ხელისუფლების არაპროფესიონალიზმის გამო, საგზაო ინფრასტრუქტურაში უსაფრთხოების სტანდარტები დარღვეულია

ხელისუფლების არაპროფესიონალიზმის გამო, საგზაო ინფრასტრუქტურაში უსაფრთხოების სტანდარტები დარღვეულია

access_time2019-01-17 12:30:29


„ ქუთაისი-წყალტუბოს დამაკავშირებელ გზა ერთ-ერთი „შავი წერტილია“, სადაც ხშირია ავარიის შემთხვევბი, ამიტომ ეს მონაკვეთი განსაკუთრებულ ყურადღებას საჭიროებს. ეს გზა საკმაოდ განიერია და იძლევა მაღალი სიჩქარის განვითარების საშუალებას, ამასთან ეს მონაკვეთი კამერებით არ კონტროლდება. ადგილობრივებიც ამბობენ, რომ აქ ხშირია ავტოავარიები, ამიტომ აქ კონტროლის განსხვავებული მექანიზმის შემუშავებაა საჭირო — იქნება ეს რადარი თუ კამერა. “ — განმარტავს „საქართველოს ალიანსი უსაფრთხო გზებისთვის“ გამგეობის თავმჯდომარე ეკა ლალიაშვილი კომერსანტთან საუბარში.  


„დაარეგულირე სიცოცხლე“  საინიციატივო ჯგუფმა ამ სახელწოდებით აქცია გამართა  ქუთაისი-წყალტუბოს დამაკავშირებელ გზაზე. ეს ის გზაა, სადაც ავტოავარიების ძალიან დიდი რაოდენობა ფიქსირდება, თუმცა სახელმწიფოს მხრიდან არანაირი რეაგირება არ ხდება. პროტესტის გზით, აქციის მონაწილეებმა შსს-სა და საგზაო დეპარტამენტს მოუწოდეს ქუთაისი-წყალტუბოს დამაკავშირებელ 8 კილომეტრიან გზაზე დამონტაჟდეს სიჩქარის შემზღუდავი ბარიერები, კამერები და დაიდგას საგზაო ნიშნები.


ოფიციალური სტატისტიკითაც აშკარად ჩანს, რომ საქართველოში ავტოსაგზაო შემთხვევების პრობლემა საკმაოდ მწვავეა. ავტოსაგზაო შემთხვევების მზარდი ტენდენცია 2011 წლიდან შეინიშნება. შსს-ს მონაცემებით 2017 წლის იანვარ-სექტემბერში 4436 ავტოსაგზაო შემთხვევა იყო რეგისტრირებული, 2018 წლის იანვარ-სექტემბერში ეს მაჩვენებელი 4759-მდე გაიზარდა, ასევე გაზრდილია დაშავებულთა რაოდენობაც, დაღუპულთა რიცხვი კი ამავე პერიოდში 384-იდან 342 ადამიანამდე შემცირდა.ამასთან სახელმწიფო აუდიტის ანგარიშის მიდხედვით, საქართველოში ავტოსაგზაო შემთხვევების შედეგად გარდაცვლილთა და დაშავებულთა რაოდენობა 1 000 000 მოსახლეზე, მნიშვნელოვნად აღემატება საშუალო ევროპულ მაჩვენებელს.


ეკა ლალიაშვილის თქმით, სტატისტიკა საკმაოდ მძიმეა, ავარიის გამომწვევი ძირითადი მიზეზი კი მძღოლების დაუდევრობა და საგზაო ინფრასტრუქტურის მოუწესრიგებლობაა.


