„ენგურჰესის“ გამომუშავება რომ 2-ჯერ გავზარდოთ, კავკასიონი უნდა „გავხვრიტოთ“ - რას პასუხობს ჰესის დირექტორი ექსპერტებს

„ენგურჰესის“ გამომუშავება რომ 2-ჯერ გავზარდოთ, კავკასიონი უნდა „გავხვრიტოთ“ - რას პასუხობს ჰესის დირექტორი ექსპერტებს

access_time2021-06-02 16:00:37

„ენგურჰესის“ გამომუშავება რომ 2-ჯერ გავზარდოთ, კავკასიონი უნდა გავხვრიტოთ და ჩრდილოეთ კავკასიიდან უნდა შემოვიყვანოთ ენგურის დარი მდინარე - ასე პასუხობს „ენგურჰესის“ გენერალური დირექტორი ექსპერტების მოსაზრებას ჰესის სიმძლავრეების შესაძლო გაზრდის ინიციატივასთან დაკავშირებით.


ამასთან, ლევან მებონია რეაბილიტაციის შემდეგ „ენგურჰესის“ მუშაობაზე საუბრობს და აცხადებს, რომ გასულ წელთან შედარებით წელს ჰესში წყლის შემოდინება მეტია, რეაბილიტირებული ინფრასტრუქტურა კი რესურსის ათვისების შესაძლებლობას იძლევა.


ცნობისათვის, საქართველოს ყველაზე დიდმა ჰიდროელექტროსადგურმა 2020 წლის მაისში 215.463 მლნ კვტ-სთ გამოიმუშავა, 2021 წლის ანალოგიურ პერიოდში ეს მაჩვენებელი 87,2%-ით, 403.560 მლნ კვტ-სთ-მდე გაიზარდა. „ენგურჰესის“ მასშტაბური სარეაბილიტაციო სამუშაოები კი, 2021 წლის იანვარში დაიწყო. ჰესის ხუთივე აგრეგატი სადერივაციო გვირაბში აუცილებელი და გადაუდებელი სამუშაოების ჩატარების მიზნით 2021 წლის 20 იანვარს გაჩერდა და 27 აპრილს ჩაირთო.


„ახლა ჰესში წყლის დიდი შემოდინებაა, რასაც შევხვდით გამართული მოწყობილობებით და გვაქვს მაქსიმალური დატვირთვა. აბსოლუტურად მომზადებული მოწყობილობებით შევხვდით. რაც შეეხება უშუალოდ სადერივაციო გვირაბის რეაბილიტაციას, იქ გვაქვს ძალიან ხელშესახები და კარგი შედეგი. გასულ წელთან შედარებით გვირაბიდან წყლის გაჟონვა 50%-ზე მეტითაა შემცირებული, რაც ფანტასტიკური შედეგია, თუმცა დიდ გამომუშავებასთან ამას კავშირი ნაკლები აქვს.



აქ ძირითადი ფაქტორია სხვა მოწყობილობების აღდგენა და კარგად ჩატარებული რემონტია, რამაც მოიტანა მაქსიმალური შედეგები, შემოსული წყლის ათვისების თვალსაზრისით. შარშან ნაკლები წყალი იყო, წელს წყალი მეტია და სარეაბილიტაციო სამუშაოები გვაძლევს შესაძლებლობას, ავითვისოთ ეს რესურსი.


რაც შეეხება უშუალოდ გვირაბს, 52%-იანი კლება გვაქვს გარეთ გამოჟონილი წყლის მოცულობის, რაც თავის მხრივ, წელიწადში დაახლოებით 90-100 მლნ კვტ-სთ ექვივალენტია, მაგრამ ეს მაინც წინასწარი ვარაუდია და ნაადრევია შეფასება“, - განაცხადა მებონიამ.


ენგურჰესის გენერალურმა დირექტორმა ,,ბიზნესპრესნიუსთან“ საჯარო სივრცეში ენერგეტიკასთან და ჰესებთან დაკავშირებული კომენტარებიც შეაფასა.


,,ძალიან ბევრ ექსპერტს ვხედავთ საჯარო სივრცეში, რომლებიც რბილად რომ ვთქვა, უცნაურ აზრებს გამოთქვამენ. ერთ-ერთმა ბრძანა, რომ სწორად ჩატარებული რეაბილიტაციის პირობებში ენგურჰესის გამომუშავება შეიძლება 2-ჯერ გაიზარდოს. სინამდვილეში, ნებისმიერი ელექტროსადგურის გამომუშავებას აფორმირებს 2 კომპონენტი - წყლის რაოდენობა, ასევე ტურბინასა და წყალსაცავს შორის სხვაობა. ენგურის გამომუშავება ორჯერ რომ გავზარდოთ, კაშხალს უნდა დავაშენოთ 326 მეტრი და იქ შეგუბებული წყალი მივა მესტიამდე. თუმცა, ეს ვერ მოხდება, რადგან ქედი არ არის იმ სიმაღლე და გადაიღვრება წყალი სხვა მდინარეებში. არის მეორე ,,შანსიც“, ენგურჰესის გამომუშავება რომ 2-ჯერ გავზარდოთ, კავკასიონი უნდა გავხვრიტოთ და ჩრდილოეთ კავკასიიდან უნდა შემოვიყვანოთ ენგურის დარი მდინარე“- განმარტავს ლევან მებონია.


bpn.ge


თეგები:
ენგურჰესი



„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up