ელემენტ კონსტრაქშენმა თბილისში, აღმაშენებლის ხეივანში, ,,მაკდონალდსის” ახალი ფილიალი ააშენა. განსხვავებული დიზაინის მქონე სწრაფი კვების ობიექტზე სამშენებლო-სარემონტო სამუშაოების სრული ციკლი კომპანიამ საინჟინრო ნაწილის ჩათვლით უზრუნველყო.
აღსანიშნავია, პროექტის განხორციელების ვადებიც. ,,ელემენტ კონსტრაქშენმა“ სამშენებლო-სარემონტო სამუშაოები 4 თვეში დაასრულა. აქედან ერთი თვე სამშენებლო პროცესი პანდემიისგან გამოწვეული სავალდებულო შეზღუდვების გამო იყო გაჩერებული.
სწრაფი კვების რესტორნების უმსხვილესი ქსელისა და ქართული სამშენებლო კომპანიის თანამშრომლობას საინტერესო ისტორია აქვს.
,,მაკდონალდსისთვის“ პირველი ობიექტი ,,ელემენტ კონსტრაქშენმა“ 2017 წელს, ქუთაისში ააშენა. რთული გარემო პირობების მიუხედავად, პროცესი 4 თვეში დასრულდა, რის შემდეგაც კომპანიებს შორის პარტნიორობამ, თითქმის, ყოველწლიური ხასიათი მიიღო.
2019 წელს ,,ელემენტ კონსტრაქშენს“ ,,მაკდონალდსმა“ განსაკუთრებული სირთულის პროექტი ანდო. სამი თვის განმავლობაში საბურთალოს ,,მაკდონალდსის“ სტუმრებს კიდევ ერთი მასპინძელი ხვდებოდა. ,,ელემენტ კონსტრაქშენმა“ დაუჯერებელ ამოცანას გაართვა თავი და რესტორნის რეკონსტრუქცია-მშენებლობის უმეტესი ნაწილი ,,მაკდონალდსის“ მუშაობის პარალელურად განახორციელა.
მშენებლობის უჩვეულო ფორმატს კიდევ ერთი სირთულე ახლავდა - შემჭიდროვებული ვადები. ,,ელემენტ კონსტრაქშენს“ კვების მოქმედი ობიექტის სრული განახლებისთვის მხოლოდ სამი თვე ჰქონდა. სამშენებლო კომპანიამ სამუშაო პროცესი ვადაზე ადრე დაასრულა. შედეგად, რემოდელინგის სამუშაოებმა რესტორანი მომსახურების სრულიად ახალ პლატფორმაზე გადაიყვანა.
სამშენებლო კომპანიაში დარწმუნებულები არიან, რომ წინა ნამუშევრების მსგავსად, აღმაშენებლის ხეივანში მდებარე რესტორანიც ,,მაკდონალდსის“ მომხმარებლებისთვის ერთ-ერთ გამორჩეულ ადგილად იქცევა.
,,ელემენტ კონსტრაქშენის“ მიმდინარე სამოქალაქო, ინდუსტრიული და ჰიდროტექნიკური მშენებლობის შესახებ ინფორმაციის მიღება კი კომპანიის საიტზეა ხელმისაწვდომი - www.ec.ge
ელემენტ კონსტრაქშენის ნამუშევარი - McDonald's აღმაშენებლის ხეივანში
ელემენტ კონსტრაქშენის ნამუშევარი - McDonald's საბურთალოზე
ელემენტ კონსტრაქშენის ნამუშევარი - McDonald's ქუთაისში
(R)