„გვაინტერესებს რა არის თქვენი ხედვა, თუნდაც მომავალი წლის ეკონომიკურ სტრატეგიასთან დაკავშირებით რაც უკვე ბიუჯეტში უნდა აისახოს“, - ამ კითხვით მიმართა „ლელოს“ ვაკის მაჟორიტარი დეპუტატობის კანდიდატმა, ლევან კობერიძემ ნათია თურნავას სადაც ეკონომიკისა და მდგრადი განვითარების მინისტრს დეპუტატები ინტერპელაციის წესით უსმენენ.
„პირველი ოქტომბრისთვის მზად უნდა იყოს სახელმწიფო ბიუჯეტის 2020-2021 წლის პროექტი. კარგი იქნება თუ დაგვანახებთ, რომ მთავრობას 2020-21 წლის ბიუჯეტის გარკვეული მონახაზი აქვს, რადგან ბიუჯეტი უნდა აეგოს ეკონომიკურ ხედვაზე და საით უნდა წავიდე ქვეყანა 2020-21 წელს. სამწუხაროა, რომ არანაირი კონტურები თქვენი მხრიდან არც ერთ თქვენს გამოსვლაში, არც ახლა პარლამენტში, არანაირად არ ჩანს. ის კონტურები თუ როგორი ეკონომიკური სტურქტურა გაქვთ წარმოდგენილი. ყველაფერი რაზეც თქვენ საუბრობთ არ არის ეკონომიკის კრიზისიდან გამოყვანის გეგმა, ეს არის კრიზისთან შეგუების გეგმა. კარგი იქნება თუ დარჩენილ დროში ამ საკითხზე ისაუბრებთ და დაგვანახებთ თქვენს ხედვას თუნდაც ერთი წლის შემდეგ როგორი იქნება ეკონომიკის სტრუქტურა. სწორედ იმიტომ იქმნება ის ნეგატიური და ქაოტური მოლოდინები, მათ შორის ეკონომიკასთან და ლარის კურსთან მიმართებაში, რომ ხედვები არ გაქვთ. თქვენ მხოლოდ ბიუჯეტში არსებული თანხების გადანაწილებას ცდილობთ, ძალიან დიდი ნაწილი ამ თანხების ხვდება არა მოსახლეობასთან, არამედ სახელმწიფო კონიუქტურასთან შეზრდილ ოლიგოპოლიურ გარკვეულ ბიზნეს ერთეულებთან, სამშენებლო ბიზნესი იქნება ეს თუ სხვა ნებისმიერი მიმართულება.
თუ გაეცანით ლელოს პარტიის მიერ წარგენილ ე.წ. მარშალის გეგმას, სადაც ძალიან დეტალურადაა გაწერილი პროგრომა იმასთან დაკავშირებით თუ როგორ უნდა შეიქმნას საშუალო ფენა, ფინანსებთან წვდომა როგორ უნდა გაძლიერდეს. უბრალოდ აზრის გაცვლაც საინტერესოა, იქნებ რაიმე საინტერესო ნახოთ ამ პროგრამაში, თქვენი როგორც პროფესიონალის აზრიც გავინტერესებს. კრიტიკასაც თუ მოვისმენდით. საინტერესო იქნებოდა ჩემთვის.
ჩემი აზრით ეკონომიკის მინისტრი არ უნდა საუბრობდეს ბუღალტრულ თემებზე, ამდენი თანხა წავიდა და ა.შ. არამედ უნდა გვესაუბრებოდეთ ეკონომიკურ ხედვებზე. ეს უნდა იყოს ხელისუფლებასა და ოპოზიციას შორის საუბრის მთავარი თემა და არა კინკლაობა რომელიც დარბაზში იმართება. გვაინტერესებს რა არის თქვენი ხედვა, თუნდაც ერთ წლიანი. მომავალი წლის ეკონომიკურ სტრატეგიასთან დაკავშირებით რაც უკვე ბიუჯეტში უნდა აისახოს“, - განაცხადა ლევან კობერიძემ.
ბაჩო ადამია