ელექტრომობილების პირველი საწარმოს წინა სამშენებლო სამუშაოები დაიწყო - როგორი იქნება ქარხანა და რა ეღირება პირველი ქართული ელექტოავტომობილი (რენდერები პირველად “კომერსანტზე“)

ელექტრომობილების პირველი საწარმოს წინა სამშენებლო სამუშაოები დაიწყო - როგორი იქნება ქარხანა და რა ეღირება პირველი ქართული ელექტოავტომობილი (რენდერები პირველად “კომერსანტზე“)

access_time2019-05-22 12:30:06

რამდენიმე თვის წინ საქართველოს პრემიერმინისტრმა განაცხადა, რომ 2020 წლიდან საქართველო შეძლებს ელექტრომობილები აწარმოოს.   „კომერსანტი“ დაინტერესდა რა ეტაპზეა ქარხნის მშენებლობის პროცესი, რომელიც მამუკა ბახტაძის თქმით,  ქუთაისში უნდა აშენდეს.

 

ქუთაისში ელექტრო მობილების წარმოების ორგანიზებას, კომპანია „AiProduction“ უზრუნველყოფს. „AiProduction“ – ის დირექტორი აკაკი მამალაძე “კომერსანტთან“ ამბობს, რომ კომპანიას უკვე დაწყებული აქვს წინა სამშენებლო სამუშაოები. მისი თქმით, ამ ეტაპზე მიწის გეოლოგიური და გეოდეზიური შესწავლა მიმდინარეობს.

 



„ვამზადებთ ტერიტორიის სრული განაშენიანების გეგმას, საწარმოს განლაგების სქემას, კონსტრუქციებს და შენობების პროექტებს. გასათვალისწინებელია, რომ ტერიტორიაზე განთავსდება არა მხოლოდ ავტომობილების საწარმო კომპლექსი, არამედ ეკო პროდუქციის, მზის პანელების და სხვა მაღალტექნოლოგიური პროდუქციის საწარმოები“,- აცხადებს აკაკი მამალაძე.  

 

„კომერსანტთან“ საუბარში აკაკი მამალაძე განმარტავს, რომ  სამშენებლო პროექტი ორ ეტაპად არის განაწილებული. მისი თქმით, „AiProduction“  ელექტრომობილების აწყობისთვის საჭირო ყველა ტექნიკა დანადგარის საქართველოში   ჩამოტანას  გეგმავს.  

 



„სამშენებლო პროექტი დანაწილებული გვაქვს თანმიმდევრულად, პირველი ეტაპისთვის გათვალისწინებული საწარმოს ნაწილი დასრულდება 2019 წელს და ამ საწარმოდან წელსვე ვგეგმავთ ელექტრო მობილების პირველი ნაწილების გამოშვებას. მეორე ეტაპისთვის კომპლექსს დაემატება საღებავი, შემდუღებელი და სხვა საწარმო ნაწილები. სამომავლოდ ასევე ვგეგმავთ ავტომობილების ელემენტების საწარმოს განვითარებასაც. გადავამზადებთ ადგილობრივი მუშა პერსონალს. ამის შემდგომ  ქუთაისში განვითარდება ადგილობრივი წარმოების სხვა ხაზებიც, რომელიც ადგილზე აწარმოებს ავტომობილების სხვადასხვა ნაწილებს. პროექტის მიზანია, რაც შეიძლება მოკლე პერიოდში მოვამზადოთ ქართული წარმოების პროდუქცია და წარვადგინოთ იგი უცხოურ ბაზრებზე,“ - განმარტავს აკაკი მამალაძე.

 

როგორც  „AiProduction“ – ის დირექტორი აცხადებს, სამშენებლო პროექტი ჯერჯერობით მომზადების პროცესშია რის შემდეგაც პროექტი ქალაქ ქუთაისის არქიტექტორის სამსახურთან შეთანხმდება. როგორც აკაკი მამალაძე ამბობს, საწარმოს პირველი ნაწილი 15 ჰექტარზე გაშენდება, თუმცა წარმოება მუდმივი ზრდის პროცესში იქნება, რის შემდეგაც ტერიტორიის 200 ჰექტრის ათვისება იგეგმება. ამ ტერიტორიაზე მოეწყობა შიდა სატრანსპორტო ქსელი თავისი სადგურებით და გამწვანების ზონები, ისევე როგორც ალტერნატიული ელექტროენერგიის მიმღები ველები.


