დაახლოებით ერთი კვირაა, რაც თბილისში, ახალი საკურიერო პლატფორმა „ელვის სისწრაფით“ გამოჩნდა, რომელიც ქვეყანაში შექმნილ ვითარებას მალევე მოერგო და კრიზისში მყოფ სარესტორნო სექტორს მხარდაჭერა გამოუცხადა. როგორ გეგმავს „ელვის სისწრაფით“ ბაზარზე თავის დამკვიდრებას და შეძლებს თუ ქართული კომპანია კონკურნეცია გაუწიოს უკვე ყველასთვის ცნობილ საკურიერო კომპანიებს „Glovo“-ს და „Wolt“-ს. დეტალებზე ელვისის თანადამფუძნებელის ლევან კილაძე საუბრობს. მისი თქმით, ბრენდზე და დეველოპმენტზე მუშაობა დაახლოებით ერთი წლის წინ დაიწყეს, ხოლო ვარდისფერ ჩანთიანი კურირები ბაზარზე ახლახასნს გამოჩნდნენ. კომპნია ოპერირებას შეღავათიანი ფასებით იწყებს. კილაძის თქმით, როგორც რესტორნების ასევე მომხმარებლის მხრიდან დაინტერესება უკვე დიდია. მისი განმარტებით, ქსელში ყოველდღიურად 10-15 რესტორანი ემატებათ, შედეგად შეკვეთების რაოდენობაც დღითიდღე იზრდება. კომპანიის თანადამფუძნებელი ამბობს, რომ ელვისი მომხმარებელს არაერთ ინოვაციურ სერვისს და ტექნოლოგიურ სიმარტივეს შესთავაზებს. თუმცა ახლა კომპანიისთვის პრიორიტეტი სტუმართ-მასპინძლობის სექტორია, კომპანიის მენეჯმენტს ქვეყანში შექმნილი რთული ეპიდემიოლოგიური ვითრების გამო, რესტორნებისთვის მაღალი საკომისიოს გამორთმევა არასამართლიანად მიაჩნიათ.
ლევან კილაძემ „კომერსანტთან“ დელივერის ბაზარზე არსებულ კონკურენციაზეც ისაუბრა და განმარტა, რომ საქართველოში დაახლოებით ორი წელია რაც ორი დიდი უცხოური კომპანია წარმატებით ოპერირებს და ბაზარზე არის მოთხვონა მესამე, ადგილობრივი, უფრო მოქნილი და ინოვაციური მოთამაშისთვის.
„დელივერის სერვისი საქართველოში დაახლოებით ორი წლის წინ გაჩნდა, რაშიც წარმოდგენილი საერთაშორისო კომპანიების მიერ დიდი შრომა ჩაიდო . დღეს ეს ორი კომპანია ქართულ სარესტორნო სექტორს წარმატებით ემსახურება და მათი შემოსავლის დიდ ნაწილს, საკომისიოს სახით იღებენ და გააქვთ ქვეყნიდან, შესაბამის სათაო ოფისებში. ამრიგად, ვფიქრობთ სწორ დროს შემოვდივართ ქართულ ბაზარზე და „მესამე ალტერნატივის“ სახით, შევეცდებით სიახლეები შემოვიტანოთ, უფრო საინტერესო გავხადოთ კონკურენცია, რითიც საბოლოო ჯამში მომხმარებელი იხეირებს“, განაცხადა ლევან კილაძემ.
როგორც კომპანიაში აღნიშნავენ ელვისის უკან, ტექნოლოგიურ სტარტაპებში გამოცდილი გუნდი დგას: ერთის მხრივ, კომპანია „ლემონდუ“, რომელსაც არაერთი წარმატებული პროდუქტი შეუქმნია და გაუტანია საერთაშორისო ასპარეზზეც (TKT.GE, SS.GE, Moitane, მობილური თამაშები და აპლიკაციები..), მეორეს მხრივ, საქართველოში წამყვანი ციფრული სააგენტო „კრაკენი“, რომლის პორტფელშიც არაერთი საერთაშორისო კონკურსის ოქროს პრიზია.
„ელვისის“ უპირატესობები მოქნილობა, ძლიერი IT პლატფორმა და გამოცდილი გუნდია. ვინაიდან ახალი გაშვებულები ვართ და ახლა ვიზრდებით, გვაქვს მეტი თავისუფლება გადაწყვეტილებებში და მეტი მოქნილობა, რათა ზუსტად მოვერგოთ პარტნიორებისა და მომხმარებლების სურვილებს“, — აღნიშნავს ლევან კილაძე.
კომპანია ელვისის ტექნიკურ ჯგუფში და ოფისში დაახლოებით 20 ადამიანია დასაქმებული, რაც შეეხება კურიერების რაოდენობას, მათი რაოდენობა ყოველკვირეულად იცვლება, ზოგიერთმათგანთან წინასწარი კონტრაქტები აქვთ გაფორმებული, ზოგთანაც კი დატვირთულობიდან გამომდინარე ხდება თანამშრომლობა. კომპანიაში განმარტავენ, რომ უახლოესი ერთი თვე პრომოს პირობებში ელვისი მომხმარებელს მიტანის უფასო სერვისს სთავაზობს, რადგან ხდება პლატფორმის ტესტირება, ხოლო შემდეგ მიტანის საფასური მომხმარებელთა აქტიოვობაზე იქნება დამოკიდებული.
„უახლოესი ერთი თვე გვექნება პრომო და უფასო მიტანა, რადგან ხდება პლატფორმის ტესტირება, შემდეგ მიტანის სერვისის ფასები დამოკიდებული იქნება მომხმარებლი საქტივობაზე და ბევრი საინტერესო შეთავაზება გვექნება, თუმცა საფასური არ იქნება კონკურენტებზე მეტი“, - განაცხადა ლევან კილაძემ.
ელვისი ამ ეტაპზე მხოლოდ თბილისში ოპერირებს, თუმცა სამომავლოდ ბათუმში და ქუთაისში გეგმავენ შესვლას. თუმცა ეს ყველაფერი არაა, კომპანიას სამომავლოდ უფრო დიდი, ამბიცური გეგმები აქვთ:
„გამომდინარე იქიდან, რომ ერთი კვირაა გავეშვით ჯერ თბილისში დავიწყეთ ოპერირება, თუმცა კონკურენტებისგან განსხვავებით, არეალი ბევრად უფრო დიდი გვაქვს, ვემსახურებით ცენტრისგან შედარებით მოშორებულ უბნებს, 1 წელიწადში ბათუმში და ქუთაისშიც შევალთ. ყველაფერს როცა ავაწყობთ ქვეყნის გარეთაც გვინდა გასვლა და როგოც გლოვო და ვოლტი იპყრობენ, სხვა ქვეყნებს ჩვენც გვინდა რომ ქართული დელივერ სერვისით ახალ ქვეყნებში შევიდეთ“, - აცხადებენ ქართულ სტარტაპში.
თაკო კვაჭანტირაძე