კომერსანტის ექსკლუზივი: ეპიდსიტუაცია უმართავია - ამირან გამყრელიძის წერილი კლინიკებს

კომერსანტის ექსკლუზივი: ეპიდსიტუაცია უმართავია - ამირან გამყრელიძის წერილი კლინიკებს

access_time2020-10-09 17:00:40

ქვეყანაში ეპიდემიოლოგიური მდგომარეობა დღითი დღე რთულდება, სახელმწიფო უწყებები ყოველ დილით მნიშვნელოვნად გაზრდილ სტატისტიკას გვამცნობენ, პარალელურად კი საკუთარ მიღწევებზე და წარმატებებზე საუბრობენ. თუმცა რამდენად რეალური ის სურათი რომელსაც საქართველოს მთავრობა გვიჩვენებს, კითხვის ნიშნის ქვეშ დგება. „კომერსანტს“ სანდო წყარომ ჯანდაცვის სექტორიდან, დაავადებათა კონტროლისა და საზოგადოებრივი ჯანრთელობის ეროვნული ცენტრის გენერალური დირექტორის, ამირან გამყრელიძის სახელით ჰოსპიტალური სექტორისთვის გაგზავნილი წერილი მიაწოდა, სადაც საუბარია ახალი კორონავირუსის რეგისტრაციის დაგვიანების ფაქტებზე, რა დროსაც მოქალქეებისთვის პასუხების მიწოდების პროცესი ფერხდება. წერილით ირკვევა, რომ არეულია ტესტის აღების და დიაგნოზის დასმის დღეები. მოსახლეობა კი საფრთხის ქვეშაა, რადგან შესაძლებელია COVID პოზიტიური დაუდგენელი შემთხვევები ეპიდემიის გავრცელებას უწყობდეს ხელს. პრობლემის მოგვარებას გამყრელიძის უწყება ფინანსური სანქციით გეგმავს. იმ შემთხვევაში, თუ სამედიცინო დაწესებულება ან ლაბორატორია შეტყობინების რეგისტრაციას 24 საათზე მეტი დროით დააგვიანებს, სახელმწიფო პროგრამის ფარგლებში მსგავსი შემთხვევები ანაზღაურებას არ დაექვემდებარება.

 




პრობლემაზე სასაუბროდ მედიაჰოლდინგი ჯანდაცვის სამინისტროს და დაავადებათა კონტროლისა და საზოგადოებრივი ჯანრთელობის ცენტრს დაუკავშირდა, თუმცა სახელმწიფო სტრუქტურების პრესსამსახურისგან უმწვავეს კითხვებზე, პასუხი ჩვეულებისამებრ ვერ მივიღეთ.

 

ჯანდაცვის სექტორში მიმდინარე ქაოსური პროცესების შესახებ ინფორმაცია აქვთ სფეროს ექსპერტებს. ვატო სურგულაძე აცხადებს, რომ წერილის შინაარსი აბსოლუტური რეალობაა და მასში ნახსენები ყველა პრობლემა არსებობს. მისი თქმით, ლაბორატორიები აგვიანებენ პასუხის გაცემას, რა დროსაც ვირუსის გავრცელების საფრთხე მნიშვნელოვნად იზრდება.

 


„მას შემდეგ რაც კორონავირუსით ინფიცირებულთა რაოდენობამ იმატა, ტესტების გაკეთებას ვეღარ ასწრებენ, შედეგად გაიზარდა ე.წ. ცრუ უარყოფით პასუხები, ანუ ადამიანს რეალურად აქვს ვირუსი, მაგრამ პასუხი უარყოფითია. როგორც მინისტრი ამბობს, ტესტირებაში 22 ლაბორატორია მონაწილეობს, თუმცა ფაქტია, რომ ვერ ასწრებენ ტესტების გაკეთებას. ასევე სპეციფიკურია ანალიზის აღება, თუ მედპერსონალმა რომელიც ანალიზს აკეთებს არ იცი ნაცხის სწორად აღება, შეიძლება ტესტმა უარყოფითი პასუხი აჩვენოს, რეალურად კი პაციენტს კოვიდ - 19 ჰქონდეს. რამდენიმე დღის წინ პრემიერმინისტრმა განაცხადა, რომ ტესტების რაოდენობა გაზარდეს. ნახოს სტატისტიკა, ბოლო სამი კვირაა ტესტების რაოდენობა შემცირებულია. თუ არ გინდა კორონა გქონდეს ტესტი არ უნდა გაიკეთო, ჩვენ თუ არ ჩავატარეთ ტესტირებები რეალურ სურათს ვერ დავინახავთ“, - აცხადებს ვატო სურგულაძე.   

