„ეკონომიკის ასეთი ზრდა მთავრობას  ტრაბახის საფუძველს არ აძლევს“

„ეკონომიკის ასეთი ზრდა მთავრობას ტრაბახის საფუძველს არ აძლევს“

access_time2019-10-31 19:20:59

„საქართველოსთვის ორნიშნა ეკონომიკური ზრდა მინიმუმი უნდა იყოს, რათა მოსახლეობას შემოსავლების ზრდის კუთხით პროგრესი შეეტყოს. საქართველოში და ზოგადად, ჩვენნაირი განვითარებადი ქვეყნისთვის 5%-იანი ეკონომიკური ზრდა ძალიან დაბალია და მოსახლეობაზე არ აისახება. ეკონომიკის 5%-იანი ზრდა გამოიწვევს იმას, რომ ჩვენი სიმდიდრის გაორმაგებას დასჭირდება 15 წელი, ეს გაორმაგება კი ჩვენნაირი ღარიბი ქვეყნისთვის არაფერს ნიშნავს“, - ასე შეაფასა ეკონომიკის ექსპერტმა ზვიად ხორგუაშვილმა „საქსტატის“ მიერ გამოქვეყნებული წინასწარი მონაცემი სექტემბრის ეკონომიკური ზრდის შესახებ.

 

დოკუმენტის მიხედვით, სექტემბრის განმავლობაში რეალური მთლიანი შიდა პროდუქტის (მშპ) ზრდამ 5.2% შეადგინა, ხოლო 2019 წლის III კვარტლის რეალური ზრდა, წინა წლის შესაბამის პერიოდთან შედარებით 5.7%-ით განისაზღვრა. ამასთან, 2019 წლის პირველი ცხრა თვის საშუალო რეალური ზრდა 5.0%-ს შეადგენს.

 

ეკონომიკის ექსპერტი მიიჩნევს, რომ ეს მაჩვენებელიც კი საქართველოში არსებული ეკონომიკური მდგომარეობის გათვალისწინებით - ძალიან საეჭვოა.

 

„უკანასკნელი პერიოდის მანძილზე საშუალო ეკონომიკური ზრდა 4.9%-დან 5%-ს ფარგლებში მერყეობს, შეიძლება თვეების მიხედვით ცოტა განსხვავდებოდეს, მაგრამ აქ მთავარია საშუალოდ წლის მანძილზე რამდენია, ეს კი ზუსტად ის არის, რამდენსაც  მთავრობა წლის დასაწყისში გეგმავდა. თუმცა, ეს მაჩვენებელიც ძალიან საეჭვოა, იქედან გამომდინარე, რომ ქვეყანაში ვაჭრობასთან და იმპორტთან დაკავშირებით სერიოზული პრობლემა გვაქვს. გარდა ამისა, 2019 წელს კატასტროფა ხდება უცხოური ინვესტიციების კუთხით, განსაკუთრებით ეს ეხება წამყვან სექტორებს. ეკონომიკის ასეთი ზრდა მთავრობას არ აძლევს ტრაბახის საფუძველს, რადგან ეს მონაცემი გვაქვს ბოლო წლების განმავლობაში, რაც ცუდად აისახება იმ ადამიანებზე, რომელთა შემოსავალიც ყველაზე ნაკლებად იზრდება. 2008-2012  წლებში ომის და ფინანსური კრიზისის დროსაც კი ეკონომიკური ზრდა 6.3% იყო, შესაბამისად, ასეთი მაჩვენებელი ქვეყნის წინსვლას არ გამოიწვევს. ბოლო ორი წლის განმავლობაში ეკონომიკურ ზრდას შეიძლება გვაძლევდეს ის, რომ მთავრობამ ძალიან დიდი თანხა გადაისროლა კაპიტალურ ხარჯებში, რაც გარკვეულწილად ეკონომიკური ზრდის მასტიმულირებელია და არ გამოვრიცხავ, რომ თუ ამ ზრდას მოვაშორებთ, ქვეყანა თავზე ჩამოგვექცევა“, - განმარტავს ზვიად ხორგუაშვილი.



ეკონომიკური ზრდის 5%-იან მაჩვენებელში განსაკუთრებულს ვერაფერს ხედავს „ახალი ეკონომიკური სკოლის“ პრეზიდენტი პაატა შეშელიძეც და მიიჩნევს, რომ საქართველოსთვის ბევრად მაღალი ტემპია საჭირო.


„მაშინ როდესაც,  ქვეყნის ეკონომიკის წლიური საშუალო ზრდა 5.0 %-ია, სექტემბერში ეკონომიკის 5.2%-იანი გაზრდა განსაკუთრებულს არაფერს ნიშნავს. მთავარი ის არის, რომ ეკონომიკის ასეთი დაბალი ზრდა მოსახლოებაზე ვერ აისახება და ეს მაჩვენებელი რეალურად არაფრის მომცემია. საქართველოს ბევრად მაღალი ეკონომიკური ზრდა უნდა ჰქონდეს. საჭიროა უფრო მაღალი ტემპი და ამისთვის აუცილებელია შესაბამისი ზომების მიღება “ - განაცხადა „ახალი ეკონომიკური სკოლის“ პრეზიდენტმა პაატა შეშელიძემ.


