სადღესასწაულო პერიოდში აუქციონების გამართვა-საკანონმდებლო ხარვეზი თუ კორუფციის წყარო

სადღესასწაულო პერიოდში აუქციონების გამართვა-საკანონმდებლო ხარვეზი თუ კორუფციის წყარო

access_time2020-01-22 10:00:08

2017 წლის ბოლო ორ დღეში, ისევე როგორც 2018 წლის ბოლოს, ქონების ეროვნულმა სააგენტომ ჯამში 6 ელექტრონული აუქციონი გამოაცხადა, ხოლო 2019 წლის ბოლო ოთხ დღეში გამოცხადებული აუქციონების რაოდენობამ 13-ს მიაღწია.  ერთ-ერთი გახმაურებული ელექტრონული ვაჭრობა ბოლოს 2019 წლის 31 დეკემბერს გამოცხადებული ანანოვების სასახლის გაყიდვა იყო, რომელიც 13 იანვარს დაიხურა და „ინვესტ ჯგუფმა“ 1,375,000 ლარად შეიძინა.“ - რატომ წლის ყველაზე არასაქმიან პერიოდში? სახელმწიფო ქონებისა და კულტურული მემკვიდეობის ძეგლების ელექტრონული ვაჭრობისთვის  საახალწლო პერიოდის შერჩევა მიანიშნებს თუ არა ნეპოტიზმისა და კორუფციის რისკებზე ქვეყანაში და ხომ არ არის ეს კანონში არსებული ნაკლოვანება, რომელიც გამოსწორებას საჭიროებს, რათა პროცესი უფრო გამჭვირვალე გახდეს?


კანონში არ არის არავითარი მინიშნება თუ პუნქტი იმაზე, რომ არასაქმიან და არა აქტიურ პერიოდში არ შეიძლება სახელმწიფო ობიექტის აუქციონზე გამოტანა, მიუხედავად ამისა, მაინც ჩნდება კითხვები, ხომ არ შეიძლება, რომ ეს ფაქტორი კორუფციის წისქვილზე ასხამდეს წყალს და ხელს უწყობდეს ტენდერების ჩუმად და სხვისი ინტერესების სასარგებლოდ ჩატარებას.


„კომერსანტი“ ამ კითხვებით საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის დეპუტატებს ესაუბრა. პარლამენტარები კითხვაზე, ხომ არ უწყობს კორუფციულ გარიგებას ხელს ის, რომ კანონში არ წერია არასაქმიან პერიოდში აუქციონებისა და ტენდერების აკრძალვის შესახებ,  ერთხმად პასუხობენ, რომ ამასთან დაკავშირებით კანონში რამე სახის ცვლილების აუცილებლობა არ არის.


„არცერთ ქვეყანაში არ არის შეზღუდული აუქციონების და ტენდერების ჩატარების კონკრეტული ვადები. ვისაც რამე ობიექტი აინტერესებს, იმას ხელს არ ვუშლით ტენდერში მონაწილეობაში, რადგან ეს ხდება ონლაინ და დიდ წინაღობას არ წარმოადგენს მასში ჩართვა.  თუ დასვენება არჩია ინვესტორმა ახალი წლის პერიოდში და გამოეპარა ტენდერი, მაშინ სერიოზული ინვესტორი არ ყოფილა. რეალურად, მე დიდ წინაღობას იმაში, რომ 31 გამოცხადდეს აუქციონი და 13 ში დაიხუროს,  ვერ ვხედავ. შესაბამისად, ვერც კანონში ვხედავ რამე რისკის შემცველობას.“ - ასე ფიქრობს საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარის მოადგილე ირაკლი მეზურნიშვილი.


ამავე კომიტეტის წევრს ისკო დასენს მიაჩნია, რომ რეალურ ინვესტორს მეტი ყურადღებაც მოეთხოვება და შესაბამისად, საახალწლო და არასაახალწლო პერიოდების მიხედვით აუქციონების მორგება პოტენციურ მყიდველებზე არ არის საჭირო და კანონში ამ კუთხით არაფერია შესაცვლელი.



