ეკატერინე მიქაბაძე: ჩვენი მიზანია ხელი შევუწყოთ მწვანე პრინციპებზე დაფუძნებულ ეკონომიკურ ზრდას და ჩვენი ბუნებრივი კაპიტალის შენარჩუნებას

ეკატერინე მიქაბაძე: ჩვენი მიზანია ხელი შევუწყოთ მწვანე პრინციპებზე დაფუძნებულ ეკონომიკურ ზრდას და ჩვენი ბუნებრივი კაპიტალის შენარჩუნებას

access_time2019-04-25 13:33:56

„ჩვენ განსაკუთრებულ მნიშვნელობას ვანიჭებთ პროექტს, რომელიც ევროკავშირისა და პარტნიორი ორგანიზაციების მხარდაჭერით წარიმართება მომავალი ოთხი წლის განმავლობაში. ეს იქნება კიდევ ერთი წინ გადადგმული ნაბიჯი ქვეყნისათვის მდგრადი ეკონომიკური განვითარების მხარდაჭერის კუთხით და დაგვეხმარება, შევინარჩუნოთ ჩვენი ბუნებრივი კაპიტალი და გავზარდოთ მოსახლეობის კეთილდღეობა მწვანე ზრდის შესაძლებლობების, პოტენციალის რეალიზაციით და ეკონომიკური განვითარების მექანიზმების დანერგვით“ - ამის შესახებ ეკონომიკისა და მდგრადი განვითარების მინისტრის მოადგილემ, ეკატერინე მიქაბაძემ პროექტის „EU4ENVIRONMENT - საქართველო“ გახსნის ღონისძიებაზე განაცხადა, რომელიც თბილისში, გარემოსდაცვითი ინფორმაციისა და განათლების ცენტრში გაიმართა.



როგორც „კომერსანტს“ ეკონომიკის სამინისტროდან აცნობეს, „ევროკავშირი გარემოს დაცვისთვის“ მიზნად ისახავს აღმოსავლეთ პარტნიორობის ექვსი ქვეყნისთვის (სომხეთი, აზერბაიჯანი, ბელორუსი, საქართველო, მოლდოვის რესპუბლიკა, უკრაინა) დახმარების აღმოჩენას მათი ბუნებრივი რესურსებისა და ხალხის გარემოს კეთილდღეობის დაცვის გზით. პროექტი განხორციელდება 2019-2022 წლებში და მისი ბიუჯეტი 20 მილიონი ევროა.



„ჩვენ კარგად გვესმის, რომ ქვეყნის ეკონომიკის განვითარება მჭიდრო კავშირში უნდა იყოს გარემოს დაცვასთან, რადგან ეს ურთიერთკავშირი ემსახურება ჩვენი მოსახლეობის კეთილდღეობას. ამ მიზნის მისაღწევად, მნიშვნელოვანია ქვეყანაში მწვანე ბიზნესის წახალისება, ინვესტიციების მოზიდვა, თანამედროვე, მწვანე ტექნოლოგიების შემოტანა და დანერგვა, საუკეთესო პრაქტიკისა და გამოცდილების გაზიარება და საერთაშორისო თანამშრომლობის გაღრმავება“ - აღნიშნა ეკატერინე მიქაბაძემ.



მისივე თქმით, საქართველოს მთავრობის პრიორიტეტულ მიმართულებას სწრაფი, ინკლუზიური ეკონომიკური ზრდის ხელშეწყობა და ამავდროულად, ეკონომიკური განვითარების პროცესში ბუნებრივი რესურსების რაციონალური გამოყენება, ეკოლოგიური უსაფრთხოებისა და მდგრადობის უზრუნველყოფა და ბუნებრივი კატასტროფების რისკების თავიდან აცილება წარმოადგენს. „შესაბამისად, სხვა ქვეყნების გამოცდილებაზე დაყრდნობით ვაცნობიერებთ, რომ თანამედროვე სწრაფი ეკონომიკური ზრდის პირობებში საჭიროა ახალი ტიპის - გარემოს დაცვაზე და მწვანე ზრდაზე ორიენტირებული ეკონომიკური მოდელის დანერგვა, რესურსებისა და ენერგოეფექტურობის, ნარჩენების მართვის, სუფთა ტრანსპორტის, ორგანული სოფლის მეურნეობის გზით. ახალი სექტორებისა და ბიზნესმოდელების ხელშეწყობა უნდა გახდეს ეკონომიკის დივერსიფიკაციის, კონკურენტუნარიანობის ზრდისა და ახალ ბაზრებზე წვდომის მნიშვნელოვანი სტიმული“ - განაცხადა ეკონომიკის მინისტრის მოადგილემ.



გარემოსდაცვითი ინფორმაციისა და განათლების ცენტრში გამართულ ღონისძიებაში სამთავრობო უწყებების, ევროკავშირის, EU4 გარემოს დაცვის დანერგვის პარტნიორებისა და არასამთავრობო სექტორის წარმომადგენლები, მათ შორის დამოუკიდებელი ექსპერტები მონაწილეობდნენ.







