ექსპერტების მოსაზრებით, WHO თამბაქოს ჩანაცვლების ინოვაციური მეთოდების დანერგვას აფერხებს

ექსპერტების მოსაზრებით, WHO თამბაქოს ჩანაცვლების ინოვაციური მეთოდების დანერგვას აფერხებს

access_time2020-06-02 13:06:17

მსოფლიო თამბაქოს გარეშე“ - ეს არის მსოფლიო ჯანდაცვის ორგანიზაციის მიერ შემუშავებული ყოველწლიური კამპანია, რომელიც მსოფლიოში თამბაქოს მოხმარების შემცირებისკენ არის მიმართული. ღონისძიებას სხვადასხვა ქვეყნის დამოუკიდებელი ექსპერტები გამოეხმაურნენ და ისინი საკუთარ განცხადებებში ჯანმოს პოლიტიკასა და თამბაქოსთან ბრძოლის მეთოდებს აკრიტიკებენ.



დამოუკიდებელი ექპსერტები მიიჩნევენ, რომ ორგანიზაციამ დაივიწყა თავდაპირველი მისია - შეექმნა გარემო, რომელიც მსოფლიოს მოსახლეობას ჯანმრთელობის უმაღლესი დონით უზრუნველყოფდა. მათ შორის ჯანმრთელობის უმაღლეს დონეს შესთავაზებდა იმ 1 მილიარდ მწეველს, რომლებიც თამბაქოს მოხმარების შედეგად გამოწვეული დაავადებების მაღალი რისკის ქვეშ იმყოფებიან. ექსპერტები მიიჩნევენ, რომ ორგანიზაცია ამ გამოწვევებთან ბრძოლას არაეფექტურად და უშედეგოდ აწარმოებს. ჯანმო არ ითვალისწინებს ინოვაციურ ალტერნატივებისა და ახალი ტექნოლოგიების დადებით ეფექტებს, რომელიც შესაძლებლობას აძლევს ჯანდაცვის სისტემებს, შეამცირონ მოწევისგან გამოწვეული სიკვდილიანობის მაჩვენებელი.



ჯანმოს კვლევის პოლიტიკისა და კოოპერაციის დეპარტამენტის ყოფილი ხელმძღვანელის ტიკი პანგეტსუს განცხადებით, „ორგანიზაციის მთავარი მიზანი მოწევასთან დაკავშირებული დაავადებების ოდენობის შემცირება იყო, თუმცა, ამ მიზნის მიღწევისკენ მიმავალ გზაზე ჯანმომ დაკარგა საკუთარი მიზნის ნათელი ხევდა და შეიმუშავა ვიწრო შეხედულება, რომელმაც ის არაეფექტურ და უშედეგო პოზიციამდე მიიყვანა. პოზიციამდე, სადაც მეცნიერების ხმა ვერ აღწევს“.



ნიუ-იორკის უნივერსიტეტის საერთაშორისო საზოგადოებრივი ჯანდაცვის სკოლის პროფესორი დევიდ აბრამსი მიიჩნევს, რომ დღეს ელექტრონული სიგარეტი და გასახურებელი მოწყობილობები მწეველებისთვის საუკეთესო ალტერნატივას წარმოადგენს.



„კვლევებით დასტურდება, რომ მოწევის ალტერნატიულ საშუალებებზე გადასვლის შემდეგ მწეველი ადამიანები ჯანმრთელობის მდგომარეობის გაუმჯობესებას განიცდიან. მიუხედავად ამისა, ჯანმოს ქვეყნები ამ მოწყობილობებზე მკაცრ რეგულაციებსა და აკრძალვებს აწესებენ. ჩვენთვის გაუგებარი რჩება, რატომ უნდა აიკრძალოს ჯანმრთელობისთვის ნაკლები ზიანის მომტანი მოწევის ალტერნატივა, როდესაც ტრადიციული სიგარეტი ყველასთვის ხელმისაწვდომია?“, - წერს დევიდ აბრამსი.



ჯანმოს მიერ შემუშავებული მდგრადი განვითარების პროგრამა მსოფლიოში არაგადამდები დაავადებების შედეგად გამოწვეული სიკვდილიანობის 1/3-ით შემცირებას ისახავს მიზნად. თუმცა, ორგანიზაციის ქმედებები უშედეგო და არაეფექტურია.



„თუ მსოფლიოს ჯანდაცვის ორგანიზაცია არ შეცვლის საკუთარ მიდგომებს თამბაქოს ალტერნატიულ პროდუქტებთან მიმართებით, მაშინ ის ხელიდან გაუშვებს შანსს, შეამციროს თამბაქოს მოწევის შედეგად გამოწვეული კიბოს, გულისა და ფილტვების დაავადებების რიცხვი“, - წერს ახალი ზელანდიის ოკლენდის უნივერსიტეტის პროფესორი რობერტ ბიგლიჰოლი.




