ეკა ბესელია - იმის მიუხედავად, რომ ცქიტიშვილზე დადებითი წარმოდგენა არ მაქვს, არ მიჭირს, ვთქვა, რომ ხაზარაძის მიმართვა არ მომეწონა

ეკა ბესელია - იმის მიუხედავად, რომ ცქიტიშვილზე დადებითი წარმოდგენა არ მაქვს, არ მიჭირს, ვთქვა, რომ ხაზარაძის მიმართვა არ მომეწონა

access_time2019-10-04 12:28:28

დამოუკიდებელი დეპუტატი ეკა ბესელია გენდერული საბჭოს საქმიანობას აკრიტიკებს. ჟურნალისტებთან საუბარში ეკა ბესელიამ ერთი მხრივ, მაია ცქიტიშვილის მიმართ მამუკა ხაზარაძის გამონათქვამზე ისაუბრა და მეორე მხრივ, ყურადღება გენდერული საბჭოს საქმიანობაზე გაამახვილა.

 

დეპუტატის თქმით, ინფრასტრუქტურის მინისტრის მიმართ ხაზარაძის მიმართვა არ მოეწონა.

 

„ჩემთვის შინაგან ბარიერს ის სამართლიანი პროტესტი არ ქმნის, რომელიც ჩემ მიმართ მაია ცქიტიშვილის მიერ გამოთქმულ პოზიციას მოჰყვა. ეს ვერანაირ ჩარჩოსა და ფარგლებში ვერ მოთავსდება იმდენად მძიმე მოსასმენი იყო და იმის მიუხედავად, რომ მასზე დადებითი წარმოდგენა არ მაქვს, არ მიჭირს, ვთქვა, რომ მამუკა ხაზარაძის მიმართვა არ მომეწონა, მაგრამ როცა ადამიანი პირადად შეგეხება, მაშინ არ უნდა გაგახსენდეს, რომ ასეთი თემების მიმართ მგრძნობიარე უნდა იყო. მას როგორც ქალს ევალება, რომ სოლიდარული იყოს, როცა საქმე ქალ პოლიტიკოსებს ეხება. ის შეიძლება, აკრიტიკო – როგორი მინისტრია, საქმეს როგორ აკეთებს და როგორი გამონათქვამები აქვს, ცუდი გამონათქვამები აქვს, მაგრამ მის მიმართ ასეთი მიმართვა, არ ვარგა. კარგი იყო, რომ მამუკა ხაზარაძემ განმარტებები გააკეთა. საზოგადოების დიდი ნაწილის პირველი რეაქცია ნეგატიური იყო, წინა გამონათქვამებს იხსენებდნენ ივანიშვილის და ა.შ. მგონია, რომ დღეს ეს პრობლემაა“, – აღნიშნა ბესელიამ.

 


დეპუტატი მის მიმართ მაია ცქიტიშვილის მიერ გაკეთებულ განცხადებასაც იხსენებს და ამბობს, რომ გენდერულ საბჭოს პოზიციის დაფიქსირება გაუჭირდა, როცა მის მიმართ მინისტრის მხრიდან ძალიან მძიმე გამონათქვამი იყო.

 

„გენდერულმა საბჭომ განცხადება ვერ გაავრცელა, რადგან უმრავლესობის ქალბატონებს მასთან პირადი ურთიერთობები აქვთ. გუშინ ნახეთ, „ქართული ოცნების“ წარმომადგენლები ერთხმად როგორ დაირაზმნენ და დაიწყეს დაგმობა მაშინ, როცა წინა დღეებში ასეთი სოლიდარობა უნდა გამოეხატათ და ამის დაფიქსირება გაუჭირდათ. ეს არის ორმაგი სტანდარტი, რითაც მმართველი პარტია გამოირჩევა. გენდერული საბჭო ჩემს ბოლო ინციდენტზე ვერ თანხმდება, რომ განცხადება გაავრცელოს, ეს უნდა იყოს დამგმობი თუ სოლიდარული. პრობლემაა ხედვისა და აღქმისა იმ საკითხების, რაც აზრთა სხვადასხვაობას არ უნდა იწვევდეს. სამწუხაროა, რომ ეს გენდერულ საბჭოს ეხება, რომელსაც ქალი ხელმძღვანელობს. გენდერული საბჭო განცხადების ტექსტს კონფიდენციალურად იხილავდა, აღმოჩნდა, რომ ჩემთან მოვიდა განცხადების პროექტი, რომელსაც თურმე, ვიღაცები არ ეთანხმებიან. ეს ეხება ვანო ზარდიაშვილთან ინციდენტს. ვინ არ ეთანხმება და სად იხილება განცხადება, როგორც საბჭოს წევრმა არ ვიცი, რაც ცუდი ფორმაა, რადგან თუ საბჭოს წევრი ვარ, უნდა ვიცოდე, რა იხილება. განცხადების პროექტი ვერ გამოქვეყნდა, თურმე, განსხვავებული პოზიციები არსებობს.

 

განცხადების მეორე ვერსია მომზადდა, რომლის განხილვა გადაიდო, მაგრამ რა განხილვა მიმდინარეობს, არ ვიცი და ეს პრობლემაა საბჭოს მუშაობის. ეს არ არის გამჭვირვალობა. ეს ყალბი, პათეტიკური, საჯარო სოლიდარობა და დაგმობა თუ ქმედების საწინააღმდეგოა, არაფერს აღარ ნიშნავს. მაია ცქიტიშვილის ფაქტზე საბჭოს მივმართე და დუმილი იყო. არც კი მიპასუხეს. მათ შორის, არც თამარ ჩუგოშვილმა. რატომ დუმდა? იმიტომ, რომ პირადი ურთიერთობების გამო ცქიტიშვილისთვის არ უნდა ეწყენინებინათ. მაშინ სად იყო ჩუგოშვილი? – ეს ჩემი კრიტიკა იმას ეხება, რომ არ შეიძლება არც ორმაგი სტანდარტი და არც ორ სკამზე ჯდომა. ეს ამბავი არ გამოდის, რადგან ქვეყანაში ყველაფრის სახელს არქმევენ“, – განაცხადა ეკა ბესელიამ.





