ეკონომიკური ექსპერტების პასუხი ანრი ოხანაშვილს - დიდი სია უნდა შედგეს და სახეზე აეფაროს

ეკონომიკური ექსპერტების პასუხი ანრი ოხანაშვილს - დიდი სია უნდა შედგეს და სახეზე აეფაროს

access_time2019-03-21 19:00:32

“ქართული ოცნების “ დეპუტატის ანრი ოხანაშვილის განცხადებას,  რომ ოპოზიციის წევრები ვერ დაასახელებენ კანონს, რომელიც პარლამენტმა  „ქართული ოცნების“ მმართველობის პირობებში მიიღო და რომელმაც მოქალაქეების ცხოვრება გააუარესა , სოციალურ ქსელში ოპოზიციის მხრიდან კამპანია #დაასახელეკანონი მოჰყვა .   „კომერსანტი“ კი დაინტერესდა ეკონომიკური ექსპერტების აზრით  — რომელ კანონს გაიხსენებენ დარგის სპეციალისტები, რომელიც მმართველი გუნდის ლიდერის პოზიციას ეწინააღმდეგება.  


 
ზურა ჯაფარიძე - 
„პირველი რაც გამახსენდა, იყო საქართველოს კანონი სახელმწიფო ბიუჯეტის შესახებ, რომელსაც პარლამენტი იღებს ყოველი წლის ბოლოს და ფაქტობრივად შემდეგი წლის სამოქმედო გეგმას ამტკიცებს. ყველა ეს კანონი დაწყებული 2013-დან 2018-მდე ყველა არის მავნებლობა, ბევრი მიზეზების გამო. თუმცა, ამის გარდა ცხადია, კიდევ არის სხვა კანონები, რომლებიც მიიღო ოცნების ხელისუფლებამ და დამანგრეველი იყო ქვეყნისთვის —  ნაწილი იყო საზიანო.  მაგალითად, დაგროვებითი პენსიის შესახებ კანონი, საყოველთაო ჯანდაცვის შესახებ მიღებული კანონი, უამრავი რეგულაციები სხვადასხვა სფეროსთან დაკავშირებული, იქნება ეს ტექდათვალიერების , სიგარეტის მოწევის აკრძალვის შესახებ კანონი, აკრძალვები ალკოჰოლზე თუ სხვა. ყველა ეს კანონები ზღუდავს ადამიანების თავისუფლებას. თუმცა ამით “ოცნება“ იღებდა მეტ ფულს ხალხის ჯიბეებიდან . ყველა ეს კანონი გამონაკლისის გარეშე არის ეკონომიკისთვის საზიანო. ეს ცხადია, არ ესმის ოხანაშვილს და დიდი ეჭვი მაქვს, რომ ვერც ვერასდროს გაიგებს.


ეკონომიკის ექსპერტი პაატა შეშელიძის განცხადებით, ასეთი კანონი ბევრია. მათ შორის, მიწის კანონი, რომელმაც შეზღუდა უცხოელების მხრიდან მიწის შესყიდვა,  კონსტიტუციური ცვლილებები, რომელიც გარკვეული პერიოდის შემდეგ აუქმებს საგადასახადო განაკვეთის რეფერენდუმის გზით შეცვლის საკითხს.  ასევე იყო ბოლო წლების ბიუჯეტები, რომელიც მუდმივად ხარვეზებით ხასიათდებოდა.


„გადაწყვეტილებები, რომელიც  ეხებოდა სოფლის მეურნეობის დაფინანსებას, უფასო ხვნა-თესვას და სხვა კანონები. ამან გაფლანგა ბიუჯეტის თანხები და არანაირი შემოსავლები არ დატოვა. უდიდესი პრობლემა იყო ჯანდაცვის სისტემა, რადგან  ის კანონები, რომელიც ამ სფეროს ეხებოდა, ზღუდავდა კონკურენციას და  სოციალურად დაუცველი ადამიანები არაკომპეტენტური ექიმების ხელში დატოვა. კიდევ ძალიან ბევრი კანონია. ეს სასაცილო გამოწვევაა, როგორც ჩანს ეს ადამიანი ან ძალიან ცინიკოსია, ან  ჰგონია, რომ ხალხს დაეზარება ამაზე ფიქრი და ლაპარაკი. დიდი სია უნდა შედგეს და სახეზე უნდა აეფაროს,“— აცხადებს შეშელიძე.



