„ამ გადაწყვეტილებით ძირი გამოეთხარა სამშენებლო ბიზნესს“ -  „ბაუ სტარის“ დამფუძნებელი ახალ სამშენებლო რეგულაციაზე

„ამ გადაწყვეტილებით ძირი გამოეთხარა სამშენებლო ბიზნესს“ - „ბაუ სტარის“ დამფუძნებელი ახალ სამშენებლო რეგულაციაზე

access_time2019-07-16 09:00:55


„ძირი გამოეთხარა სამშენებლო ბიზნესს. ამდენი რეგულაცია ერთდროულად რომ მოგვაყარეს, გზას აღარ გვიტოვებენ. აღარ ვიცით, როგორ განვაგრძოთ საქმიანობა. ხომ შეიძლებოდა, მთავრობას ეთქვა, მაგალითად 2020 წელს ამოქმედდება ყველა რეგულაცია ერთდროულად და ჩვენც გონივრული ვადა გვექნებოდა ეს ყველაფერი გაგვეთვალისწინებინა. შესაბამისად დაგვეგეგმა ჩვენი ბიზნესებიც. ახლა ერთ პროექტს რომ იწყებ, ორ თვეში გეუბნებიან ვეღარ განაგრძობო... ძალიან რთული ვითარებაა,“— განაცხადა “კომერსანტთან“  სამშენებლო კომპანია „ბაუ სტარის“ დამფუძნებელმა მალხაზ სოლომონიშვილმა.


სამშენებლო დოკუმენტის 20%-ის ცვლილების შემთხვევაში მშენებლობის ნებართვის აღება თავიდან უნდა მოხდეს - ცვლილება უკვე დაამტკიცა და პრემიერმაც მთავრობის დადგენილებას ხელი უკვე მოაწერა.


როგორც „ბაუ სტარის“ დამფუძნებელი  ჩვენთან განმარტავს, მთავრობას ამ დრომდე დეტალურად არ დაუსაბუთებია რეგულაციების მიზანი და სარგებელი. რაც შეეხება ახალი ცვლილებების პაკეტს, დამატებით ბიუროკრატიულ ბარიერს უწოდებს:


„სამშენებლო რეგულაციებში არის ასეთი  პუნქტი, რომელიც პროექტის კორექტირებას გულისხმობს. პირობითად, თუ გაქვს ასაშენებელი 5 სართული და გინდა დაამატო კიდევ 2, წერ განცხადებას, რასაც ან გიდასტურებენ ან არა. არსებითად ახალი ცვლილებაც იმავეს ემსახურება, მაგრამ განსხვავება ვადებსა და პროცედურებშია. ახლა სულ თავიდან უნდა დაიწყო სამშენებლო ნებართვის მისაღებად ბრძოლა, რაც 6-დან 1 წლამდე იწელება. ხომ, წარმოგიდგენიათ საბოლოოდ როგორ დააზარალებს ეს ბიზნესს?!“.


გარდა ბიუროკრატიული ბარიერებისა, მალხაზ სოლომონიშვილი ახალ ცვლილებაში სხვა პრობლემებსაც ხედავს. მისი თქმით, იზრდება ხარჯი და ფინანსური ზარალიც:



„ახალი მშენებლობის ნებართვის ასაღებად, დავით ნარმანიას მერობის დროს, 1 კვ.მ-ზე  გადასახდი 1 ლარი იყო, ახლა ითვლიან კ2 კოეფიციენტის მიხევდით და ფასი შეადგენს 4 ლარს. ესე იგი,  1000 კვ. მეტრზე ადრე გადასახდი 1000 ლარი იყო, დღეს - 5 ათასი ლარი. ახალი ცვლილების მიხედვით, მეორედ რომ მოგიწიოს მთლიანი პროცედურის გავლა, ეს თანხა ორმაგდება. მიღირს, როგორც ბიზნესმენს?!  აცხადებს სოლომონიშვილი.