მისივე მოსაზრების თანახმად, „მოწევის ალტერნატიულ საშუალებებზე გადასვლამ შესაძლოა დიდი ცვლილებები გამოიწვიოს და 2030 წლისთვის შეამციროს მოწევისგან გამოწვეულ დაავადებათა ოდენობა, რაც შესაძლებლობას მისცემს ორგანიზაციას, შეასრულოს დასახული გეგმა, რომლის მიღწევასაც ჯანმო დღეს სიგარეტებზე აკრძალვის დაწესებით გეგმავს“.



ექსპერტთა მიერ გამოთქმულ მოსაზრებებს ეთანხმება აშშ-ს ერთერთი შტატის პროკურორი, ტომ მილერი. მისი განცხადებით: „ჯანმომ დაივიწყა საკუთარი მისია - შეემცირებინა მსოფლიოში არაგადამდებ დაავადებათა რაოდენობა. ჩვენ ამ მიზნის მიღწევა შეგვიძლია მხოლოდ იმ შემთხვევაში, თუ მომხმარებელს მივცემთ შესაძლებლობას, აირჩიოს ახალი, ნაკლები რისკის შემცველი თამბაქოს პროდუქტები. ამისათვის კი აუცილებელია ტრადიციული მოწევის ალტერნატიულ მოწყობილობებზე რეგულიაციების შემცირება და მათი ხელმისაწვდომობა“.


„მსოფლიო თამბაქოს გარეშე - იმის ნაცვლად, რომ ეს კამპანია მსოფლიოში მწეველთა რაოდენობის ეფექტურ შემცირებას ცდილობდეს, ჯანმო მათ რადიკალურ ზომებს სთავაზობს. ორგანიზაცია მწეველ მოსახლეობას ულტიმატუმს უყენებს: „მოწევისთვის თავის დაბებება ან სიკვდილი“, - ეს ჯანმოს მიერ შეთავაზებული უაზრო არჩევანია. თუმცა, ის არ ითვალისწინებს იმ ადამიანების მოთხოვნილებებს, რომლებიც ვერ ან არ ანებებენ თავს მოწევას“, - წერს პროფესორი ჯონ ბრიტონი, ნოტინგემის უნივერსიტეტის ეპიდემიოლოგიის პროფესორი და ბრიტანეთის „თამბაქოსა და ალკოჰოლის კვლევის“ ცენტრის დირექტორი.



„ჯანმოს ძალისხმევა, შეამციროს თამბაქოს მომხმარებელთა რიცხვი - უშედეგოა. თამბაქოს მოხმარებისგან გამოწვეული სიკვდილიანობის დონის შესამცირებლად საჭიროა არა სიგარეტზე აკრძალვის დაწესება, არამედ ისეთი პოლიტიკის გატარება, რომელიც ზიანის შემცირებას გულისხმობს“, - მიიჩნევს პროფესორი რაჰერ შარანი.


ოტავის უნივერსიტეტის პროფესორი, დევიდ სვეარონი კი ჯანმოს ბაზარზე სიგარეტის მწარმოებელი კომპანიების ოლიგოპოლიის ხელშეწყობაში სდებს ბრალს.



„ჯანმო თამბაქოს ინდუსტრიით არის შეპყრობილი. ორგანიზაცია არ აღიარებს ალტერნატიული საშუალებების ეფექტურობას და მათ წინააღმდეგ რადიკალურ ბრძოლას აწარმოებს. ჯანმო არ ითვალისწინებს იმ ფაქტს, რომ ბაზარზე ახალი ალტერნატივების გამოჩენა ხელს უწყობს სიგარეტზე მოთხოვნისა და გაყიდვების კლებას. სწორედ მოწევის ალტერნატიული მოწყობილობები არის ის, რაც ჯანმრთელი მომავლის შესაქმნელად გვჭირდება. თუმცა, ამ შეხედულებას ჯანმო და მისი კერძო ინვესტორები არ იზიარებენ. ისინი ვერ აცნობიერებენ, რომ მოწყობილობებზე დაწესებული აკრძალვის შედეგად, მხარს უჭერენ ბაზარზე სიგარეტის მწარმოებელი გიგანტების ოლიგოპოლიას“.


