ენგურჰესის ტურისტული კომპლექსის ახალი დეტალები (+ფოტო)

ენგურჰესის ტურისტული კომპლექსის ახალი დეტალები (+ფოტო)

access_time2018-08-07 20:00:17

ენგურჰესის ტურისტული ზონის მოწყობის პროექტის სოციო-ეკონომიკურ კვლევაზე შპს „ენგურის ტურისტული ცენტრის“ მიერ ახლო მომავალში გამოსაცხადებელ ტენდერში პოლონური დეველოპერული კომპანია „PFI future“-იც მიიღებს მონაწილეობას. საქართველოს კულტურული მემკვიდრეობის დაცვის ეროვნული სააგენტოს ინფორმაციით, პოლონური საინვესტიციო ჯგუფი პროექტში ფინანსური თანამონაწილეობის მიღების ალბათობასაც არ გამორიცხავს.






ეკონომიკური აქტივობის წინასწარი განზრახულობის შესახებ კომპანიის დირექტორატის წარმომადგენლობითმა ჯგუფმა კულტურული მემკვიდრეობის დაცვის ეროვნულ სააგენტოში გამართულ შეხვედრაზე განაცხადა, სადაც კულტურული მემკვიდრეობის დაცვის ეროვნული სააგენტოს გენერალურ დირექტორთან და შპს „ენგურის ტურისტული ცენტრის“ დირექტორთა საბჭოს წევრებთან ერთად ენგურის ტურისტული ზონის განვითარების პერსპექტივებს განიხილავდნენ.






პოლონეთში საქართველოს საელჩოს აქტიური ხელშეწყობის საფუძველზე „PFI future“ -ის პრეზიდენტი, ვიცე-პრეზიდენტი და მსხვილი საინვესტიციო პროექტების განვითარების მენეჯერი საქართველოში სწორედ ენგურჰესის ტურისტული ზონის ახლადშემუშავებული საპროექტო დოკუმენტაციის გაცნობის მიზნით იმყოფებიან. სოციო-ეკონომიკური კვლევა მასშტაბური პროექტის სხვადასხვა მიმართულების ეკონომიკური მიზანშეწონილობის საკითხებს განსაზღვრავს.






ტურისტულ საიტზე ფიზიკური სამუშაოების დაწყებამდე, მიმდინარე თვეს გამოცხადებული ტენდერის შედეგად განისაზღვრება პროექტის ეკონომიკური ამონაგებისა და მომგებიანობის, ტურისტული დატვირთვის ინტენსივობის, თანმდევი სოციალური ასპექტებისა და რეგიონალური ეკონომიკური განვითარების პროცესზე ზემოქმედების კონკრეტული მაჩვენებლები.






პარალელურად, ესტონურმა კომპანია „კოკო არქიტექსმა“ უკვე დაასრულა ენგურის ტურისტული ცენტრის დეტალური პროექტის მომზადების ეტაპი, რაც თაღოვანი კაშხლის მიმდებარედ აღმოჩენათა ცენტრის, გადასახედი მოედნების, 180 მეტრი სიმაღლის ლიფტის, სანაოსნო ინფრასტრუქტურისა და ექსტრემალური კომპონენტების შემცველი რამდენიმე ატრაქციის ინფრასტრუქტურულ მოწყობას ითვალისწინებდა.





პროექტის საფუძველზე უკვე განისაზღვრა ენგურჰესის კაშხლის ადმინისტრაციული შენობის რეკონსტრუქციის საბოლოო ვარიანტიც, რომლითაც მის ინტერიერში ჰიდროტექნიკური ნაგებობის ადმინისტრაცია და შემეცნებით-გასართობი ატრაქციები განთავსდება. პროექტირების ეტაპის ფარგლებში განისაზღვრა ტურისტული მარშრუტების საბოლოო მოდელებიც, სადაც კონცეფციის დონეზე შემუშავებულ ვარიანტებს ახალი მიმართულებების სახით ენრგურჰესის თაღოვანი კაშხლის მისაყრდნობ ფარში არსებული კომუნიკაციებიც დაემატა. „კოკო არქიტექსის“ ესტონელი სპეციალისტების მიერვე შემუშავდა მარშრუტების განვითარების შინაარსობრივი მხარეებიც, რაც მათ თემატური ინსტალაციებით მოწყობას მოიცავს.




არსებული ეკონომიკური გაანგარიშებებით, ენგურის ტურისტული ზონა რეგიონში ყველაზე შემოსავლიანი ტურისტული ობიექტი იქნება, რომელიც წელიწადში სავარაუდოდ 400 ათასამდე ტურისტს მოემსახურება.