დეველოპერი დარწმუნებულია, რომ მსგავსი რეგულაციები კონკრეტული ფიზიკური პირების ინტერესებს ემსახურება და ხშირ შემთხვევაში, პრემიერ-მინისტრი მამუკა ბახტაძე დოკუმენტზე ხელს ისე აწერს, მისი შინაარსი ნაკლებად ესმის:


„საღამოს მივლენ ბახტაძესთან, ეტყვიან მოაწერე ხელიო და ესეც აწერს. მერე ხვდებიან რომ არასწორია... ხომ, შეიძლება ჩვენც დაგვიძახონ და გვკითხონ აზრი, იქნებ უკეთესი ვარიანტი შევთავაზოთ, მაგრამ არა - იკრიბებიან ძმაკაცები და წერენ კანონებს. ჩემი აზრით, ვიღაცის ინტერესებს ემსახურება ეს ყველაფერი და მეტი არაფერი. სხვა შემთხვევაში ასე სწრაფად ამდენ რეგულაციას არ შემოიტანდნენ და ჩვენთანაც ექნებოდათ კომუნიკაცია. საბოლოოდ მივალთ იქამდე, რომ ეს ქვეყანა კიდევ უფრო განახევრდება და ორ წელში დავრჩებით მილიონი. გარბის ყველა საქართველოდ და აქვთ კიდეც მიზეზი“  ამბობს  „ბაუ სტარის“ დამფუძნებელი.



ახალი რეგულაციის დეტალებს განგიმარტავთ: 


“სამშენებლო დოკუმენტის იმგვარი ცვლილება, რომელიც ითვალისწინებს შეთანხმებული ობიექტის განაშენიანების ფართობის ცვლილებას 20%-ზე მეტად ან ამ ობიექტის ფუნქციის ცვლილებას, დაუშვებელია. ასეთ შემთხვევაში, მშენებლობის ნებართვის აღების პროცედურა დაწყებული უნდა იქნეს თავიდან, მოქმედი კანონმდებლობის შესაბამისად“ - ნათქვამია დადგენილებაში.

ასევე განაშენიანების ფართობის ცვლილების შეზღუდვა არ ვრცელდება იმ შემთხვევაში, როდესაც მიწათსარგებლობის გენერალური გეგმის უფლებრივი ზონირების ცვლილებით დამკვეთს ერთმევა შესაძლებლობა, ზონის ცვლილებამდე დადგენილი ან კანონმდებლობით დადგენილი წესით მინიჭებული პარამეტრები აითვისოს მშენებლობის ნებართვის აღების პროცედურის თავიდან დაწყების გზით.




სალომე ლემონჯავა





კობა გვენეტაძე - რუსეთის ავიასანქციების გამო ქვეყანამ 300 მილიონით ნაკლები ტურისტული შემოსავალი მიიღო

კობა გვენეტაძე - რუსეთის ავიასანქციების გამო ქვეყანამ 300 მილიონით ნაკლები ტურისტული შემოსავალი მიიღო
access_time2019-12-13 16:33:47
ჩვენი შეფასებით, ავიასანქციების გამო ქვეყანამ 300 მილიონით ნაკლები ტურისტული შემოსავალი მიიღო,- ამის შესახებ საქართველოს ეროვნული ბანკის პრეზიდენტმა, კობა გვენეტაძემ პარლამენტის პლენარული სხდომაზე 2020-2022 წლების ფულად–საკრედიტო და სავალუტო პოლიტიკის ძირითად მიმართულებებზე საუბრისას განაცხადა. კობა გვენეტაძემ მაღალი ინფლაციის მიზეზებზე საუბრისას აღნიშნა, რომ წლის დასაწყისში ინფლაციაზე ერთჯერადი ფაქტორების გავლენას ჰქონდა ადგილი, რაც ეროვნული ბანკის მონეტარულ პოლიტიკაზე...

