ძვირადღირებული სასტუმროები კლიენტების ნაკლებობას არ უჩივიან – რა ფასებია ქართულ კურორტებზე

ძვირადღირებული სასტუმროები კლიენტების ნაკლებობას არ უჩივიან – რა ფასებია ქართულ კურორტებზე

person access_time2016-07-02 10:12:35

საქართველოში საკურორტო სეზონის მოახლოებასთან ერთად, სულ უფრო აქტუალური ხდება, სად გავატაროთ სასიამოვნოდ შვებულება რთული და დამღლელი სამუშაო წლის შემდეგ. 


რა ღირს საქართველოში დასვენება და რომელ კურორტებს ანიჭებენ ტურისტები უპირატესობას? „კავკაზუს ბიზნეს ვიქმა“ საქართველოს მასშტაბით გამოიკვლია რა დაუჯდებათ როგორც ქართველ, ისე უცხოელ ტურისტებს დასვენება? 

 

ყაზბეგი -„რუმს ყაზბეგი“


„რუმს ყაზბეგის“  ადმინისტრაციაში აცხადებენ, რომ სასტუმროში კვირის სხვადასხვა დღეს სხვადასხვა ფასებია. მაგალითად, სამუშაო დღეებში 2–კაციანი ნომრის ღირებულება 189 დოლარიდან იწყება, პარასკევს-შაბათს კი იგივე ნომრის ღირებულება 236 აშშ დოლარს შეადგენს.   


სასტუმროში ამბობენ, რომ  გასული წლისგან განსხვავებით ფასები არ შეუცვლიათ და დასახელებულ ტარიფში მხოლოდ დილის საუზმე შედის.  რაც შეეხება მოთხოვნას, „რუმს ყაზბეგში“ ამბობენ, რომ ამ დროისთვის უკვე დაჯავშნილია ნომრები. ტურისტების ძირითად ნაწილს კი უცხოელები წარმოადგენენ. მათ შორის, ისრაელიდან, რუსეთიდან და სხვა მეზობელი ქვეყნებიდან. 


სასტუმრო „სანსეტ შოვი"


რაჭაში, ონისრაიონში,ბალნეო-კლიმატურიკურორტი შოვი მდებარეობს , რომელიც თბილისიდან დაახლოებით 300კმ-თაა დაშორებული.კურორტი პოპულარობით სარგებლობს როგორც ქართველ,ასევე უცხოელ ტურისტებშიც. შოვში 2013 წლიდან ევროპული დონის პირველი სასტუმრო„სანსეტშოვი"ფუნქციონირებს. 

სასტუმროში35 ნომერია და 150 ადამიანის განთავსებაა შესაძლებელი. წინა წლებში სასტუმრო სრული დატვირთვით მუშაობდა და წელსაც იგივე მოლოდინია.


სასტუმრომდე მისასვლელი გზა ძირითადად მოასაფალტებულია, გზის ბოლო მონაკვეთის რეაბილიტაციის პროცესი დაწყებულია. გზის ფაქტორი სტუმრებს ნამდვილად არ უშლით ხელს დაინტერესდნენ სასტუმრო "სანსეტ შოვი"-თ. მგზავრობას თბილისიდან შოვამდე დაახლოებით 4-5 საათი სჭირდება.


წინა წლებშისასტუმრო სრული დატვირთვით მუშაობდა.კურორტზე სეზონი 1ივნისიდან დაიწყო და ამ დროისთვის სასტუმრო უკვე დატვირთულია. ასევე იგეგმება, რომ სასტუმრომ იმუშაოს არა მხოლოდ სეზონურად, არამედ მთელი წლის განმავლობაში.


 

„სანსეტ შოვით" ძირითადად ქართველებიინტერესდებიან, თუმცა დიდი წილი დამსვენებლებისა მოდის უცხოელებზეც. რაც შეეხება ფასებს: სასტუმროში დასვენების ღირებულება 60 დოლარიდან იწყება (სტანდარტული ნომერი: ორი უფროსი და ორი მცირეწლოვანი ბავშვი) და ფასში გათვალისწინებულია სამჯერადი კვება, ასევე ანიმატორის მომსახურება,მაგიდის ჩოგბურთი, ბავშვთა საცურაო აუზი, საფეხბურთო მოედანი, ბილიარდი და ასე შემდეგ.

 

კახეთი -"სოლომონი 1805“ 


ტურისტების რაოდენობის მკვეთრ ზრდაზე  და დადებით მოლოდინებზე  საუბრობენ თემურ ჭყონიას სასტუმრო "სოლომონი 1805-შიც". მათი ინფორმაციით, სასტუმრო ბაზარზე უკვე 6 წელია არის და მისი არსებობის ისტორიაში მსგავსი რაოდენობა არ ყოფილა (თუ არ ჩათვლით გახსნის პირველ წელს). სასტუმროს ადმინისტრაცია ამბობს, რომ ძირითადი ზრდა რუსი ტურისტების ხარჯზე მოდის. „უცხოელების და უფრო მეტად, რუსების რიცხვი წელს გასული წლებისგან განსხვავებით გაორმაგებულია,"-აცხადებენ "სოლომონი 1805-ში". მათივე ინფორმაციით, 2 ადგილიანი ნორმის საშუალო ფასი 145 ლარია.


