„მსოფლიოს რამდენიმე უმსხვილესმა კომპანიამ პანდემიის პერიოდში ახალ ბიზნეს-მოდელებზე გადასვლა მოახერხა და თუ მათ მაგალითს სხვებიც მიბაძავენ, შრომის ეფექტურობის ზრდა პანდემიის შემდეგ 2008-2009 წლებთან შედარებით 2-ჯერ სწრაფი იქნება“, - ასეთია საკონსულტაციო კომპანია McKinsey-ის კვლევის შედეგები.
კერძოდ, ამ კომპანიებმა პანდემიის პერიოდში მუშაობის თამამი სტრატეგია აირჩიეს, ონლაინ-გაყიდვებზე გადავიდნენ, წარმოების მაქსიმალური ავტომატიზება მოახდინეს, გადაწყვეტილებების მიღების ტემპები დააჩქარეს და საბოლოო ჯამში, შრომის ეფექტურობაც გაზარდეს.
იმ შემთხვევაში, თუ ასეთი მდგომარეობა ნორმა გახდება, ხოლო მოთხოვნა მდგრადი იქნება, შრომის პროდუქტიულობა ყოველწლიურად 1%-ით, 2024 წლამდე გაიზრდება.
McKinsey-ს ექსპერტების შეფასებით, ამ შემთხვევას წარმოების ზრდა პანდემიის შემდეგ 2-ჯერ უფრო სწრაფი იქნება, ვიდრე 2008-2009 წლების გლობალური კრიზისის შემდეგ.
პროდუქტიულობის ზრდის პოტენციალის კუთხით, ექსპერტები რამდენიმე სექტორს გამოყოფენ - ჯანდაცვას, მშენებლობას, საინფორმაციო ტექნოლოგიებს და საცალო გაყიდვებს.
თუმცა, გლობალური ეფექტურობის ზრდისთვის, პროცესი უფრო ფართო უნდა იყოს და თანაბრად სხვა დარგებსაც შეეხოს.
„თუ ეფექტურობა მხოლოდ რამდენიმე, რჩეულ მიმართულებებზე იქნება და რამდენიმე სუპერვარსკლავ-კომპანიას შეეხება, სხვაობა მათსა და აუთსაიდერებს შორის გაიზრდება. ეს კი შემოსავლების უთანასწორობას და საბოლოო ჯამში გაზრდილ უმუშევრობას გამოიწვევს“, - მიიჩნევენ McKinsey-ის ანალიტიკოსები.
2022 წლამდე შრომის წარმადობის ყოველწლიური ზრდა 1 პროცენტული პუნქტით ესპანეთის მშპ-ს ერთ სულ მოსახლეზე 1500 დოლარით, ხოლო აშშ-ს 35000 დოლარით მატების ტოლფასია.
ამ კვლევაში შრომის ეფექტურობა ჯამური დამატებითი ღირებულების სამუშაოზე დახარჯულ საათებზე გაყოფით გამოითვლება.
ავტორები ასევე კომპანიების შრომის ეფექტურობაზე ციფრული ტექნოლოგიების, წარმოების ავტომატიზების, შრომის ინოვაციური მეთოდების და ადამიანურ კაპიტალში ინვესტიციების გავლენას აფასებენ.
.
McKinsey-ს ექსპერტების დასკვნით, პანდემიის გამოცდილება, კერძოდ, დისტანციური მუშაობა, შრომის პროდუქტიულობის ზრდის ახალ შესაძლებლობებს, ძირითადად მაღალიტექნოლოგიების დანერგვის გზით იძლევა.
rbc.ru
მოამზადა თენგიზ აბლოთიამ