ეჯაილ ტრანსფორმაცია - ბიზნესის კეთების ახლებური კულტურა

ეჯაილ ტრანსფორმაცია - ბიზნესის კეთების ახლებური კულტურა

access_time2020-07-03 13:53:36

საერთაშორისო კონფერენცია „ორგანიზაციული ტრანსფორმაცია და ეჯაილი“, რომელიც თიბისისა და მასტერქარდის ორგანიზებით გუშინ გაიმართა, Zoom-ის პლატფორმის გამოყენებით წარმატებით ჩატარდა. თიბისი მიზნად ისახავს ეჯაილ კულტურის პოპულარიზაციას საქართველოში და საერთაშორისო კონფერენციაც ამ მიზანს ემსახურებოდა.


კონფერენციას მსოფლიოს 16 ქვეყნიდან 1000-ზე მეტი უნიკალური ვიზიტორი ესწრებოდა. მათ შორის, აშშ-დან, დიდი ბრიტანეთიდან, იტალიიდან, ჰოლანდიიდან, გერმანიიდან, შვედეთიდან, საფრანგეთიდან, უკაინიდან და სხვ.


კონფერენციაში მონაწილეობა მიიღეს წამყვანმა პროფესიონალებმა საერთაშორისო კომპანიებიდან, რომლებმაც მონაწილეებს გაუზიარეს თავიანთ გამოცდილება და ეჯაილ ტრანსფორმაციის საუკეთესო პრაქტიკა.


მონაწილეებს შორის იყო ცნობილი საერთაშორისო ექსპერტი ეფი ვან დენ ბორნე, რომელმაც მრავალმხრივი საერთაშორისო გამოცდილება გაუზიარა კონფერენციის მონაწილეებს. ამჟამად ის დამოუკიდებელი კონსულტანტის რანგში ეხმარება მსოფლიოს სხვადასხვა კომპანიას ეჯაილ ტრანსფორმაციაში.


„ეჯაილი მოგზაურობას ჰგავს, რომლის დროსაც სწავლობ, ვითარდები, მიზნებს აღწევ. ესაა გზა კომპანიისთვის, რომ გახდეს უფრო მოქნილი, ჰქონდეს ცვლილებებთან ადაპტაციის უნარი. მსოფლიო იცვლება, ვცხოვრობთ ციფრულ სამყაროში, რაც ზრდის მომხმარებლის მოლოდინებს, მყისიერ მომსახურებას ითხოვს. კომპანიებიც განიცდიან ცვლილებებს, წინააღმდეგ შემთხვევაში ისინი ვერ დააკმაყოფილებენ ახალ საჭიროებებს. ეჯაილით ამის გაკეთება შესაძლებელია, მისი დანერგვა თვითმიზანი არ უნდა იყოს, ეს უბრალოდ ინსტრუმენტია. პირადად ჩემი გამოცდილებით შემიძლია გითხრათ, რომ თიბისიმ ამ ამოცანას თავი შესანიშნავად გაართვა. გუნდი კარგად მოემზადა, დიდი როლი ჰქონდა პროცესში ლიდერების ჩართულობას, სოლიდური სტარტისთვის სწორედ ეს იყო საჭირო. თიბისი ახლაც ბევრს სწავლობს, ვითარდება და წინ მიდის, რაც გადამწყვეტია. ის ბაზრის დიდი მოთამაშეა, რომელიც ცდილობს სხვა წევრებსაც გაუზიაროს გამოცდილება,“ - ამბობს ეფი ვან დენ ბორნე.




როგორ უნდა უპასუხოს კომპანიამ გამოწვევებს და აქციოს ისინი შესაძლებლობად და რატომ დგება ორგანიზაციაში ტრანსფორმაციის საჭიროება - ამ თემებზე თიბისის გენერალურმა დირექტორმა ვახტანგ ბუცხრიკიძემ ისაუბრა.


„თიბისისთვის ცოდნის გაზიარება მისიის - გაუმარტივოს ადამიანებს ცხოვრება - განუყოფელი ნაწილია. მიუხედავად იმისა, რომ ეჯაილ სტრუქტურაზე ერთი წელია რაც გადავედით, ბევრი რამ დაგვიგროვდა გასაზიარებელი. მთავარია, მიზანზე ორიენტირებულობა, კომპანიას უნდა ჰქონდეს მიზანი და აქედან დაიწყოს ტრანსფორმაცია. ეჯაილი იმდენად ფუნდამენტური ცვლილებაა, რომ რთული იქნება მისი განხორციელება თუ ეს პროცესი ზემოდან ქვემოთ არ დაიწყო, ანუ ვგულისხმობ მენეჯმენტიდან თანამშრომლებამდე. ეს არ არის მხოლოდ სტრუქტურული ცვლილება, არამედ ფილოსოფიური, კულტურული და ქცევითი ცვლილებებიც ახლავს თან. სწორედ ამიტომ არის მნიშვნელოვანი მენეჯმენტის ერთიანობა და მხარდაჭერა და იმის გაცნობიერება, რომ ეს ის გზაა, რომელიც მიზნებამდე მიგვიყვანს. ჩვენ ეჯაილ ტრანსფორმაცის შედეგად გავხდით უფრო მეტად მომხმარებელზე ორიენტირებული, გავაბრტყელეთ სტრუქტურული ვერტიკალი, რითაც თავი დავაღწიეთ ზედმეტ ბიუროკრატიას, თანამშრომლებს მივეცით დელეგირება, რამაც მათი ბედნიერება 16 %-ით გაზარდა და გაგვიადვილდა ახალი ტალანტების მოზიდვა, 200-მდე ახალი კადრი მოვიზიდეთ ეჯაილ სტრუქტურებში, რომლებიც ძირითადად ტექნოლოგიების მიმართულებით მუშაობენ,“ - ვახტანგ ბუცხრიკიძე, თიბისი გენერალური დირექტორი.