საცხობების ქსელი ანტრე ლონდონში გაიხსნება

საცხობების ქსელი ანტრე ლონდონში გაიხსნება
access_time2020-02-22 19:10:48
საცხობების ქსელი ანტრე ლონდონში გაიხსნება. ქსელის პირველი კაფე ნოთინგ ჰილ გეითის # 138 ში სტუმრებს 2020 წლის ზაფხულიდან უმასპინძლებს. “ანტრე ლონდონი” კომპანიის საერთაშორისო ექსპანისიის ნაწილია, რომელიც თბილისის და ბაქოს შემდეგ მესამე ქალაქს წარმოადგენს.ანტრე თანამედროვე, ჯანსაღი ცხოვრების მოყვარულთა არჩევანია, რომელმაც რეპუტაცია უმაღლესი ხარისხის ხელნაკეთი პროდუქტების წარმოებით მოიპოვა.“ანტრე ლინდონი” ბრიტანულ ბაზარზე საინტერესო სინთეზით...

„დემნა გვასალიამ თავისი საბჭოური ნოსტალგიით გადაუარა მოდის სფეროს და ჩვენც იგივე შეგვიძლია გავაკეთოთ კულინარიით“

„დემნა გვასალიამ თავისი საბჭოური ნოსტალგიით გადაუარა მოდის სფეროს და ჩვენც იგივე შეგვიძლია გავაკეთოთ კულინარიით“
access_time2020-02-22 18:00:21
თუ გაქვთ სურვილი და, იმავდროულად, თანხაც, თბილისში ახალი ადგილი შექმნათ, სადაც ადამიანები სიამოვნებით ივლიან და გემრიელ კერძებს დააგემოვნებენ, ეს სულაც არ ნიშნავს იმას, რომ ოცნების რეალობად ქცევისთვის ყველა საჭირო ბერკეტს...

ელექტრო სიგარეტების მწარმოებლებს ახალი რეგულაციების დაცვა მოუწევთ

ელექტრო სიგარეტების მწარმოებლებს   ახალი რეგულაციების დაცვა მოუწევთ
access_time2020-02-22 17:00:16
 მშვიდობით, არომატიზირატორებო ტკბილი ბამბის, ხილის ნარევების და კრემ-ბრიულეს გემოთი. ახლო მომავალში, ყველა ეს არომატი, რომელიც ახალისებს ელექტრო სიგარეტების - ვეიპების -  მოხმარებას შტატებში, გავა მოდიდან, ხოლო მწარმოებელ-კომპანიებს  ახალი რეგულაციების დაცვა მოუწევთ.აშშ-ის კვების პროდუქტების და წამლების ხარისხის სანიტარული ზედამხედველობის სამსახურის ბრძანებით, ვეიპების სითხეს უნდა ჰქონდეს  კლასიკური თამბაქოს და მენთოლის გემო, სხვა  ყველაფერი დანარჩენი...

„ხან ერთი ტრანსფორმატორი ფეთქდება, ხან - მეორე“ - მაინინგის გამო ჩაბნელებული სვანეთი

„ხან ერთი ტრანსფორმატორი ფეთქდება, ხან - მეორე“ - მაინინგის გამო ჩაბნელებული სვანეთი
access_time2020-02-22 16:00:15
სვანეთში კრიპტოვალუტის მაინინგის გამო მოსახლეობას ელექტროენერგია შეზღუდვით მიეწოდება. ადგილობრივები პრობლემის მოგვარებას ითხოვენ, თუმცა გამრიცხველიანების წინააღმდეგნი არიან. „ენერგო-პრო ჯორჯიამ“ აღმოაჩინა, რომ შარშან სვანეთში ელექტროენერგიის მოხმარებამ მოულოდნელად მკვეთრად იმატა. კომპანიის ანალიზით, გასული წლის დეკემბერში მესტიის რაიონმა იმდენივე ელექტროენერგია მოიხმარა, რამდენიც ერთად აღებულმა 19 რაიონმა. კომპანიაში განაცხადეს, რომ დენის მოხმარების...

„სქაი ბარი“ პეკინის 3 - სახიფათო ზონა ტურისტებისთვის

„სქაი ბარი“ პეკინის 3 - სახიფათო ზონა ტურისტებისთვის
access_time2020-02-22 14:10:33
ეთნო რალის დამფუძნებელი ალექსანდრე გიორგაძე სოციალურ ქსელში წერს, რომ პეკინის 3 ნომერში განთავსებულ ბარ “სქაიში” მასთან სტუმრად მყოფ ტურისტებს 2 ლუდში 3100 ლარი გადაახდევინეს. „კიდევ ერთი თაღლითური შემთხვევა. 2 ლუდში გადაახდევინეს 3100 ლარი. ამჯერად ჩემს სტუმრებს შეემთხვათ. მესამედ არიან უკვე ჩემთან. ვმეგობრობთ, სიგიჟემდე უყვართ საქართველო. სქემა მარტივი. შევიდნენ ლუდისთვის, მიუჯდა 2 გოგო, სთხოვეს დალევა. ამათ უარი უთხრეს. ცოტა ხანში მოდის შამპანური. ეს გოგონები 5 წუთში...


მსგავსი სიახლეები

up