„საქართველოში მძღოლებს არ აქვთ განცდა, რომ ხდება საგზაო უსაფრთხოების მონიტორინგი. მეორე მნიშვნელოვანი საკითხია ინფრასტრუქტურა, რომელიც პერიოდულად თითქოს კეთდება, მაგრამ პროგრესი არაა, რადგან არ არსებობს ერთიანი ხედვა და სტანდარტი ქალაქის გზებისთვის, რომელიც შემდეგ გადადის მაგისტრალებში. ვგულისმხობ, საგზაო ნიშნებს, გზის საფარს, გადასასვლელებს, ტროტუარებს და სხვა. ხელისუფლებას ავტსაგზაო შემთხვევების პრობლემებზე ერთიანი ხედვა არ აქვს,“
-განაცხადა ეკა ლალიაშვილი.


ლალიაშვილის განმარტებით, უსაფრთხოების თვალსაზრისით, განსაკუთრებით მწვავედ პრობლემა რეგიონებში დგას.


„როდესაც საგზაო უსაფრთხოების საკითხს განვიხილავთ ეკონომიკის სამინისტროში, შეხვედრებს მხოლოდ თბილისის მუნიციპალიტეტის წარმომადგენელი ესწრება და რეგიონები ამ პროცესში ჩართულები არ არიან.



პრობლემური მონაკვეთების განსაზღვრისას აქცენტი კეთდება თბილისზე, თუმცა ამ შემთხვევაშიც რთულია დაადგინო კონკრეტულად სადაა ეს მონაკვეთი, სხვა ქალაქებში არაა იდენტიფიცირებული მსგავსი ზონები.
თვითონ ცნება „შავი მონაკვეთი“ ან „შავი წერტილი“ კანონმდებლობაში არ გვაქვს  ამიტომ ამ სახელს არქმევენ პრობლემურ მონაკვეთებს. როდესაც ცნობილია, რომ კონკრეტულ ადგილას ხშირია ავარია,  ამას აღწერა კი არა განეიტრალება სჭირდება,“
-აცხადებს ეკა ლალიაშვილი.


კითხვაზე: რა უნდა გაკეთდეს პრობლემის მოსაგვარებლად, ეკა ლალიაშვილი საერთაშორისოდ აღიარებულ პრაქტიკაზე საუბრობს და მთავარ გამოწვევად ერთიანი გრძლევადიანი გეგმის არარსებობას ასახელებს.


„ არსებობს საერთაშორისო პრაქტიკა, რომლის მიხედვითაც „შავ წერტილს“ ეძახიან კონკრეტული 300-ი მეტრის რადიუსში არსებულ გზას, სადაც 3 წელიწადში 4-ზე მეტი საგზაო შემთხვევა ხდება და მძიმე შედეგით მთავრდება.“შავი მონაკვეთი“ კიდევ გზის უფრო ფართო ვრცელ არეალს მოიცავს. სახელმწიფო სწავლობს ასეთ ადგილებში ავარიის მიზეზებს და შესაბამის ზომებს იღებს პრევენციისთვის.


საქართველოს შემთხვევაში ჯერ იდენტიფიცირება ვერ ხდება ზუსტად, რეაგირებაზე საუბარიც ზედმეტია.
მთავარი პრობლემა ისაა, რომ საკითხისადმი არასისტემური მიდგომაა .არის წლები, როდესაც ეს საგზაო უსაფრთხოება პრიორიტეტული ხდება და ექცევა ყურადღების ცენტრში, შემდეგ თითქოს ნელდება ამ საკითხის მიმართ ინტერესი.


იმ ქვეყნებში, სადაც ეს საკითხი პრიორიტეტულია, არსებობს რამდენიმეწლიანი სამოქმედო გეგმები და მიზანი, ყოველ ეტაპზე რამდენით უნდა შემცირდეს ავარიების შემთხვევები. ჩვენ ასეთი გეგმა უბრალოდ არ გაგვაჩნია. ეკონომიკის სამინისტროს ერთწლიანი გეგმის ფარგლებში გრძელვადიანი ხედვის გარეშე, არსებული დამოკიდებულებით შედეგის მიღწევა წარმოუდგენელია,
განაცხადა ეკა ლალაიაშვილმა.