კონფერენციაზე თიბისის გენერალური დირექტორის მოადგილემ ნიკა ქურდიანმა ეჯაილ სისტემაში კომუნიკაციის გადამწყვეტ როლზე და კულტურულ ცვლილებებზე ისაუბრა.
„ეჯაილური მოწყობა დგას კორპორაციულ კულტურაზე, გუნდის კულტურაზე, რომელიც განაპირობებს იმას, თუ როგორ ვმუშაობთ ჩვენ, როგორ ვურთიერთობთ ერთმანეთთან, როგორ ვემსახურებით კომპანიის მთავარ მისიას, რომელიც პასუხობს კითხვას - რატომ ვარსებობთ? ეჯაილურ კულტურაში რამდენიმე კრიტიკულად მნიშვნელოვანი ღირებულებაა - არ უნდა გვეშინოდეს შეცდომების, თუ შეცდომები არ დაუშვი არ იქნება ინოვაცია; ძალიან ბევრჯერ უნდა დასვა კითხვა რატომ, მომხმარებელთან მუდმივი ინტერაქციას პირობებში შეძლებ იპოვნო ინსაიტი ანუ დედააზრი, წინააღმდეგ შემთხვევაში ვერასოდეს გაიგებ რა ამოცანა უნდა ამოხსნა. ეჯალი არ არის თვითამოცანა, არამედ ეს არის ამოცანის ამოხსნის საშუალება.
როდესაც კომპანია იზრდება, ემატება დეპარტამენტები და ხალხი, იზრდება ბიუროკრატიაც, ეჯაილი კი ამას ანგრევს. კომპანიის ზომის მიუხედავად უნდა გვინდოდეს, რომ ისევ ის სტარტაპი ვიყოთ, როგორიც მაგალითად თიბისი იყო 1992 წელს და ჰყავდა 10 კლიენტი. ამომავალი პრინციპი ეჯაილში არის სიმარტივე, როგორ ვაკეთებთ საქმეს, როგორ ვურთიერთობთ მომხმარებელთან, როგორ ვაგვარებთ პრობლებებს, სწორედ სიმარტივე არის ის, რაც უზრუნველყოფს წარმატებას,“ - ნიკა ქურდიანი, თიბისის გენერალური დირექტორის მოადგილე.
კონფერენციაზე მოწვეულ სპიკერებს შორის იყვნენ უცხოელი და ქართველი ექსპერტები კომანიებიდან: Mckinsey, Unicredit, IT altris, AgileLAB, Busuu, Siemens, HTS Solutions და სხვა. გიორგი მამალაძემ, რომელიც ამჟამად Siemens-ის მთავარი არქიტექტია, მონაწილეებს პირადი გამოცდილება გაუზიარა და თავისი ეჯაილ მოგზაურობის 5 ეტაპი გაიხსენა.


„ეჯაილი სამუშაოს ეფექტურად უზრუნველყოფის ხელსაწყოა, რომელშიც არ არსებობს მზა რეცეპტები, ახალ სიტუაციაში წარსული გამოცდილების გამოყენება არ ხდება. ეჯაილი ევოლუციური მექანიზმია, რომელიც ყოველ კონკრეტულ სიტუაციაში სხვადასხვა გადაწყვეტას გვთავაზობს, მხოლოდ მიდგომა უნდა შევინარჩუნოთ ერთი: გააკეთე, გაანალიზე და გააუმჯობესე,“ - ამბობს გიორგი მამალაძე.


კომპანიის ძირითადი ნაწილის დასრულების შემდეგ პანელური დისკუსია გაიმართა, სადაც ქართული კომპანიების წარმომადგენლებმა - „თეგეტა მოტორსის“ დამფუძნებელმა თემურ კოხოძემ და კომპანია „ნოვას“ სამეთვალყურეო საბჭოს თავმჯდომარემ ზვიად აბულაძემ თავიანთი ბიზნესის განვითარების გზასა და ტრანსფორმაციაზე ისაუბრეს.


