ეკონომისტი - რუსეთიდან შემოსული წილი დიდი არ არის  და რუსი ტურისტები არ არიან მაღალბიუჯეტიანები

ეკონომისტი - რუსეთიდან შემოსული წილი დიდი არ არის და რუსი ტურისტები არ არიან მაღალბიუჯეტიანები

access_time2019-06-22 20:00:14

რა თქმა უნდა, ცალსახად უარყოფითად იმოქმედებს ლარის კურსზეც, გარკვეულ ადამიანებზე, ვინც ბინებს ვერ გააქირავებენ და ნაკლებ პროდუქტს გაყიდიან, მაგრამ უნდა გავითვალისწინოთ, რომ რუსეთიდან შემოსული დოლარების წილი არაა დიდი და რუსი ტურისტები არ არიან მაღალბიუჯეტიანი და მხარჯველი ტურისტები, ეს საშუალებას გვაძლევს არ ვაკეთოთ პესიმისტური სცენარი,- ასე აფასებს „ინტერპრესნიუსთან“ საუბრისას ეკონომისტი ზვიად ხორგუაშვილი რუსეთს პრეზიდენტის, ვლადიმერ პუტინის გადაწყვეტილებას, რომლის თანახმადაც საქართველოსთან ავიამიმოსვლა 8 ივლისიდან აიკრძალება.

 

მისვე თქმით, რთულია ზუსტად განისაზღვროს რა რაოდენობის ზარალს მიიღებს ამ შეზღუდვით საქართველოს ეკონომიკა მოკლევადიან პერიოდში, თუმცა წარსული გამოცდილების გათვალისწინებით, აღნიშნული შეზღუდვა და ყველაზე უარესი სცენარიც კი ვერ გამოიწვევს კრიზისს ქვეყანაში.

 

„პესიმისტური სცენარი რომ განვითარდეს და მთავრობა იყოს უმოქმედოდ, როგორც ყოველთვის, ასევე რუსეთმა კიდევ უფრო მეტი შეზღუდვა დაგვიწესოს, რაშიც ეჭვი მეპარება, ეს გარკვეულ ზიანს რა თქმა უნდა მოუტანს საქართველოს ეკონომიკას, მაგრად ეს ზიანი არ იქნება დამღუპველი და კრიზისს არ გამოიწვევს. გრძელვადიან პერსპექტივაში ეს დადებითიც კი იქნება, რადგან ეკონომიკა უფრო მეტად მოერგება ამას და მეტად დივერსიფიცირებული გახდება. არ შეიძლება გეოპოლიტიკურ მტერზე იყო ეკონომიკურად მიბმული.

 


ჩვენ უარესი გამოცდილება გვაქვს. მაგალითად, სულ რომ ემბარგო დაგვიწესოს რუსეთმა და ქართველების დეპორტაცია მოახდინოს, როგორც 2006 წელს მოხდა, ამის მიუხედავად 2006-2007 წლებში ორნიშნა ზრდა გვქონდა, მითუმეტეს მაშინ კიდევ უფრო მეტად ვიყავით მიბმული რუსეთზე და უფრო სერიოზული პრობლემები უნდა შეგვქმნოდა, მაგრამ მთავრობის პოლიტიკა იყო ორიენტირებული გადასახადების შემცირებაზე, რეგულაციების მოხსნაზე, ინვესტიციების მოზიდვაზე და ამან საშუალება მოგვცა ემბარგოდან გამომდინარე მოსალოდნელი პრობლემები აგვეცილებინა თავიდან“, - აცხადებს ზვიად ხორგუაშვილი.

 

ეკონომისტის თქმით, რუსეთის შეზღუდვებზე მთავრობის პასუხი ლიბერალური ეკონომიკური პოლიტიკის გატარება უნდა იყოს, როგორც ეს 2006 წლის ემბარგოს დროს მოხდა.

 

ipn.ge

„დღეს მთავრობის პასუხი უნდა იყოს არა მუშტების ქნევა და აქციების დარბევა, არამედ მთავარი რაც უნდა გააკეთოს, თუ ამის ძალა შესწევს, ესაა კვლავ გადასახადები შეამციროს, რეგულაციები მოხსნას და ამავე დროს, აუცილებელია კიდევ უფრო მეტად ვიმუშავოთ ინვესტიციების მოზიდვაზე, ამ მთავრობის პირობებში ინვესტიციები ძალიან დაბალია ეკონომიკასთან მიმართებაში, ესაა მთავარი მათ შორის, რაც ლარის კურსსა და ეკონომიკურ ზრდაზე მოქმედებს. თუ მთავრობის პოლიტიკა იქნება ისევ ისეთი, როგორიც ახლაა, რა თქმა უნდა ნებისმიერი ქმედება, რომელიც საქართველოს წინააღმდეგ იქნება მიმართული, საქართველოს ეკონომიკას დააზიანებს“, - განაცხადა ზვიად ხორგუაშვილმა.