კონტროლის სისუტეზე საგზაო უსაფრთხოების კონტროლის კუთხით სახელმწიფო აუდიტიც მიუთითებს.


აუდიტის სამსახურმა შეისწავლა 2017 წელს საგზაო უსაფრთხოების მართვაში ჩართული უწყებების მიერ საგზაო-სატრანსპორტო შემთხვევების პრევენციის არსებული მექანიზმები. შედეგად გამოვლინდა, რომ შინაგან საქმეთა სამინისტროს არ აქვს საგზაო-სატრანსპორტო შემთხვევების აღრიცხვის ბარათის შევსების ერთგვაროვანი პრაქტიკა, რის გამოც აღრიცხული ინფორმაცია არასრულია, ეს კი ართულებს ისეთი პრობლემური მონაკვეთების გამოვლენას, სადაც საგზაო-სატრანსპორტო შემთხვევები ხშირად ხდება და მეორე მხრივ ზღუდავს შესაბამისი რეგირების შესაძლებლობას.


ნაკლოვანებები გამოვლინდა ეკონომიკისა და მდგრადი განვითარების სამინისტროს საგზაო უსაფრთხოების სამოქმედო გეგმაშიც, რადგან გეგმა არ იძლევა საშუალებას რაოდენობრივად შეფასდეს თუ რა შედეგები ექნება კონკრეტული აქტივობების განხორციელებას.


ასევე გამოვლინდა, რომ თბილისში არსებული საგზაო ინფრასტრუქტურა სტანდარტებს არ შეესაბამება.


„თბილისის მასშტაბით საგზაო მონიშვნები, გზის ზოლის სიგანე და დაშვებული სიჩქარე არ არის თანხვედრაში კარგ პრაქტიკასთან. შესაბამისად გზების არსებული მოწყობა და მასთან დაკავშირებული ინფრასტრუქტურა ქმნის დამატებით რისკებს საგზაო უსაფრთხოების მხრივ,“-აღნიშნულია ანგარიშში. 


სახლემწიფო აუდიტის რეკომენდაციები შესაბამის უწყებებს რეკომენდაციას აძლევს, რომ გარკვეული ნაბიჯები გადაიდგას საგზაო-სატრანსპორტო შემთხვევებზე არსებული მონაცემების ხარისხის გაუმჯობესებისა და „შავი წერტილების“ იდენტიფიცირების მიზნით, ამასთან დაინერგოს კომუნიკაციის მექანიზმი უწყებებს შორის ამ ინფორმაციის გადაცემისთვის.



მარიამ ტიტვინიძე 





ჩვენი ხელისუფლება აშშ-ს მუდმივად ატყუებს,ისინი ყველაფერს ძალიან კარგად ხედავენ- ფრონტერა

ჩვენი ხელისუფლება  აშშ-ს  მუდმივად ატყუებს,ისინი ყველაფერს ძალიან კარგად ხედავენ- ფრონტერა
access_time2020-07-08 17:00:38
 „ჩვენი ხელისუფლება მუდმივად ატყუებს აშშ-ს და ისინი ყველაფერს ძალიან კარგად ხედავენ. ეკონომიკის მინისტრმა ამერიკის ელჩს შეხვედრაზე უთხრა, რომ 34 პროცენტითაა გაზრდილი ამერიკული ინვესტიციები საქართველოში. თუმცა, ამ ამერიკულ კომპანიებში ჩამოთვლილია რატომღაც ქართული ტელეკომპანია   POSTV და  სხვა კომპანიები, რომელთა 90 პროცენტი შექმნილია ირანული კაპიტალით საქართველოში. არანაირი ინვესტიციები არ გაზრდილა ჩვენს ქვეყანაში და  რაც დრო გადის მეტი სიცხადე შედის...

