ჯანდაცვის მინისტრის, ეკატერინე ტიკარაძის განცხადებით, ბათუმის რესპუბლიკურ საავადმყოფოში კორონავირუსით ინფიცირებული პაციენტებისთვის დამატებით 50 საწოლი გამოიყოფა, ასევე სხვა კლინიკებში 30-მდე საწოლი, რითაც მინისტრის თქმით, აჭარაში საწოლ ფონდის დეფიციტის მოლოდინი დაიხურება.
„აჭარაშია ჩემი პირველი მოადგილე. მიმდინარეობს საწოლ ფონდის მობილიზება. ბატონი თენგიზ ცერცვაძის გუნდიდან ხვალ 4 ადამიანი იქნება დამატებით მივლენილი აჭარაში. რაც შეეხება საწოლფონდს, აჭარის რესპუბლიკურ საავადმყოფოს კიდევ 50 საწოლი დაემატება. აქედან 10 რეანიმაციული და 40 თერაპიული. დანარჩენი საავადმყოფოები, რომლებიც აჭარის რეგიონში თანამშრომლობენ, მათი დახმარებით კიდევ გვექნება 30-მდე დამატებითი საწოლი, რითაც ვთვლით, რომ აჭარაში საწოლ ფონდის დეფიციტის მოლოდინი ამით დაიხურება და ჩვენი ახალი გუნდის წევრებით, რომლებიც ჩაერთვებიან ოპერატიულ მართვაში და კლინიკურ ზედამხედველობაში იმ საავადმყოფოების, რომლებიც კოვიდის მართვაში მონაწილეობა, მათი მხრივ გაუმჯობესდება საწოლ ფონდის ბრუნვა და პაციენტების მოვლის ხარისხიც“,-აღნიშნა ეკატერინე ტიკარაძემ ჟურნალისტებთან საკითხის კომენტირებისას.
IPN.GE