კინოთეატრ „აპოლოს” რესტავრაცია 2020 წლიდან იგეგმება -ისტორიული შენობა,რომლის ფასადიც ინგრევა

კინოთეატრ „აპოლოს”  რესტავრაცია 2020 წლიდან იგეგმება -ისტორიული შენობა,რომლის ფასადიც ინგრევა
access_time2019-12-13 15:30:31
 კინოთეატრ „აპოლოს“ ფასადი რამდენიმე დღის წინ  ჩამოინგრა,  „კომერსანტი“ დაინტერესდა რა მდგომარეობაშია  ისტორიული შენობა-ნაგებობა და  გიორგი გეგელიას დაუკავშირდა, რომელიც  კინოთეატრ  „აპოლოს“ 100%-იანი წილის  მფლობელია და კომპანია „კონფიდენს გრუპის“ ხელმძღვანელია.  როგორც გეგელია  აღნიშნავს,  შენობის ფასადი  სიცოცხლისთვის საშიში არ არის, რადგან  დაზიანებული ფასადის დემონტაჟი...

„ლიბერთი ბანკის“ სამეთვალყურეო საბჭოში ცვლილებაა

„ლიბერთი ბანკის“ სამეთვალყურეო საბჭოში ცვლილებაა
access_time2019-12-13 13:17:09
„ლიბერთი ბანკის“ სამეთვალყურეო საბჭოში ცვლილებაა.აღნიშნულის შესახებ რეესტრში მონაცემები უკვე აისახა. კერძოდ, სს „ლიბერთი ბანკის“ აქციების 75%-ზე მეტის მფლობელი აქციონერი - „ჯორჯიან ფაინენშალ გრუპ ბი.ვის“ გადაწყვეტილებით, საბჭოს დატოვებს დავით შონია. როგორც რეესტრშია მითითებული, შონიამ წასვლის შესახებ კომპანიას თავად მიმართა. შეგახსენებთ, რომ დავით შონია ბანკის სამეთვალყურეო საბჭოს წევრის თანამდებობაზე 2017 წლის ოქტომბერში აირჩიეს....

WIZZ AIR აანონსებს WIZZ AIR ABU DHABI-ს დაარსების სამომავლო გეგმას

WIZZ AIR აანონსებს WIZZ AIR ABU DHABI-ს დაარსების სამომავლო გეგმას
access_time2019-12-13 09:10:25
Wizz Air-მა, ევროპის ყველაზე ეკო მეგობრულმა და წამყვანმა დაბალბიუჯეტიანმა ავიაკომპანიამ ცენტრალურსა და აღმოსავლეთ ევროპაში, დღეს დააანონსა, რომ აბუ-დაბის დეველოპმენტ ჰოლდინდგის კომპანია PJSC (“ADDH”)-თან პარტნიორობით დაარსდება Wizz Air  Abu Dhabi, არაბთა გაერთიანებული საამიროები. ახლადშექმნილი ავიკომპანია იქნება Wizz Air-ის პირველი ავიახაზი ევორპის...

„გრანთ თორნთონი“: „2019 წელი აუდიტორული კომპანიებისთვის ზრდის წელი აღმოჩნდა“

„გრანთ თორნთონი“: „2019 წელი აუდიტორული კომპანიებისთვის ზრდის წელი აღმოჩნდა“
access_time2019-12-12 18:30:34
რადიო კომერსანტის გადაცემაში „ჩემი აუდიტორი“ „გრანთ თორნთონის“ მმართველმა პარტნიორმა ვახტანგ ცაბაძემ საფინანსო ბაზარზე არსებული ვითარება შეაჯამა. მისი თქმით, 2019 წელი აუდიტორული კომპანიებისთვის ზრდის წელი აღმოჩნდა, რაც ნაწილობრივ, ქვეყანაში ხელისუფლების მხრიდან განხორციელებული რეფორმების დამსახურებაა. „2018 წელთან შედარებით, 2019 წელს ბაზარი კიდევ უფრო გაიზარდა. 2018 წელს პირველად იყო,როცა პირველ და მეორე...


მსგავსი სიახლეები

up