(R)

თეგები:
თიბისი



ნიკორა: კარანტინის დროს სავაჭრო ქსელებში ხილ-ბოსტნეულის გაყიდვები გაიზარდა

ნიკორა: კარანტინის დროს სავაჭრო ქსელებში ხილ-ბოსტნეულის გაყიდვები გაიზარდა
access_time2021-01-18 15:10:31
„ნიკორა“ - საქართველოში სასურსათო მაღაზიების რაოდენობის მიხედვით ყველაზე მსხვილი ქსელია.ბოლო 10 წლის მანძილზე მისი ბრენდის ქვეშ მომუშავე მაღაზიების რაოდენობა 5-ჯერ გაიზარდა და 330-ს მიაღწია, როგორც თბილისში, ასევე რეგიონებში.საიტი EastFruit „ნიკორა ტრეიდის“ დირექტორს დავით ურუშაძეს გასული წლის შედეგებზე და სამომავლო გეგმებზე გაესაუბრა.რა გავლენა მოახდინა პანდემიამ ზოგადად ქსელურ ვაჭრობაზე და კერძოდ „ნიკორაზე“?კორონავირუსთან დაკავშირებულმა...

მთავრობა ეკონომიკის ეტაპობრივი გახსნის გეგმას 2 დღეში წარადგენს

მთავრობა ეკონომიკის ეტაპობრივი გახსნის გეგმას 2 დღეში წარადგენს
access_time2021-01-18 14:15:52
დაავადებათა კონტროლის ეროვნული ცენტრის ხელმძღვანელის, ამირან გამყრელიძის განმარტებით, მომდევნო ორი დღის განმავლობაში ჯანდაცვისა და ეკონომიკის სამინისტროებმა 1-ლი თებერვლიდან ეკონომიკის გახსნის ეტაპობრივი გეგმა უნდა წარადგინონ. „დღეს საბჭოზე განვიხილეთ ეს საკითხი. პრემიერისგან არის დავალება, რომ ჯანდაცვისა და ეკონომიკის სამინისტროებმა ამ 2 დღის განმავლობაში ეტაპობრივი შემსუბუქების გეგმა უნდა შეიმუშაონ. პრინციპში, მისი მონახაზები უკევ არსებობს. ერთბაშად არ უნდა გაიხსნას და...

მიკროსაფინანსოების მიერ დასაკუთრებული ქონება 7 მლნ-მდეა

მიკროსაფინანსოების მიერ დასაკუთრებული ქონება 7 მლნ-მდეა
access_time2021-01-18 13:10:13
მიკროსაფინანსო სექტორში უპასუხისმგებლო მსესხებლის კუთვნილი ქონება 7 მლნ-მდეა შემცირებული. სექტორს პანდემიის საგაზაფხულო ტალღისას მარეგულირებლის დავალებით ნამეტი რეზერვი აქვს შექმნილი. Q2/2020-ისთვის, სასესხო დანაკარგებზე 129 მლნ-ის ბუფერი ჰქონდა და 3 კვარტლის მდგომარეობით, 1 ოქტომბრისთვის, 108 მლნ-მდეა შემცირებული. 7 მლნ-ის ½-ზე მეტი მსხვილ მოთამაშეებზე მოდის, თუმცა ზუსტი წილი ვერ გამოითვლება რადგან "რიკო კრედიტს" ანგარიშგებაში...

რამდენიმეთვიანი პაუზის შემდეგ Air Arabia საქართველოს ავიაბაზარზე ბრუნდება

რამდენიმეთვიანი პაუზის შემდეგ Air Arabia საქართველოს ავიაბაზარზე ბრუნდება
access_time2021-01-18 12:01:04
რამდენიმე თვიანი პაუზის შემდეგ, არაბული ავიაკომპანია Air Arabia საქართველოს ავიაბაზარზე ბრუნდება.საქართველოში Air Arabia-ს ოფიციალურ სავაჭრო აგენტ კომპანია GASA-ში (გასა) განმარტავენ, რომ Air Arabia 23 იანვრიდან, (უკვე დამტკიცებულია განრიგი თებერვლის ჩათვლით) პირდაპირ რეისებს განაახლებს შარჯა-თბილისი-შარჯა, მიმართულებაზე. ფრენები კვირაში ერთი სიხშირით, ყოველ შაბათს შესრულდება.ბილეთების ღირებულება 237 დოლარიდანაა.30 დღიანი ტურისტული ვიზის ღირებულება კი 89...

საქართველოში კორონავირუსით ინფიცირების 780 ახალი შემთხვევა დაფიქსირდა

საქართველოში კორონავირუსით ინფიცირების 780 ახალი შემთხვევა დაფიქსირდა
access_time2021-01-17 10:55:27
ბოლო 24 საათში ქვეყნის მასშტაბით ჩატარდა 9 083 კვლევა ტესტით, მათ შორის 4 796 კვლევა ანტიგენის ტესტით და 4 287 PCR ტესტით. ჩატარებული ტესტირების შედეგად, ბოლო 24 საათში გამოვლინდა ვირუსით ინფიცირების 780 ახალი დადასტურებული შემთხვევა, ხოლო ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 247 805-ს. ბოლო 24 საათში ვირუსისგან გამოჯანმრთელდა 1 608 პირი, ხოლო ჯამში გამოჯანმრთელებულთა რაოდენობა გაიზარდა...


მსგავსი სიახლეები

up