ექსპერტები საქართველოდან დოლარის აზერბაიჯანში გადინებას პროგნოზირებენ

ექსპერტები საქართველოდან დოლარის აზერბაიჯანში გადინებას პროგნოზირებენ

person access_time2016-01-11 15:05:55

მოახდენს თუ არა აზერბაიჯანში შექმნილი სავალუტო კრიზისი ქართულ ეროვნული ვალუტის კურსზე დამატებით ზეწოლას?

ექსპერტთა ნაწილი ასეთ საფრთხეს არ გამორიცხავს.


ემზარ ჯგერენაია შექმნილ ვითარებას საგანგაშოდ აფასებს და ამბობს, რომ აზერბაიჯანში გაჩენილი პანიკა და დოლარზე მოთხოვნა საქართველოს აუცილებლად შეეხება. ექსპერტის შეფასებით, აზერბაიჯანული ბიზნესი ეცდება საქართველოში გადაახურდავოს მანათი მყარ ვალუტაზე, რაც საქართველოში დოლარზე მოთხოვნას გაზრდის, შესაბამისად, ლარი უფრო გაუფასურდება.


„ასევე, რუსეთის ვალუტის დოლართან გაცვლითი კურსი 76 ის მიდამოებში დაფიქსირდა, რაც ძალზე დაბალია ბოლო სამი თვის მანძილზე. რუსეთი ყველა საქონელს ყიდის რუსულ რუბლებში, რაც ძალზე იაფს, დემპინგურს ხდის რუსეთიდან იმპორტირებულ საქონელზე ფასს,ანალოგიურად თურქეთიდან იმპორტს, ლირას დაცემული კურსის გამო. იაფი იმპორტირებული საქონლის ტალღის ზრდით, იზრდება დოლარზე მოთხოვნილება საქართველოში და კონკურენცის  პირობები ირღვევა საქართველოს მეწარმეებისათვის ჩვენს  ბაზარზე, რაც ემუქრება ეკონომიკურ ზრდასაც და ინვესტიციების მოზიდვასაც,“- აცხადებს ემზარ ჯგერენაია.


ექსპერტი მიიჩნევს, რომ მთავრობამ არსებული სიტუაციის კონტრნაბიჯების შემსწავლელი და სამოქმედო სქემის შემქმნელი საგანგებო საბჭო უნდა შექმნას. ჯგერენაია ფიქრობს, რომ საბჭოში ხელისუფლების სხვადასახვა შტოები, ბიზნეს და  საექსპერტო წრეები უნდა ჩაერთონ, რომ ქვეყანამ საფინანსო ზვავის თავიდან არიდება შეძლოს.



კოლეგის შიშებს აზერბაიჯანული ბიზნესის მიერ საქართველოდან დოლარის გატანასთან დაკავშირებით აბსურდულს უწოდებს ეროვნული ბანკის ყოფილი პრეზიდენტი რომან გოცირიძე.


როგორც მან „კომერსანტთან“ განაცხადა, ქართული სავალუტო ჯიხურები აზერბაიჯანულ მანათს არ გადაახურდავებენ.


„აზერბაიჯანული მანათი დღეს ვის სჭირდება? მოვლენ და აზერბაიჯანულ ფულს გადაახურდავებენ? აბსოლუტურად გამორიცხულია. თუ საქართველოში ვინმეს არ სჭირდება აზერბაიჯანული მანათი, როგორ უნდა შემოვიდნენ და გაიტანონ ფული ასე? საქართველოში სავალუტო ჯიხურებში აზერბაიჯანულ ფულს არავინ ღებულობს. მით უმეტეს, არავინ იცის, კიდევ სადამდე გაუფასურდება“,- აცხადებს რომან გოცირიძე.


მისი თქმით, ვალუტის გადინების ერთადერთი გზა საქართველოში რაიმე პროდუქტის ძალიან დაბალ ფასად შემოტანაა. თუმცა, მსგავსი ცვლილებაც ვალუტაზე მხოლოდ გრძელვადიან პერიოდში აისახება.

 

გაზეთ „ბანკები და ფინანსების“ რედაქტორი ზურაბ კუკულაძე მიიჩნევს, რომ აზერბაიჯანში შექმნილი ვითარების ფონზე დოლარის შეძენა შესაძლოა გაააქტიურონ საქართველოში მოქმედმა აზერბაიჯანულმა კომერციულმა ბანკენმა. ამასთან, კუკულაძის თქმით, თუ სავალუტო ჯიხურებმა შესაძლოა ამ მიმართულებით შეზღუდვები აამოქმედონ, აზერბაიჯანელებს საქართველოს კომერციულ ბანკებში დოლარის მანათით შეძენის პრობლემა არ ექნებათ.

 

კუკულაძე ფიქრობს, რომ ასეთ ვითარებაში შესაბამისი ნაბიჯები უნდა გადადგას ეროვნულმა ბანკმა, რომელმაც საბანკო ზედამხედველობის კუთხით გარკვეული ნორმატივები უნდა აამოქმედოს.

 

აღნიშნულ საკითხზე "კომერსანტი" საქართველოს ეროვნულ ბანკსაც დაუკავშირდა. პასუხს კომენტარის მიღებისთანავე შემოგთავაზებთ.



