ეჭვიც არ მეპარება, რომ სენატორების ამ წერილის უკან ლობისტები დგანან - თემურ ბასილია

ეჭვიც არ მეპარება, რომ სენატორების ამ წერილის უკან ლობისტები დგანან - თემურ ბასილია

access_time2020-05-18 10:00:16

ამერიკელი სენატროების და კონკრესმენების მიერ შეერთებული შტატების სახელმწიფო მდივან მაიკ პომპეოსთან და ფინანსთა მინისტრ, სტივენ მნუჩინთან მიმართვას „კომერსანტთან“ აშშ-ში მცხოვრები ფინანსისტი თემურ ბასილია აფასებს. მისი განცხადებით, როდესაც რამდენიმე სენატორი თავისი ქვეყნის საგარეო და ფინანსური უწყებების ხელმძღვანელებს მიმართავს ეს ძალიან საყურადღებო ფაქტია. ეს ნიშნავს, რომ ამ უწყებებმა უნდა შეისწავლონ წერილში მოყვანილი ფაქტები და ავტორებს შესაბამისი პასუხი მისცენ.


ბასილიას განცხადებით, ამ შესწავლის შემდეგ თუნდაც არ დადასტურდეს მოყვანილი ბრალდებები, საქართველოს რეპუტაცია უკვე შეილახა და ქვეყანას ზიანი უკვე მიადგა. ახლა აუცილებელია, რომ საქართველოს ხელისუფლება იყოს მაქსიმალურად გახსნილი და ქართველმა სამართალდამცავებმა ამერიკელ კოლეგებთან ერთად დეტალურად შეისწავლონ ეს ბრალდებები. ეს აუცილებელია, რათა ქვეყანას კიდევ უფრო დიდი ზიანი არ მიადგეს.


„ეჭვიც არ მეპარება, რომ სენატორების ამ წერილის, ისევე როგორც, სხვა წერილების უკან რომლებიც შეერთებული შტატებიდან და ბრიუსელიდან გამოიგზავნა, ლობისტები დგანან. ხოლო, ეს ლობისტები კი, დღევანდელი ხელისუფლების არაკეთილმოსურნეების მიერ არიან დაქირავებულნი. მარტივი კითხვა ჩნდება: რას აკეთებენ ხელისუფლების მიერ დაქირავებული ლობისტები, რომლებსაც მილიონობით დოლარს უხდიან, ვინ მუშაობს მათთან, რა დავალებებს აძლევენ მათ. ეს მართლაც საინტერესო თემაა“,  აღნიშნავს ბასილია.


რაც შეეხება წერილის იმ ნაწილს, სადაც საუბარია იმაზე, რომ საქართველო, წლების განმავლობაში იყო ცნობილი, როგორც ირანზე დაწესებული აშშ-ის სანქციების თავის დაძვრენის გზა და მაგალითად მოყვანილია 2013 წელს საქართველოში ირანის სამი მოქალაქის მიერ მცირე ზომის ბანკის ოპერირება, რომელიც ფინანსურ გადარიცხვებთან იყო დაკავშირებული, ბასილია აცხადებს, რომ ეს ახალი ამბავი არ არის და რამდენიმე წლის წინ აღნიშნული ფაქტის შესახებ მასაც უთხრეს ამერიკელმა მეგობრებმა, რომლებიც წარმოშობით ახლო აღმოსავლეთიდან არიან.



„ეს იმდენად სერიოზული ხალხია, რომ ეჭვიც არ მეპარება ამ სამწუხარო ფაქტის რეალობაში. დიახ, ასეთი ფაქტები არა მხოლოდ საფინანსო სექტორის იმიჯზე მოქმედებს უარყოფითად, არამედ, უშუალოდ ქვეყანაზეც. მე როგორც ვიცი, კონკრეტულ საბანკო დაწესებულებაზე იყო საუბარი; ამიტომაც ეს სრულებითაც არ არის ეჭვი, ეს სერიოზული ბრალდებაა, რომელიც ხელისუფლებამ უნდა გამოიძიოს და მასზე სერიოზული პასუხი გასცეს“,  აცხადებს ბასილია.