„რაც შეეხება ელექტრონული ვაჭრობების ვადებს, ვერ ვიტყოდი, რომ ეს საფუძვლიანი პრობლემაა. არაა აუცილებელი დაელოდო იმ მომენტს, როცა ინვესტორები იქნებიან მზადყოფნაში. ინვესტორი, ვისაც აქვს ფული და უნდა საქართველოში ამ ფულის ჩადება, ის ყოველთვის აქცევს ყურადღებას ელექტრონულ აუქციონებს, პერიოდულად შედის და უყურებს იმას, თუ რა გამოდის აუქციონზე.


არის კანონში ისეთი მუხლები, რომელიც უნდა შეიცვალოს აუქციონებთან დაკავშირებით.  მაგალითად, ჩაშლილი აუქციონის შემთხვევაში მას ხელმეორედ ატარებენ, თუმცა მგონია, რომ მეორე ადგილზე გასულ მყიდველს უნდა შესთავაზონ ეს ობიექტი, ამით დროსაც მოვიგებთ და რეალური ინვესტორი შეიძენს ამ ობიექტს.  მიმაჩნია, რომ ამ მიმართულებით უნდა შეიცვალოს კანონი.“ - ამბობს ისკო დასენი.


ეკონომიკური კომიტეტის კიდევ ერთმა კანონმდებელმა, რევაზ არველაძემ აღნიშნა, რომ საკუთარი ინტერესების გამტარებელი მისთვის ხელსაყრელი პერიოდის შერჩევის გარეშეც მოახერხებს ამას და სულაც არ არის ამისთვის კანონის გადახედვა საჭირო ან პირდაპირი აღნიშვნა იმის, რომ წლის რაღაც პერიოდი არ შეესაბამება აქტიურს ტენდერებისთვის.


„ვიღაცამ თავის ინტერესები რომ გაატაროს, ამისთვის სულაც არაა საჭირო არააქტიური თუ აქტიური პერიოდი აუქციონისთვის.  ის თუ ვინმეს მოელაპარაკება,  მოახერხებს კიდეც რომ გაამარჯვებინოს ტენდერში. თუმცა, ასეთი რამე ჩვენი ხელისუფლების პრირობებში არ ხდება. ყოველ შემთხვევაში მე ასე მგონია. მე მეგონია, რომ ამისთვის რამე საკანონმდებლო ცვლილება საჭირო არ არის. გარიგებაში მონაწილე სწორედ იმას მიაღებინებს მონაწილეობას და ისეთ პირობებს შექმნის, რომ გაამარჯვებინებს და ფულსაც აიღებს.  ყველა სისტემაში არსებობს ისეთი პიროვნებები, რომელსაც დასვამ რაღაც თანამდებობაზე და იწყებს იმაზე ფიქრს, ფული როგორ გააკეთოს.  საქართველოსთვის ეს არ არის ეს დამახასიათებელი,  ეს დამახასიათებელია პიროვნებებისთვის და არა ქვეყნებისთვის.“ - ამბობს რევაზ არველაძე.


ქონების ეროვნულმა სააგენტომ არაერთი ობიექტი გამოიტანა გასაყიდად მას შემდეგ, რაც  2019 წლის 29 ნოემბერს ეკონომიკისა და მდგრადი განვითარების მინისტრმა ნათია თურნავამ მასშტაბური პრივატიზაციის პროექტის „100 საინვესტიციო შეთავაზება ბიზნესს“  დააანონსა. პრივატიზების ეს ტალღა  ქართული ეკონომიკისთვის ახალი ბიძგი უნდა ყოფილიყო. მიუხედავად მოლოდინისა,პრივატიზაციამ საყოველთაო ხასაითი ვერ მიიღო, რადგან საპრივატიზაციოდ გამოტანილი ობიექტებიც საინვესტიციო მომხიბვლელობით არ გამოირჩეოდა. ამ სიიდან იშვიათი გამონაკლისი იყო ანანოვების სასახლე, რომლის აუქციონზე გატანა  სამინისტრომ ნაჩქარევად, რატომღაც 31 დეკემბერს, ბიზნესისთვის არააქტიურ პერიოდში გადაწყვიტა.