თბილისის ყველაზე საშიში უბნები გაზის მომხმარებელთა უყურადღებობის კუთხით

თბილისის ყველაზე საშიში უბნები გაზის მომხმარებელთა უყურადღებობის კუთხით
access_time2019-10-19 14:13:12
„თბილისი ენერჯი“ დედაქალაქში, გაზის მომხმარებელთა უყურადღებობის კუთხით, ყველაზე საშიში უბნების ჩამონათვალს ავრცელებს. „კომერსანტი“ „თბილისი ენერჯის“ ინფორმაციას უცვლელად გთავაზობთ: „თბილისის უბნები, სადაც მიმდინარე წლის 9 თვის განმავლობაში გაზის კუსტარულად დამონტაჟებული დანადგარების დემონტაჟის ყველაზე მაღალი მაჩვენებელი დაფიქსირდა: • სანზონა • ვაზისუბანი• გლდანი• ჩუღურეთი• ისანი -...

გიორგი ქობულია: კონსორციუმს ინვესტორების მოძიების პრობლემა ჰქონდა ბევრად უფრო ადრე, ვიდრე რაიმე გამოძიება დაიწყებოდა

გიორგი ქობულია: კონსორციუმს ინვესტორების მოძიების პრობლემა ჰქონდა ბევრად უფრო ადრე, ვიდრე რაიმე გამოძიება დაიწყებოდა
access_time2019-10-19 14:08:30
ეკონომიკის ყოფილი მინისტრი გიორგი ქობულია აცხადებს, რომ ანაკლიის კონსორციუმს ინვესტორების მოძიების პრობლემა ბევრად უფრო ადრე ჰქონდა, ვიდრე მამუკა ხაზარაძისა და ბადრი ჯაფარიძის წინააღმდეგ გამოძიება დაიწყებოდა. „ინვესტორების მოძიების და საინვესტიციო ვალდებულების შესრულების პრობლემა ბევრად უფრო ადრე იყო, ვიდრე დაიწყებოდა სისხლის სამართლის საქმე და დაიძაბებოდა ურთიერთობა ხაზარაძე-ჯაფარიძესა და მთავრობას შორის- განაცხადა გიორგი ქობულიამ ტვ „პირველის“ ეთერში.მისი თქმით,...

ვითარება გურამიშვილის გამზირზე, სადაც ბუნებრივი აირის გაჟონვის შედეგად აფეთქება მოხდა [ფოტო]

ვითარება გურამიშვილის გამზირზე, სადაც ბუნებრივი აირის გაჟონვის შედეგად აფეთქება მოხდა [ფოტო]
access_time2019-10-19 12:08:50
გურამიშვილის გამზირზე, კორპუსში, სადაც აფეთქება მოხდა, ყველა პირი გამოიკითხება, - ამის შესახებ საპატრულო პოლიციის უფროსმა, ვაჟა სირაძემ, ჟურნალისტებს ადგილზე...

გურამიშვილის გამზირზე საცხოვრებელ კორპუსში აფეთქება მოხდა, არის ნგრევა

გურამიშვილის გამზირზე საცხოვრებელ კორპუსში აფეთქება მოხდა, არის ნგრევა
access_time2019-10-19 09:21:35
ურამიშვილის გამზირის #34-ში, საცხოვრებელ კორპუსში აფეთქება მოხდა. არის ნგრევა. როგორც ინტერპრესნიუსს საგანგებო...

შალვა ცხაკაია - „ყველამ უნდა გაიგოს, რომ შრომის კოდექსში დაგეგმილი ცვლილებების მსგავსი წონიანი რეგულაციის ბრმად მიღება არ შეიძლება“

შალვა ცხაკაია - „ყველამ უნდა გაიგოს, რომ შრომის კოდექსში დაგეგმილი ცვლილებების მსგავსი წონიანი რეგულაციის ბრმად მიღება არ შეიძლება“
access_time2019-10-19 11:00:59
ყველამ უნდა გაიგოს, რომ შრომის კოდექსში დაგეგმილი ცვლილებების მსგავსი წონიანი რეგულაციის ბრმად მიღება არ შეიძლება, – ამის შესახებ დამსაქმებელთა ასოციაციის იურიდიული კომიტეტის თავმჯდომარე შალვა ცხაკაიამ საქართველოს პირველი არხის გადაცემა „ბიზნესპარტნიორში“.   გადაცემაში ბიზნესომბუდმენისა და საქართველოს ბიზნესგაერთიანებების შეხვედრა განიხილეს, რომელიც შრომის კოდექსთან დაკავშირებულ საკამათო ცვლილებებს მიეძღვნა. ცვლილებების ინიციატორი დეპუტატი დიმიტრი ცქიტიშვილია და მისი...


მსგავსი სიახლეები

up