კითხვაზე, რომელი საფინანსო ინსტიტუტი შეიძლება მოიაზრებოდეს, ამის შესახებ ბასილია ვერ საუბრობს, თუმცა, აცხადებს, რომ აღნიშნული საქმე 3-4 წლის წინანდელია და თემაც დახურულია.


„როგორც ვიცი ეს იყო ბანკი, რომელსაც ასევე ჩემი ინფორმაციით ლიცენზია ჩამოართვეს და დახურეს. ეროვნულმა ბანკმა უნდა გასცეს პასუხი დღეს, ასეთ ბანკს რატომ მისცეს თავის დროზე ლიცენზია“,  განმარტავს თემურ ბასილია.


შეგახსენებთ,15 მაისით დათარიღებულ წერილში, რომელიც სენატორმა კრუზმა გამოაქვეყნა, წერენ, რომ შეშფოთებული არიან საქართველოში მმართველობის პრობლემების, კერძოდ „ამერიკის მეტოქეებთან და მტრებთან, მათ შორის ირანთან საქართველოს უკანონო ფინანსური კავშირების“ გამო, რაც საფრთხეს უქმნის აშშ-ის ეროვნული უსაფრთხოებისა და ბიზნესის ინტერესებს.


საუბარია ამერიკული ნავთობმომპოვებელი კომპანიის, ფრონტერას ინტერესებზე, რომელთანაც კონტრაქტი საქართველოს ნავთობისა და გაზის სახელმწიფო სააგენტომ, საარბიტრაჟო ტრიბუნალის გადაწყვეტილების შემდეგ გაწყვიტა. ქართული მხარე აცხადებდა, რომ არბიტრაჟის დადგენილებით, „ფრონტერა რისორსიზ ჯორჯია კორპორეიშენ”-მა არსებითად დაარღვია კონტრაქტი, რაც სახელმწიფოს კონტრაქტის შეწყვეტის უფლებას ანიჭებდა.


სახელმწიფო მდივნისა და ხაზინის მდივნის მისამართით გაგზავნილ წერილში ასევე ნახსენებია ანაკლიის ღრმაწყლოვანი პორტისა და ამერიკული კონტი ჯგუფის თემაც.





„ნიკორა“ ზარალზეა - შეძლებს თუ არა კომპანია მოემსახუროს ობლიგაციონერებს

„ნიკორა“ ზარალზეა - შეძლებს თუ არა კომპანია მოემსახუროს ობლიგაციონერებს
access_time2020-08-12 17:20:01
„ნიკორა ჯგუფი“ ზარალზეა - კომპანიამ, რომლის ბრუნვა წინა წლებში ნახევარ მილიარდს აღემატებოდა, 2019 წელს მოგებაზე გასვლა ვერ შეძლო და წელი 8.2 მლნ ლარის ზარალით დაასრულა. აღსანიშნავია, რომ თიბისი კაპიტალის დახმარებით სს ნიკორამ საჯარო ემისიის სახით 2019 წელს 28 მილიონი ლარის ოდენობის ობლიგაციები განათავსა. ფასიანი ქაღალდები საქართველოს საფონდო ბირჟაზე დაილისტა. როგორც ლარის სხვა საჯარო ობლიგაციები, სს ნიკორას ეს ობლიგაციებიც საქართველოს ეროვნულ ბანკშია დაგირავებადი, რაც ინვესტორ კომერციული...

არჩილ კაიკაციშვილი: „ლიდერფუდის“ საქმეში ექსპერტიზით გამოვლენილი ორი კონვერტის არსებობა სარჩელის ჩაბარების ფაქტს ისევ გამორიცხავს

არჩილ კაიკაციშვილი: „ლიდერფუდის“ საქმეში ექსპერტიზით გამოვლენილი ორი კონვერტის არსებობა სარჩელის ჩაბარების ფაქტს ისევ გამორიცხავს
access_time2020-08-12 14:20:03
დამოუკიდებელი სასამართლო ექსპერტიზის ახალი დასკვნა, რომელიც „ლიდერფუდის“ საქმეში გამოჩნდა, კიდევ ერთხელ გვიმყარებს რწმენას, რომ ორგანიზაციამ სწორი დასკვნები გააკეთა სარჩელის და მასზედ თანდართული მასალების ჩაბარების საკითხზე და შეუძლებელი, სასამართლომაც სათანადო დასკვნები არ გააკეთოს, იმის თაობაზე, თუ ვინ ვის რა შინაარსის წერილი ჩააბარა 2019 წლის 22 მაისს. ამის შესახებ ორგანიზაცია „ახალგაზრდა ადვოკატების“ ხელმძღვანელმა, არჩილ კაიკაციშვილმა, კომპანია „ლიდერფუდის“ მოქმედი და ყოფილი...

