ექსპორტის განვითარების ასოციაციას ახალი ხელმძღვანელი და საბჭოს ახალი წევრები ჰყავს

ექსპორტის განვითარების ასოციაციას ახალი ხელმძღვანელი და საბჭოს ახალი წევრები ჰყავს

access_time2020-02-25 15:13:51

ექსპორტის განვითარების ასოციაციას ახალი ხელმძღვანელი ჰყავს - სამეთვალყურეო საბჭოს თავმჯდომარედ ანი კვარაცხელია აირჩიეს, რომელიც ასოციაციას სამთავრობო, კერძო და არასამთავრობო სექტორში მრავალწლიანი მუშაობის შემდეგ შეუერთდა. მის სახელს უკავშირდება არაერთი სახელმწიფო ინიციატივა, მათ შორის, მეწარმეობის განვითარების სააგენტოს და ექსპორტის ხელშეწყობის სტრატეგიის შექმნა და განვითარება.


ამასთან, ექსპორტის განვითარების ასოციაციის მმართველ და მრჩეველთა საბჭოს 3 ახალი წევრი შემოემატა. ნიკა ქურდიანი, დათუნა რაქვიაშვილი და მამუკა ბერიაშვილი სამეთვალყურეო საბჭოს ახალ გამოცდილდებას და ხედვას შესძენენ კერძო სექტორის, პოლიტიკის განვითარების, სტრატეგიისა და ინოვაციის, ბაზრის ანალიზის, ბიზნესის, სტარტ აპის განვითარების, კომუნიკაციისა და მარკეტინგის მიმართლებით. სამეთვალყურეო საბჭოს წევრები ასევე არიან გვანცა მელაძე, გიორგი აბაშიშვილი და ზურა ღამბაშიძე.


ასოციაციის სამეთვალყურეო საბჭოს თავმჯდომარე ანი კვარაცხელია 2011 წლიდან აქტიურად იყო ჩართული ქართული კერძო სექტორის განვითარების სახელმწიფო და საერთაშორისო პროგრამებში. მათ შორისაა, ეროვნული საინვესტიციო სააგენტოს ღვინის კამპანია აზიაში (2011-2012), საქართველოს ეკონომიკისა და მდგრადი განვითარების სამინისტროს ინსტიტუციური რეფორმა 2013 წელს, მეწარმეობის განვითარების სააგენტოს (აწარმოე საქართველოში) შექმნა, რომელსაც იგი 2015-2017 წლებში ხელმძღვანელობდა; ექსპორტის ხელშეწყობის სტრატეგია და ექსპორტის დაკრედიტების სქემების საქართველოში დანერგვის იდეა. 2017-2019 წლებში კი ანი კვარაცხელია აქტიურად იყო ჩართული ანაკლიის პორტის, ქალაქისა და ეკონომიკური ზონის განვითარებაში, როგორც „სს ანაკლია სითის“ დირექტორის მოადგილე.


ექსპორტის განვითარების ასოციაცია (EDA) დაარსდა 2012 წელს ქართული საწარმოების ექსპორტის ზრდისა და დივერსიფიკაციის მიზნით.EDA აერთიანებს ასამდე ექსპორტზე ორიენტირებულ ქართველ მეწარმესა და მომსახურების მიმწოდებელს. სოციაცია ექსპორტიორებს სთავაზობსმუდმივად განახლებულ პროდუქტის / ბაზრის მოკლე მიმოხილვას და სტიმულს აძლევს ქართულ კომპანიებს ჩაერთონ საექსპორტო საქმიანობაში მათი ბიზნესის გაფართოებისა და საერთაშორისო ბაზრებზე შეღწევის მიზნით. ასოციაციის
მთავარი კომპეტენციაა ბაზარზე შესვლის სტრატეგიის შემუშავება და განხორციელება.


საბჭოს წევრების შესახებ:



ნიკა ქურდიანი თიბისი ბანკის გენერალური დირექტორის მოადგილეა, მცირე, საშუალო და მიკრო სეგმენტის საბანკო მომსახურების და მარკეტინგის მიმართულებით. საბანკო ინდუსტრიაში მისი გამოცდილება 15 წელზე მეტს ითვლის, მათ შორის, ის იყო კასპი ბანკის - ყაზახეთის წამყვანი საცალო ბანკის - მმართველი დირექტორი; ხელმძღვანელობდა UniCredit Group-ის სხვადასხვა განყოფილებას ცენტრალურ და აღმოსავლეთ ევროპის ქვეყნებში. ნიკა ქურდიანის საქმიანობას უკავშირდება საქართველოში არაერთი ინოვაციური პროექტი თუ ინიციატივა, რომლებიც კერძო სექტორის, სტარტ-აპებისა და ინდუსტრიების განვითარებას უწყობს ხელს.


