ეკონომიკის მინისტრი ენერგეტიკაში შეფერხებულ პროექტებზე: ეს ჩვენი ერთ–ერთი გამოწვევაა

ეკონომიკის მინისტრი ენერგეტიკაში შეფერხებულ პროექტებზე: ეს ჩვენი ერთ–ერთი გამოწვევაა

access_time2019-04-14 19:55:51

საქართველოს ეკონომიკისა და მდგრადი განვითარების მინისტრის გიორგი ქობულიას განცხადებით, საქართველოს ეკონომიკაში ინვესტიციები ყოველ წელიწადს იზრდება. ამის შესახებ ქობულიამ გადაცემაში "Forbes კვირა" ქვეყნის საინვესტიციო გარემოზე საუბრისას განაცხადა.


კითხვაზე, უცხოური ინვესტიციების კლების ფონზე, რა ახალი შეხვედრები, ან გამოთქმული ინტერესია ამ ეტაპზე ინვესტორების მხირდან საქართველოს მიმართ, ეკონომიკის მინისტრმა საპასუხოდ განაცხადა, რომ FDI მნიშვნელოვანია, თუმცა საერთო დონე, სადაც ადგილობრივი ინვესტიციებიც გათვალისწინებულია, დადებით დინამიკას აჩვენებს.


"FDI მნიშვნელოვანია, მაგრამ ჩვენ არავის უნდა დაგვავიწყდეს, რომ ყველაზე მნიშვნელოვანი არის ინვესტიციების დონე. ზოგადად ინვესტიციები არის ის მაჩვენებელი, რომელიც ასახავს რამდენად ხდება ინვესტირება ეკონომიკის მომავალ ზრდაში. ზოგადი ინვესტიციები რომ ვნახოთ – FDI–ს დამატებული ჩვენი ინვესტიციები, ეს არის ძალიან დადებითად მზარდი ყოველ წელიწადს. ამიტომ აქ ჩვენ შეგვიძლია კომფორტულად ვიყოთ, რომ ინვესტიციები საქართველოს ეკონომიკაში ყოველ წელიწადს იზრდება.


რაც შეეხება პირდაპირ უცხოურ ინვესტიციებს, ეს არის მთლიანი ინვესტიციების ერთ–ერთი შემადგენელი და მისი დინამიკა დამოკიდებულია ბევრ ფაქტორზე. მიუხედავად იმისა, რომ ეს მხოლოდ ნაწილია, ძალიან დიდ მნიშვნელობას ვანიჭებთ FDI–ს. აქ არის შემდეგი მომენტი გასათვალისწინებელი. პირდაპირი უცხოური ინვესტიცია არ არის იმისთვის, რომ ჩვენ მხოლოდ კაპიტალი მოვიზიდოთ. ეს გვჭირდება იმისთვის, რომ ტექნოლოგიები მოვიზიდოთ, კომპანიები მოვიზიდოთ, რომლებიც მოგვცემენ ჩვენ საშუალებას, გვქონდეს უკეთესი წვდომა საერთაშორისო ბაზრებზე, ანუ ამას ბევრად მეტი სარგებელი მოჰყვება, ვიდრე კაპიტალს.


ამასთან დაკავშირებით რას ვაკეთებთ? – ჩვენ გვაქვს რამდენიმე სექტორი ქვეყანაში, რომელთა დაკავშირებით განსაკუთრებით დაინტერესებულია უცხოური საერთაშორისო კომპანიები. ეს არის მაგალითად, იგივე ენერგეტიკაში, სადაც გვაქვს საკმაოდ დიდი პორტფელი ჰიდროელექტროსადგურების მშენებლობისა და ქარის სადგურების მშენებლობის", – განაცხადა მინისტრმა და აქვე უპასუხა გადაცემის წამყვანის რეპლიკას, რომლის მიხედვით, "ყველა წუხს შეფერხებულ პროექტებზე".


"ძალიან და აქ გვაქვს გასასწორებელი და ეს არის ჩვენი ერთ–ერთი გამოწვევა", – განაცხადა გიორგი ქობულიამ.

რაც შეეხება სხვა მიმართულებებს, ეკონომიკის მინისტრმა საინვესტიციო თვალსაზრისით მიმზიდველად წიაღის სექტორი დაასახელა.


"საინტერესოა ოქროსა და სპილენძის მარაგები. წიაღის სექტორში საკმაოდ დიდი ნაბიჯები გადავდგით ლიცენზირების გამარტივების თვალსაზრისით. ინფორმაცია წიაღის შესახებ, რა რესურსები გვაქვს, არის თავისუფალ წვდომაში ელექტრონულ ფორმატში. ადრე ასე არ იყო. მიდის მუშაობა მსოფლიო ბანკთან, თუ როგორ გავამარტივოთ პროცედურები და კიდევ უფრო მოვიზიდოთ ინვესტორები.


წიაღის მაგალითი არის ერთ–ერთი კარგი იმისთვის, რომ ეს უნდა გამოვიყენოთ არა მხოლოდ იმისთვის, რომ მოვიზიდოთ უცხოური ინვესტიცია, არამედ იმისთვის, რომ ჩვენთან შემოვიდნენ სახელიანი საერთაშორისო კომპანები, რომლებიც შემდგომში არა მარტო წიაღში, არამედ ზოგადად მოგვცემენ იმის საშუალებას, რომ ჩვენი რეპუტაცია გაიზარდოს ევროპაში", – განაცხადა გიორგი ქობულიამ.


ცნობისთვის: "საქსტატის" წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2018 წელს 1 232.4 მლნ. აშშ დოლარი შეადგინა, რაც 34.9 პროცენტით ნაკლებია 2017 წლის შესაბამის მაჩვენებელზე.