„კომერსანტის“ ინფორმაციით, 77,500 კვ.მ. მიწის ნაკვეთი და მასზე განთავსებული ისტორიული ნაგებობა ბიზნესმენების ძმები დუგლაძეების საკუთრებაში გადადის. სამეწარმეო რეესტრში დუგლაძეების სახელი არ ფიქსირდება. დოკუმენტებში შპს „ინვესტ ჯგუფის“ 100%-იანი წილის მფლობელი ნინო ლორთქიფანიძეა, კომპანიის დირექტორად კი დავით კობახიძეა. გავრცელებული ინფორმაციით, ნინო ლორთქიფანიძე ბიზნესმენ დუგლაძეებთანაა დაკავშირებული.


მეოცე საუკუნის დასაწყისში ფრანგი ძმების ანანოვების მიერ აგებული შენობა,  თავდაპირველად საცხოვრებელი სახლი იყო, მოგვიანებით სასტუმროდ გადაკეთდა და ბოლოს სამთავრობო რეზიდენციის ფუნქცია შეიძინა.  მოგვიანებით,  ცნობილ მეღვინეებსა და ხის გადამამუშავებელი საწარმოს მფლობელებს ქონება ჩამოართვეს და სახელმწიფოს გადასცეს. სასახლის ისტორია საინტერესო განსაკუთრებით მას შემდეგ გახდა, რაც გასული საუკუნის 90-იან წლებში მას სამთავრობო რეზიდენციის სტატუსი მიენიჭა, წლების მანძილზე რეზიდენცია უმაღლესი რანგის სტუმრებს მასპინძლობდა. სამთავრობო რეზიდენციამ 2012 წლიდან პატრიოტთა ბანაკის ფუნქცია შეიძინა, ეს სტატუსი ანანოვების სასახლეს 2014 წლამდე ჰქონდა, ხოლო მას შემდეგ ქონება ეკონომიკის სამინისტროს ბალანსზე ფიქსირდებოდა.


მარიამ მორგოშია




„საქართველოს ბანკში“ აცხადებენ, რომ კორონავირუსით დაინფიცირებულ პაციენტებს შორის ერთ-ერთი მათი თანამშრომელია

„საქართველოს ბანკში“ აცხადებენ, რომ კორონავირუსით დაინფიცირებულ პაციენტებს შორის ერთ-ერთი მათი თანამშრომელია
access_time2020-02-28 17:47:55
„საქართველოს ბანკში“ აცხადებენ, რომ კორონავირუსით დაინფიცირებულ პაციენტებს შორის ერთ-ერთი მათი თანამშრომელია.ამის შესახებ „საქართველოს ბანკის“ განცხადებაშია ნათქვამი.  „დაავადებათა კონტროლისა და საზოგადოებრივი ჯანმრთელობის ეროვნული ცენტრის მიერ დადასტურებული კორონავირუსის შემთხვევებს შორის ერთ-ერთი, რომელმაც იტალიაში იმოგზაურა, ჩვენი თანამშრომელია. ის საქართველოში 26 თებერვალს ჩამოფრინდა. მისი ჯანმრთელობის მდგომარეობა დამაკმაყოფილებელია და...