 

ჯანდაცვის ექსპერტი აცხადებს, რომ ჯანდაცვის სამინისტრო სრულყოფილ ინფორმაციას არ იძლევა და სექტორი ეტაპობრივად სერიოზული კრიზისული მდგომარეობისკენ მიდის.

 

„წარმოიდგინეთ, მე რაღაც შეგიკვეთეთ, თქვენ კი დავალება დროულად არ შეასრულეთ, ამაში თანხას ხომ არ გადაგიხდით? თუ კი ეს კიდევ განმეორდება მაშინ დაგსჯი. სამინისტრო არ უნდა იყოს დამსჯელი ორგანო, არამედ მხარდამჭერი უნდა იყოს, ზუსტად ამას ვერ ახორციელებენ. უნდა ჩაეტარებინათ ტრენინგები, პარალელურად შეემოწმებინათ ისწავლა თუ არა საქმის კეთება. რისკები სწორად უნდა შეგვეფასებინა, 22 ლაბორატორია გვჭირდება თუ 42, რადგან კონკურსში 47 დაწესებულება იღებდა მონაწილეობას და როგორც ტიკარაძე აცხადებს, 22 აარჩიეს. ეს ყველაფერი რისკ მენჯმენტია, წინასწარ უნდა გამიჯნო რა, რამდენი გჭირდება. ახლა კი მივიღეთ ის, რაც მივიღეთ, რადგან მთელი ზაფხული ჯანდაცვის სამინისტოს არაფერი უკეთებია“, - განმარტავს ექსპერტი.

 

ვადებთან დაკავშირებული პრობლემების შესახებ ინფორმაცია აქვს ეპიდემიოლოგ ოთარ ჩოკოშვილსაც. მისი თქმით, დაავადებათა კონტროლის ცენტრის მიერ გაგზავნილი წერილი მიმართულია იმისკენ, რომ სამედიცინო დაწესებულებებს აიძულონ სწრაფად და ხარისხიანად მოახდინონ ინფორმაციის ატვირთვა. ექიმი ამბობს იმასაც, რომ NCDC - მა საკმაოდ აქტიური ნაბიჯები გადადგა არსებული ხარვეზების მაქსიმალურად მოსაგვარებლად.

 

„ჩვენ ვიცით რომ იგივე ბათუმის შემთხვევაში და ზოგიერთ სხვა რეგიონში იყო შემთხვევები როდესაც პასუხი გვიანდებოდა. ამის მიზეზი იყო ის, რომ რეგიონალურ ლაბორატორიებს სიმძლავრე არ ჰყოფნიდა. ჩემი ინფორმაციით, ტესტის პასუხი მაქსიმუმ სამი დღე გვიანდებოდა. სიმძლავრეების გარკვეული ვარიაციები, რაც დაგვიანებას იწვევს, დიდ საანგარიშო ცდომილებას თითქოს ვერ ჰქმნის. თუმცა, მეორე მხარე არის ის, რომ პაციენტს უნდა პასუხის დროულად გაგება, რაც ეპიდემიოლოგიური მდგომარეობიდან გამომდინარეც მნიშვნელოვანია. აქვე უნდა ითქვას, რომ ბევრ ქვეყანაში ძალიან დიდ ხანს ელოდებიან პასუხს. არ ვიცი ქვეყნის მასშტაბით რა ხდება, მე პირადად ინფექციურ საავადმყოფოსა და ჩაფიძის სახელობის გულის ცენტრში ვმუშაობ და ეს პრობლემა ნამდვილად არ დგას. ბოლო 5 დღეა იმაზე ადრე მოდის პასუხები, იგივე ლუგარიდან ვიდრე აქამდე მოდიოდა, რადგან დატვირთვები სხვა ლაბორატორიებმა გადაინაწილეს“, - აცხადებს ოთარ ჩოკოშვილი.

 

ინფექციურ საავადმყოფოს ეპიდემიოლოგი „კომერსანტთან“ საუბარში ჰყვება, თუ როგორ ხდება მონაცემთა რეგისტრაცია სისტემაში და რატომ გვიანდება მონაცემების ატვირთვა.

 

„არსებობს ერთიანი საინფორმაციო სისტემა, სადაც ნებისმიერი კლინიკა ან ლაბორატორია ნიმუშს აიღებს აფიქსირებს მონაცემს, ხოლო ნიმუში ლაბორატორიაში იგზავნება, შემდეგ კი კონკრეტული ლაბორატორია შედეგს აფიქსირებს. შეკვეთის გამკეთებელი კლინიკა იღებს ინფორმაციას გარდა ამისა ქვეყნის სტატისტიკა ერთ სისტემაშია მოქცეული.  როდესაც დიდი რაოდენობით კეთდება ტესტები ზოგ შემთხვევაში ინტერნეტის ხარვეზის გამო, ან სხვა პრობლემის გამო მონაცემი დროულად ვერ ატვირთვა“, - აცხადებს ოთარ ჩოკოშვილი.


