„ექიმი ვახტანგ ყიფიანი არის ჯანდაცვის მინისტრის ეკატერინე ტიკარაძის პირადი პატიმარი - ასე გამოეხმაურა პარტია „ლელოს“ ვაკის ოლქის მაჟორიტარობის კანდიდატი ლევან კობერიძე ექიმ ვახტანგ ყიფიანის პატიმრობას. კობერიძის განმარტებით ექიმი ვახტანგ ყიფიანი უკანონო პატიმრობაში იმყოფება.
„მინდა უბრალოდ კონცენტრაცია გავაკეთო ჩვენი კოლეგების კოლეგის ვახტანგ ყიფიანის უკანონო პატიმრობასთან დაკავშირებით. თქვენ იცით ეს შემთხვევა, ბატონი ვახტანგი ბოლო წლების განმავლობაში მგონი ერთადერთი ექიმია, რომელიც იმყოფება სისხლის სამართლის საქმის შესაბამისად პატიმრობაში. როგორც მის ოჯახის წევრებს, ისევე ჩვენც კოლეგიალურად გვქონდა დიალოგის მცდელობა ყველა სტრუქტურასთან. მე პირადად ვთვლი რომ ის იმყოფება უკანონო პატიმრობაში. ყველამ ძალიან კარგად ვიცით, რომ ჩვენი პროფესიული საქმიანობიდან გამომდინარე და ჯანდაცვის სისტემებიდან გამომდინარე, არა მხოლოდ საქართველოში ასე უამრავ ქვეყანაში, საექიმო შეცდომა ეს არის დეკრიმინალიზირებული თემა შესაბამისი საკანონმდებლო ბაზებით და ამაზე პარლამენტს ძალიან ბევრი აქვს სამუშაო“ - აღნიშნავს კობერიძე
კობერიძე აღნიშნავს რომ ექიმის პატიმრობა ისე დადგა, რომ პროფესიულ საბჭოს საკითხი სამინისტროში არ განუხილავს და რეგულირების სააგენტომ დასკვნა პირდაპირ დაწერა, პროფესიონალების მოსმენის და საბჭოს დასკვნის გარეშე. კობერიძე ასევე განმარტავს, რომ საქმეში მითითებულ მუხლებთან დაკავშირებით პროფესიულმა ასოციაციებმა გააგზავნეს წერილობითი მოსაზრება მინისტრთან და მინისტრის მოადგილის პასუხი მოვიდა, რომ ვახტან ყიფიანს ამ იმ კონკრეტული ოპერაციის ჩატარების უფლება ჰქონდა.
„მინისტრმა აღიარა ინტერვიუში, რომ საკანონმდებლო ხარვეზები შეინიშნება და საჭირო ამ ხარვეზების გამოსწორება. ამის მიუხედავად ეს ადამიანი პატიმრობაში რჩება კიდევ ერთხელ ვამბობ, მას პირობითიც კი არ მიუსაჯეს. იქმნება შთაბეჭიდელბა, რომ ეს არის სადამსჯელო ღონისძიება. მითუმეტეს მაშინ, როდესაც ვიცით ვახტანგ ყიფიანის კეთილსინდისიერება, ყველა თაობის ექიმი ვსხედვართ და ვიცით მისი ოჯახის წვლილი ჯანდაცვაშიც. ამიტომ ეს ყველაფერი მაძლევს იმის თქმის უფლებას, რომ რეალურად დღეს ვახტანგ ყიფიანი არის, ეკატერინე ტიკარაძის პირადი პატიმარი. ამ თემაზე კონკრეტულად მინისტრის უნდა ჰქონდეს ყველაზე მწვავე რეაქცია და მინისტრი უნდა იყოს პირველ რიგში ამ პატიოსანი, წესიერი, პროფესიონალი ექიმის დამცველი. სამწუხაროდ ჩვენ ამას ვერ ვხედავთ. საქმეში თაღლითობის ნიშნები არ არსებობს და კიდევ ერთხელ ვიტყვი, რომ ეს არის ჯანდაცვის სექტორის ექიმების წინააღმდეგ მიმართული სადამსჯელო ღონისძიება. სად, როგორ და რატომ დაიგეგმა ეს მეორე თემაა, მაგრამ მე ვაყენებ მინისტრის პირად პასუხისმგებლობას და ვიტყვი კიდევ ერთხელ რომ ვახტანგ ყიფიანი არის მინისტრის ეკატერინე ტიკარაძის პირადი პატიმარი, თუ ეს ესე არ არის მაშინ მან შესაბამისი ნაბიჯები უნდ ა გადადგას“, განაცხადა ლევან კობერიძემ.
შეგახსენებთ, რომ 5 აგვისტოს თბილისის პროკურატურის თანამშრომლებმა სამსახურებრივი გულგრილობის, სამსახურებრივი მდგომარეობის გამოყენებით თაღლითობისა და უკანონო საექიმო საქმიანობის ფაქტზე ცენტრალური კლინიკის გენერალური დირექტორი გიორგი ლობჟანიძე და ცნობილი ანგიო ქირურგი ვახტანგ ყიფიანი დააკავეს.მათთან ერთად ბრალი დაუსწრებლად წარედგინა ანესთეზიოლოგ მაგდა ხოშოლავას, რომელიც ამჟამად იტალიის ერთ-ერთ კლინიკაში საქმიანობს.გამოძიების ინფორმაციით, „თბილისის ცენტრალურ საავადმყოფოში“ პაციენტს ოპერაცია იტალიიდან მოწვეული ექიმების ნაცვლად, შესაბამისი ლიცენზიის არმქონე პირებმა გაუკეთეს, რის შედეგადაც 25 წლის გოგონას მდგომარეობა დამძიმდა და კომაშია.
თაკო კვაჭანტირაძე