ბანკები გაანულებენ უპერსპექტივო სესხებს მინიმალური ზარალით, რაც მათი პორთფელის გაჯანსაღებას გამოიწვევს“ - სესხის განულება უფრო მეტად ბანკების დახმარებაა თუ სოციალური პროექტი

ბანკები გაანულებენ უპერსპექტივო სესხებს მინიმალური ზარალით, რაც მათი პორთფელის გაჯანსაღებას გამოიწვევს“ - სესხის განულება უფრო მეტად ბანკების დახმარებაა თუ სოციალური პროექტი

access_time2018-12-06 14:00:00

ფინასისტმა თემურ ბასილიამ კომერსანტთან ინტერვიუში აღნიშნა, რომ სესხების განულება კომერციული ბანკების დახმარება უფროა, ვიდრე სოციალური პროექტი.



„არის ორი, ძალიან მნიშვნელოვანი თემა, რომელზეც არავის უსაუბრია: პირველი ხომ არ არის ეს გადაწყვეტილება რთულ ფინანსურ მდგომარეობაში მყოფი საქართველოში მოქმედი ბანკებისთვის დახმარება? უკვე კარგა ხანია ვსაუბრობთ, რომ კომერციულ ბანკებს აქვთ ლიკვიდობის პრობლემა, რის გამოც ეროვნული ბანკი იძულებულია მათ მისცეს ე.წ. რეფინანსირების სესხები დაახლოებით მილიარდნახევარი ლარის ოდენობით.მაგრამ, მდგომარეობა იმდენად რთულია, რომ ბანკებში არსებული პრობლემის მოგვარებას ეს აღარ ჰყოფნის. ამიტომაც, უკვე რამდენიმე თვეა ამ მიზნით ბიუჯეტის თანხების გამოყენებაც ხდება. ცხადია, რომ ამ გადაწყვეტილებით ბანკები გათავისუფლდებიან მათთვის უიმედო სესხებისგან და სანაცვლოდ მიიღებენ რამდენიმე ასეულ მილიონ რეალურ (და არა ქაღალდზე არსებულ) ლარს, რაც შეუმსუბუქებს მათ ლიკვიდობის პრობლემებს.


მეორე, ხომ არ არის ეს წმინდა კომერციული პროექტი? რეალობაა, რომ „ბანკი ქართუ“ სერიოზული დისკაუნტით ყიდულობს სხვა ბანკებისა და დაწესებულებებისგან დაბალი საიმედოობის მქონე სესხებს. ამ გადაწყვეტილებით მათ შეუძლიათ მოიზიდონ რამდენიმე ასეულ ათასი ახალი კლიენტი. ეს სრულიად კანონიერი მოქმედებაა, რაც შესაძლოა საკმაოდ კარგად გათვლილი სტრატეგიაც იყოს, რომელიც ემსახურება „ბანკ ქართუს“ ძლიერ საფინანსო დაწესებულებად ჩამოყალიბებას“-აღნიშნავს ბასილია.


კომერსანტი დაინტერესდა როგორია სხვა ექსპერტების პოზიცია, უკავშირებენ თუ არა ისინი სესხების განულებას კომერციული ბანკების ინტერესებს.


ფინანსისტი ზვიად ხორგუაშვილი თვლის, რომ სესხების განულებამ შესაძლოა ბანკების საკრედიტო პორტფელი გააჯანსაღოს, თუმცა ეს განსაკუთრებით დადებით შედეგს ბანკებისთვის ვერ მოიტანს. ამასთან, ინიციატივა ძირითადად პოლიტიკურ ხასიათს ატარებს და რთულია განხორციელებამდე მის სოციალურ ასპექტებზე საუბარი.




„ეს ბანკების ინტერესებს, რომ ემსახურებოდეს საუბარი უნდა იყოს კოლოსალურ თანხებზე, ჯამში ამ პორტფელების შესყიდვა ალბათ 100 მილიონ ლარს არ გაააჭარბებს, რაც ბანკებისთვის ნამდვილად ვერ იქნება სარგებლის მომტანი. ამასთან ბანკებს ნამდვილად არ აქვთ ლიკვიდურობის პრობლემა და რომც ჰქონდეთ ეროვნული ბანკი დაეხმარება ამის მოგვარებაში. მეორე მხრივ, როდესაც პორტფელს პრობლემური სესხები სცილდება ეს დადებითია ბანკისთვის, თუმცა ამის მიუხედავად, რომ ვნახოთ საბანკო პორტფელი ამას განსაკუთრებული მნიშვნელობა დიდი ბანკებისთვის არ აქვს, რამდენადაც მათ პორტფელში ნაკლებია პრობლემური სესხების წილი, სწორედ ქართუ ბანკია მოწინავე პრობლემური სესხების ოდენობით . ინიციატივის მიზეზს რაც შეეხება, ეს, რა თქმა უნდა, უკავშირდება არჩევნების მეორე ტურს და მიზანი ამომრჩევლის მოსყიდვა იყო. ეს ნაბიჯი ეკომიკური ცალსახად არ არის, რადგან მაკროეკონომიკურ პარამეტრზებზე არ აისახება, არც ეკონომიკურ ზრდაზე იმოქმედებს, არც ბიუჯეტირებაზე და ასევე საეჭვოა რომ დასაქმების პრობლემა მოაგვაროს, როგორც მთავრობის წამომადგენლები აპელირებენ. ვალების განულების სოციალურ ასპექტებზე ჯერ რთულია საუბარი, ამაზე უფრო ნათელი წარმოდგენა განხორციელების შემდეგ შეგვექმნება. დიდი ეჭვი მაქვს, რომ ეს 600 ათას ადამიანზე ნაკლებს შეეხება, თუმცა რამდენად სამართლიანია ამ ადამიანების შერჩევის პრინციპი, ესეც ცალკე საკითხია.“-განაცხადა ზვიად ხორგუაშვილმა.



