შემოდგომაზე, ისევე როგორც მსოფლიოს ყველა სხვა ქვეყანა, ჩვენც ველოდებით გარკვეულ გამწვავებებს, – ამის შესახებ ჯანდაცვის მინისტრმა ეკატერინე ტიკარაძემ განაცხადა.
მისი თქმით, საქართველოში კორონავირუსის შემთხვევების მატება ინფექციის პიკს არ უკავშირდება.
„ეს არის გარკვეული პროცესი, რომელიც ხასიათდება რა თქმა უნდა გარკვეული რიცხვოვნობის ზრდით. ეს არ გახლავთ შესაძლო პიკი, რომელსაც შემოდგომაზე ველოდებით. შემოდგომაზე, ისევე როგორც მსოფლიოს ყველა სხვა ქვეყანა, ჩვენც ველოდებით გარკვეულ გამწვავებებს. სწორედ აქედან გამომდინარე არის მაქსიმალური ოპერატიული ჩართულობა და ინფორმირებულობა ჩვენი მოსახლეობის. რაც შეეხება საკარანტინო პერიოდს, ისევე როგორც ყველა მუნიციპალიტეტში, სადაც მსგავს აფეთქებას ჰქონდა ადგილი, მნიშვნელოვანია, რომ გავლილი იყოს ორი საკარანტინო პერიოდი, რაც ნიშნავს 28 დღეს. გამომდინარე იქიდან, თუ რა დასკვნებს გააკეთებენ ეპიდემიოლოგები იქნება დამატებით მიღებული გადაწყვეტილება შემცირდება ეს პერიოდი, თუ დარჩება 28 საკარანტინო დღედ“, – განაცხადა ტიკარაძემ.
მესტიის მუნიციპალიტეტი ჩაიკეტა, დაბა მესტიაში, უშგულსა და ლენჯერში საკარანტინო შეზღუდვები იმოქმედებს.
1tv.ge