ტურისტების რიცხვმა 9 მილიონს გადააჭარბა

ტურისტების რიცხვმა 9 მილიონს გადააჭარბა
access_time2020-01-22 19:00:34
პრემიერ-მინისტრ გიორგი გახარიას განცხადებით, ტურისტების რიცხვმა [2019 წელს] 9 მილიონს გადააჭარბა. დასახელებული რიცხვი საერთაშორისო მოგზაურების რაოდენობას შეესაბამება და არა ტურისტული ვიზიტების რაოდენობას. 2018 წელთან შედარებით, 2019 წელს ტურისტების რიცხვი 6.8%-ით გაიზარდა და 5 მლნ შეადგინა. ცხრილი 1: საერთაშორისო მოგზაურების სტატისტიკა საქართველოში წყარო: საქართველოს...

Economist-ის დემოკრატიის ინდექსში საქართველოს შეფასება გაუარესდა

Economist-ის დემოკრატიის ინდექსში საქართველოს შეფასება გაუარესდა
access_time2020-01-22 18:30:49
გამოცემა Economist-ის ყოველწლიური, დემოკრატიის ინდექსის მიხედვით, საქართველოში დემოკრატიის ხარიხსი გაუარესდა. 2019 წელს საქართველო კვლავ დარჩა ე.წ. ჰიბრიდული რეჟიმების ჯგუფში, თუმცა შეფასების ქულა 0,08 ქულით გაუარესდა. თუ კი 2018 წელს საქართველოს შეფასებითი ქულა 5,5 ქულა, იყო 2019 წელს 5,42-მდე შემცირდა. უცვლელი დარჩა საქართველოს პოზიცია და წინა წლის მსგავსად კვლავ 89-ე ადგილს ვიკავებთ. ახალი შეფასება 2012 წლის შემდეგ ყველაზე დაბალია. შეფასების...

„კომერსანტის“ 22 იანვრის TOP 10 თემა

„კომერსანტის“ 22 იანვრის TOP 10 თემა
access_time2020-01-22 21:00:21
„კომერსანტის“ 22 იანვრის TOP 10 თემა 1.სადღესასწაულო პერიოდში აუქციონების გამართვა-საკანონმდებლო ხარვეზი თუ კორუფციის წყარო 2.„სოფლის მეურნეობის დარგში სტაბილური განვითარების დინამიკა არ აღინიშნება„ 3.სამორინეების ინკოგნიტო...

Deutche welle: ამერიკა ჩინეთისთვის ენერგორესურსების მთავარი მიმწოდებელი გახდება

Deutche welle: ამერიკა  ჩინეთისთვის ენერგორესურსების მთავარი მიმწოდებელი გახდება
access_time2020-01-22 20:00:27
2021 წელს  აშშ-ს შეუძლია ჩინეთისთვის ენერგორესურსების მთავარი მიმწოდებელი გახდეს, და ჩაანაცვლოს რუსეთი, საუდის არაბეთი, ანგოლა, და ავსტრალია . ასეთი დასკვნამდე  გერმანიის ეკონომიკის ინსტიტუტი ამერიკულ-ჩინური სავაჭრო შეთანხმების შესწავლის შედეგად მივიდა.   როგორც ცნობილია, დოკუმენტს   ხელი 15 იანვარს ხანგძლივი სავაჭრო ომის შემდეგ მოეწერა.   კერძოდ, ჩინეთი იღებს თავის თავზე ვალდებულებას 2 წლის მანძილზე 200 მლრდ....

„სილქნეტმა“ გლობალურ საკომუნიკაციო კომპანიასთან OneWeb თანამშრომლობის მემორანდუმს მოაწერა ხელი

„სილქნეტმა“  გლობალურ საკომუნიკაციო კომპანიასთან OneWeb   თანამშრომლობის მემორანდუმს  მოაწერა ხელი
access_time2020-01-22 14:55:46
წამყვანმა ქართულმა კონვერგენტულმა სატელეკომუნიკაციო კომპანია „სილქნეტმა“ გააფორმა თანამშრომლობის მემორანდუმი გლობალურ საკომუნიკაციო კომპანია OneWeb-თან. OneWeb-ის მიზანია სატელიტური კავშირგაბმულობის გამოყენებით უზრუნველყოს მაღალი სიჩქარის და დაბალი ლატენტობის ინტერნეტ-კავშირი ყველგან და ყველასთვის, დედამიწის ნებისმიერ წერტილში. სილქნეტის სამეთვალყურეო საბჭოს თავმჯდომარემ, გიორგი რამიშვილმა, და OneWeb-ის აღმასრულებელმა დირექტორმა, ადრიან სთექელმა, დავოსში, მსოფლიო ეკონომიკური ფორუმის...


მსგავსი სიახლეები

up