მამუკა ბერიაშვილი 2020 წლიდან არის გაერთიანებული კომპანია NUTEX/ NUTSGE-ის აღმასრულებელი დირექტორი. ის თხილის სექტორში მუშაობის 22-წლიანი გამოცდილებას ფლობს. ბერიაშვილი არის თხილის მწარმოებელი/ექსპორტიორი კომპანია NUTEX-ის (2007), და კომპანია NUTSGE-ის (2012) დამფუძნებელი.


დათუნა რაქვიაშვილი 20 წელზე მეტია აქტიურად არის ჩართული ბიზნესის, სოციალური და საგანმანათლებლო პლატფორმების შემუშავებასა და განვითარებაში. იგი კურირებდა აშშ საელჩოს პოლიტიკურ და ეკონომიკურ დეპარტამენტებს. მრავალი წლის განმავლობაში ინსტიტუციურად ავითარებდა სათავგადასავლო ტურიზმს. 2000 წლიდან დღემდე არის სამთო გამყოლთა ასოციაციის თანადამფუძნებელი და პრეზიდენტი. დავით რაქვიაშვილი ასევე არის საქართველოს საზოგადოებრივ საქმეთა ინსტიტუტის თანადამფუძნებელი და წლების განმავლობაში ხელმძღვანელობდა ინსტიტუტის სამეთვალყურეო საბჭოს.


გვანცა მელაძე სახელმწიფო, კერძო და საერთაშორისო ორგანიზაციებთან მუშაობის 20-წლიან გამოცდილებას ფლობს ეკონომიკური განვითარების პროექტებში, ძირითადად, პრივატიზაციის, სოფლის მეურნეობის განვითარების, უცხოური ინვესტიციებისა და ექსპორტის ხელშეწყობის კუთხით. 2013 წლიდან ის აქტიურად არის ჩართული ექსპორტის ასოციაციის საქმიანობაში როგორც სამეთვალყურეო საბჭოს თავმჯდომარე (2019 წლამდე) და გამგეობის წევრი.


ზურა ღამბაშიძის გამოცდილება ვაჭრობის და გაყიდვების მიმართულებით წამყვან კომპანიებში მუშაობის 20 წელს მოიცავს. ის, ასევე, აქტიურად არის ჩართული ექსპორტისა და მარკეტინგის მიმართულებით სხვადასხვა ჯგუფების საგანმანათლელბო საქმიანობაში.


გიორგი აბაშიშვილი 2019 წლიდან გაეროს ეკონომიკისა და სოციალური მიმართულების განყოფილებაში მუშაობს და არის საქართველოს ეროვნული კონსულტანტი, სხვადასხვა დროს მუშაობდა საქართველოს პარლამენტში, საქართველოს პრეზიდენტის ადმინისტრაციაში ეკონომიკური მიმართულებით; ჩართული იყო არაერთი კერძო თუ სახელმწიფო ორგანიზაციის ეკონომიკური სტრატეგიის განვითარებაში, ასევე, მართავდა საერთაშორისო ფონდების პროექტებს სამოქალაქო, ეკონომიკური თუ პოლიტიკური განათლების მიმართულებით.







„ნენას“ და „კალვეს“ პროდუქციაში დარღვევები აღმოჩნდა– „Momxmarebeli.ge“

„ნენას“ და „კალვეს“ პროდუქციაში დარღვევები აღმოჩნდა– „Momxmarebeli.ge“
access_time2020-07-09 17:25:58
„Momxmarebeli.ge-ზე“ გამოქვეყნებული კვლევის ფარგლებში შემოწმდა  საქართველოსა და საზღვარგარეთ წარმოებული პროდუქცია.კვლევაში აღნიშულია, რომ შემოწმდა თბილისის სხვადასხვა მაღაზიაში 41 დასახელების სასურსათო პროდუქტი და გერმანიის ლაბორატორია „ევროფინსში“ სუდანის ჯგუფის არასაკვები საღებავების შემცველობაზე შესამოწმებლად იქნა გაგზავნილი. ორგანიზაციის ინფორმაციით, . 5 ნიმუშში საღებავი „სუდან...