რამ გადააწყვეტინა თამაზ გაიაშვილს პოლიტიკაში წასვლა

რამ გადააწყვეტინა თამაზ გაიაშვილს პოლიტიკაში წასვლა
access_time2020-08-12 18:10:42
„თუ იძულებულს არ ხდიან, პოლიტიკაში მოსვლის სურვილი არცერთ ბიზნესმენს აქვს“ — ამის შესახებ, ბიზნესმენი, „აირზენა - ჯორჯიან ეარვეისის“ დამფუძნებელი - თამაზ გაიაშვილი 2015 წელს „პალიტრა TV-ს“ გადაცემაში ბიზნეს PRESS-ი მიცემული ინტერვიუში აცხადებდა. დღეს პოლიტიკური გაერთიანება ლელოს გუნდს თამაზ გაიაშვილი შეუერთდა, რომელმაც პოლიტიკაში მოსვლა გადაწყვიტა. ბრიფინგზე ის „ლელოს თავმჯდომარემ, მამუკა ხაზარაძემ წარადგინა. მამუკა...

„შრომის კოდექსთან დაკავშირებული გადაწყვეტილებები არა კანონპროექტის ავტორის ემოციურ მდგომარეობასა და განწყობას, არამედ მაღალ დონეზე მომზადებულ აკადემიურ კვლევას უნდა ეფუძნებოდეს"

„შრომის კოდექსთან დაკავშირებული გადაწყვეტილებები არა კანონპროექტის ავტორის ემოციურ მდგომარეობასა და განწყობას, არამედ მაღალ დონეზე მომზადებულ აკადემიურ კვლევას უნდა ეფუძნებოდეს
access_time2020-08-12 12:00:17
საქართველოს ბიზნეს ასოციაცია საქართველოს პარლამენტში შრომის კოდექსის საკანონმდებლო პაკეტთან დაკავშირებით მიმდინარე განხილვას კიდევ ერთხელ ეხმიანება, კერძოდ, ასოციაციაში აცხადებენ, რომ: „საქართველოს პარლამენტის ჯანმრთელობის დაცვისა და სოციალურ საკითხთა კომიტეტის მიერ შრომის კოდექსთან დაკავშირებული საკანონმდებლო პაკეტის მეორე მოსმენით მხარდაჭერა სულ მცირე ალოგიკურად გამოიყურება იმ ფონზე, როცა კონონპოექტის ინიციატორმა არ გაიზიარა არც თავად წამყვანი კომიტეტის მიერ პირველი მოსმენის დროს...

იყიდის თუ არა რუსული „ინტერ რაო“ „თელასში“ დარჩენილ წილს - კომპანიის პასუხი

იყიდის თუ არა რუსული „ინტერ რაო“ „თელასში“ დარჩენილ წილს - კომპანიის პასუხი
access_time2020-08-12 16:10:36
საპარტნიორო ფონდი“ სს „თელასის“ კაპიტალში კუთვნილი აქციების წილის - 24.5%-ის გასასხვისებლად საჯარო აუქციონს აცხადებს. „საპარტნიორო ფონდის“ ინფორმაციით, საჯარო აუქციონის საწყისი ფასი შეადგენს 10 511 211.08 აშშ დოლარის ექვივალენტს ლარში. „ბიჯის ოდენობაა 50 000 ლარი. აუქციონის დროს დაფიქსირებული ფასი დაკონვერტირდება აშშ დოლარებში აუქციონის გამოცხადების დღისთვის ეროვნული ბანკის მიერ დადგენილი გაცვლითი კურსის შესაბამისად. საჯარო აუქციონი 2020 წლის 10...


მსგავსი სიახლეები

up