 



„AiProduction“ – ის დირექტორი ინვესტიციის ოდენობაზე საუბრობს:

„ამ ეტაპზე რთულია ციფრებზე საუბარი და არ მინდა მცდარი მონაცემები დაგისახელოთ, რადგან ყველა კომპლექსს გააჩნია ცალკეული  პროგნოზული ბიუჯეტი, რომელიც პერიოდულად იცვლება. შესაბამისად, ჩვენი ფინანსისტები აკორექტირებენ საინვესტიციო ბიუჯეტს, რომელიც მალე კონკრეტულ ციფრებზე გაგვიყვანს. საუბარია მრავალმილიონიან პროექტებზე, რომლის საშუალებითაც შეიქმნება მაღალტექნოლოგიური საწარმოების ზონა. გარდა საწარმო მიმართულებისა ჩვენს ჰოლდინგში ასევე არის პროექტები, რომელიც ქვეყანაში საჭირო ინფრასტრუქტურულ და ეკოლოგიურ პროექტებს ახორციელებს, შესაბამისად, პროექტის ბიუჯეტი მოიცავს მრავალ ასპექტს და განსახორციელებელია უამრავი საქმიანობა“ , - განაცხადა აკაკი მამალაძემ. 

 

აკაკი მამალაძის თქმით, კომპანია AiProduction“ ამჟამად არის კომპანია ბიგსერვისის (იგივე აიგრუპი) მფლობელობაში. მისი თქმით, მთავარი ინვესტორი ქართველია, თუმცა ინვესტორების ჯგუფი დაკომპლექტებულია ქართველი და უცხოელი დამფუძნებლებით. ახლო პერიოდში კი აიფროდაქშენის 39 პროცენტში ჩინური მხარე შემოვა.


„AiProduction“ – ის დირექტორის განცხადებით, პროექტის მასშტაბურობის გამო კომპანია სააქციო საზოგადოების და ბირჟაზე გასვლის შესაძლებლობებს განიხილავს.


აკაკი მამალაძე კომერსანტთან აცხადებს, რომ „AiProduction“ რამდენიმე დღეში ჩანგანისგან ლიცენზიის გამოყენების უფლებას მიიღებს.

 



„კომპანიებს შორის მიღწეული იქნა მრავალი შეთანხმება, გაფორმდა მემორანდუმი და სხვადასხვა სახის ხელშეკრულება. 27 მაისს ჩანგანსა და აიფროდაქშენს შორის ვგეგმავთ ერთერთ უმთავრესი, ტექნოლოგიური ლიცენზიის ხელმოწერას. აღნიშნული ხელშეკრულება ძალიან მნიშვნელოვანია კომპანიისთვის, ისევე როგორც ქვეყნისთვის. ანუ ჩანგანის მფლობელობაში არსებულ ყველა პატენტსა და ლიცენზიაზე გვეძლევა გამოყენების უფლება. ეს არის მთავარი უფლება იმისა, რომ ვაწარმოოთ ავტომობილები და მისი ავტონაწილები საქართველოში. დამატებით მინდა გაცნობოთ, რომ ინვესტიციის და კვლევა განვითარების შედეგების მიხედვით ჩანგანი ჩინეთში ლიდერი კომპანიაა, ხოლო მსოფლიო ავტოინდუსტრიის მაშტაბით ჩანგანი ერთერთი ყველაზე მსხვილი პატენტის მფლობელი“,- განმარტავს აკაკი მამალაძე.


აკაკი მამალაძე  აცხადებს, რომ მშენებელი კომპანია ამ დროისთვის ცნობილი არ არის. მისი თქმით, ყველა სამშენებლო მიმართულებას კომპანია სავარაუდოთ ტენდერებით გასაზღვრავს.