„სილქნეტის“ მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ

„სილქნეტის“ მობილური აბონენტები თიბისის მობაილბანკით  სარგებლობას ინტერნეტის დახარჯვის გარეშე შეძლებენ
access_time2020-07-09 14:55:15
ონლაინ მომსახურების ხელშესაწყობად, სილქნეტმა არაერთი სერვისი შესთავაზა მომხმარებელს, რომელიც მას დისტანციურად მომსახურების მიღების საშუალებას გაუმარტივებს. ამისათვის, კომპანია ვირუსის გავრცელების ადრეული ეტაპიდანვე ზრუნავს, რათა გაუფრთხილდეს მომხმარებლის ჯანმრთელობასა და უსაფრთხოებას. ონლაინ საბანკო მომსახურება პროდუქტი ყოველდღიურობისათვის აუცილებელ მომსახურებათა ჩამონათვალშია. ამ მომსახურების სერვისის შეუფერხებლად მიწოდებისაათვის, სილქნეტმა, თიბისისთან ერთად, თავის მომხმარებელს...

როდის განაახლებს სტუმრების მიღებას „რადისონ ქოლექშენი წინანდლის მამული“

როდის განაახლებს სტუმრების მიღებას „რადისონ ქოლექშენი წინანდლის მამული“
access_time2020-07-09 17:00:15
„სილქ როუდ ჯგუფის“ სასტუმრო „რადისონ ქოლექშენი წინანდლის მამულში“ ჩვეულ რეჟიმში ფუნქციონირებას 3 დღეში დაუბრუნდება, - ამის შესახებ სასტუმროს მენეჯერი ელენე ოთარაშვილი აცხადებს. მისი თქმით, ამ დროისათვის წინანდლის მამულში ადგილზე ექსპერტები და გამომძიებლები მუშაობენ. როგორც სასტუმროს ხელმძღვანელი აღნიშნავს, საუნა ამ დროისთვის არსებული რეგულაციების გამო არ ფუნქციონირებდა. „ხანძრის შედეგად დაზიანდა მეხუთე სართულზე განთავსებული საუნა და...

ბიზნესმენი კახა ოქრიაშვილი სპეციალურ განცხადებას ავრცელებს

ბიზნესმენი კახა ოქრიაშვილი სპეციალურ განცხადებას ავრცელებს
access_time2020-07-09 13:25:44
ბიზნესმენი კახა ოქრიაშვილი სპეციალურ განცხადებას ავრცელებს, რომელსაც „კომერსანტი“ უცვლელად გთავაზობთ: „სამართლიანი არჩევნებისა და დემოკრატიის საერთაშორისო საზოგადოებამ“ (ISFED) ე.წ. წინასაარჩევნო პერიოდის შუალედური ანგარიში წარმოადგინა, სადაც ჩემს მიერ, 16 000 ოჯახისთვის პირველადი მოხმარების საკვები პროდუქტის მიწოდება „წინასაარჩევნო მოსყიდვადაა“ შეფასებული. მინდა, საზოგადოებისთვის რამდენიმე მიმართულებით გავაკეთო განმარტება: სამართლებრივ ჭრილში, საარჩევნო კოდექსის 47-ე მუხლის...

„თეგეტა მოტორსი“ და „ლილო-მოლი“ 2019 წელს „ქართული ოცნების“ მსხვილი დამფინანსებლები იყვნენ-TI

„თეგეტა მოტორსი“ და „ლილო-მოლი“ 2019 წელს „ქართული ოცნების“ მსხვილი დამფინანსებლები იყვნენ-TI
access_time2020-07-09 13:30:02
„საერთაშორისო გამჭვირვალობა-საქართველოს“ კვლევის მიხედვით, წლების განმავლობაში მმართველი პარტიის დამფინანსებლებს შორის ჩამოყალიბდა რამდენიმე მსხვილი ჯგუფი, რომლებიც თითქმის ყოველ არჩევნებზე „ქართულ ოცნებას” დიდ თანხებს ურიცხავენ. „ყველა ამ ბიზნესჯგუფს ერთი საერთო...


მსგავსი სიახლეები

up