ბაჩო ადამია




14 მაისი - რეგიონში ქართული ლარი და თურქული ლირა გამყარდა

14 მაისი - რეგიონში ქართული ლარი და თურქული ლირა გამყარდა
access_time2021-05-14 18:00:19
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 14 მაისის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 14 მაისის ვაჭრობის შედეგად (რომლის ოფიციალური კურსი 15 მაისისთვისაა) ეროვნული ვალუტა აშშ...

584 000 ლარიანი ჯარიმა ფულის გათეთრებისთვის - სებ-მა ბანკი და მისო დააჯარიმა

584 000 ლარიანი ჯარიმა ფულის გათეთრებისთვის - სებ-მა ბანკი და მისო დააჯარიმა
access_time2021-05-14 16:00:30
ეროვნულმა ბანკმა კომერციული ბანკი, მიკროსაფინანსო ორგანიზაცია, საგადახდო მომსახურების პროვაიდერი და ვალუტის გადამცვლელი პუნქტი (რაოდენობა უცნობია) ფულის გათეთრებისა და ტერორიზმის დაფინანსების აღკვეთის ხელშეწყობის შესახებ საქართველოს კანონმდებლობის დარღვევისათვის დააჯარიმა. ფულის გათეთრებისა...

ბაზარზე ზეითუნის ზეთის და ზეთისხილის 20-22% უკვე ქართულია - „ქართული ზეთისხილი“

ბაზარზე ზეითუნის ზეთის და ზეთისხილის 20-22% უკვე ქართულია - „ქართული ზეთისხილი“
access_time2021-05-14 17:00:56
,,კარგი მოვლის შემთხვევაში, 1 ჰექტრიდან 8-9 ათასი დოლარის შემოსავლის მიღება არის შესაძლებელი“ - ამის შესახებ ,,ბიზნესპრესნიუსთან“ საუბრისას ,,ქართული ზეთისხილის დამფუძნებელმა და მსოფლიო ზეთისხილის საბჭოს პრეზიდენტმა განაცხადა.   გიორგი სვანიძის თქმით, წელს გასულ წელთან შედარებით 2-ჯერ გაზრდილ მოსავალს ელოდებიან, ქართული ზეთისხილი კი რუსეთსა და ნიდერლანდებშიც გაიყიდება.   ,,წელს, საკმაოდ კარგი მოლოდინი გვაქვს მოსავლის კუთხით. დაახლოებით 2-ჯერ მეტს...

Los-Angeles times: ახალ ამერიკულ სანქციებს არასწორი სამიზნე აქვთ

Los-Angeles times: ახალ ამერიკულ სანქციებს არასწორი სამიზნე აქვთ
access_time2021-05-14 20:00:23
აშშ-ს საელჩომ მოსკოვში რუსეთის მოქალაქეებისთვის არასაემიგრაციო ვიზების გაცემა შეაჩერა. რუსები, რომლებსაც შტატებში ბიზნესისთვის ან სასწავლებლად წასვლა სურთ, ვიზების მიღება მესამე ქვეყნებში შეუძლიათ.   საკონსულო მომსახურეობის შეჩერება - ვაშინგტონს და მოსკოვს შორის სანქციების გაცვლის შედეგებია - პრინციპი „თვალი თვალის წილ“ დიპლომატიაშიც მოქმედებს.   ამერიკა უფრო შორს წავიდა და მოსკოვში თავის საელჩოში რუსეთის მოქალაქეების დასაქმება აკრძალა, რაც...

Forbes: მიშვებული კონფლიქტი ისრაელს და პალესტინას შორის

Forbes: მიშვებული კონფლიქტი ისრაელს და პალესტინას შორის
access_time2021-05-14 18:00:05
ერთხელ ისრაელის პრემიერ-მინისტრის არიელ შარონის ერთ-ერთმა მრჩეველმა ცხელ გულზე განაცხადა - „იერუსალიმში ვაშინგტონის ნებართვის გარეშე ტუალეტსაც კი ვერ ჩადგამ“.   გარკვეულწილად ეს ასეც არის, თუმცა, გასაგებია რატომაც - იერუსალიმის საკითხი ისრაელის შიდა საქმეების კატეგორიას კარგა ხანია გასცდა და ის მთელს მსოფლიო პოლიტიკაზე მოქმედებს.   რეალურ ცხოვრებაში, ამ ქალაქის ერთიანი სტატუსის მიუხედავად, რამდენიმე, განცალკევებული და თითქმის ავტონომიური...


მსგავსი სიახლეები

up