საზოგადოება და ბანკების ხელმძღვანელი გიორგი კეპულაძე სესხების განულების ინიციატივას პოლიტიკურ გადაწყვეტილებად მიიჩნევს, რომელსაც ბანკების ინტერესებთან კავშირი არ აქვს.



„პირველ რიგში ეს იყო პოლიტიკური ნაბიჯი, რომლითაც მოგება ნახა მმათველმა პოლიტიკურმა ძალამ. რაც არ უნდა ვეცადოთ, რომ ეკონომიკური ეფექტი გამოვძებნოთ, თუნდაც რომელიმე სექტორისთვის ძალიან გაგვიჭირდება. მე არ ვეთანხმები აზრს, რომ ეს არის კომერიული ბანკების დახმარება, რადგან ეს მაინც ბანკების ხარჯში გაწერილი სესხებია. ბანკები ამ სესხებს მაინც ამოიღებდნენ ან იმ ფასად გაყიდდნენ რა ფასადაც მიყიდეს ფონდ ქართუს, შესაბამისად, ამას ბანკებზე გავლენა არ აქვს,“-განაცხადა გიორგი კეპულაძემ.


ანალიტიკოსი ვაჟა ბერიძე თვლის, რომ მთავრობის გადაწყვეტილება საფინანსო ინსტიტუტების მიმართ დავალიანების განულების შესახებ, უფრო მეტად სოციალუ ხასიათს ატარებს და სწორი ნაბიჯია, რომლითაც ბანკებიც ნახავენ სარგებელს პორტფელის გაჯანსაღების ხარჯზე.



„პირველი რიგში ეს უფრო მეტად სოციალური პროექტია ვიდრე ბანკების დახმარება. თუმცა ამით, ცხადია, ბანკებიც ისარგებლებენ. ამ მხრივ ბატონი თემურ ბასილია მართალია. ბანკები გაანულებენ უპერსპექტივო სესხებს მინიმალური ზარალით, რაც მათი პორთფელის გაჯანსაღებას გამოიწვევს. ბანკებისთვის ბევრი პრობლემური სესხი ზედმეტი წნეხია, ამიტომ მათთვის ამ კუთხით სესხების განულება დადებითია. როგორ კრიტიკულადაც არ უნდა შევხედოთ ამ პროექტს, ეს არის ფაქტობრივად ფსიქოლოგიური წნეხის პირობებში მცხოვრები ადამიანებისთვის წუთშესვენება, რომ დაიწყონ ზრუნვა არასახარბიელო მდგომარეობის გამოსწორებაზე. აღსანიშნავია პოლიტიკური ასპექტით, რადგან სესხების განულებაზე წინასაარჩევნოდ საუბარმა ხელი შეუწყო მმართველ გუნდს და ამ მხრივ ამომრჩეველთა მოსყიდვის ნიშნები სამართლებრივი შეფასებას სჭირდებს. ეს მაინც სახელისუფლებო პროექტია, რადგან ქართუ ბანკის დონორი მმართველი პარტიის ხელმძღვანელია, “ განაცხადა ვაჟა ბერიძემ. 




მარიამ ტიტვინიძე





რომან კაკულია: სახელფასო პოლიტიკა მთლიანად ქვეყანაში უნდა იყოს სამართლიანი

რომან კაკულია: სახელფასო პოლიტიკა მთლიანად ქვეყანაში  უნდა იყოს სამართლიანი
access_time2019-03-25 18:30:48
“სახელფასო პოლიტიკა, მთლიანად ქვეყანაში  უნდა იყოს სამართლიანი და ასე ამოგლეჯილად, სხვადასხვა სფეროს ხელფასების განხილვა, არ არის სწორი. თუ მაღალ პასუხისმგებლობას, რაღაც საფრთხეებს ცდუნებასთან მიმართებაში  კრიტერიუმად ავიღებთ, მაშინ არც პარლამენტარის წინაშე არსებული ცდუნებებია დაბალი და ამ გაგებით მაშინ დეპუტატების ხელფასიც უნდა გაიზარდოს. ეს თეორიული განცხადებაა და არამც და არამაც არ ვგულისხმობ დეპუტატებისთვის ხელფასის გაზრდას,“ - ასე განმარტა დარგობრივი ეკონომიკისა და ეკონომიკური...

