პროექტი „თბილისის ინდუსტრიული მემკვიდრეობა“ გულისხმობს გრძელვადიან კვლევით საქმიანობას, რომლის პირველი ეტაპი, თბილისში არსებული ინდუსტრიული ნაგებობების ბაზის შექმნას მოიაზრებს. კვლევის ობიექტი შეიძლება იყოს, მაგალითად, ყოფილი რკინიგზის ჩიხი, ელექტროსადგური, რკინისა და ფოლადის მწარმოებელი საწარმო, ქიმიური წარმოება, ქარხნები და ფაბრიკები, სამრეწველო კომპლექსები.
MUA-ს (Multiverse architecture) არქიტექტურულმა გუნდმა მოიპოვა დაფინანსება პროექტისთვის თბილისის ინდუსტრიული მემკვიდრეობა. როგორც არქიტეტურული კომპანიის წარმომადგენელი თათა გაჩეჩილაძე „კომერსანტთან“ განმარტავს, თბილისის მიტოვებული ყოფილი საწარმოები, რომელთაც ამჟამად დაკარგული აქვთ ფუნქცია, შესაძლოა სამომავლოდ სხვადასხვა საინტერესო სივრცეებად იქცეს.
„ეს იქნება ერთგვარი სახელმძღვანელო დოკუმენტი ამ თემით დაინტერესებული პირებისათვის თუ მხარეებისათვის, სამთავრობო სექტორისათვის, და რა თქმა უნდა არქიტექტორებისა და მომიჯნავე სფეროების სპეციალისტებისათვის. კვლევის საგანია თბილისის მასშტაბით არსებული ბრაუნფილდების/ყოფილი საწარმოო ტერიტორიების/ნაგებობების აღწერა.
დღესდღეობით მსგავსი ობიექტების უმრავლესობას თავდაპირველი დანიშნულება დაკარგული აქვს, მიტოვებულია ან გადაკეთებულია სასაწყობე სივრცეებად.
საწარმოო ტერიტორიების მონახულება, მათი ისტორიული მონაცემების და არსებული ფუნქციების დადგენა, ძირითადი ინფორმაციის მოგროვება და ანალიზი. - ეს არის ჯგუფის ძირითადი ამოცანა. პროექტის განვითარების შემდეგი ფაზები გულისხმობს მოპოვებულ ინფორმაციაზე დაყრნობით გზამკვლევის გამოცემას, გამოფენის მოწყობას, უნივერსიტეტებთან თანამშრომლობის გაგრძელებას, ინტერაქტიული რუკის შედგენას, და სხვადასხვა აქტივობებს, რომლითაც პოპულარიზაციას გავუწევთ თბილისის ინდუსტრიულ მემკვიდრეობას,“ - განმარტავს თათა გაჩეჩილაძე.
როგორც MUA-ში განმარტავენ, პროექტის სამომავლო და ერთ-ერთი ძირეული შედეგია ყოფილი საწარმოო შენონების შესახებ პროფესიული აზრის გადაფასება, ახალი ხედვების ჩამოყალიბება, რაშიც ზემოთ აღწერილ პროცესებში, უმნიშვნელოვანესია მომიჯნავე პოფესიის სპეციალისტების ჩართვა და მათი მხარდაჭერით კვლევის მეთოდების გამრავალფეროვნება. ეს პროცესი, შესაძლოა საფუძვლად დაედოს ყოფილი საწარმოო ნაგებობების კულტურული მემკვიდრეობის საკითხის წინ წამოწევას და რამოდენიმე შენობის კულტურული მემკვიდრეობის ნუსხაში შეტანას.
მარიამ მორგოშია
თბილისის საწარმოები