„AiProduction“ – ის დირექტორი განმარტავს, რომ პროექტი ქუთაისის მოსახლეობისთვის მნიშვნელოვანია, რადგან იგეგმება, რომ წარმოება სრულად ქართულ ძალაზე გადავიდეს, თუმცა თავდაპირველად საწარმოში გარკვეული რაოდენობის ჩინელი მუშახელი იმუშავებს, რაც კომპანიისთვის გამართულობის გარანტია იქნება.

 



„პროექტის ფარგლებში ბევრი ადამიანი დასაქმდება, რომელიც ჩვენი დახმარებით  ავტო ინჟინერიას და მასთან დაკავშირებულ სხვა პროფესიებს დაეუფლებიან. 2019 წლის ბოლოსკენ 100 - მდე ადამიანი დასაქმდება, ხოლო 2020 წლის ბოლოს დასაქმებულთა რიცხვი 400- მდე გაიზრდება. რაც რეალურად მიგრაციულ განწყობას შეცვლის და ადგილობრივი მცხოვრებისთვის დასაქმება გახდება შესაძლებელი. წარმოების ზრდის პარალელურად აუცილებლად გაიზრდება მუშახელის და ადმინისტრაციული თანამშრომლების რაოდენობაც. ყველა სპეციალისტი გაივლის შესაბამის ტრეინინგებს და სემინარებს. ინსტრუქციებში სწორედ გარკვევისთვის თავდაპირველად საწარმოში იმუშავებენ ჩინელი ინჟინრ-ტრენერები, ხოლო პარალელურად განვითრდება ადგილობრივი რესურსები“,  აცხადებს აკაკი მამალაძე.

 

საწარმოს პირველი ნაწილის დასრულებისთანავე კომპანია გეგმავს პროცესების შემდგომ განვითარებას, წარმოების და საწარმო ხაზის გაზრდას.  დაგეგმილია სხვადასხვა ავტონაწილების ადგილზე წარმოება. აკაკი მამალაძის განცხადებით, ასევე გაიზრდება წლიური წარმოება, რაც საერთო ჯამში 40 000 ავტმობილს მიაღწევს.  წარმოებული ავტომობილების 50% განკუთვნილია საექსპორტოდ. საქართველოში წარმოებული ელექტრო მობილები კი ექსპერტზე გავა ევროპაში, დსთ ქვეყნებში, შუა აღმოსავლეთიში და სხვა ქვეყნებში.


 

 

აკაკი მამალაძე ამბობს, რომ მემორანდუმის მიხედვით 4 მოდელის ელექტრო-ავტომობილის წარმოება იგეგმება. ესენია : „New EADO EV460 Sedan“, “New EADO Hatchback”, “Benni-EV360”, “CS55 EV”. თუმცა,  კომპნაიამ შესაძლოა ჩანგანის მიერ გამოშვებული სხვა მოდელის ელექტრომობილებიც აწარმოოს. 



რაც შეეხება ავტომობილის ღირებულებას:


კომპანიის დირექტორის თქმით, „კომპანიისთვის ერთერთ უმთავრეს მიზანს წარმოადგენს საქართველოში წარმოებულ ავტომობილებზე ხელმისაწვდომობა. წარმოებული ავტომობილები დააკმაყოფილებს ყველა სტანდარტს, მისი სტილი და კომფორტი შესაბამისია მსოფლიოში ცნობილი მოწინავე მოდელებისა.


  1. კომპაქტი /გოლფ მობილები - საშუალოდ 300 კმ გამავლობით ფასი  მერყეობს 13 -17 ათას დოლარამდე


  2. სედანი და ჰეჩბექი მობილები - საშუალოდ 460 კმ გამავლობით ფასი მერყეობს 23-30 ათას დოლარამდე.


  3. ჯიპი - საშუალო გამავლობა 300-400 კმ. ფასი მერყეობს 18 დან 28 ათას დოლარამდე.