კრიპტოსამყაროს მთავარი საიდუმლო: ვინ შექმნა ბიტკოინი?

კრიპტოსამყაროს მთავარი საიდუმლო: ვინ შექმნა ბიტკოინი?
access_time2019-03-25 20:00:34
ბიტკოინი შემქნელის ირგვლივ არსებობს ძალიან ბევრი თეორია, თუმცა მათ ყველას აკლია მთავარი - მყარი მტკიცებულებები. თუმცა, შესაძლებელია ამ საიდუმლოს ფარდა სულ მალე აიხადოს. პირველი კრიპტოვალუტა 10 წლის წინ გაჩნდა, დღეს კი ვირტუალური ფულის ბაზარი მილიარდებს ითვლის, სხვადასხვა კრიპტოვალუტების რაოდენობამ გადააჭარბა 2100-ს, ხოლო განვითარებული ქვეყნების მთავრობები სერიოზულად დაფიქრდნენ ბლოკჩეინის ტექნოლოგიაზე. თუმცა, დღემდე უცნობია, ვინ დგას...

ლევან კობერიძე: „ავტომობილის მფლობელთათვის მესამე პირის სავალდებულო დაზღვევა ამ ეტაპზე საქართველოში არამიზანშეწონილია“

ლევან კობერიძე: „ავტომობილის მფლობელთათვის მესამე პირის სავალდებულო დაზღვევა ამ ეტაპზე საქართველოში არამიზანშეწონილია“
access_time2019-03-25 17:00:51
სავალდებულო ავტოდაზღვევას სკეპტიკოსები ხელისუფლებაშიც გამოუჩნდნენ. იმ ფონზე, როცა სადაზღვევო ინდუსტრიის წარმომადგენლები და დეპუტატები სავალდებულო ავტოდაზღვევის აუცილებლობაზე მსჯელობენ,  პარლამენტის წევრების ნაწილი ფიქრობს, რომ ასეთი ვალდებულება მოსახლეობის სოციალურ ტვირთს დაამძიმებს და შეიძლება უკმაყოფილების მიზეზიც გახდეს. „ქართული ოცნების“  წევრმა ლევან კობერიძემ დარგობრივი ეკონომიკის კომიტეტის სხდომაზე განაცხადა, რომ სავალდებულო დაზღვევა...

ანა დოლიძე: „ხელისუფლების უნიათობის ერთ-ერთი ნათელი მაგალითია “ცენტრ-პოინტის“ საქმე, დიახ, იგი არის „ქართული ოცნების“ დიაგნოზი“

ანა დოლიძე: „ხელისუფლების უნიათობის ერთ-ერთი ნათელი მაგალითია “ცენტრ-პოინტის“ საქმე, დიახ, იგი არის „ქართული ოცნების“ დიაგნოზი“
access_time2019-03-25 19:00:56
„ხელისუფლების უნიათობის ერთ-ერთი ნათელი მაგალითია  “ცენტრ-პოინტის“ საქმე, დიახ, იგი არის „ქართული ოცნების“ დიაგნოზი,“ - ასე აფასებს  იუსტიციის უმაღლესი საბჭოს არამოსამართლე წევრი ანა დოლიძე „ქართული ოცნების“  კიდევ ერთ  შეუსრულებელ დაპირებას.  როგორც ცნობილის, „ცენტ-პოინტის“ მენაშენე, თითქმის 5 ათასი ოჯახი  (დაახლოებით 10 ათასი ადამიანი) კვლავ პრობლემის მოგვარებას და ზარალის ანაზღაურებას ითხოვს. ამ...

„მთაწმიდაზე, MKdevelopment-ის ე.წ. კანონიერი მშენებლობა არის უპასუხისმგებლო და ქალაქის ინტერესების საწინააღმდეგო,“ - რას პასუხობს სამშენებლო კომპანია „კომერსანტს“

„მთაწმიდაზე,  MKdevelopment-ის ე.წ. კანონიერი მშენებლობა არის უპასუხისმგებლო და ქალაქის ინტერესების საწინააღმდეგო,“ - რას პასუხობს სამშენებლო კომპანია „კომერსანტს“
access_time2019-03-25 13:30:14
მთაწმიდაზე, წმინდა მიხეილ ტვერელის სახელობის ეკლესია საფრთხეშია - განცხადებას სოციალურ ქსელში არსამთავრობო ორგანიზაცია „ტფილისის ჰამქარი“ ავრცელებს.   ირკვევა, რომ წმინდა მიხეილ ტვერელის სახელობის ეკლესიის ქვეშ, მთაწმინდის ძირში, ზალდასტანიშვილის ქუჩის მიმდებარედ  MKdevelopment კორპუსის მშენებლობას იწყებს.  „რამდენიმე დღეა ტვერელის ეკლესიასთან მიმდიდინარეობს სრულიად კანონიერი სამუშაოები! კანონიერი იმიტომ, რომ...


მსგავსი სიახლეები

up