ეკატერინე ტიკარაძე - კომერციულად ზედმეტად ორიენტირებული კლინიკები საყოველთაო ჯანდაცვის პროგრამიდან გავლენ ან სახელმწიფოს მიერ დადგენილი ტარიფებით იხელმძღვანელებენ

ეკატერინე ტიკარაძე - კომერციულად ზედმეტად ორიენტირებული კლინიკები საყოველთაო ჯანდაცვის პროგრამიდან გავლენ ან სახელმწიფოს მიერ დადგენილი ტარიფებით იხელმძღვანელებენ

access_time2019-12-25 13:55:43

ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ეკატერინე ტიკარაძე აცხადებს, რომ მთავრობის 520-ე დადგენილებასთან დაკავშირებით, რომელიც საყოველთაო ჯანდაცვის პროგრამის ფარგლებში კლინიკებისთვის ტარიფების გათანაბრებას გულისხმობს, სამედიცინო სფეროს წარმომადგენლებთან საკმარისი კომუნიკაცია იყო.


ამასთან, მისი თქმით, სამინისტროს მიერ ტარიფები უკვე დაანგარიშებული და დაზუსტებულია.


„ჩვენ რაც დავითვალეთ, დათვლა არის ზუსტი, შესაბამისად თავიდან არაფერს ვითვლით. კომუნიკაცია იყო საკმარისი. მზად ვართ, წარმოვადგინოთ საშვთა სია, რომელიც სამინისტროში იყო დაშვებული ხუთი თვის განმავლობაში, როდესაც ვახორციელებდით კომუნიკაციას ექიმებთან, სამედიცინო დაწესებულებებთან“, – განაცხადა მინისტრმა.


ამასთან, ტიკარაძის თქმით, მთავრობა შეინარჩუნებს საყოველთაო ჯანდაცვის პროგრამას ისევე უსაფრთხოდ, როგორც აქამდე იყო.


„სახელმწიფოს არც ამ ეტაპზე გააჩნია საკმარისი სახელმწიფო კლინიკა და არც სამომავლოდ ვგეგმავთ, რომ ბაზარი გაჯერდეს მხოლოდ სახელმწიფო კლინიკებით. უბრალოდ იქნება დადგენილი გარკვეული პროპორცია, რათა საყოველთაო ჯანდაცვის პროგრამა, როგორც სოციალური პროექტი უსაფრთხოდ გაგრძელდეს ჩვენი მოსახლეობისთვის. ჩვენთვის ცნობილია სოციალურად დაუცველთა რა ოდენობაზეა საუბარი, ასევე საშუალო შემოსავლის მქონე მოსახლეობაზე. ჩვენ, როგორც მთავრობა შევინარჩუნებთ საყოველთაო ჯანდაცვის პროგრამას ისევე უსაფრთხოდ, როგორც ეს წინა შვიდი წლის განმავლობაში მიმდინარეობდა“, – განაცხადა ჯანდაცვის მინისტრმა.


ამასთან, როგორც მან აღნიშნა, კლინიკების ნაწილი ზედმეტად არის ორიენტირებული კომერციულ საკითხებზე.


„არიან კლინიკები, რომლებიც სამედიცინო ჩარევებისას ზედმეტად არიან კომერციულად ორიენტირებული და შესაბამისად, ისინი ან გავლენ პროგრამიდან, ან დარჩებიან და განახორციელებენ შესაბამის მანიპულაციებს სახელმწიფოს მიერ დადგენილი ტარიფებით“, – განაცხადა ეკატერინე ტიკარაძემ.


1tv.ge





დღის Top-10 საინტერესო ამბავი

დღის Top-10 საინტერესო ამბავი
access_time2020-02-21 21:30:32
დღის Top-10 საინტერესო ამბავი 1.როგორ ემზადება ხელისუფლება ხანძარსაშიში სეზონისთვის - ზაფხულამდე 3 თვე რჩება „კომერსანტი“ დაინტერესდა არის თუ არა მზად და რა ღონისძიებებს ახორციელებს...