საზოგადოება და ბანკების დამფუძნებელის გიორგი კეპულაძის თქმით, იმით ტრაბახი, რაც სიმართლესთან არ არის კავშირში, უბრალო პოპულიზმია.


„მოსახლეობაზე უარყოფითად აისახა, თუნდაც ბოლოს მიღებული საბანკო რეგულაციები. მართალია, ეს ეროვნული ბანკის გადაწყვეტილება იყო, მაგრამ გარკვეულ ცვლილებებში მმართველი პარტიაც მონაწილეობდა. შეუცდომელი არც ერთი მართველი ძალა არ არის, უბრალოდ, პოპულიზმია იმის განცხადება, რომ ჩვენ საერთოდ არ ვიღებთ ისეთ კანონს, რომელიც ადამიანებზე უარყოფითად აისახება. როდესაც აპელირებას იწყებენ, რომ უშეცდომოები არიან -  ეს არის ტყუილი.  ბევრი ისეთი კანონის მოძებნა შეიძლება, რომელმაც დიდად ვერ იმუშავა, ბევრი გადაწყვეტილება მიიღეს და შემდეგ უკან დაიხიეს, თუნდაც ეროვნული ბანკიდან ჯერ ზედამხედველობის გამოტანა, მერე მიხვდნენ, რომ არ იყო გამოსატანი და დატოვეს და ა.შ. ზოგადად ქართული ოცნება რეგულაციების შემოღებით “ანთებული“ მოვიდა ხელისუფლებაში. აღსანიშნავია ის სახელმწიფო საწარმოები და შპს-ები, რომლებიც დღემდე არსებობენ და რეალურად  ზარალზე გადიან.  ბევრი სახელმწიფო საწარმო არაფერს აკეთებს გარდა იმისა, რომ ბიუჯეტიდან ფინანსდება. პრივატიზაციის პროცესი, რომელიც თითქოს დაიწყეს, როდესაც ლარს გაუჭირდა, მაგრამ საბოლოოდ ძალიან ნელი ტემპებით წავიდა. გვახსოვს ეკონომიკის სამინსიტროს შენობა, რომელიც გაყიდეს და იქ ჯერ არაფერი გაკეთებულია, ასევე ბათუმის ტექნოლოგიური უნივერსიტეტის შენობა - დღემდე გაჩერებულია “, —  განაცხადა გიორგი კეპულაძემ.


 თსუ ანალიზისა და პროგნოზირების ცენტრის დირექტორის ვახტანგ ჭარაიას უჭირს გაიხსენოს „ქართული ოცნების“ მმართველობის პირობებში მიღებული კანონი, რომელმაც მოქალაქეების ცხოვრება გააუარესა. ერთ-ერთი ასეთი შეიძლება იყოს ნავთობზე აქციზის განაკვეთის ზრდა, რომელმაც გარკვეული კუთხით სიტუაცია გააუარესა, თუმცა, ესტონურ მოდელზე იმოქმედა პოზიტიურად, რადგან რეინვესტირება 45%-მდეა ასული.


კომერსანტი






კომპანიები, რომლებმაც Huawei-სთან თანამშრომლობა შეწყვიტეს

კომპანიები, რომლებმაც Huawei-სთან თანამშრომლობა შეწყვიტეს
access_time2019-05-25 20:00:07
გასულ კვირას აშშ-ს პრეზიდენტმა დონალდ ტრამპმა ქვეყანაში საგანგებო მდგომარეობა შემოიღო , რომლის ფარგლებშიც ამერიკულ კომპანიებს შტატების უსაფრთხოებისთვის რისკის შემცველი სატელეკომუნიკაციო...

