2021 წლის მარტში საიტ EastFruit -მა ყოფილი სსრკ-ს რამდენიმე ქალაქში, მათ შორის თბილისში, ქსელურ სუპერმარკეტებში ხილ-ბოსტნეულით ვაჭრობის საკითხები შეისწავლა.
მაღაზიების ხილ-ბოსტნეულის განყოფილებები რამდენიმე კრიტერიუმით ფასდებოდა - ისეთებით, როგორც პროდუქციის ასორტიმენტი, ხარისხი, მომსახურეობა, პერსონალის კომპეტენტურობა, ფასები, უვარგისი პროდუქციის წილი, და ა.შ.
კვლევის თანახმად, თბილისის სუპერმარკეტებში ხილ-ბოსტნეულის ხარისხი საკმაოდ დაბალია, რადგანაც ფერმერები და გლეხები პროდუქციის შენახვის ტექნოლოგიებს ჯერ-ჯერობით არ ფლობენ. თუმცა, არის კიდევ ერთი ფაქტორი - სუპერმარკეტების ადმინისტრაციები ნაკლებად ხარისხიან პროდუქციას შეგნებულად იბარებენ შედარებით დაბალი ფასის გამო.
2021 წლის მარტში ხილ-ბოსტნეულის ხარისხის კუთხით ლიდერები Spar და Libre – ქსელები, რომლების სხვა მიმართულებებით აუთსაიდერები არიან. შემდეგი ადგილები „ნიკორამ“ და „ორმა ნაბიჯმა“ დაიკავეს. ტრადიციული ლიდერები კი - Goodwill, Agrohub და Carrefour – ან კვლევაში ბოლო ადგილებზე აღმოჩნდნენ.
ეს რაც შეეხება თავად პროდუქტების ხარისხს, მაგრამ სხვა კრიტერიუმებით სურათი განსხვავებულია - ხილ-ბოსტნეულის განყოფილების კომფორტულობის, მომსახურეობის დონის და საქონლის წარდგენის კუთხით Carrefour, Agrohub და Fresco ლიდერობენ.
ფასების კვლევა რამდენიმე ძირითად პროდუქტს შეეხებოდა - ვაშლს, ბანანს, ფორთოხალს, მანდარინს, კივის, კომბოსტოს, ხახვის, სტაფილოს, ჭარხალს, კარტოფილის, პომიდორის, და კიტრის.
ამ მხრივ ლიდერები Ori Nabiji, Spar, Libre და Nikora. ეს ტრადიციული განაწილებაა - Ori Nabiji და Libre, რომლებიც ხილ-ბოსტნეულზე დაბალი ფასებით წლების მანძილზე გამოირჩევიან. შედარებითი სიახლეა რეიტინგში Spar-ს და Nikora-ს გამოჩენა, რადგანაც ეს ქსელები ტრადიციულად მაღალი ფასებით გამოირჩევიან.
ასევე ტრადიციულად, ხილ-ბოსტნეული თბილისში ყველაზე ძვირი Goodwil-შია.
პროდუქციის ასორტიმენტის მრავალფეროვნების მხრივ პირველ ადგილზეა Agrohub, შემდეგია „ნიკორა“. თუმცა, აღსანიშნავია, რომ მა ქსელის მეორე ფორმატი „ნიკორა XL“ ამ კრიტერიუმის შეფასების კუთხით ბოლო ადგილზე აღმოჩნდა. ამის მიზეზია მოცემული ფორმატის მარკეტების შედარებით მცირე ფართი, რის გამოც, ხილ-ბოსტნეულის ასორტიმენტიც ნაკლებია.
ასორტიმენტის მხრივ ლიდერთა სამეულში SPAR-ც მოხვდა. აუთსაიდერებს შორის Carrefour, Fresco, Goodwill და Libre.
მთლიანობაში კვლევა ქსელურ სუპერმარკეტებს 4 სეგმენტში ანაწილებს - ოპტიმუმი - მისაღები ხარისხი და დაბალი ფასები, პრემიუმი - მაღალი ხარისხი და მაღალი ფასები, დისკაუნტერი - მისაღები ფასები, ნორმალური ასორტიმენტი, მაგრამ შედარებით დაბალი ხარისხია, და არასასურველი - დაბალი ხარისხი, მცირე ასორტიმენტი, და ამავე დროს მაღალი ფასები.
აღმოჩნდა, რომ ქართული სუპერმარკეტები ძირითადად პრემიუმ და დისკაუნტერ სეგმენტებში მუშაობენ. მსხვილი ქსელები მომხმარებლებს პროდუქციის მაღალ ხარისხს, კარგ სერვისს, ხილ-ბოსტნეულის მოხერხებულ და კარგად ორგანიზებულ განყოფილებებს, მაგრამ ამავე დროს მაღალ ფასებს სთავაზობს.
შედარებით მცირე ფორმატის ქსელები ძირითადად დისკაუნტერების კატეგორიაში შედიან.
საქართველოში თითქმის არავინ მუშაობს ოპტიმუმის ფორმატში, ანუ, მისაღები ხარისხი და დაბალი ფასები, რომელიც მომხმარებელთა მოზიდვის საუკეთესო საშუალებაა. ასე რომ ქართული რითეილის ბაზარზე ეს ნიშა ჯერ კიდევ აუთვისებელი რჩება.
EASTFRUIT.COM
მოამზადა თენგიზ აბლოთიამ
სუპერმარკეტი