სს ,,საერთაშორისო სადაზღვევო კომპანია კამარა’’ ბაზარზე ოპერირებას „გრინ დაზღვევა საქართველოს“ სახელით გააგრძელებს

სს ,,საერთაშორისო სადაზღვევო კომპანია კამარა’’ ბაზარზე ოპერირებას  „გრინ დაზღვევა საქართველოს“ სახელით გააგრძელებს
access_time2020-02-28 17:18:14
კომპანია „მეტრო ჰოლდინგმა“ და შპს „ახალი საინვესტიციო შესაძლებლობემა “ ,,საერთაშორისო სადაზღვევო კომპანია კამარა“ წლის დასაწყისში იყიდა. თებერვალში დაიწყო კომპანიის რებრენდინგი, შეიცვალა კომპანიის სახელი „გრინ დაზღვევა საქართველო/ GREEN INSURANCE GEORGIA” და სადაზღვეო კომპანია ბაზარზე განახლებული პოზიციონირებით წარსდგება. მიღებული იქნა გადაწყვეტილება საწესდებო კაპიტალის ზრდასთან დაკავშირებით - ,,გრინ დაზღვევა საქართველოს’’ კაპიტალი 10,000,000 ლარამდე გაიზარდა, რაც ხელს უწყობს...

ირანისა და იტალიის მიმართულებით სატვირთო გადაზიდვები შეჩერდა

ირანისა და იტალიის მიმართულებით სატვირთო გადაზიდვები შეჩერდა
access_time2020-02-28 16:33:46
სახმელეთო ტრანსპორტის სააგენტომ ირანისა და იტალიის მიმართულებით საავტომობილო სატვირთო გადაზიდვების ნებართვების გაცემა და გაცემული ნებართვების მოქმედება შეაჩერა.აღნიშნული შეზღუდვების მიზეზად ახალი კორონავირუსის გავრცელების პრევენციული ღონისძიებები სახელდება. „ახალი კორონავირუსის გავრცელების პრევენციული ღონისძიებების ფარგლებში, „სახმელეთო ტრანსპორტის სააგენტო“ გაცნობებთ: 2020 წლის 28 თებერვლიდან შეჩერებულია საერთაშორისო საავტომობილო სამგზავრო გადაყვანისა და საერთაშორისო...

წყალტუბოს სანატორიუმებს საპრივატიზაციოდ ამზადებენ

წყალტუბოს სანატორიუმებს საპრივატიზაციოდ ამზადებენ
access_time2020-02-28 16:11:23
წყალტუბოს სანატორიუმები საპრივატიზაციოდ მზადდება. საინვესტიციო პაკეტზე ქონების მართვის სააგენტოს მუშაობა რამდეინმე უწყებასთან უკვე დაწყებული აქვს. „წყალტუბოს სანატორიუმები ის ყველაზე მნიშვნელოვანი გამოწვევაა, რომელიც სახელმწიფოს ბალნეოლოგიური და ტურისტული მიმართულების პროფილის მქონე ინფრასტრუქტურის ათვისების თვალსაზრისით აქვს. ვმუშაობთ, რომ საინვესტიციო პაკეტი სრულყოფილი ფორმატით შევთავაზოთ ბიზნესს. ეს გულისხმობს, სივრცითი დაგეგმარების თვალსაზრისით...

კორონავირუსის გავრცელების გლობალური სტატისტიკა

კორონავირუსის გავრცელების გლობალური სტატისტიკა
access_time2020-02-28 15:50:16
მონაცემები მუდმივად ახლდება. ჯანდაცვის მსოფლიო ორგანიზაციის უახლესი, 28 თებერვლის მონაცემებით, გლობალურად კორონავირუსით ინფიცირების 83 310 შემთხვევა ფიქსირდება, 2 858 გარდაცვალება. 26 თებერვალს საქართველოში ახალი კორონავირუსის პირველი შემთხვევა დაფიქსირდა. ჯანმრთელობის მსოფლიო ორგანიზაციის 27 თებერვლის მონაცემებით, კორონავირუსი ჩინეთის გარეთ კიდევ 47 ქვეყანაშია. სულ მსოფლიოს მასშტაბით, კორონავირუსით ინფიცირების 82 539 შემთხვევაა...


მსგავსი სიახლეები

up