„სადაზღვევო სექტორში ჯანსაღი კონკურენცია კანონმდებლობით უნდა რეგულირდებოდეს“

„სადაზღვევო სექტორში ჯანსაღი კონკურენცია კანონმდებლობით უნდა რეგულირდებოდეს“
access_time2019-05-25 18:00:50
„პსპ დაზღვევის“ გენერალური დირექტორი სოფიო ლებანიძე, რადიო კომერსანტის გადაცემაში თოქ–შოუ „კომერსანტი LIVE“ დაზღვევის მიმართულებით საკანონმდებლო რეგულაციების არსებობის საჭიროებაზე საუბრობს. „ბოლო მონაცემებით საქართველოში 17 სადაზღვევო კომპანიაა,რომლებსაც განსხვავებული  გამოცდილება გააჩნიათ, არსებობენ ისეთი კომპანიები,რომლებიც ბანკთან არიან აფილირებულები. ბანკი,როგორც ფინანსური ინსტიტუცია დღეს ბევრ პროფილურ და არაპროფილურ ბიზნესშია წარმოდგენილი. დაზღვევასა და ბანკს შორის...

თენგიზ აბლოთიას პერსონალური ბლოგი - შემაშფოთებელი ამბები მოდის „სატრანზიტო ფრონტის ხაზიდან“

თენგიზ აბლოთიას პერსონალური ბლოგი - შემაშფოთებელი ამბები მოდის „სატრანზიტო ფრონტის ხაზიდან“
access_time2019-05-24 18:30:20
შემაშფოთებელი ამბები მოდის „სატრანზიტო ფრონტის ხაზიდან“. იქ, სადაც აქამდე გვეგონა, რომ ყველაფერი წესრიგშია, აღმოჩნდა, რომ თურმე ეს წესრიგიც და გარეგნული სიმშვიდეც მოჩვენებითია. საქართველოსთვის ახალი სახელმწიფოებრივი ფუნქციის - ევროპას და აზიას შორის ხიდის როლის  შეძენას - წინააღმდეგობები შეხვდა იქ, სადაც ყველაზე ნაკლებად იყო მოსალოდნელი. პირველი პრობლემაა - ანაკლიას პორტი. ცუდია ჩვენს დროში პესიმიზმი - ნახევრად სავსე ჭიქა ყოველთვის...

BBC - როგორ იმუშავებს და რა რისკებს შეიცავს Facebook-ის ახალი კრიპტოვალუტა

 BBC - როგორ იმუშავებს და რა რისკებს შეიცავს Facebook-ის ახალი კრიპტოვალუტა
access_time2019-05-24 19:30:19
სოციალური ქსელების გიგანტს წლის ბოლოს საკუთარი კრიპტოვალუტის ტესტირება სურს, რომელსაც კომპანიაში „გლობალკოინს“ უწოდებენ. Facebook-ი საკუთარი კრიპტოვალუტის - “გლობალკოინის” გამოცემას 2020 წლიდან გეგმავს. ამ წლის პირველ კვარტალში ათობით ქვეყანაში  ციფრული გადახდის სისტემის დანერგვა იგეგმება.  Facebook-ი ზაფხულის პერიოდში გეგმის დეტალურ მონახაზს დაასრულებს.  ამასთან დაკავშირებით უკვე შედგა საუბარი ინგლისის ბანკის მმართველთან, ...

არა მხოლოდ ბრექსიტი: რითი დაიმახსოვრა მსოფლიომ ტერეზა მეი?

არა მხოლოდ ბრექსიტი: რითი დაიმახსოვრა მსოფლიომ ტერეზა მეი?
access_time2019-05-24 20:00:48
ბრიტანეთის პრემიერ-მინისტრმა ტერეზა მეიმ განაცხადა, რომ 7 ივნისს ის დატოვებს თავის პოსტს. რით დაამახსოვრა თავი მსოფლიოს ბრიტანეთის ისტორიაში მე-2 ქალმა პრემიერ- მინისტრმა? პირველ რიგში, რა თქმა უნდა, ევროკავშირიდან ბრიტანეთის გასვლასთან დაკავშირებული დრამატული მოვლენებით, თუმცა მის კარიერაში კიდევ ბევრი რამ იყო საინტერესო. 90-ნი წლების დასაწყისში ის იყო ლონდონის ერთ-ერთი რაიონის საბჭოს დეპუტატი, დიდ პოლიტიკაში...


მსგავსი სიახლეები

up