შემოსავლიანი სექტორები ბანკებისთვის

შემოსავლიანი სექტორები ბანკებისთვის
access_time2020-07-08 16:00:33
2019 წელი საქართველოს საბანკო სისტემისთვის მნიშვნელოვანი გარდაქმნების პერიოდი იყო. პასუხისმგებლობიანი დაკრედიტების სისტემის ამოქმედებამ, რომელიც 2020 წლის აპრილში ნაწილობრივ შემსუბუქდა, ძირეულად შეცვალა ის მოდელი, რომელიც მოქალაქეთა დაკრედიტების მიმართულებით წლების განმავლობაში არსებობდა. შემოსავლების დადასტურების გამკაცრებული მოთხოვნების და PTI კოეფიციენტების განსაზღვრას ქვეყანაში საცალო სესხების ზრდის ტემპის ვარდნა მოჰყვა. ზოგიერთი კატეგორიის საცალო სესხების პორტფელი...

საცურაო აუზები გასახსნელად ემზადებიან - შეზღუდვები ღირებულებაზე აისახება

საცურაო აუზები გასახსნელად ემზადებიან - შეზღუდვები ღირებულებაზე აისახება
access_time2020-07-08 15:00:41
„საცურაო აუზებში 6 კვ/მ-ზე დაშვებულია მხოლოდ ერთი ადამიანი, აუზებში/ აბაზანებში აუცილებელია წყლის ცვლა, ლაბორატორიული კონტროლი 10 დღეში ერთხელ, დისტანცია შეზლონგებს შორის“ - ამ და სხვა რეკომენდაციებით აუზები შემოწმების შემდეგ უახლოეს დღეებში ფუნქციონირებას ეტაპობრივად იწყებენ.  ჯანდაცვის სამინისტრომ ახალი კორონავირუსით გამოწვეულ COVID-19-თან დაკავშირებით...

მთავრობამ გამოგვირეცხა ტვინი, რომ უკეთ გაგვაკონტროლოს-ფადი ასლი

 მთავრობამ გამოგვირეცხა ტვინი, რომ უკეთ გაგვაკონტროლოს-ფადი ასლი
access_time2020-07-08 13:20:04
საერთაშორისო სავაჭრო პალატის საბჭოს თავმჯდომარე ფადი ასლი  განცხადებას ავრცელებს და ქვეყნის მოქალაქეებს მიმართავს. „კომერსანტი“ მას უცვლელად გთავაზობთ:  „ღია წერილი ქართველ ხალხს ჩემო თანამემამულენო, მე გწერთ დამწუხრებული გულით; ამ წლის მარტიდან მოყოლებული ათასობით თქვენგანმა დაკარგა სამსახური, დახურა ბიზნესი, დაიხრჩო ვალებში და ოჯახის შენახვის საშუალება აღარ გაქვთ. ეს ყველაფერი ხდება ვირუსის გამო, რომელიც უარეს შემთხვევაში მოსახლეობის 0.05%ს კლავს და მათთვის...

შპს „ყვარლის ედემის“ ადმინისტრაციამ „ქართულ ოცნებას“ მარტში 65 000 ლარი შესწირა

შპს „ყვარლის ედემის“ ადმინისტრაციამ „ქართულ ოცნებას“  მარტში 65 000 ლარი შესწირა
access_time2020-07-08 13:01:37
შპს „ყვარლის ედემის“ მფლობელებმა და დირექტორმა 2020 წლის 20 და 23 მარტს „ქართულ ოცნებას” ჯამში 65,000 ლარი შესწირეს და რამდენიმე დღეში საქართველოს ტურიზმის ეროვნული ადმინისტრაციისგან გამარტივებული შესყიდვის გზით 277,300 ლარიანი კონტრაქტი მიიღეს. ამის შესახებ „საერთაშორისო გამჭირვალობა საქართველოს“ კვლევაშია აღნიშნული.  „სასტუმროს 2013-2019 წლებში 400,000 ლარის ღირებულების გამარტივებული სახელმწიფო შესყიდვის კონტრაქტები აქვს გაფორმებული, თუმცა აქამდე...


მსგავსი სიახლეები

up