სამედიცინო ასოციაციები მთავრობაში გასაგზავნ წერილს ასაჯაროებენ

სამედიცინო ასოციაციები მთავრობაში გასაგზავნ წერილს ასაჯაროებენ
access_time2020-02-21 16:29:38
საქართველოს სამედიცინო ასოციაციების გაერთიანება და მისი წევრი 37 კლინიკა  პრემიერს წერილს უგზავნის. განცხადების ტექსტს "კომერსანტი" უცვლელად გთავაზობთ:"სამედიცინო ასოციაციების გაერთიანების 7 თებერვლის სხდომაზე კიდევ ერთხელ იქნა განხილული საქართველოს მთავრობის 2019 წლის 5 ნოემბრის 520-ე დადგენილების შედეგები.მიღებულ იქნა ერთობლივი განცხადება:საქართველოს მთავრობის 520-ე დადგენილებასთან დაკავშირებით სამედიცინო ასოციაციების...

ბათუმში „ოცნების ქალაქის“ მშენებლობა ბიუჯეტს 38,7 მილიონი ლარი დაუჯდება

ბათუმში „ოცნების ქალაქის“ მშენებლობა ბიუჯეტს 38,7 მილიონი ლარი დაუჯდება
access_time2020-02-21 15:15:09
წელიწადში და ექვს თვეში აქ აშენდება 582 ბინა, რომელიც იქნება თქვენი, იქნება ამ ბავშვების და რომლებმაც თქვენ, საქართველოს მოქალაქეებს უნდა მოგცეთ საშუალება, რომ ყოველ დღე იცხოვროთ ღირსეულად და გაზარდოთ ღირსეული შვილები, - ამის შესახებ საქართველოს პრემიერ-მინისტრმა გიორგი გახარიამ ბათუმში, „ოცნების ქალაქის“ მშენებლობის გახსნაზე სიტყვით გამოსვლისას...

„სესხის ამომღები კომპანიები განულებულ სესხებს თავიდან ითხოვენ“

„სესხის ამომღები კომპანიები განულებულ სესხებს თავიდან ითხოვენ“
access_time2020-02-21 16:10:21
„სესხის ამომღები კომპანიები განულებულ სესხებს თავიდან ითხოვენ“ - ამის შესახებ „კომერსანტს“ ადვოკატმა მარიკა არევაძემ განუცხადა. მისი თქმით, კვირის განმავლობაში უკვე მესამე შემთხვევა დაფიქსირდა, როდესაც მას დახმარებისთვის მიმართავენ.    „გვახსოვს ყველას, რომ 2018 წლის დეკემბერში „ფონდმა ქართუმ“ პრობლემური აქტივების შეძენა გადაწყვიტა და მოსახლეობას სესხები გაუნუნლა. მონაცემები აღბეჭდილი იყო vali.ge-ზე, მაგრამ დღესდღეობით საიტი აღარ...

გიორგი გახარია - ქუთაისს მალე ექნება უზარმაზარი საგანმანათლებლო ცენტრი, რომლის მნიშვნელობაც პარლამენტის შენობაზე ბევრად მეტია

გიორგი გახარია - ქუთაისს მალე ექნება უზარმაზარი საგანმანათლებლო ცენტრი, რომლის მნიშვნელობაც პარლამენტის შენობაზე ბევრად მეტია
access_time2020-02-21 14:45:27
საქართველოს პრემიერ-მინისტრი გიორგი გახარია ადასტურებს ინფორმაციას, რომ ქუთაისში მდებარე პარლამენტის შენობა გაიყიდება.ჟურნალისტის კითხვაზე, რომ ამით ქუთაისს განვითარების შანსი ერთმევა, პრემიერ-მინისტრმა განაცხადა, რომ ქუთაისს მალე ექნება უზარმაზარი საგანმანათლებლო ცენტრი, რომლის მნიშვნელობაც პარლამენტის შენობაზე ბევრად მეტია. „რას ნიშნავს, შანსს არ ვუტოვებთ ქუთაისს, რომ დაიბრუნოს პარლამენტი? ქუთაისს სულ მალე ექნება უზარმაზარი საგანმანათლებლო ცენტრი,...


მსგავსი სიახლეები

up