ედიშერ მამალაძე - ხარისხის სტანდარტის ამაღლებამ ბაზრიდან ავტომატურად განდევნა უხარისხო პროდუქცია  და ადგილობრივი წარმოება გაზარდა

ედიშერ მამალაძე - ხარისხის სტანდარტის ამაღლებამ ბაზრიდან ავტომატურად განდევნა უხარისხო პროდუქცია და ადგილობრივი წარმოება გაზარდა

access_time2019-07-25 09:05:40

ქართული კაბელის წარმოებაში ხარისხის ევროპულ სტანდარტთან დაახლოებამ ბაზრიდან უხარისხო პროდუქცია ავტომატურად განდევნა და ადგილობრივი წარმოების ზრდას შეუწყო ხელი, – ამის შესახებ კომპანია „საქკაბელის“ მმართველმა პარტნიორმა, ედიშერ მამალაძემ საქართველოს პირველი არხის გადაცემა „ბიზნესპარტნიორში“ განაცხადა.გადაცემაში კაბელის წარმოების პრობლემები და პერსპექტივები განიხილეს.


როგორც ედიშერ მამალაძემ განაცხადა, მოკვლევამ გამოავლინა, რომ ბაზარი ყველანაირი პროდუქტით იყო გაჯერებული, ხარისხიანი თუ უხარსიხო.


„არსებობდა მოსაზრება, რომ ბაზარმა თავისი თავი თვითონ უნდა დაარეგულიროს. ეს რთულია მაშინ, როცა ხელში არანაირი ბერკეტი არ გაქვს. ჩვენ აქცენტი მაინც სტანდარტზე გავაკეთეთ, ვინაიდან ვიცოდით, რომ ევროკავშირთან თავისუფალი ვაჭრობის ხელშეკრულების ფარგლებში, ადრე თუ გვიან, ევროპის ბაზარი გაგვეხსნებოდა. შესაბამისად, ამისთვის მზადება თავიდანვე დავიწყეთ. ბაზარზე უხარისხო პროდუქციას ვერაფერი მოვუხერხეთ, სანამ ხარისხის სტანდარტი არ გავზარდეთ“, – განაცხადა მამალაძემ.


მისი განმარტებით, კაბელის მწარმოებელმა კომპანიებმა წარმოების სტანდარტი ევროკავშირის სტანდარტს საკუთარი ინიციატივით დაუახლოვეს. კომპანიებმა სახელმწიფოს სთხოვეს, ევროკავშირთან ასოცირების ხელშეკრულებით გათვალისწინებული ხანძარუსაფრთხოების რეგულაციის ამოქმედების ვადა 2020-დან 2018 წელს გადმოეწია. შედეგად, ადგილობრივი ბაზარი უფრო დაცული გახდა.



„მწარმოებლებმა წარმოების სტანდარტი ავამაღლეთ და სახელმწიფოს ვუთხარით, რომ უკვე გვაქვს სოციალური პასუხისმგებლობა და მზად ვართ, ხარისხიანი პროდუქცია ადგილობრივ ბაზარს ფასის გაუძვირებლად მივაწოდოთ. ეკონომიკის სამინისტრომ მხარი დაგვიჭირა და 2018 წლის დეკემბერში შემოიტანეს ხანძარუსაფრთხოების ნორმა, რაც 2020 წელს უნდა ამოქმედებულიყო. ამას ნეგატიური მოვლენებიც უსწრებდა წინ, როდესაც უხარისხო პროდუქციის გამო, ხანძარი გაჩნდა და ამასთან დაკავშირებით, რეგულაციები შემოვიდა. სერტიფიცირების პროცესი სრულად 2019 წლიდან ამოქმედდა და როგორც საქართველო ვერ შეიტანს ევროპაში არასერტიფიცირებულ პროდუქციას, ისე საქართველოში ვერ შემოვა არასერტიფიცირებული კაბელი. კაბელი, რომელსაც ხანძარუსაფრთხოება გავლილი არა აქვს, არ აწერია მწარმოებელი და ზოგადად, თუ პროდუქტის მწარმოებელი და მიკვლევადობა შესაძლებელი არ იქნება, ასეთი პროდუქტი ბაზარზე აღარ დაიშვება“, – განმარტა მამალაძემ.


მისი შეფასებით, მცდარია ფართოდ გავრცელებული მიდგომა, რომ ხარისხის სტანდარტის ზრდა ინდუსტრიასა და ბაზარზე უარყოფითად აისახება, რადგან ხარისხის ზრდით ადგილობრივი წარმოება მხოლოდ ვითარდება.


„დღეს უკვე კაბელის სამი წარმოება მუშაობს საქართველოში. მათ გარკვეულწილად საკუთარ თავზე აიღეს ტვირთი, რაც ადრე იმპორტზე მოდიოდა. ეს ინდუსტრია კონკურენტუნარიანი და საინტერესო რომ არ იყოს, არავინ გახსნიდა კაბელის წარმოებას, რომელსაც დიდი კაპიტალდაბანდება სჭირდება. ხარისხის ზრდამ მოთხოვნისა და შესაბამისად, რეალიზაციის ზრდა გამოიწვია. ის უხარისხო პროდუქცია ავტომატურად განიდევნა ბაზრიდან და ადგილობრივი წარმოება გაიზარდა. სახელმწიფოს მხრიდან ყოველთვის არის შიში, რომ ხარისხის მოთხოვნას თუ გაზრდის, პროდუქცია გაძვირდება და ბაზარზე ცუდად აისახება. ამ დროს ეს ასე არ არის. პროდუქცია ვერ გაძვირდება, რადგან კონკურენცია ძალიან მძაფრია, შენ გააძვირებ, სხვა უფრო იაფად შემოვა. ხარისხის ზრდით ადგილობრივი წარმოება უფრო იზრდება, რაც ლარსაც წაადგება“, – განუცხადა ედიშერ მამალაძემ „ბიზნესპარტნიორს“.