სიღნაღში ტურისტული სეზონი მაისიდან ოქტომბრის ბოლომდე გაგრძელდება. სიღნაღის ტურისტულ ცენტრად ქცევა მიხეილ სააკაშვილის ხელისუფლების პროექტია.


კახეთი - ყვარლის ედემი 


სასტუმრო ქალაქ ყვარლის მახლობლად მდებარეობს. კომპლექსი გარშემორტყმულია მუხნარით, ვენახებითა და ხილის ბაღებით, რაც სტუმარს  აძლევს უნიკალურ საშუალებას გაერიდოს ხმაურს და მშვიდ და მყუდრო გარემოში დაისვენოს. დასასვენებელ კომპლექს „ყვარლის ედემში”  2 კაციანი სტანდარტული ნომრის ფასი სამუშაო დღეებში 255 ლარია, პარასკევ-კვირის დღეებში კი - 275 ლარს შეადგენს. 


სასტუმროს ადმინისტრაციაში ამბობენ, რომ მიმდინარე სეზონზე უკვე საკმაოდ ბევრი ტურისტი ჰყავთ, მათ შორის არიან როგორც ქართველები ისე უცხოელები. თუმცა, მათივე თქმით, მიმდინარე სეზონისთვის ტურისტების კიდვ უფრო ზრდას ვარაუდობენ. 


ბათუმი-სასტუმრო რედისონ ბლუ ბათუმი 


სასტუმრო რედისონ ბლუ ბათუმში  ფასები ყოველდღიურად იცვლება. სასტუმროს ადმინისტრაციაში ამბობენ, რომ  მაგალითად, დღეს 2 ადგილიანი სტანდარტული ნომრის ფასი 187 აშშ დოლარია (საუზმით), თუმცა ამაში არ შედის დღგ-ს ხარჯი. მათი განცხადებით, ამ დროისთვის სასტუმრო  დატვირთულია და ძირითად სტუმრებს უცხოელები წარმოადგენენ.  ადმინისტრაციაში ამბობენ, რომ  ამ დროისთვის  სასტუმროს სტუმრობს როგორც მეზობელი ქვყნების წარმომადგენლები, ისე ტურისტები ევროპიდან, ისრეალიდან და ასე შემდეგ. 

 

ბორჯომი  -Crown plaza 


ტურისტების  საკმარისზე კარგ მაჩვენებლზე საუბრობენ სასტუმრო Crown plaza -ში. როგორც სასტუმროს ადმინისტრატორი აცხადებს, სასტუმრო ყოველდღიურად მასპინძლობს როგორც ქართველ, ისე უცხოელ ტურისტებს. მათი განცხადებით, ყველაზე დიდი რაოდენობით Crown plaza-ს რუსები და უკრაინელები სტუმრობენ.  რაც შეეხება ფასებს, მათი თქმით, 2 ადგილიანი სტანდარტული ნომერი (საუზმით). მათთან 187 დოლარიდან იწყება.  


სვანეთი - სასტუმრო „თეთნულდი“ 


ზაფხულში ზღვასთან ერთად მთაც აქტუალურია. სვანეთში ბოლო წლების განმავლობაში საგრძნობლად იმატა დამსვენებელთა რაოდენობამ. მათ შორის არიან უცხოელი ტურისტები. სვანეთში  მრავლადაა საოჯახო ტიპის სასტუმროები, რომელთა ფასები საშუალოდ 50-დან 170 დოლარამდე მერყეობს. რაც შეეხება 

სვანეთში (მესტიაში) მდებარე სასტუმრო "თეთნულდს,“ იქ 2–ადგილიან სტანდარტულ ნომერს საუზმით 130 ლარიდან სთავაზობენ ტურისტებს. 


ანაკლია-სასტუმრო „ანაკლია“ 


კურორტზე მდებარე სასტუმრო სასტუმრო „ანაკლიის" მენეჯერი ლევან ჩხიკვაძე აცხადებს, რომ კურორტი ზაფხულის პერიოდში დატვირთულია. მისი თქმით, ივლისიდან-სექტემბრის ჩათვლით სასტუმრო სრულად არის ხოლმე დატვირთული, რასაც ვერ ვიტყვით არასეზონზე. როგორც ჩხიკვაძე აცხადებს, კურორტით უფრო მეტად უცხოელები, განსაკუთრებით კი, სომხები ინტერესდებიან. მისი თქმით, ამ დროისთვის სასტუმროში უკვე არიან ტურისტები. 


ჩხიკვაძის თქმით, მიმდინარე სეზონისთვის 2–ადგილიანი სტანდარტული ნომრის ფასი 177 ლარს შეადგენს (საუზმით), ხოლო 3-ჯერადი კვებით -236 ლარს. 