ბიძინა ივანიშვილის გარემოცვა ჩართული არის ელიტარულ კორუფციაში

ბიძინა ივანიშვილის გარემოცვა ჩართული არის ელიტარულ კორუფციაში
access_time2020-02-25 19:00:51
პარლამენტის დარგობრივ სხდომაზე ფინანსთა მინისტრი არ მივიდა. ფრაქცია „დამოუკიდებელი დეპუტატების“ წევრმა ლევან კობერიძემ გადაცემაში „პოლიტიკის ფორმულა“  განაცხადა,რომ ფინანსთა მინისტრმა ისინი მოატყუა. „ჩვენ გავაგზავნეთ ფინანსთა და ჯანდაცვის მინისტრებთან წერილი,რომ მობრძანებულიყვნენ ფრაქციაში და კონკრეტულ საკითხებზე გვესაუბრა. ეს საკითხებია დღგ-ს ნაწილში ყალბი აქტივის შექმნა, ტელევიზიების მიერ არგადახდილი დღგ და აზარტული თამაშები.  კითხვები გვქონდა...

როგორ მივაღწიოთ ინკლუზიურ ეკონომიკურ ზრდას საქართველოში?

როგორ მივაღწიოთ ინკლუზიურ ეკონომიკურ ზრდას საქართველოში?
access_time2020-02-25 17:00:17
ISET-ი ინკლუზიურ ეკონომიკურ ზრდასთან დაკავშირებით კვლევას აქვეყნებს. მათი ინფორმაციით,საქართველოში ბოლო ათწლეულებში ეკონომიკური პოლიტიკის გარკვეული ინიციატივები ერთმანეთთან შეუსაბამობაში მოდის. მაგალითად, ერთი მხრივ, მთავრობა ცდილობს, წაახალისოს მცირე ფერმერები, გადაინაცვლონ ეკონომიკის სხვა სექტორებში (რისთვისაც წარმოების ხელშემწყობ სააგენტოებს აარსებს), მეორე მხრივ, ეხმარება მათ სხვადასხვა პროგრამებით (მაგ. კოოპერატივების მხარდაჭერით), აიმაღლონ პროდუქტიულობა და დარჩნენ სოფლის მეურნეობაში....

გლობალური პანდემია შესაძლოა მსოფლიოს 1 ტრილიონი დოლარი დაუჯდეს

გლობალური პანდემია შესაძლოა მსოფლიოს 1 ტრილიონი დოლარი დაუჯდეს
access_time2020-02-25 20:00:35
შემაშფოთებელი პერსპექტივა იმის, რომ კორონავირუსის მასშტაბური გავრცელება გლობალიზაციის ეპოქის პირველი მძლავრი პანდემია აღმოჩნდეს, ბადებს ეჭვებს მსოფლიოს ეკონომიკურ სტაბილურობაზე. კორონავირუსით გარდაცვლილთა რიცხვმა 3000-ს მიაღწია, დაფიქსირდა 80 000-ზე მეტი შემთხვევა.  იტალიაში ვირუსის გავრცელებამ ეკონომიკის უმდიდრეს ზონებს დარტყმა მიაყენა. ზოგი ეკონომისტი საუბრობს, თუ რა შეიძლება გამოიწვიოს არათანაბარმა განვითარებამ გლობალურ...

876 ათასი ლარი ავეჯის შესაძენად – ვინ მართავს ბათუმის სტადიონს

876 ათასი ლარი ავეჯის შესაძენად – ვინ მართავს ბათუმის სტადიონს
access_time2020-02-25 18:00:17
ბათუმის საფეხბურთო სტადიონისთვის ავეჯის შესაძენად აჭარის ფინანსთა და ეკონომიკის სამინისტროს შპს „სტადიონმა“ ელექტრონული ტენდერი გამოაცხადა. სკამების, მაგიდების, დივნების, კარადების და სხვა ინვენტარის შესაძენად აჭარის ბიუჯეტიდან 876 ათასი ლარია გამოყოფილი.ავეჯის დიზაინი, დეტალური ტექნიკური მახასიათებლები, განლაგების სქემა და ნახაზები ტენდერის პირობებშია...

როგორ კარგავს ბიუჯეტი მნიშვნელოვან თანხებს თხევადი აირის იმპორტიდან

როგორ კარგავს ბიუჯეტი მნიშვნელოვან თანხებს თხევადი აირის იმპორტიდან
access_time2020-02-25 15:45:46
თხევადი აირი (LPG) სულ უფრო პოპულარული ხდება ქართველ მომხმარებელში და ამას აქვს არაერთი მიზეზი. მაგალითად არაოფიციალური მონაცემებით (ოფიციალური სტატისტიკა არ იწარმოება), თუ 2 წლის წინ ამ საწვავზე მომუშავე ავტომანქანების რაოდენობა 1 000 ავტომობილს აღწევდა, დღეს მათი რიცხვი 10 000 ავტომობილს აჭარბებს. LPG -ის სწრაფი პოპულარობის მიზეზი კი როგორც ვახსენეთ რამდენიმეა. პირველი და, რა თქმა უნდა, მთავარი არის ფასი. ერთი კოლოგრამი LPG-ის ღირებულება, საშუალოდ 1.25 ლარია. საგულისხმოა ის გარემოებაც, რომ...


მსგავსი სიახლეები

up