2020 წლის IV კვარტალში მთლიანი შიდა პროდუქტის მოცულობა მიმდინარე ფასებში 13 907.0 მლნ. ლარს გაუტოლდა, ხოლო წინა წლის შესაბამის პერიოდთან შედარებით რეალური მთლიანი შიდა პროდუქტის კლებამ 6.8 პროცენტი შეადგინა. მთლიანი შიდა პროდუქტის დეფლატორი გაიზარდა 7.4 პროცენტით. ამის შესახებ ინფორმაციას „საქსტატი“ აქვეყნებს.

ეკონომიკის სექტორები, რომლებშიც ბრუნვის შემცირება დაფიქსირდა:

● განთავსების საშუალებებით უზრუნველყოფის და საკვების მიწოდების საქმიანობები -53.8 %;
● ხელოვნება, გართობა და დასვენება -27.9 %;
● ტრანსპორტი და დასაწყობება -26.7 %;
● სამთომოპოვებითი მრეწველობა -19.5 %;
● პროფესიული, სამეცნიერო და ტექნიკური საქმიანობები -17.5 %;
● წყალმომარაგება; კანალიზაცია, ნარჩენების მართვა -9.7 %;
● ელექტროენერგიის, აირის, ორთქლის და კონდიცირებული ჰაერის მიწოდება -5.4 %;
● საბითუმო და საცალო ვაჭრობა; ავტომობილების და მოტოციკლების რემონტი -3.9 %;
● დამამუშავებელი მრეწველობა -3 %;
● მშენებლობა -1.2 %;

რაც შეეხება ზრდას, 7.2%-იანი ზრდა ჰქონდა საფინანსო სექტორს, რაც ძირითადად კომერციული ბანკების საპროცენტო შემოსავლების მატებასთან იყო დაკავშირებული. ინფორმაციისა და ტელეკომუნიკაციების სფეროში კი ბრუნვა 3.7%-ით გაიზარდა.

ეკონომიკის სექტორები, რომლებშიც ზრდა დაფიქსირდა:

● საფინანსო და სადაზღვევო საქმიანობები 7.2 %;
● ჯანდაცვა და სოციალური მომსახურების საქმიანობები 6.3 %;
● სოფლის, სატყეო და თევზის მეურნეობა 5.2 %;
● ინფორმაცია და კომუნიკაცია 3.7 %;
● უძრავ ქონებასთან დაკავშირებული საქმიანობები 0.5 %;
● განათლება 0.3 %.

მთლიანი შიდა პროდუქტის დარგობრივ სტრუქტურაში ყველაზე დიდი წილით გამოირჩევა ვაჭრობა (15.8 პროცენტი) და დამამუშავებელი მრეწველობა (12.0 პროცენტი). შემდეგ პოზიციებს იკავებს უძრავ ქონებასთან დაკავშირებული საქმიანობები (10.9 პროცენტი), მშენებლობა (10.9 პროცენტი), სოფლის, სატყეო და თევზის მეურნეობა (7.0 პროცენტი), სახელმწიფო მმართველობა (7.0 პროცენტი), ტრანსპორტი და დასაწყობება (5.9 პროცენტი), საფინანსო და სადაზღვევო საქმიანობები (5.0 პროცენტი).