 




ლარი მცირედით გაუფასურდა

ლარი მცირედით გაუფასურდა
access_time2021-08-03 18:00:52
3 აგვისტოს ვაჭრობის შედეგად ლარი აშშ დოლართან მიმართებაში 0.06 თეთრით 3.1048-მდე გაუფასურდა. Bloomberg-ის პლატფორმაზე კი დღის ბოლოს კურსი 3.1065-ზე დაფიქსირდა. დოლარის მსგავსად ლარი ასევე გაუფასურდა ევროსთან, 0.13 თეთრით 3.69.19-მდე, ბრიტანულ ფუნტთან 0.86 თეთრით 4.3247-მდე, თურქულ ლირასთან 0.17 თეთრით 0.3729-მდე, 100 რუსულ რუბლთან 0.55 თეთრით 4.2633-მდე, 1000 სომხურ დრამთან 2.92 თეთრით 6.3566-მდე, აზერბაიჯანულ მანათთან კი უმნიშვნელო 0.01 თეთრით 1.8265-მდე...

დღის TOP 10 მნიშვნელოვანი ამბავი

დღის TOP 10 მნიშვნელოვანი ამბავი
access_time2021-08-03 21:00:09
დღის TOP 10 მნიშვნელოვანი ამბავი:   1. ბიზნესმენების აზრი – იყო თუ არა გახარია „ბოლი“ პრემიერი? ბიზნესმენი დავით ბეგიაშვილი: „ბიზნესს გიორგი გახარიამ ვერანაირი სარგებელი ვერ მოუტანა. ჯერ კიდევ ბიზნესომბუდსმენის პოსტზე, მას სექტორის სასარგებლად ფაქტობრივად არაფერი გაუკეთებია“.   2. ინფლაცია 10–წლიან...

კულუმბეგოვი შეზღუდვების, მათ შორის კომენდანტის საათის შემოღებას ითხოვს

კულუმბეგოვი შეზღუდვების, მათ შორის კომენდანტის საათის შემოღებას ითხოვს
access_time2021-08-03 16:00:25
ალერგოლოგ-იმუნოლოგი ბიძინა კულუმბეგოვი„ფეისბუქის“ პირად გვერდზე გარკვეული შეზღუდვების სასწრაფოდ დაწესების აუცილებლობაზე საუბრობს.   „კომერსანტი“ მის პოსტს უვლელად გთავაზობთ:   „სამედიცინო პირბადე ყველგან, KN95 პირბადე რისკის დაავადების პირებისთვის, ღამის გადაადგილების აკრძალვა, რესტორნები მხოლოდ ღია სივრცეში, 5 ადამიანზე მეტის შეკრების შეზღუდვა, მასიური ტესტირების და ვაქცინაციის ცენტრები...   შეზღუდვები უსწრაფესად ასამოქმედებელია,...

GALT & TAGGART: ინფლაციის ორნიშნა მაჩვენებელს 2022 წლის I კვარტალშიც უნდა ველოდოთ

GALT & TAGGART: ინფლაციის ორნიშნა მაჩვენებელს 2022 წლის I კვარტალშიც უნდა ველოდოთ
access_time2021-08-03 17:00:00
ივლისში ინფლაციის ტემპი კიდევ უფრო დაჩქარდა და ორნიშნულიან მაჩვენებელს 11.9%-ს მიაღწია, რაც 10-წლიანი რეკორდია. ამ ფონზე, Galt & Taggart-ის ეკონომისტი ლაშა ქავთარაძე ინფლაციის ორნიშნა მაჩვენებელს პროგნოზირებს 2022 წელსაც. მისი თქმით, მომდევნო თვეებში ინფლაცია კვლავ ორნიშნა მაჩვენებელზე იქნება და შესაძლოა უფრო მაღალიც იყოს მიმდინარე წლის დეკემბერში. “ივნისის ინფლაციაზე მოქმედი ფაქტორები შენარჩუნდა ივლისშიც, რომელსაც კიდევ ერთი ფაქტი ემატება,...

ონლაინკაზინოების წილმა ინტერნეტშესყიდვებში 67%-ს გადააჭარბა

ონლაინკაზინოების წილმა ინტერნეტშესყიდვებში 67%-ს გადააჭარბა
access_time2021-08-03 15:00:17
ბოლო 10 წელიწადში ინტერნეტშესყიდვების მოცულობა 20-ჯერ გაიზარდა. მკვეთრი ნახტომის მიზეზი Amazon.com-ის ან რომელიმე სხვა მსგავსი საიტის პოპულარობის ზრდა არ გამხდარა. 2020 წელს ბარათებით გადარიცხული 5.458 მლრდ ლარიდან 3.708 მლრდ, ანუ 67.9% ონლაინკაზინოების ანგარიშზე გადამისამართდა. 2011 წელს ბარათებით ინტერნეტშესყიდვების მოცულობამ 185 მლნ ლარი შეადგინა. 2020 წლის დეკემბერში, მხოლოდ 1 თვეში, კაზინოების ანგარიშზე 415 მლნ ლარი ჩაირიცხა. თუ მხოლოდ ქართულ...


მსგავსი სიახლეები

up