბიზნესებს აფინანსებს. თუ იქნება მსგავსი მექანიზმი პოტენციური საექსპორტო ბრენდების დასაფინანსებლად, ძალიან კარგი იქნება, რადგან ბრენდის შექმნა დიდ სახსრებს მოითხოვს და დიდ სირთულეებთან არის დაკავშირებული“, – განაცხადა გეფერიძემ.



ჩხაიძის მოსაზრებით, კომპანიებმა უნდა გამოიყენონ ის შანსი, რომ საერთაშორისო ბაზარზე ქართველმა დიზაინერებმა გზა უკვე გაკვალეს და ქართულ ტანსაცმელზე მოთხოვნა არსებობს. მისი თქმით, ეს ნიშა რომ აითვისო, დიდი ფინანსური რესურსია საჭირო.



„ფინანსებზე ხელმისაწვდომობა არის ის, რაც ყველაზე მეტად გვჭირდება. სტარტაპერის ბიზნეს სესხი გვაქვს. პროგრამამ „აწარმოე საქართველოში“ უდიდესი ნაბიჯი გადაგვადგმევინა. ერთი წლის წინ წავედით საერთაშორისო გამოფენაზე და კონტაქტები დავამყარეთ. ბეირუთში გვქონდა მცირე ექსპორტი, ლონდონში, farfit.com-ზეც ვიყიდებოდით. როცა ამ სფეროში შედიხარ, სულ უფრო მეტი გინდა. ქართველმა დიზაინერებმა გაკვალეს გზა და მადლობლები ვართ, რომ ნულიდან არ ვიწყებთ. მოზრდილების ტანსაცმელი იმყარებს პოზიციებს და ახლა ჩვენ საბავშვოთი შევდივართ. საბავშვო ტანსაცმელს კრიტიკის თვალით უყურებენ, უნდა დარწმუნდნენ, რომ სანდო კომპანია ხარ, რადგან საქმე ბავშვებს ეხება, რომ კარგად კერავ, მაღალი ხარისხი გაქვს. ამიტომ ბრენდი რომ შექმნა და ნდობა მოიპოვო, მაღალი მოთხოვნებია, განსაკუთრებით ევროპაში. თუმცა დიდი მოთხოვნებია ამერიკასა თუ ჩინეთშიც. ექსპორტზე რომ გახვიდე, სადაც ამხელა შესაძლებლობებია და არ ჩაიკეტო, ფინანსებს ვეძებთ, რომ ბრენდის განვითარებისთვის ერთი დიდი ნახტომი გავაკეთოთ“, – განაცხადა ჩხაიძემ.



დისკუსიის დროს აღინიშნა, რომ ქართულ პროდუქციას გარკვეული კონკურენტული უპირატესობა აქვს თვით ყველაზე იაფფასიანი ჩინური პროდუქციის მიმართაც. მაგალითად ქუვეითმა მოითხოვა, რომ „გეფერინის“ ნაწარმზე მწარმოებლის აღმნიშვნელი წარწერა „ Made in Georgia“ აქსესუარებზე გარედან შესამჩნევად იყოს აღბეჭდილი.



„ეტაპობრივად ხალხი ჩინური პროდუქციის მიმართ ნდობას კარგავს და სხვა ქვეყნების პროდუქციას ეძებენ. ჩვენ ევროპულ ქვეყნად ვითვლებით და როდესაც „Made in Georgia“ აწერია, ეს ნიშნავს, რომ პროდუქცია ევროპაშია დამზადებული. ამიტომ, ქუვეითში მოითხოვეს წარწერა გარედან გაკეთდეს. ახლა „Made in Georgia“ მთლიანად აწერია გარედანაც და შიგნითაც. ჩინეთში გამოფენაზე თუ არ ვცდები, 1021 კომპანია იყო და ჩვენი და მათი საბითუმო ფასები რომ შევადარეთ, ძალიან მცირე განსხვავება აღმოჩნდა. პირიქით, ჩვენ უპირატესობაშიც კი ვიყავით, რაც თუნდაც შეკვეთის კომპონენტში გამოიხატება. როცა ჩინურ კომპანიებს კონკრეტულ მოდელს უკვეთავ, მათი მინიმალური მოთხოვნაა 500 ერთეული, ჩვენი კი 30-დან 50-მდე, რაც ძალიან დიდი უპირატესობაა. ხელსაყრელია ასევე ადგილმდებარეობა. ჩინური პროდუქცია 45 დღე გზაშია და გარდა ამისა, სულ მცირე ერთი თვე დამზადებას უნდა. ჩვენი – 45 დღეში უკვე ადგილზეა. ეს ჩვენი შანსია და უნდა გამოვიყენოთ. უბრალოდ ამას სჭირდება სწორი განვითარება და ახლა გვჭირდება სწორი დაფინანსება“, – განაცხადა გეფერიძემ.



მისი მოსაზრებით, სტანდარტული საბანკო პროდუქტებით საექსპორტო ბრენდები შორს ვერ წავლენ და სწრაფი განვითარებისთვის მათ სახელმწიფო ინვესტიციები ესაჭიროებათ.



„გვჭირდება რაღაც სხვა დახმარება, საპარტნიორო ფონდის მსგავსი, რომელიც საშუალებას მოგვცემს, რომ უფრო მეტად გავრისკოთ. ძალიან რთულია ამდენ ბრენდში თავის გატანა, როცა მიდიხარ და არ იცი, სად იქნები და როგორ, მაგრამ მაინც მიდიხარ. სახელმწიფომაც ასევე უნდა გარისკოს და ჩადოს თანხები ჩვენნაირ დამწყებ ბიზნესებში. ვთქვათ, 100 კომპანიიდან 20-მაც რომ გაამართლოს, რამდენ დასაქმებულს და ბიზნესს მივიღებთ საქართველოში“, – განუცხადა ილია გეფერიძემ „ბიზნესპარტნიორს“.