“ზემოთ მოყვანილი ფასები მომხმარებელთათვის ხელმისაწვდომს გახდის ავტომობილებს იმ ფაქტის გათვალისწინებით, რომ ელექტრომობილები ბაზარზე არსებულ სხვა სისტემის ავტომობილებთან შედარებით ძვირი ღირს. ამასთან ერთად, „ბიგსერვისი“ გეგმავს გააქტიუროს სოციალური და საზოგადო ლიზინგის სერვისები, ასევე  დაზღვევისა და სერვისის მომსახურება. შესაბამისად,  მომხმარებელს საშუალება ექნება გამოცვალოს არსებული მოდელი ახალით და მიიღოს ქარხნული გარანტიები“,- განაცხადა აკაკი მამალაძემ.


შეგახსენებთ, რომ საქართველოში დარეგისტრირებულ კომპანია „ბიგსერვის“-სა და ავტომობილების მწარმოებელ ჩინურ კომპანია „ჩანგან“-ს შორის 2019 წლის 19 თებერვალს მემორანდუმი გაფორმდა. „ჩანგანი“ ჩინური ავტომწარმოებელი კომპანიაა, რომელსაც 153 წლის ისტორია გააჩნია. კომპანია ჩინეთის ავტომწარმოებელთ ოთხეულში ირიცხება და ამ ეტაპზე გლობალურად 17 მილიონ მომხმარებელის ითვლის. 2018 წელს კომპანიამ აწარმოა 2,14 მილიონი ავტომობილი და წლის შემოსავალმა 26 მილიარდ დოლარს მიაღწია. „ჩანგან“-ს გააჩნია პარტნიორული საქმიანობები ავტოინდუსტრიის ცნობილ კომპანიებთან როგრიცაა “Groupe PSA”, “Ford”, “Mazda”, “Suzuki” და სხვა გლობალურ მწარმოებლები.

რაც შეეხება „ბიგსერვისი“-ს. კომპანია 2005 წელს დარეგისტრირდა. საჯარო რეესტრის მონაცემებით ირკვევა, რომ კომპანიას ერთი ქართველი მეწილე დიმიტრი აბდუშელიშვილი ჰყავს.


დიმიტრი აბდუშელიშვილი - 25%

ანდრეი პაუკ-რუსეთის ფედერაცია -20%

თეიუბ კაფაროვ, -რუსეთის ფედერაცია 10%

ასათულა იკრამოვ - უზბეკეთი 12.5%

თემურ ალიმოვ- უზბეკეთი/ 10%

უმარ ალიმოვ - უზბეკეთი 10%

რახმათილა იკრამოვ- უზბეკეთი 12.5%


კომპანია „ბიგსერვისი“-ის მიერ საქართველოში უკვე ორგანიზებულია და  მიმდინარეობს სხვა და სხვა პროექტები.


„AiEnergy“ - მიმდინარე პროექტი, რომელიც 10 წლის განმავლობაში გეგმავს მინიმუმ 30 000 ელექტრო სატენი მოწყობილობის ინსტალირებას და ამგვარად ელექტრო მობილების სადგურების განვითარებას.


„AiPower“ - მიერ ხორციელდება საქართველოში ალტერნატიული ელექტრო ენერგიის მიმღები წყაროების განვითარება. კომპანია ქვეყნის მასშტაბით  მზის პანელების სადგურების განვითარებასაც გეგმავს.


„Aicar” - საქართველოში ერთერთი ცნობილი პროექტია, რომელიც ავტოგაზიარების პრინციპით, ადგილობრივ მოსახლეობას ახალი ელექტრომობილებით გადაადგილების საშუალებას აძლევს.  



 ბაჩო ადამია





საქართველოს საფეხბურთო ჩემპიონატი 25 ივნისს განახლდება

საქართველოს საფეხბურთო ჩემპიონატი 25 ივნისს განახლდება
access_time2020-05-29 18:57:05
საქართველოს ფეხბურთის ფედერაციამ განცხადება გაავრცელა, რომლის თანახმად, ეროვნული ლიგის შეწყვეტილი გათამაშება 25 ივნისს განახლდება. ჩემპიონატი ორ წრედ ჩატარდება. „კრისტალბეთ ეროვნული ლიგის 2020 წლის სეზონი 25 ივნისს განახლდება. ჩემპიონატის განახლებამდე, მომდევნო კვირის განმავლობაში, ათივე გუნდის ფეხბურთელებს პირველადი ტესტირება ჩაუტარდებათ. სავარჯიშო პროცესი საქართველოს ოკუპირებული ტერიტორიებიდან დევნილთა, შრომის, ჯანმრთელობის და სოციალური დაცვის სამინისტროს რეკომენდაციების...