არსებული მონაცემით, 2018 წელს პირდაპირი უცხოური ინვესტიციები 5-წლიან მინიმუმზე ფიქსირდება. აღნიშნულ მაჩვენებელზე დაბალი პირდაპირი უცხოური ინვესტიციების მოცულობა ბოლოს 2013 წელს დაფიქსირდა და 1 020.6 მლნ აშშ დოლარი შეადგინა.


BMG






აშშ-მ თურქეთი წინააღმდეგ სანქციების დაწესება დაიწყო

აშშ-მ თურქეთი წინააღმდეგ სანქციების დაწესება დაიწყო
access_time2019-07-22 20:00:40
“ვაშინგტონმა აუკრძალა ანკარას მონაწილეობა გამანადგურებლის F-35-ის შექმნის და წარმოების პროგრამაში. ამის მიზეზია თურქეთის მიერ რუსული საზენიტო კომპლექსების ს-400-ის ყიდვა,“  - ნათქვამია თეთრი სახლის ოფიციალური განცხადებაში. დოკუმენტში წერია, რომ ამერიკული სამხედრო თვითმფრინავების გამოყენება რუსულ სადაზვერვო ტექნიკასთან გვერდით დაუშვებელია, რადგანაც ამ ტექნიკის ერთ-ერთი ამოცანა არის სწორედ F-35-ს საბრძოლო მახასიათებლებზე ინფორმაციის...

“ავერსი“ ყოფილი ინფექციური საავადმყოფოს ტერიტორიაზე გამხმარი ფიჭვების მოჭრას სექტემბერში დაიწყებს - რა ჯიშის ხეებით ჩანაცვლდება “ელდარის ფიჭვები“

“ავერსი“ ყოფილი ინფექციური საავადმყოფოს ტერიტორიაზე გამხმარი ფიჭვების მოჭრას სექტემბერში დაიწყებს - რა ჯიშის ხეებით ჩანაცვლდება “ელდარის ფიჭვები“
access_time2019-07-22 19:00:11
ყაზბეგის გამზირზე, ყოფილი ინფექციური საავადმყოფოს ტერიტორიაზე, ორი წლის წინ დაავადებული და გამხმარი ფიჭვების მოჭრა სექტემბერში დაიწყება და მათ ადგილას როგორც წიწოვანი, ასევე ფოთლოვანი ხეები დაირგვება.  ამის შესახებ “კომერსანტს“  „ავერსი-ფარმას“ გენერალურმა დირექტორმა ირაკლი ფურცელაძემ განუცხადა.   როგორც ირაკლი ფურცელაძე ამბობს,  საავადმყოფოს ტერიტორიაზე ფიჭვების დაავადების შესახებ დაახლოებით...

თემურ ჭყონია: „თუ ეროვნული ბანკი არ ერევა ლარის გამყარებაში, მაშინ მისი ფუნქცია უნდა გადაიხედოს„

თემურ ჭყონია:  „თუ ეროვნული ბანკი არ ერევა ლარის გამყარებაში,  მაშინ მისი ფუნქცია უნდა გადაიხედოს„
access_time2019-07-22 16:30:05
ბიზნესმენი, „კოკა–კოლა ბოთლერს ჯორჯიას“ დამფუძნებელი თემურ ჭყონია ლარის  არასტაბილურობის გამო,  ეროვნული ბანკის ფუნქციების გადახედვის საჭიროებას ხედავს. მისი განმარტებით, ლარის არასტაბილურობა ქვეყნის ეკონომიკის განმსაზღვრელია და არამარტო ბიზნესის. გარდა ამისა, არასტაბილური  ლარი მოქმედებს ყველაფერზე, მათ შორის ბიზნესზე, რადგან ქვეყანაში ყველაფერი სწორედ ბიზნესისგან...

ბანკებს მოგება თითქმის გაუნახევრდათ

ბანკებს მოგება თითქმის გაუნახევრდათ
access_time2019-07-22 15:00:41
2019 წლის ივნისში კომერციული ბანკების წმინდა მოგებამ 33,993 მლნ ლარი შეადგინა, რაც წინა თვესთან შედარებით, 29,991 მლნ ლარით, ხოლო წინა წლის ანალოგიურ პერიოდთან შედარებით 13,940 მლნ ლარით ნაკლებია. კერძოდ, ეროვნული ბანკის ვებ-გვერდზე გამოქვეყნებული სტატისტიკის მიხედვით, 2018 წლის ივნისში ბანკების წმინდა მოგება/ზარალი 47,933 მლნ ლარი, ხოლო 2019 წლის მაისში - 63,984 მლნ იყო. ამასთან, მიმდინარე წლის ივნისში, ბანკების შემოსავლებმა 345,001 მილიონი ლარი,...

რატომ ურჩევს სებ-ი ბიზნესებს ფორვარდული გარიგებების დადებას

რატომ ურჩევს სებ-ი ბიზნესებს ფორვარდული გარიგებების დადებას
access_time2019-07-22 14:37:52
ქართული ბიზნესები მუდმივ რეჟიმში ცდილობენ, რომ საკუთარი სავალუტო რისკები მინიმუმამდე შეამცირონ. იმის გამო, რომ საქართველოში გაყიდული საქონლის ნახევარზე მეტი არის იმპორტირებული, საქონლის რეალიზაცია კი, ეროვნულ ვალუტაში ხდება, ბიზნესი ბუნებრივად სავალუტო რისკის წინაშე დგება. ლარის მერყეობის ზრდასთან ერთად ამ ბიზნესებისთვის ოპერირება გართულდა. მოიმატა გაურკვევლობამ იმის შესახებ, თუ რა უნდა იყოს იმპორტირებული პროდუქციის სარეალიზაციო ფასი და სადამდე შეიძლება ის...


მსგავსი სიახლეები

up