1tv.ge






სამი პუტინი: მემკვიდრე, ოფიცერი, იმპერატორი

სამი პუტინი: მემკვიდრე, ოფიცერი, იმპერატორი
access_time2019-08-17 16:00:29
„ძალაუფლება რყვნის, ხოლო აბსოლუტური ძალაუფლება რყვნის აბსოლუტურად“.                                                                                        ...

„პოზიტიური მესიჯებით ცდილობენ დაასტაბილურონ ლარი. ადამიანები კი სხვა მდგომარეობას აწყდებიან ქუჩაში - საწვავის, პროდუქტის გაძვირებას..."

„პოზიტიური მესიჯებით ცდილობენ დაასტაბილურონ ლარი. ადამიანები კი სხვა მდგომარეობას აწყდებიან ქუჩაში - საწვავის, პროდუქტის გაძვირებას...
access_time2019-08-17 14:00:48
“როგორც არ უნდა ვისაუბროთ სხვადასხვა ფაქოტრებზე და შეცდომებზე, ერთი მნიშვნელოვანი ფაქტორი, რაც ლარის კურსის ვარდნას იწვევს არის ის, რომ ჩვენი ეკონომიკა არ იზრდება იმ დოზით, რა დოზითაც ლარს სჭირდება გასამყარებლად. ამის მაგალითად შეიძლება მოვიყვანოთ 2004-2012 წლები, როცა ლარი მყარდებოდა“, - ამბობს გია ჯანდიერი, „ახალი ეკონომიკური სკოლა - საქართველოს“ ვიცეპრეზიდენტი, რომელიც არც წინა ხელისუფლების შეცდომებზე საუბრისგან იკავებს თავს, თუმცა, თვლის, რომ მაშინდელი ეკონომიკური ზრდის ტემპი...

საქართველოში სასტუმროების ფასი 10%-ით დაეცა

საქართველოში სასტუმროების ფასი 10%-ით დაეცა
access_time2019-08-17 12:00:09
მიუხედავად მოლოდინებისა, რომ წელს, ზაფხულის სეზონზე ტურისტების შემოდინება შემცირდებოდა, რაც საქართველოს ეკონომიკაზე უარყოფითად აისახებოდა, ოფიციალური მონაცემებით, 2019 წლის მე-2 კვარტალში საერთაშორისო არარეზიდენტი მოგზაურების 2.2 მილიონი შემოსვლა დაფიქსირდა, რაც წინა წლის ანალოგიურ მაჩვენებლთან...

“კომერსანტის“ ბიზნეს მიმომხილველი ჯაბა დიხამინჯია: კომპანია Yext, Inc-ი ახალი სიტყვა უზარმაზარ საძიებო ბიზნესში

“კომერსანტის“ ბიზნეს მიმომხილველი ჯაბა დიხამინჯია: კომპანია Yext, Inc-ი ახალი სიტყვა უზარმაზარ საძიებო ბიზნესში
access_time2019-08-16 20:30:06
მოგესლამებით. მინდა გაუწყოთ რომ 17 ივლისს JDinvesment ის პორტფელს დაემატა კიდევ ერთი, ჩვენი აზრით, პერსპექტიული კომპანია. ეს კომპანია არის ტექნოლოგიური კომპანია და ქმნის პროდუქტს რომელიც, დღევანდელ ინტერნეტ სივრცეში დიდ საჭიროებას წარმოადგენს. ამაში ადვილად დავრწმუნდებით ცოტა ხანში, როდესაც ამ კომპანიის ფუნდამენტალური ანალიზით დავკავდებით. შევეცდები მაქსიმალურად იოლად ავხსნა კომპანიის ბიზნესმოდელი და მისი ფინანსური მაჩვენებლები. ასე დაგანახოთ საინვესტიციო უპირატესობები. გვეწვიეთ საიტზე...

აფხაზეთის ავტონომიური რესპუბლიკის მთავრობამ შვიდი ავტომობილის ექსპლუატაციაზე 89,924.53 ლარი დაიხარჯა

აფხაზეთის ავტონომიური რესპუბლიკის მთავრობამ შვიდი ავტომობილის ექსპლუატაციაზე 89,924.53 ლარი დაიხარჯა
access_time2019-08-16 19:30:37
სახელმწიფო აუდიტის სამსახური აფხაზეთის ავტონომიური რესპუბლიკის მთავრობისა და მასთან არსებული ორგანიზაციების მიერ სამსახურებრივი სარგებლობის ავტომანქანების ექსპლუატაციის პროცესში საბიუჯეტო სახსრების არამიზნობრივი ხარჯვისა და ავტომანქანების არაეფექტიანად გამოყენების რისკებზე მიუთითებს. კერძოდ, აფხაზეთის ავტონომიური რესპუბლიკის მთავრობისა და მასთან არსებული ორგანიზაციების ფინანსური აუდიტის ანგარიშში აღნიშნულია, რომ გასულ წელს სამსახურებრივი სარგებლობის სამორიგეო...


მსგავსი სიახლეები

up