(R)


თეგები:
თამბაქო



რა არის ლაქტოზა და რატომ ხდება აუტანელი ჩვენი ყოფა თუნდაც ასე უწყინარი რძიანი ყავის მიღებისას

რა არის ლაქტოზა და რატომ ხდება აუტანელი ჩვენი ყოფა თუნდაც ასე უწყინარი რძიანი ყავის მიღებისას
access_time2020-07-02 16:00:27
მუცლის შებერილობა, დიარეა, მეტეორიზმი ეს ის ნიშნებია, რომელსაც ნებისმიერი ჩვენგანი ცხოვრებაში ერთხელ მაინც შევუწუხებივართ. ფარმაცევტულ ინდუსტრიაში უამრავი მედიკამენტი ან დამხმარე საშუალებაა შექმნილი მსგავსი პრობლემების მოსაგვარებლად, თუმცა ნებისმიერი მათგანი უძლურია, თუ ეს ნიშნები რძის მიღებასთან და ლაქტოზის აუტანლობასთანაა დაკავშირებული. რა არის ლაქტოზა და რატომ ხდება აუტანელი ჩვენი ყოფა თუნდაც ასე უწყინარი რძიანი ყავის მიღებისას. კიდევ უფრო დიდი პრობლემაა ლაქტოზის აუტანლობა ბავშვთა ასაკში,...

დღის Top-10 საინტერესო ამბავი

დღის Top-10 საინტერესო ამბავი
access_time2020-07-02 21:30:40
დღის Top-10 საინტერესო ამბავი 1.„თუ საპარტნიორო ფონდიდან გამოირიცხება რკინიგზის და ელექტროსისტემის ზარალი,ფონდის საქმიანობა მომგებიანია“ - ირაკლი...

NASA-ს შეკვეთით შექმნილ სუნამოს კოსმოსის სუნი აქვს

NASA-ს შეკვეთით შექმნილ სუნამოს კოსმოსის სუნი აქვს
access_time2020-07-02 16:00:37
ამერიკის შეერთებული შტატების აერონავტიკისა და კოსმოსის კვლევის ეროვნული სააგენტოს (NASA) შეკვეთით, ქიმიკოსმა სტივ პირსმა სუნამო სახელწოდებით Eau de Space შექმნა, რომელსაც ისეთივე სუნი აქვს, როგორიც ღია კოსმოსში დგას.„კისტარტერი ეს არის მასშტაბური კომპანია, რომელმაც მიზნად დაისახა რომ კოსმოსის სუნი დედამიწაზე ჩამოიტანოს და ყოველდღიური მოხმარების სუნამოდ აქციოს - ამის შესახებ ინფორმაციას Cnn ავრცელებს. როგორც Eau De Space-  ის პროდუქტის განვითარების...

მილიარდერების რაოდენობით სან-ფრანცისკომ მოსკოვს, ლონდონს და პეკინს გაუსწრო

მილიარდერების რაოდენობით სან-ფრანცისკომ მოსკოვს, ლონდონს და პეკინს გაუსწრო
access_time2020-07-02 18:00:17
აშშ-ის ქალაქი სან-ფრანცისკო ახლა მსოფლიოში რიგით მესამე ქალაქია მილიარდერების რაოდენობის მიხედვით. როგორც Wealth-X-ის მიერ უმდიდრესი ადამიანების ყოველწლიური გამოკითხვიდან ირკვევა, აშშ-ში მთლიანად 788 მილიარდერი ცხოვრობს. მსოფლიოს მილიარდერების მთლიანი ქონების 28% სწორედ ამერიკელ მილიარდერებზე მოდის. ნიუ-იორკში ყველაზე მეტი მილიარდერი ცხოვრობს, მას მოსდევს ჰონგ-კონგი, ხოლო მესამე ადგილას 79 კვ.კმ ფართობის სილიკონ ველი გავიდა, რომელიც სან-ფრანცისკოში მდებარეობს, და რომელიც...

ათასობით ბიზნესი გაკოტრების პირასაა და ამაზე მეტი ადამიანი სამსახურის გარეშე-მაია სიდამონიძე

ათასობით ბიზნესი გაკოტრების პირასაა და ამაზე მეტი ადამიანი სამსახურის გარეშე-მაია სიდამონიძე
access_time2020-07-02 15:00:35
“ათასობით ბიზნესი გაკოტრების პირასაა და ამაზე მეტი ადამიანი სამსახურის გარეშე,”- ამის შესახებ, ტურიზმის ეროვნული ადმინისტრაციის ყოფილი ხელმძღვანელი მაია სიდამონიძე „ფეისბუქის“ პირად გვერდზე, „ვიზეარის“ მიერ გავრცელებულ განცხადებასთან დაკავშირებით წერს. „კომერსანტი“  მაია სიდამონიძის ფეისბუქ პოსტს უცვლელად გთავაზობთ:  „ქვეყნებმა, რომლებმაც გახსნეს საზღვრები ნაკლებად ადარდებთ საკუთარი მოსახლეობის ჯანმრთელობა და...


მსგავსი სიახლეები

up