„საქსტატის“ ინფორმაციით, 2019 წლის სექტემბერში, წინა წლის შესაბამის პერიოდთან შედარებით, ზრდა შეინიშნებოდა მშენებლობაში, ტრანსპორტში, ვაჭრობაში, სასტუმროებსა და რესტორნებში, დამამუშავებელ  მრეწველობაში. კლება კი დაფიქსირდა სამთომოპოვებით მრეწველობაში და კომუნალური, სოციალური და პერსონალური მომსახურების გაწევის დარგში.


ნინო თამაზაშვილი

 

 





ლარი მცირედით გაუფასურდა

ლარი მცირედით გაუფასურდა
access_time2021-08-03 18:00:52
3 აგვისტოს ვაჭრობის შედეგად ლარი აშშ დოლართან მიმართებაში 0.06 თეთრით 3.1048-მდე გაუფასურდა. Bloomberg-ის პლატფორმაზე კი დღის ბოლოს კურსი 3.1065-ზე დაფიქსირდა. დოლარის მსგავსად ლარი ასევე გაუფასურდა ევროსთან, 0.13 თეთრით 3.69.19-მდე, ბრიტანულ ფუნტთან 0.86 თეთრით 4.3247-მდე, თურქულ ლირასთან 0.17 თეთრით 0.3729-მდე, 100 რუსულ რუბლთან 0.55 თეთრით 4.2633-მდე, 1000 სომხურ დრამთან 2.92 თეთრით 6.3566-მდე, აზერბაიჯანულ მანათთან კი უმნიშვნელო 0.01 თეთრით 1.8265-მდე...

დღის TOP 10 მნიშვნელოვანი ამბავი

დღის TOP 10 მნიშვნელოვანი ამბავი
access_time2021-08-03 21:00:09
დღის TOP 10 მნიშვნელოვანი ამბავი:   1. ბიზნესმენების აზრი – იყო თუ არა გახარია „ბოლი“ პრემიერი? ბიზნესმენი დავით ბეგიაშვილი: „ბიზნესს გიორგი გახარიამ ვერანაირი სარგებელი ვერ მოუტანა. ჯერ კიდევ ბიზნესომბუდსმენის პოსტზე, მას სექტორის სასარგებლად ფაქტობრივად არაფერი გაუკეთებია“.   2. ინფლაცია 10–წლიან...

კულუმბეგოვი შეზღუდვების, მათ შორის კომენდანტის საათის შემოღებას ითხოვს

კულუმბეგოვი შეზღუდვების, მათ შორის კომენდანტის საათის შემოღებას ითხოვს
access_time2021-08-03 16:00:25
ალერგოლოგ-იმუნოლოგი ბიძინა კულუმბეგოვი„ფეისბუქის“ პირად გვერდზე გარკვეული შეზღუდვების სასწრაფოდ დაწესების აუცილებლობაზე საუბრობს.   „კომერსანტი“ მის პოსტს უვლელად გთავაზობთ:   „სამედიცინო პირბადე ყველგან, KN95 პირბადე რისკის დაავადების პირებისთვის, ღამის გადაადგილების აკრძალვა, რესტორნები მხოლოდ ღია სივრცეში, 5 ადამიანზე მეტის შეკრების შეზღუდვა, მასიური ტესტირების და ვაქცინაციის ცენტრები...   შეზღუდვები უსწრაფესად ასამოქმედებელია,...

GALT & TAGGART: ინფლაციის ორნიშნა მაჩვენებელს 2022 წლის I კვარტალშიც უნდა ველოდოთ

GALT & TAGGART: ინფლაციის ორნიშნა მაჩვენებელს 2022 წლის I კვარტალშიც უნდა ველოდოთ
access_time2021-08-03 17:00:00
ივლისში ინფლაციის ტემპი კიდევ უფრო დაჩქარდა და ორნიშნულიან მაჩვენებელს 11.9%-ს მიაღწია, რაც 10-წლიანი რეკორდია. ამ ფონზე, Galt & Taggart-ის ეკონომისტი ლაშა ქავთარაძე ინფლაციის ორნიშნა მაჩვენებელს პროგნოზირებს 2022 წელსაც. მისი თქმით, მომდევნო თვეებში ინფლაცია კვლავ ორნიშნა მაჩვენებელზე იქნება და შესაძლოა უფრო მაღალიც იყოს მიმდინარე წლის დეკემბერში. “ივნისის ინფლაციაზე მოქმედი ფაქტორები შენარჩუნდა ივლისშიც, რომელსაც კიდევ ერთი ფაქტი ემატება,...

ონლაინკაზინოების წილმა ინტერნეტშესყიდვებში 67%-ს გადააჭარბა

ონლაინკაზინოების წილმა ინტერნეტშესყიდვებში 67%-ს გადააჭარბა
access_time2021-08-03 15:00:17
ბოლო 10 წელიწადში ინტერნეტშესყიდვების მოცულობა 20-ჯერ გაიზარდა. მკვეთრი ნახტომის მიზეზი Amazon.com-ის ან რომელიმე სხვა მსგავსი საიტის პოპულარობის ზრდა არ გამხდარა. 2020 წელს ბარათებით გადარიცხული 5.458 მლრდ ლარიდან 3.708 მლრდ, ანუ 67.9% ონლაინკაზინოების ანგარიშზე გადამისამართდა. 2011 წელს ბარათებით ინტერნეტშესყიდვების მოცულობამ 185 მლნ ლარი შეადგინა. 2020 წლის დეკემბერში, მხოლოდ 1 თვეში, კაზინოების ანგარიშზე 415 მლნ ლარი ჩაირიცხა. თუ მხოლოდ ქართულ...


მსგავსი სიახლეები

up