1tv.ge





თეგები:
ექსპორტი



დღის Top-10 საინტერესო ამბავი

დღის Top-10 საინტერესო ამბავი
access_time2020-04-09 21:30:56
დღის Top-10 საინტერესო ამბავი 1.„ავტომობილების 60 პროცენტი საზღვარგარეთ გადიოდა“ - კორონავირუსის და ჩაკეტილი საზღვრების გავლენა ავტობაზარზე კორონავირუსის პანდემიის პირობებში უძრავ-მოძრავ ქონებაზე მოსახლეობის მინიმუმამდე დასული ინტერესი ავტომობილების შიდა ბაზარზეც ისევე მძიმედ...

9 აპრილი - ქართული ლარი, თურქული ლირა და სომხური დრამი უმნიშვნელოდ გამყარდა

9 აპრილი - ქართული ლარი, თურქული ლირა და სომხური დრამი უმნიშვნელოდ გამყარდა
access_time2020-04-09 19:00:54
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის დასაწყისიდან ლარის მნიშვნელოვანი გაუფასურება დაიწყო და წლის დასაწყისთან შედარებით, დაახლოებით 22%-ით გაუფასურდა. Bloomberg-ის სავაჭრო სისტემაშიც ბოლო პერიოდის განმავლობაში ლარი ძირითადად მკვეთრად უფასურდებოდა, რეგიონის ვალუტის კურსები კი ან მცირედით და ეტაპობრივად უფასურდება, ან მყარდება.   ეროვნული ბანკის მიერ გამოქვეყნებული 8 აპრილის ვაჭრობის შედეგად, ქართული ლარის კურსი...

დარგები, რომელიც პანდემიის დასრულების შემდეგ გაკოტრების წინაშე აღმოჩნდება-ირაკლი ბერძენაძე

დარგები, რომელიც პანდემიის დასრულების შემდეგ გაკოტრების წინაშე აღმოჩნდება-ირაკლი ბერძენაძე
access_time2020-04-09 18:00:52
ევროპის ლიბერალური ეკონომიკის ასოციაციის საერთაშორისო ეკონომიკური ექსპერტი ირაკლი ბერძენაძე facebook-ში პოსტს აქვეყნებს, რომელსაც „კომერსანტი“ უცვლელად გთავაზობთ: „კორონავირუსის პანდემია აუცილებლად დასრულდება მაქსიმუმ 2 თვის ვადაში, მაგრამ სექტორები, რომლებიც აღმოჩნდებიან ღრმა ფინანსურ კრიზისში და გარკვეულწილად გაკოტრების წინაშე იქნება შემდეგი: 1) უძრავი ქონების ბაზარი - (კომერციული და საცხოვრებელი ბინების გაქირავება, მშენებლობა).2) ტურიზმი (სასტუმრო, AirBnb ზე...

საერთაშორისო მისიების ღია წერილი საქართველოს მთავრობასა და ხალხს - „საჭიროა დაუცველი ბიზნესებისა და მოსახლეობის მხარდაჭერა, რომ შოკს გაუძლონ“

საერთაშორისო მისიების ღია წერილი საქართველოს მთავრობასა და ხალხს - „საჭიროა დაუცველი ბიზნესებისა და მოსახლეობის მხარდაჭერა, რომ შოკს გაუძლონ“
access_time2020-04-09 14:31:25
საქართველოში მოქმედი საერთაშორისო ფინანსური ორგანიზაციების წარმომადგენლები და დიპლომატები საქართველოს მთავრობასა და ხალხს ღია წერილით მიმართავენ. ღია წერილი მსოფლიო ბანკმა გაავრცელა. წერილში პანდემიისგან გამოწვეულ პრობლემებთან გასამკლავებლად საქართველოს მზაობასა და ქვეყნის მხარდაჭერაზეა საუბარი. „COVID-19–ის პანდემია და მასთან დაკავშირებული ეკონომიკური კრიზისი უპრეცედენტო სისწრაფით ღრმავდება და მსოფლიოს ეკონომიკას რეცესიისკენ...

რუსეთში კარანტინის პირველივე კვირას ტანსაცმლის გაყიდვები განულდა

რუსეთში კარანტინის პირველივე  კვირას ტანსაცმლის გაყიდვები განულდა
access_time2020-04-09 18:30:46
„სბერბანკის“ ინფორმაციით, პირველივე არასამუშაო კვირა რუსეთში, რომელიც 30 მარტიდან 5 აპრილამდე გაგრძელდა, ტანსაცმლისა და ფეხსაცმლის მაღაზიებისთვის კრახის დასაწყისი გახდა, მოთხოვნა პრაქტიკულად განულდა - რეალიზაცია 94,2 პროცენტით შემცირდა. ავეჯსა და ინტერიერის ნივთებზე მოთხოვნა რუსეთში 81 პროცენტით დაეცა, ხოლო ტექნიკა და ელექტრონიკის გაყიდვები 58 პროცენტამდე შემცირდა. თუმცა, რუსებმა მოიმარაგეს ღვინო, საკვები და წამლები. სხვა სფეროებს კრიზისის...


მსგავსი სიახლეები

up