„ელექტროენერგიაზე მოთხოვნა მკვეთრად შემცირდა,შესაბამისად,გასაყიდი ფასებიც მნიშვნელოვნად იკლებს, სერიოზულ კრიზისში შევდივართ, მაგრამ ჯერ არ ვიცით ფსკერი სად არის.“ - ამის შესახებ ქვეყნის ერთერთი უმსხვილესი გადამზიდავი კომპანიის „ისთ გეით ჯგუფის სამეთვალყურეო საბჭოს თავმჯდომარემ და ღვინის მწარმოებელი კომპანია „ვაზიანის ხელმძღვანელმა ირაკლი იაშვილმა „კომერსანტთან განაცხადა.
ბიზნესმენი ირაკლი იაშვილი ახალი ბიზნესის დაწყებას ტურიზმის მიმართულებით აპირებდა, თუმცა, მისივე თქმით, საკითხი ამ ეტაპზე არ განიხილება. რაც შეეხება ღვინის კომპანიას, „ვაზიანი“ საექსპორტო შეკვეთებს სხვადასხვა ქვეყნებიდან იღებს, ხოლო საგაზაფხულო სამუშაოები შეუფეხებლად მიმდინარეობს.
„ვაზიანი“ ჯერჯერობით მუშაობს, შეკვეთებიც მოდის, ვენახის საგაზაფხულო სამუშაოები მიმდინარეობს. მოგეხსენებათ, საკმაოდ დიდი მასივები გვაქვს და ეს პროცესები არ გაჩერდება. ღვინის შეკვეთები მოდის სხვადასხვა ქვეყნებიდან და ვაგზავნით. ახლა დანაშაული იქნება, რომ შეკვეთა არ შეასრულო და ექსპორტისგან რაღაც ფულის მიღებას ხელი შეუშალო. ჰოლდინგში შემავალი ზოგიერთი კომპანია გაგვიჩერდა, რაღაცები მუშაობს - სატრანსპორტო კომპანია მუშაობს, ღვინის კომანია მუშაობს, ენერგეტიკას რაც შეეხება მუშაობს, მაგრამ მოთხოვნა სერიოზულად შემცირდა.“ - ამბობს იაშვილი.
მარიამ მორგოშია