მშვიდობით, არომატიზირატორებო ტკბილი ბამბის, ხილის ნარევების და კრემ-ბრიულეს გემოთი. ახლო მომავალში, ყველა ეს არომატი, რომელიც ახალისებს ელექტრო სიგარეტების - ვეიპების - მოხმარებას შტატებში, გავა მოდიდან, ხოლო მწარმოებელ-კომპანიებს ახალი რეგულაციების დაცვა მოუწევთ.აშშ-ის კვების პროდუქტების და წამლების ხარისხის სანიტარული ზედამხედველობის სამსახურის ბრძანებით, ვეიპების სითხეს უნდა ჰქონდეს კლასიკური თამბაქოს და მენთოლის გემო, სხვა ყველაფერი დანარჩენი იკრძალება.
თუმცა, ელექტრო სიგარეტებში არის კიდევ ერთი, არანაკლებ მიმზიდველი და მიჩვევის გამომწვევი ნივთიერება - ნიკოტინი. მეცნიერებმა გადაწყვიტეს ადამიანის ტვინზე, მისი გრძელვადიანი ზემოქმედების შედეგები შეესწავლათ. განსაკუთრებული ყურადღების ცენტრში იყო ახალგაზრდა.
სპეციალური კვლევით ჯგუფის წევრის, იელის უნივერსიტეტის ნეირობიოლოგის მარინა პიჩიოტოს განცხადებით, მათ უკვე ჩაატარეს კვლევები ცხოველებზე.მისი თქმით, ნიკოტინი არა მხოლოდ აქტიურად მოქმედებს ტვინზე, არამედ აძლიერებს ვეიპების სითხეების ზემოქმედებას.
„იმის გამო, რომ ელექტრო სიგარეტი ახალი მოვლენაა,ჯერჯერობით ჩვენ არ ვიცით ვეიპების მოხმარების გრძელვადიანი შედეგები. თუმცა, რაღაც მაინც ვიცით. ყველასთვის ცნობილია, რომ ნიკოტინი იწვევს ძლიერ დამოკიდებულებას, რომელსაც ებრძვიან სწორედ ვეიპებზე გადასვლით. მაგრამ, ზოგიერთი ვეიპის სითხეში იმდენივე ნიკოტინია, რამდენიც ჩვეულებრივ სიგარეტში. ასეთ ჩანაცვლებას არა აქვს არავითარი მნიშვნელობა ჯანმრთელობის თვალსაზრისით“ - მიიჩნევს მეცნიერი.
პიჩიოტოს თქმით, ახალგაზრდებში სწორედ სხვადმასხვა არომატების ზრდიან ელექტრო სიგარეტების მიმზიდველობას.
„ჩვენ დეტალურად შევისწავლეთ ვეიპების ზემოქმედება თაგვებზე და დავადგინეთ, რომ ნიკოტინის მომხმარებელი ახალგაზრდა თაგვების ტვინებში მოხდა უჯრედების სტრუქტურის ცვლილება, რამაც თავის მხრივ, შეცვალა ინფორმაციის გადაცემის საშუალებები. აღმოჩნდა, რომ ნიკოტინის მომხმარებელი თაგვები უფრო მგრძნობიარე არიან სტრესებისადმი და რეაგირებდნენ სუსტ გამაღიზიანებლებზე, რომლებიც თითქმის არ აწუხებდა „არამწეველ“ თაგვებს“ - განაცხადა მან.
„მაგალითად, ნიკოტინის ზემოქმედების ქვეშ მყოფი თაგვები რეაგირებდნენ სუსტ ელექტრონულ დარტყმაზე, მაშინ როდესაც სხვები საერთოდ ვერ ამჩნევდნენ ვერაფერს“ - ყვება მეცნიერი.
კვლევა ასევე ჩატარდა მოხალისე-ადამიანებზე. აღმოჩნდა, რომ ბავშვები, რომელთა დედები ორსულობის დროს მოიხმარდნენ ნიკოტინს, დიდი ალბათობით ავლენდნენ ჭარბ რეაქციას სტრესზე.
პიჩიოტოს თქმით, ელექტრო სიგარეტის მომხმარებელ ახალგაზრდებს შესაძლოა განუვითარდეს მომავალში ტვინის უჯრედების სტრუქტურული ცვლილებები, რომლებიც მოახდენენ ნეგატიურ გავლენას მათ შემდგომ ცხოვრებაზე.თუმცა, ამავე დროს ჯერ არაა დადგენილი რთული ურთიერთკავშირი ზრდასრულ ასაკში საქციელთან დაკავშირებულ პრობლემებს და მოზარდობის პერიოდში ნიკოტინის მოხმარებას შორის - ამ საკითხზე ჯერ კიდევ დამატებითი კვლევებია ჩასატარებელი.
ნიკოტინი არ არის ერთადერთი მავნე ნივთიერება, რომელსაც შეიცავს ვეიპ-სითხეები. შტატებში დაფიქსირდა ელექტრო სიგარეტის მოწევასთან დაკავშირებული გარდაცვალების 64 და ჰოსპიტალიზაციის 3000 შემთხვევა. ძირითადად, ამ ინციდენტების მიზეზი იყო არალეგალური ვეიპ-სითხეები, რომლებშიც ვიტამინი Е გამოიყენება.ის შედგება ცხიმებისგან, ხოლო ცხიმები იწვევენ ანთებით პროცესებს ფილტვებში, რის შედეგადაც ვეიპის მომხმარებლებს უვითარდებათ ფილტვების ანთება, რაც თავის მხრივ, ხდება ჰოსპიტალიზაციის მიზეზი.
თუმცა, ლეგალური სითხეებიც შეიცავენ ისეთ მავნე ნივთიერებებს, როგორც პოიეტილებგლიკოლი, რომელიც ფილტვებს აზიანებს.
„ვეიპ-სითხეების შემადგენლობის საკითხი ძალიან მნიშვნელოვანია. ელექტრო სიგარეტების მწარმოებლებმა აუცილებლად უნდა მიუთითონ შეფუთვაზე ინფორმაცია ინგრედიენტების და მათი პროცენტული შემცველობის შესახებ. მომხმარებელმა უნდა იცოდეს, რა შედის სითხეში, რომელსაც ის ყიდულობს“ - ამბობს მარინა პიჩიოტო.
მეცნიერი ასევე მხარს უჭერს საზოგადოებრივი ჯანმრთელობის დაცვის პროგრამებს, რომელთა მიზანია ადამიანის ორგანიზმზე ელექტრო სიგარეტების მავნე ზემოქმედების შესახებ საზოგადოების ინფორმირება.
„გარკვეულწილად, ზრდასრული მწეველებისთვის გადასვლა ჩვეულებრივი სიგარეტიდან ელექტრონულზე შეიძლება იყოს სასარგებლო, თუმცა, არ უნდა დაგვავიწყდეს, რომ ისიც შეიცავს ნიკოტინს. ვეიპების მომხრეებმა არ უნდა იფიქრონ, რომ ჩაისუნთქავენ მხოლოდ უწყინარ ორთქლს, განსაკუთრებით, ეს ეხება მოზარდებს“ - თვლის მარინა პიჩოტო.
წყარო:inosmi.ru
თენგიზ აბლოთია