დღის Top-10 საინტერესო ამბავი

დღის Top-10 საინტერესო ამბავი
access_time2020-05-29 21:30:34
დღის Top-10 საინტერესო ამბავი 1.როცა ინფლაცია ასეთი მაღალია და ლარი გაცამტვერებული, როგორ ვიტყვით რომ ეროვნული ბანკი კრიზისს თავს ართმევს ლარის კურსი პანდემიის გავრცელებამდეც მაღალი მერყეობით ხასიათდებოდა, თუმცა COVID-19 -ის ეფექტმა უფრო მეტად შეასუსტა მისი პოზიციები. მარტის თვეში,...

ევროპაში აზერბაიჯანულ გაზს მოუთმენლად ელიან

ევროპაში აზერბაიჯანულ გაზს მოუთმენლად ელიან
access_time2020-05-29 20:00:03
ევროპელები რუსული გაზისადმი ინტერესს კარგავენ - თურქეთის გავლით გაზსადენი „სამხრეთ ნაკადიც“ წარსულს ჩაბარდა, „ჩრდილოეთ ნაკადი-2“-ც სავარაუდოდ მის ბედს გაიზიარებს.   პოლონეთმა რუსული გაზის ტრანზიტზე უარი განაცხადა, თავისი წვლილი კორონავირუსმაც შეიტანა. საბოლოოდ, „გაზპრომის“ მიწოდება ათობით პროცენტებით შემცირდა.   ევროპას გაზი მსოფლიოს სხვადასხვა წერტილიდან მიეწოდება, ფასი კი მინიმუმამდე დაეცა..   ფაქტია, რომ...

როგორ უნდა იმუშაონ 1 ივნისიდან რესტორნებმა და კაფე-ბარებმა?

როგორ უნდა იმუშაონ 1 ივნისიდან რესტორნებმა და კაფე-ბარებმა?
access_time2020-05-29 17:30:24
ჯანდაცვის სამინისტრომ საზოგადოებრივი კვების ობიექტებისთვის რეკომენდაციები დაამტკიცა. ამ რეკომენდაციების თანახმად, დახურული სივრცის მქონე საზოგადოებრივი კვების ობიექტებში მაგიდები ერთმანეთისგან მინიმუმ 2-მეტრიანი დაშორებით უნდა იდგეს და ამასთან, ერთ მაგიდასთან მაქსიმუმ 6 მომხმარებლის მოთავსებაა ნებადართული. გამონაკლისის სახით კი შესაძლებელია ოჯახის წევრებისა და 12-წლამდე მოზარდის ერთ...

გიორგი გახარია - მსოფლიო ბანკის მონაცემებით, უკიდურესი სიღარიბე საქართველოში ორჯერ შემცირდა

გიორგი გახარია - მსოფლიო ბანკის მონაცემებით, უკიდურესი სიღარიბე საქართველოში ორჯერ შემცირდა
access_time2020-05-29 14:54:22
2012 წლის შემდეგ საქართველოში სიღარიბე შემცირდა 10,5 პროცენტული პუნქტით, - ამის შესახებ საქართველოს პრემიერ-მინისტრმა გიორგი გახარიამ პარლამენტში განაცხადა, სადაც ინტერპელაციის წესით იმყოფება. მთავრობის მეთაურის თქმით, ყველას კარგად ესმის, რომ სიღარიბე ჩვენი ქვეყნის ეკონომიკის სტრუქტურული პრობლემაა ბოლო ათწლეულების განმავლობაში. „ეს არის ფაქტი და ამ ფაქტის გახსენება ყველაზე ნაკლებად გვჭირდება ჩვენ. აგიხსნით, რომ ბოლო წლების განმავლობაში,...


მსგავსი სიახლეები

up