ჯო ბაიდენმა ფიცი დადო და ოფიციალურად გახდა აშშ-ის 46-ე პრეზიდენტი

ჯო ბაიდენმა ფიცი დადო და ოფიციალურად გახდა აშშ-ის 46-ე პრეზიდენტი
access_time2021-01-20 21:10:01
ვაშინგტონში, ინაუგურაციის ცერემონიაზე ჯო ბაიდენმა ფიცი დადო. ჯო ბაიდენმა ფიცი აშშ-ის უზენაესი სასამართლოს თავმჯდომარის, ჯონ რობერტსის თანდასწრებით დადო. რაც იმას ნიშნავს, რომ ჯო ბაიდენი ოფიციალურად გახდა აშშ-ის 46-ე პრეზიდენტი. მანამდე ფიცი დადო ვიცე-პრეზიდენტმა კამალა ჰარისმა. ვაშინგტონში, კაპიტოლიუმში ჯო ბაიდენისა და ვიცე-პრეზიდენტის, კამალა ჰარისის ინაუგურაცია მიმდინარეობს. შეგახსენებთ, 46-ე პრეზიდენტის ინაუგურაციას ყოფილი...

დღის Top 10 საინტერესო ამბავი

დღის Top 10 საინტერესო ამბავი
access_time2021-01-20 21:00:01
დღის Top 10 საინტერესო ამბავი:   1 „როცა ადამიანი თუ ადამიანთა ჯგუფი, ისეთ მწვავე ვითარებაში იქნება, როგორშიც ხელისუფლება იყო, ბიზნესი ყოველთვის გავამხნევებთ“ - სოსო ფხაკაძე   „როცა ადამიანი თუ ადამიანთა ჯგუფი, ისეთ მწვავე ვითარებაში იქნება, როგორშიც ხელისუფლება იყო,...

ენგურჰესი გაჩერდა - აფხაზეთი ელექტროენერგიას რუსეთიდან მიიღებს

ენგურჰესი გაჩერდა - აფხაზეთი ელექტროენერგიას რუსეთიდან მიიღებს
access_time2021-01-20 20:00:08
20 იანვარს  საქართველოში უმსხვილესი ენერგო ობიექტი, ენგურჰესი  გაჩერდა. ელექტროსადგურზე გეგმიური სამუშაოები ჩატარდება, რომელთა მიზანია სადერივაციო გვირაბის შეკეთება რის შემდეგაც სადგურის მიერ გამომუშავებული ენერგიის დანაკარგები მკვეთრად , წელიწადში 150 მლნ. კვტ.ს. - ით შემცირდება.   ენგურჰესი არის ელექტროენერგიის ერთადერთი წყარო ოკუპირებული აფხაზეთისთვის, რომელსაც გამომუშავებული ენერგიის 40% ეკუთვნის. ამ გაყოფის მიზეზი ისაა, რომ ელექტროსადგურის მართვა...

როგორია ექიმებისა და ექთნების გასამრჯელო - ISET-ის ბლოგერი წერს, რომ რიცხვები სავალალოა

როგორია ექიმებისა და ექთნების გასამრჯელო - ISET-ის ბლოგერი წერს, რომ რიცხვები სავალალოა
access_time2021-01-20 18:00:51
სამედიცინო პერსონალის პროფესიული უზრუნველყოფის მიზნით ინვესტიცია უნდა ჩაიდოს, დაწყებული განათლების ხარისხის გაუმჯობესებიდან, დამთავრებული სათანადო ანაზღაურებით, - როგორც კვლევით ცენტრის ბლოგზე თამარ სულუხია წერს, პანდემიის დროს ჯანდაცვის სფეროს მენეჯმენტი ქვეყნისა და მისი მოსახლეობის გადარჩენის გარანტიაა.   „პანდემიის შემდგომ საქართველოში დაგვრჩება შედარებით უფრო კომპეტენტური და უფრო მაღალი იმიჯის მქონე ჯანდაცვის სისტემა. ჩვენ მიერ არცთუ სათანადოდ დაფასებული ექიმები და...

თუ 1-ელი თებერვლიდან მთის კურორტები არ გაიხსნება, ვითარება სავალალო იქნება - მთის კურორტების ბიზნეს ასოციაცია

თუ 1-ელი თებერვლიდან მთის კურორტები არ გაიხსნება, ვითარება სავალალო იქნება - მთის კურორტების ბიზნეს ასოციაცია
access_time2021-01-20 17:00:43
მთის კურორტების ბიზნეს ასოციაცია 1-ლი თებერვლიდან კურორტების გახსნას ითხოვს. წინააღმდეგ შემთხვევაში სავალალო შედეგის დადგომას ვარაუდობს.   როგორც მთის კურორტების ბიზნეს ასოციაციის ხელმძღვანელი, მაია ბიჭიკაშვილი აცხადებს, კერძო სექტორი ყველანაირი რეგულაციისა და უსაფრთხოების ნორმების დაცვისთვის მზად არის და პასუხისმგებლობასაც საკუთარ თავზე იღებს.    „არავინ იცის, 1-ლი თებერვლიდან მთის კურორტები გაიხსნება, თუ არა. ბიზნესისთვის ეს დამღუპველია. მთის...


მსგავსი სიახლეები

up